المساعد الشخصي الرقمي

مشاهدة النسخة كاملة : مقارنة بين العايدي والتماتيك في سيارات الدفع الرباعي شاركو معنا



سدرك
15/10/2011, 07:15 PM
ليت يا أخوان تعطونا ما يميز القير العايدي في اللاندكروزر او الباترول او اي جيب
عن القير التماتيك في التطعيس وفي الرباضات وفي البر بشكل عام

فيه كثير يقولون ان كانك راعي بر خذ عايدي!!!

ابي اعرف يعني مثلا لو معي لاندكروزر فكسار تمامتيك
وأخوي معه لانكروزر فكسار عايدي

بيوصل العايدي اماكن في النفود التماميك ما يوصلها؟؟؟!!!!

سدرك
15/10/2011, 07:17 PM
هذا رد من أحد أصحاب القير العايدي:

والله مدري وش الفايدة في القير العايدي ليتنا خذنا تماتيك كان لا عرفنا فحمة كلتش ولا حراق كلتش ولا ريحته

ولاهم يحزنون

ان رقصنا الموتر في تغريزه قويه خرب الكلتش !!!!

أجل وش فايدة العادي في البر

قدر الله وما شاء فعل

الباشاء
15/10/2011, 07:24 PM
بنسة لي جربت نسيان باث فيندر قير عادي ما ينفع ابد .... مادري المكينه اقوى من القير او وش العلم .. الكلتش ما يكمل معاك 8 شهور ودايم خربات التروس في ومثله ما قلت ترقص له يعطب الكلتش معاك ... اما التماتيك ما فيه خراب كثيره .... وتقبل مروري

عاشق السيل
15/10/2011, 08:25 PM
بالنسبة للتماتيك أفضل لأنه مريح وإذا طلعت نفود عالية يرد نمرة بدون مايطيح العزم ،، ولو بغيت القير مايغير أبد خله على 1 وادعس بس لاتنساه ههههههههه

لكن العادي أفضل بقوة العزم خاصة بالأول ويتحمل أكثر من التماتيك خاصة بوقت السحب والنتل !!!

باختصار اللي سواقته راكدة بالبر ياخذ تماتيك بيوديه وين مايبي ،، واللي سواقته فيها جلافة العادي أفضل له ....

برايدوي عنيد
15/10/2011, 09:30 PM
التماتيك تلقى ضغط المكينه بالخط اقل من العايدي

للبر بعض المرات التماتيك شين لانه من ناحيه ترقيص واذا كان تقدر تخليه عايدي زي الفتك لازم انك تقدم بالترجيع قبل المكان بشوي مقدار تقريبا 3 ثواني لانه يبي له وقت ويلقم

العادي لا ماعليك الا رده لنمره ويجاوب معك على طول

بالنسبه للجر والمتل القير التماتيك يتاثر اكثرمن العايدي

طبعا القير العادي ممتاز جدا باللعب بالنفود كالتنفير والدفن , بالنسبه للكلتش واحتراقه اتوقع من العجله شوي بالترقيص تعايط ريحته

وزي ماقال اخونا عاشق السيل اللي راكد ياخذ تماتيك

هذا مالدي وتقبل مروري..

ابو سمر
15/10/2011, 10:01 PM
مقارنات معقولة وصحيحة من الشباب..

اللي سواقته هادئة التماتيك أفضل، أما العجل وراعي النتل والدعس فالعادي أفضل له..

وموفقين إن شاء الله ..

sgl2002
15/10/2011, 11:04 PM
العايدي بالغراز افضل

لانك ممكن ترده ريوس وهو باقي يمشي وتعطيه اثنين عشان يطلع وتلعب بالقير زي ماتبي

بالنسبة للي يقول احترق الكلتش هذا من سوء الاستخدام

تلقاه اذا غرز مغير مشغل الخفيف ويحبس الكلتش او اذا صار بيسحب احد تشوفه معطيه الخفيف ةهذا علط

لان مايعدم الكلتش الا الخفيف

والثقيل اريح للقير والكلتش

يعني اذا صرت ماشي بغراز خله بخفيف

واذا وقفت وغرز مره لاتحشره بالخفيف عطه الثقيل لين يطلع ويتساوى

GMC79
15/10/2011, 11:53 PM
الغشيم ياخذ تماتيك ابرك له ويترك العادي للي يعرفون له

Abo gssar
16/10/2011, 12:02 AM
الان صارت شغلة تماتيك وعايدي تحير من جد في الجيوب
لكن شوف الاف جي مثلا غير اسطورة ان العايدي افضل اللي معهم تماتيك سياراتهم اخف واقوى من العايدي
بس اللي معروف ان العايدي يعطيك فرصة اكبر في التحكم بالغيارات لكن على حساب راحتك لانك منت على طول في البر ولاتنسى زحمة الشوارع والاشارات التماتيك اريح فيها بكثير
باختصار الشغلة في الاخير مجرد رغبة ولا الجيب التماتيك بيوصل للمحل اللي بيوصلة اخوه العايدي الفرق بس في طريقة الاستخدام .

مافيه
16/10/2011, 05:37 AM
بختصار المكاين الجديده قويه بالحيل وتصميمها الاساسي للتماتيك خصوصا الجيوب الي مكاينها v6 واكبر

شف المواتر القديمه التماتيك ياليه يشيل عمره اما العايدي يجوز لك فعله وحاليا اشوف العكس (مع العلم موتري عايدي ولو جا منه تماتيك وصار دارج ماراح اتردد في امتلاكه)

و فيه امر ثاني هو اول ماكان فيه صيانه لقيور التماتيك اذا خرب غيره بواحد جديد وحاليا صيانته اسهل من صيانة القير العايدي بكثير < واسئل اي شايب كبير في السن لحق على سيارات الثمانينات وياكد لك كلامي

والي يقول العايدي افضل في البر هاذي ترجع على نوع السياره وحالياً الغالب ان القير التماتيك اقوى وافضال واريح للسياره في جميع الاحوال

وحالياً نزلت انضمه مهيب موجوده في السابق مثل الدف لوك و الاي تراك كلها تساعد السياره في الاماكن الوعره او في الغراز او التعلق هاذي غير الانضمه المتطوره الي نزلت في الباترول الجديد و الفي اكس ار و جيب اللكزز

يعني معاد له حاجه القير العايد وراحت ايامه وما اقول الا الله يعين الي شراه وفوت على نفسه التماتيك

الا في حاله وحده انه اذا كان مخصص السياره للبر ونادراً مايمشي عليها في المدينه

ابن الاصيل
16/10/2011, 07:09 AM
طبيعي العايدي افضل بالبر بالغراز وباطرد افضل والتماتيك بالزحمه والديره اريح

ضيف الغضا
16/10/2011, 07:20 AM
في السابق ( موديلات أوائل التسعينات ) كانوا يحذرون من الأوتوماتيك في الدفع الرباعي و ذلك لكثرة أعطاله
و عدم تحمله ذلك الوقت و مع الأسف فكثير من الناس لا زال يحمل الفكرة و يتناقلها على أنها
مشكلة استمرت حتى الآن دون أن يجرب و يحكم ... ( مضيع عمره مع العادي )
أما من أواسط التسعينات إلى يومك فالأوتوماتيك أفضل في كل مكان .. في البر و الطرق و المدينة
قوة و راحة و أمان لمحركات السيارة بحيث أنه لا يسمح للسائق بالضغط على المكينة حسب هواه !!
كما أن الأوتوماتيك يتحسس الغراز قبل وقوعه و يقوم بالتبديل إلى نمرة أقوى في حال غفل السائق
أو لم يتمكن لإنشغال يده بجوال أو أكل و شرب فكل ما عليه : دعسة خفيفة على البنزين للتبديل إلى نمرة أقوى
( مع ملاحظة أهمية أو حتمية القير العادي لسيارات التحميل و الطرق الجبلية لعدم ارتفاع حرارته )
هذا و الله يحفظكم و يرعاكم ...

بر وعزبة
17/10/2011, 10:25 AM
أخوي سيدرك
من واقع تجربة شخصية جربنا العايدي والتماتيك
العادي يصلح للديار الصغيرة وإذا أنت من سكان المدن الكبيرة عليك بالتماتيك
حتى لو قالوا لك العادي أفضل من ناحية العزم في النفود والبر
ونكون واقعيين أكثر هل الواحد في البر أربع أيام وبالديرة ثلاثة أيام هذا نجده نادرا بسبب
ظروف العمل وهذا يعطينا أن الاستخدام بالديرة أكثر من البر وعدد أيام الطلعات
تقريبا مرة بالأسبوع وأويام المطر والربيع الخميس والجمعة يعني الاستخدام
الكثير بالديرة يعني وجهة نظري التماتيك أفضل في كل النواحي
من واقع تجربة شخصية جرب العايدي ومن بعدها انتقل للتماتيك ..
دمت سالماً

محب للمكشات
17/10/2011, 10:44 AM
باين من سؤالك ان مو راعي تزويد ... وكل الحالتين القير العادي-والاوتوماتيك يوصلون نفس المشوار
.....

بخصوص التزويد فالقير العادي متفوق بهذا الشي وموفر بعكس القير الاوتوماتيك

حكم مصاقيل
17/10/2011, 02:40 PM
بالنسبه لي يا أخوان انا اشوف العايدي مناسب لأشخاص ندرة وهم هل (( الطرد )) والقنوص اللي يقطعون مسافات طويلة مع الصمدي لأن العايدي يكون أرسى مع الجواد ومع الخطوط البريه فلذلك من وجهة نظري وانا عن نفسي العايدي مناسب لأحتياجاتي ...

لذلك ما أقدر ارجح ايهم أفضل بالنسبة لك أما بالنسبة لي انا فالعايدي أفضل بمية مره

قوقس
17/10/2011, 03:16 PM
القير العادي

تنتع اهم شي^^
الترقيص اذا غرزت ومشكلت الكلتش سوء استخدام
رده نمره لا سمح الله خرب الفرامل ولا شي لان فيه ناس سلمو من حادث بسبب الرد
هذا الي عندي ولا شك ان الاتوماتيك له فوائد تتغلب على العادي من اهمها الراحه لان فيه كبار في السن محتاجينها

يعطيك العافيه على الموضوع الهادف

Shqra
17/10/2011, 05:14 PM
^^^
إعتراااض << دخلت محاكمة هههههه

السلام عليكم ,, إخواني هذا رد بإذن الله وافي لكل المحتارين :)
الناس اللي يقولون العادي أحسن ماخذين تجاربهم على الموديلات القديمة حقت التسعينات ,,
والناس اللي يقولون أوتوماتيك أحسن فأقولهم مو كل الأوتوماتيك ممتاز فيه الزين وفيه الشين ..

لكن اللي أتفق الناس على إنه الأفضل وبلا منازع هو التيبترونيك أو الستيبترونيك إختلفت التسميات والمعنى واحد
هذا قير أوتوماتيك وعادي بنفس الوقت بحيث يمديك ترد نمره وترجعها وزي ماتشوفون عندكم أمثلة واضحه لمصانع كبيرة في العالم توجهت لناقل الحركة هذا ومنها جنرال موتورز , مرسيدس , بي إم دبليو ...إلخ
هذه دلائل على أنها الأفضل , ولكن لو تتدققون هناك ناقلات حركة تيبترونيك تأتي بسبع سرعات أو ثمان سرعات وبدبل كلتش , يعني القير الأول والثالث والخامس والسابع كلتش واحد والقير اثنين واربعه وسته كلتش ثاني
وهذي تفيد في سرعة التبديل السريعه والمساعدة في تبريد القير وقلة خراباته وهذي تجربة شخصيه مني لهذا النوع من ناقلا الحركة مكون من 6 سرعات ماشاء الله تبارك الرحمن .

فحوى الموضوع : أتوماتيك مع خاصية الإنتقال للوضع العادي هو أفضل ناقلات الحركة :)

يريور عيمان
17/10/2011, 06:04 PM
من مميزات العادي انه اعطاله بسيطة و اي ورشة تصلحها لك و بسعر معقول و قطعها رخيص
و في البر ما تخاف عليه من الجور و الجلد

لكن الاوتو اذا خرب انسى
قيمة التوضيب راح تكون غالية جدا و يمكن توصل 10 الاف لبعض السيارات
ناهيك عن المشاكل التي تصاحب القير الاوتو مثل خلط ماء الراديتر بزيت القير

صحيح انك تكره العادي اذا طحت بزحمة و ياكثرها هالايام لكن لكل مميز ضريبته
اخوكم سائق سيارة بقير عادي ^_^

علم162
17/10/2011, 06:36 PM
انا مجرب الاثنين التوماتيك افضل ولايقارن العادي ماله سنع

قائد السريه
17/10/2011, 06:58 PM
انا ما اشوف في التامتيك ميزه الا انه زين في زحمة الرياض فقط لا وعلى خريص والملك فهد بس

العادي غييييير في كل شئ :good2:

volcano
17/10/2011, 08:41 PM
يا عزيزي اللي متعود على التنتيع في الغراز ما راح يعجبه الاوتو

سواق العادي في العادة قليل خبرة ويخاف من الاوتو فيطلع عذاريبه

زمن العادي ولى الى غير رجعة احنا في زمن الاوتو والتبترونيك

شاووووووو

قائد السريه
17/10/2011, 10:03 PM
يا عزيزي اللي متعود على التنتيع في الغراز ما راح يعجبه الاوتو

سواق العادي في العادة قليل خبرة ويخاف من الاوتو فيطلع عذاريبه

زمن العادي ولى الى غير رجعة احنا في زمن الاوتو والتبترونيك

شاووووووو

اجل سواق العادي قليل خبره :D

العنابي 616
18/10/2011, 12:12 AM
صراحة بالنسبة لي أفضل القير العادي
لأنني أتمتع و أنا أسوقه تحس بأنك تتحكم بالسيارة بشكل كامل
و الحمدلله ما أتضايق من الزحمة لأني قليل جدا أروح لأماكن مزدحمة

غواص وقناص
18/10/2011, 01:37 AM
هذا رد من أحد أصحاب القير العايدي:

والله مدري وش الفايدة في القير العايدي ليتنا خذنا تماتيك كان لا عرفنا فحمة كلتش ولا حراق كلتش ولا ريحته

ولاهم يحزنون

ان رقصنا الموتر في تغريزه قويه خرب الكلتش !!!!

أجل وش فايدة العادي في البر

قدر الله وما شاء فعل






جبتها على الجرح الله يوفقك

حوض 2003
18/10/2011, 03:33 AM
الاتوماتيك اريح
و العادي اقوى عزم
واختر ما تريد

رحال السراة
18/10/2011, 04:55 AM
هذا هو نتبووك! في الواقع، جيد جدا! http://aihao.in/kV


أحذر لا أحد يفتح الرابط , حيلة من حيل الهكر لإختراق الجهاز ..
أرجوا من الإدارة الإنتباه إنتشرت مثل هذه الأفعال مؤخرا ...

ددسن 2008
18/10/2011, 08:28 AM
يا عزيزي اللي متعود على التنتيع في الغراز ما راح يعجبه الاوتو

سواق العادي في العادة قليل خبرة ويخاف من الاوتو فيطلع عذاريبه

زمن العادي ولى الى غير رجعة احنا في زمن الاوتو والتبترونيك

شاووووووو



اجل سواق العادي قليل خبره :D


هههههه من جد قليل خبره :eek: لانه ما عرف شاووووو الا هالوقت:p

التماتيك للديره والطريق المستوي وخفيف الحمل ممتاز

اما العادي لكل الظروف .. النفس طويل ومعزول وخبرة السواق تتحكم بتغيرات القير

التماتيك ما يتحمل المراقي لانه يبدل وان حبسته يحتر ويبوش ثم رقعها
العادي تحشره ولا على الخفيف بيطلع حسب مزاجك

التماتيك تحميل ما يصلح تلقى القير على طول شغال تبديل لان حركة الحمل تأثر عليه
اما العادي خله بنمره 2 او 3 واسرح مع هالجواد ماسك نفسه .. اتكلم عن الشاصات
ونيت او جيب

شف التريلات والقلابيات وراه مع استخدموا تماتيك ؟؟؟؟

الطلعات الجبليه التماتيك يحتر يولع لابد توقف تبرده ولا بيخبط .. اسأل اهل الخبره

كلن يدور الراحه ولكن راحة مخباي اولى بالحرص ..

الخلاصه العادي او المانيول بدون كلتش = استعمال بروفيشنال ولكل الظروف
والاوتو للظروف السهله والعاديه ..

حتى سيارات الفورميلا ون عادي بس بدون كلتش:good2:

المزروعي
18/10/2011, 08:32 AM
ليت يا أخوان تعطونا ما يميز القير العايدي في اللاندكروزر او الباترول او اي جيب
عن القير التماتيك في التطعيس وفي الرباضات وفي البر بشكل عام

فيه كثير يقولون ان كانك راعي بر خذ عايدي!!!

ابي اعرف يعني مثلا لو معي لاندكروزر فكسار تمامتيك
وأخوي معه لانكروزر فكسار عايدي

بيوصل العايدي اماكن في النفود التماميك ما يوصلها؟؟؟!!!!


وعليك السلام ورحمة الله وبركاته ,

أخوي العزيز في فرق كبير جدا بين القير العادي و التماتيك , و الفرق بينهن طال عمرك أن القير العادي الشور عندك متى بغيت تدعس إذا في رباضه أو حزم كبير أما القير التماتيك فالشور عنده و ليس عندك لأن الاستجابه للعزم عنده بطيئه جدا و خاصه في الرباضات و الحزوم .

اخوك المزروعي

سدرك
19/10/2011, 04:19 PM
شكرا للجميع على الردود

وننتظر المزيد

وبر الديره
19/10/2011, 04:50 PM
اخوي انا مثلك ابغى جيب فورتشنر ومحتار مع التوماتيك والا العادي مع العلم اني من يوم ماكنت وانا اسوق العايدي ... وبعد ماقريت الردود بصراحه احترت ....

مكشآتي للآخر
19/10/2011, 05:15 PM
انا إشوف التومآتيكـ لابآس بهـ في البر


خصوصآ الي فيـة تيبترونك :) مثل الجمس الجديد
بس يبيلة ترفـعة شوي+بوالين وبسسسسسسسسسس
متكآمل والكامل وجه الله
دفلوك إمآمي وخلفي على ماعتقد+ودبل والتيبترونك يتجاوب معك بسرعه
وللمعلومية الجمس الجديد
مثلا انت ماشي 180 وحاط القير على D
وتبية تيبترونك عآدي انك تحطة على التيبترونك وانت ماشي 170 لانه اول ماتحطة تيب ترونك تحصلة بنمرة
6
وانت عاد تردة نمرة