مشورتكم الله لايحرمكم الاجر ..

[نقاء المطوع]

بسم الله الرحمن الرحيم

حياكم الله ياخوان حبيت استشيركم ومن استشار ماندم

قررت ان شاء الله اشتري لي موتر وبعد الافكار المطروحه خيرة بين فتك ولا شاص ولا جيب ربع تايوتا الفتك موديل 2008 و2009 ولا ابو رافارف سود الجديد والشاص 2011 جديد ونش دفلك بدون رفارف وانا اهم ماعلي اشتري شي يصبر على الجلد والبر والاغراض والتحميل وسعت الصدر ولا ابي كل يومين بورشه تربيط وخراب فلذالك طرحت الموضوع وبي رايكم وانا مابي الاموتر موتر ينشد به الظهر ابي شي 4 سنوات بالكثير وبدفه بالسوق ومنحاش من المستعمل مابي اصلح خراب غيري

وما استغني عن نصايحكم

[عاشق السيل]

شف وأنا اخوك .. الجيوب اللي ذكرتها كلها قوية بالبر وتتحمل الجلد وصبورة جدا وتبي تطربك وين مارحت !!

تبقى القضية على حسب احتياجك ،، فإذا كنت راعي حلال وتحميل واجد خذ الشاص وإذا كان معك ركاب مع عفش خذ الفتك وإذا كنت وحداني وعفشك قليل خذ الربع تويوتا أو نيسان !!!

ورأيي الشخصي إنك تاخذ الفتك لأنه واسع للركاب وشنطته كبيرة للعفش ومكينته قوية للنفود وسيارة معروفة جدا بالصبر والتحمل ،،

والله يوفقك للي فيه الخير والصلاح ....

[نقاء المطوع]

شف وأنا اخوك .. الجيوب اللي ذكرتها كلها قوية بالبر وتتحمل الجلد وصبورة جدا وتبي تطربك وين مارحت !!

تبقى القضية على حسب احتياجك ،، فإذا كنت راعي حلال وتحميل واجد خذ الشاص وإذا كان معك ركاب مع عفش خذ الفتك وإذا كنت وحداني وعفشك قليل خذ الربع تويوتا أو نيسان !!!

ورأيي الشخصي إنك تاخذ الفتك لأنه واسع للركاب وشنطته كبيرة للعفش ومكينته قوية للنفود وسيارة معروفة جدا بالصبر والتحمل ،،

والله يوفقك للي فيه الخير والصلاح ....

الله يجزاك خير على المرور لاكن الفتك ممتاز بس يعيبه تهردله مع الوقت على الجلد والمطانيج مع الوقت يبيله تربيبط وغير كذا انا ودي بشي يوسع صدري بالبر ويطرب خاطري ولاكن اذا على الحلال لا والله منيب راعي حلال بس ودي اذا طلعت مثلا نفود جبت معي ارطى واذا ابعدت يصير شد وجلس به بالحوض والفتك رادني عنه اخوي معه واحد 2007 وماش مامدحه يقول بالجلد والمطانيج يقول احس به اصوات لاكن الله يكتب الصالح

[عاشق السيل]

الله يجزاك خير على المرور لاكن الفتك ممتاز بس يعيبه تهردله مع الوقت على الجلد والمطانيج مع الوقت يبيله تربيبط وغير كذا انا ودي بشي يوسع صدري بالبر ويطرب خاطري ولاكن اذا على الحلال لا والله منيب راعي حلال بس ودي اذا طلعت مثلا نفود جبت معي ارطى واذا ابعدت يصير شد وجلس به بالحوض والفتك رادني عنه اخوي معه واحد 2007 وماش مامدحه يقول بالجلد والمطانيج يقول احس به اصوات لاكن الله يكتب الصالح

من ناحية التفكك بالباترول هذي إشاعة أكثر من اللازم وماخذينها الناس من الموديلات القديمة لكن الحين الوضع تغير !!!

معي 98 وسوبر بعد ،، كارف والديه بالبر والمطانيج وماشفت إلا كل خير ولله الحمد ،، وإذا المسألة مهابد وتكسير بطفاقة فأي سيارة تفكك حتى الدبابة حقة الحرب هههههههه

وإذا أنت خايف مررررة من النيسان خذ هدد على الأقل أريح من الشاص ،،

الشاص قوي وزين للحطب لكن مشكلته قطعة ظهر وخاصة اللي يطرق البران لساعات طويلة .....

[sgl2002]

حسب تجربتي :

1- الشاص : تحميل + ماتقدر تركب إلا واحد + سواقته متعبة + طويل وبالنفود إذا ماتعرف له بيذبحك بالتعليق+صوف الدبل تخرب+ مستوى الراحة صفر يكرهك بالطلعات + مع الشعبان الضيقة يبهذلك لا بغيت تديور + عزم مجنون

2- الربع تايوتا : نشاط وعزم ( يصلح للمراقى والمقاوم )+ مستوى الأمان صفر + دفرنساته صغار يعني لو تطب بربضة والا غراز شين ماينفع يتعلق بسرعه + متماسك جدا + مشكلة تهريب الصوف حقت الدبل نفس الشاص + لفته ومديوره حلو ينفع بالأماكن الضيقة+ ضيق بزياده ماحد يقدر يركب ورا

3- الفتك : راحة + قوة عزم + وساع + دفرنسات وقير ماتخذلك وين ماكنت ول تطب في أخس مكان مايغرز ولا يتعلق لأن نظام تعليق ممتاز جدا + إذا كثرة كهربته تكثر مشاكله يعني أبو رفارف سود ممتاز

4- الربع الباترول وهذا اللي معي الحين : راحه + مستوى الأمان رهيب + اللفات خذها وأنت مسرع بدون خوف + قوة عجيبة ولاتخاف تتعلق أو تغرز + التفكك بكل السيارات إذا ماحافظت عليها + أوسع من الربع تايوتا وتقدر تركب ناس معك بدون مضايقة + عزم مقبول لكن ماهو زي الفتك أو الشاص والربع تاويتا

5- عندي لك اقتراح : خذ شاص نيسان أريح + قوة ماتحصلها في أي سيارة + سعر رخيص + مواصفات أحلى + راحه + عند البيع تبلش لأنه ماهو مرغوب

[نقاء المطوع]

من ناحية التفكك بالباترول هذي إشاعة أكثر من اللازم وماخذينها الناس من الموديلات القديمة لكن الحين الوضع تغير !!!

معي 98 وسوبر بعد ،، كارف والديه بالبر والمطانيج وماشفت إلا كل خير ولله الحمد ،، وإذا المسألة مهابد وتكسير بطفاقة فأي سيارة تفكك حتى الدبابة حقة الحرب هههههههه

وإذا أنت خايف مررررة من النيسان خذ هدد على الأقل أريح من الشاص ،،

الشاص قوي وزين للحطب لكن مشكلته قطعة ظهر وخاصة اللي يطرق البران لساعات طويلة .....
والله وانا اخوك اذا على الدبابه فانا منيب مكسره بس انا ودي اصل به الحره وواحب مناطق الجبال والجلد ولا احب اسمع حس بالموتر صح اني كل مهذا بصينه بس تصين عن تشيك يفرق ماودي كل ماخذت 4 شهور ادفع به مبلغ وقدره ودي 3 سنين اجلده ودفه بالسوق لاكن بيض الله وجهك على مورورك

[نقاء المطوع]

حسب تجربتي :

1- الشاص : تحميل + ماتقدر تركب إلا واحد + سواقته متعبة + طويل وبالنفود إذا ماتعرف له بيذبحك بالتعليق+صوف الدبل تخرب+ مستوى الراحة صفر يكرهك بالطلعات + مع الشعبان الضيقة يبهذلك لا بغيت تديور + عزم مجنون

2- الربع تايوتا : نشاط وعزم ( يصلح للمراقى والمقاوم )+ مستوى الأمان صفر + دفرنساته صغار يعني لو تطب بربضة والا غراز شين ماينفع يتعلق بسرعه + متماسك جدا + مشكلة تهريب الصوف حقت الدبل نفس الشاص + لفته ومديوره حلو ينفع بالأماكن الضيقة+ ضيق بزياده ماحد يقدر يركب ورا

3- الفتك : راحة + قوة عزم + وساع + دفرنسات وقير ماتخذلك وين ماكنت ول تطب في أخس مكان مايغرز ولا يتعلق لأن نظام تعليق ممتاز جدا + إذا كثرة كهربته تكثر مشاكله يعني أبو رفارف سود ممتاز

4- الربع الباترول وهذا اللي معي الحين : راحه + مستوى الأمان رهيب + اللفات خذها وأنت مسرع بدون خوف + قوة عجيبة ولاتخاف تتعلق أو تغرز + التفكك بكل السيارات إذا ماحافظت عليها + أوسع من الربع تايوتا وتقدر تركب ناس معك بدون مضايقة + عزم مقبول لكن ماهو زي الفتك أو الشاص والربع تاويتا

5- عندي لك اقتراح : خذ شاص نيسان أريح + قوة ماتحصلها في أي سيارة + سعر رخيص + مواصفات أحلى + راحه + عند البيع تبلش لأنه ماهو مرغوب

بيض الله وجهك واذا على بيكرهني على الطلعات فانا معي هائلوكس وكادها وكادتني والحين تفككت انتهت بالعربي والربع شكلي بصرف النظر عنه لانه عفوش ماتقدر تحط شي وممل والفتك والله انه حليو بس قطعه بها شي من الغلاء وناس تقول خذ تايوتا وناس تقول خذ نيسان لاكن الله يكتب الصالح وننتظر بقيت الشباب لتعم الفائدة

[على رمشي تمشي]

الله يكتب لك إلى فيه خير وصالح - عليك بالاستخاره
انا معاي ربع بوليسي 2008 ممتاز جداً والحمد الله ماشي مضبوط معي ولا اني راعي جلد وراعي تطعيس اروح للمكان إلى ابيه واجلس به - وعندي سياره صغيره فكتوريا للأهل مخليها للروحات والعزايم والسفريات والربع لطلعاتي
استخر وشف إلى يسنابك انت من ناحيه روحاتك وجياتك وكرفك وحرصك على السيارة والا كلهن مايحتاج مواتر زينه

[سفاري959]

والله يالغالي حاجتك هي الي تحدد وش تاخذ الربع ما انصحك فيها سواء تايوتا والا نيسان اذا راعي تحميل وعندك موتر للسفريات خذ شاص مستخدم ونظيف واذا الدعوه كشتات وخطوط وصيد خذ فتك ابو رفارف سود والا هدد على حسب رغبتك وبالنسبه لسالفه السياره تهربد او تفكك استحاله موتر توديه للبر وتمسك ردميات وتجلده ما يتفكك اعرف ناس حقين كرف والله انهم يربطون كل فتره وسياراتهم باترولات ولاندات بس اذا انت راعي ردميات طق بالون والهواء من 20 الى 25 وماراح تحس في المطناج ولا راح يتفكك الموتر باذن الله والله يالغالي اني اركب سيارات صغيره ماهي حقت بر واسمع انواع القربعه فيها من زين شوارعنا موفق خير اخوي

[نقاء المطوع]

الله يكتب لك إلى فيه خير وصالح - عليك بالاستخاره
انا معاي ربع بوليسي 2008 ممتاز جداً والحمد الله ماشي مضبوط معي ولا اني راعي جلد وراعي تطعيس اروح للمكان إلى ابيه واجلس به - وعندي سياره صغيره فكتوريا للأهل مخليها للروحات والعزايم والسفريات والربع لطلعاتي
استخر وشف إلى يسنابك انت من ناحيه روحاتك وجياتك وكرفك وحرصك على السيارة والا كلهن مايحتاج مواتر زينه

الله يجزاك خير وبيض الله وجهك

[نقاء المطوع]

والله يالغالي حاجتك هي الي تحدد وش تاخذ الربع ما انصحك فيها سواء تايوتا والا نيسان اذا راعي تحميل وعندك موتر للسفريات خذ شاص مستخدم ونظيف واذا الدعوه كشتات وخطوط وصيد خذ فتك ابو رفارف سود والا هدد على حسب رغبتك وبالنسبه لسالفه السياره تهربد او تفكك استحاله موتر توديه للبر وتمسك ردميات وتجلده ما يتفكك اعرف ناس حقين كرف والله انهم يربطون كل فتره وسياراتهم باترولات ولاندات بس اذا انت راعي ردميات طق بالون والهواء من 20 الى 25 وماراح تحس في المطناج ولا راح يتفكك الموتر باذن الله والله يالغالي اني اركب سيارات صغيره ماهي حقت بر واسمع انواع القربعه فيها من زين شوارعنا موفق خير اخوي


مشكور على المرور بس والله لاكن انا راعي تحميل وراعي خطوط بعيدة ولا ومطانيج يعني بالعربي مارحم الموتر اطرب نفسي بس اصينه كل ماذا وربطه ودي اخذ شي صبوور بالجلد والكرف وبالبر يبيض الوجه لاكن الله يكتب الصالح