يا أهل القصيم بطرقكم الأسبوع الجاي رايح للرياض ودي أفصل توانك وش الورش الزينه عندكم؟

[فرد حمزة]

السلام عليكم ورحمة الله وبركاته

بمشيئة الله الأسبوع الجاي راح للرياض وبمركم ياهل القصيم بالطريق ودي أفصل توانك ماء لموتري
قالوا أن بالقصيم تفصيل زين بالحيل ورخيص ... لكن ما أعرف الورش وأماكنهم
ودي لو توصفونهم لي وتذكرون لي كم ورشة شغله نطيف

أنا أتحراكم ... لاهنتوا يارجال عجلو علي قبل الجمعة ...:)

تحياتي لكم ... أخوكم فرد حمزة

[العيد]

والله يخوي انا من اهل الرياض لكن اذكر واحد من الشباب راح للرس وركب توانك ويمدحهم لكن بالضبط ما اعرف اسم الورشه اكيد هناك معروف عند الشباب اي واحد بتسأله يعطيك خبر وبالتوفيق

[خوي راعي كيف]

وهذي الساعه المباركه اللي تبي تجيبك لنا وعلى العموم فيه في موضوع قديم في المنتدى فصل فيه ابو ناصر

(( راعي كيف )) عن التوانك والطرق المستخدمه فيها على الرابط هذ ولعل وعسى تجوز لك .

http://www.mekshat.com/vb/showthread.php?threadid=688

[فرد حمزة]

العيد
مشكور وماقصرت ...:)
والله يعافيك

******************************
خوي راعي كيف

الله يحييك ويبقيك ،
جزاك الله خير ، وكثر الله من أمثالك ..:)
شفت الموضوع ، وممتاز ... لكن موتري جمس بليزر ... يمكن اللي يفيدني أكثر آخر رد

[فرد حمزة]

يا أهل القصيم ...
ما هذي الهقوة ...!
عموماً قد قيل ( أجعل لأخيك سبعين عذراً ) ...:)

[خوي راعي كيف]

هلا وغلا اخوي فرد حمزه واسف على التاخير في الرد لاني ماجلست على الجهاز من فتره.

بس مادري مافهمت وش اللي غيته بالضبط.

[فرد حمزة]

حياك الله أخوي ...خوي راعي كيف

أنت ماقصرت وتطلاك البيضاء ،،، :)

أنا أتشره على أهل بريده وعنيزه هم اللي على طريق الرياض ...:(

[خوي راعي كيف]

الله اكبر يافرد حمزه يابعد قلبي؛؛؛ ترا الديار وحده ولا بيننا شي والمسافه قريبه بيننا ترا الدعوه نص ساعه

بالكثير وهذي الساعه المباركه اللي نشوفك به (( فيها));)

[صقر]

حياك الله اخوي فرد حمزة
اسفرت وانورت القصيم بقدومك

واذا كان على سؤالك عن الورشات اللي تركب توانك ..
طبعا بريدة لها مدخلين من الطريق السريع الاول الدائري والثاني مفرق
بريدة وعنيزة انت ادخل من عند المفرق واتجه شمال طبعا الى بريدة يقابلك ثلاث اشارات
اعبرهم
وبعد الاشارة الثالثة تلقى المحلات المتخصصة بالتوانك قبل تقاطع الاشارة
الرابعة على يمينك طب واتخير وارجو اني افدتك واذا انا تأخرت ارجو المرة الثانية انك
تستفيد أو غيرك من زوار المنتدى يستفيد

[فرد حمزة]

خوي راعي كيف

ماتقصر وعامره بوجودك هاكالديار ، وإن حصل فرصة وقت فضوه سيرنا عليكم ،
لكن ماهو هاللحين خله بعدين ياخلفهم ، غدي تسان بهالربيع الجاي عسى الله يجيبه نتواجه مكشات ، لكن أفطن لنداي ((( فرد حمزة ))) <---- ماتدري :D;)

*=*=*=*=*=*=*=*=*=*=*=*=*=*=*=*=*=*=*
صقر
الله مير يحييك ويبقيك ... ويخليك لعينن ترجيك
المهلي مايولي
والقصيم منورة ومسفرة بهله ...

مشكور على الوصف وجزاك الله كل خير

لكن أبي أوصف لك الطريق اللي أنا أخبره هو اللي تقصده ولا لا ؟
لامني جين من طريق حايل القصيم يجيني كبري أصعده يلف يسار بالحيل وهمن أدخل بداية بريده
تجيني معارض للسيارات كبيره ثم يجيني الدايري ويعترض قدامي وأجي فوقه وتوقفن الأشاره من بعده أبدأ أعد لين رابع أشاره وتجيني الورش ؟

تحياتي لك ... أخوك فرد حمزة

[صقر]

الظاهر اني ماعرفت انك جاي من الشمال
لكن الوصف اللي عطيتك هذا للي جاي من الرياض فقط
اما انك داخل بريدة من جهة الشمال
فالموقع اللي وصفته لك يقع بالضبط جنوب بريدة شرق سوق الغنم
يعني تدخل بريدة من الشمال الى الجنوب (شارع الخبيب - طريق الملك عبدالعزيز)
ولاتلف يمين ولا يسار
هذي على الشارع جنوب بريدة عند تقاطع اشارة (النجر)
قبالة سوق الغنم من الشرق
واذا ضيعت الوصف بعد كذا اسأل عن سوق الغنم

[فرد حمزة]

صقر ...:)

وصووول ... الله يعافيك
تمام ما عنه مضاع أشارة النجر وإن غلبت الروم حول سوق الغنم ببريده
:)
جزاك الله كل خير

[راعي عنيزة]

اخوي فرد

اولا حياك الله في ربوع القصيم

ثانيا
اذا تبي توانك شغلها نظيف مره ترا احسن ورش تسويها في المللكه هي ورش الرس
وهم مشهورين جدا بهذا الشي وياليت خوي راعي كيف يذكر لك اسم كم ورشه وعنوانهم بالظبط

اما اذا تبي شغل مشي حالك واسعار سياحيه رح لحقين بريده

اما بعنيزة للاسف ما نتعامل بهذي الامور خبرك كل سياراتنا فياغرا ولكزس وانت مدحدر :D

[هلا بريدة]

الأخ المبارك والنشط : فررررررد حمزة
بعد التحية والإحترام
فعلا الرس إشتهرة في الفترة الأخيرة بنوع من التوانك خاصة الإستيل الذي لايصداء
ولكن سعره غالي شوي ..........
أما اللي ذكر الأخوان في بريدة فهي توانك من صاج عادي والشغل لابأس به وعدد من يعملها أكثر من عشرة تستطيع أن تختار وأنت وشطارتك ففيهم الزين والشين .
أخوي فرد........هناك طريقه ثانيه لعمل التوانك من الفيبر إقلاس وموجدة على طريق
الرياض القديم غرب مصنع البيبسي أما نوعية السياره فلايهم لأن التكيب والمقاسات يتم أخذها مباشرة من الواقع لأن بعض الناس يحب إدخل بعض الحركات والفنيات .
وشكرا أخوي فرد

[فرد حمزة]

راعي عنيزة <------ أبو الكشخات :D

يا حياك رب العزة والجلاله

مشكور على النصيحه أخوي :)

تقولي :
اما بعنيزة للاسف ما نتعامل بهذي الامور خبرك كل سياراتنا فياغرا ولكزس وانت مدحدر :D <---- عدي أشوف موترك دقسن 83 غماره أم خط أحمر وفوقه اريل اللارسن :D
مشكور أخوي راعي عنيزة والله يجزاك خير ... والمعذرة على التأخير

[فرد حمزة]

أخوي الفاضل / عبد العزيز
مشكور على الإطراء الجميل الذي لا استحقه ...
ورش الرس من واقع ردود الأحوة أعلاه أنها أفضل الورش في مجال تفصيل التوانك

لكن اذا السعر ما يفرق واجد بين الصاج والستيل وخصوصاً ان التوانك أحجامها صغيره تقريباً كل تانكي 50 لتر سأركب ستيل :)
أما الفيبر قلاس فقرأت في الرابط الذي وضعه في الأعلى الأخ الفاضل / خوي راعي كيف ... أنه الفيبر قلاس يغير من طعم الماء :(

جزاك الله ألف خير أخوي عبدالعزيز
وماقصرت وعسى الله يكثر من أمثالك الطيبين ... :) والمعذرة على تأخري في الرد :(