طلب مساعدة من اعضاء مكشات

[العواد999]

بسم الله الرحمن الرحيم
السلام عليكم ورحمة الله وبركاته :-
اخوكم الفغير لرحمة ربه الطالب لعفوه وصفحه الراجي لرحمته :-
من اهل منطقة الجوف وراغب بالذهاب ال مدينة الرياض ان شاء الله تعالى خلال الايام القادمه وارغب في شراء بعض الاغراض الخاصه بالرحلات البريه واريد عاوين لمحلات التي يوجد او اجد فيها طلباتي الخاصه بلرحلات وانتم عارفين طلبات الرحلات من اناره ومواطير هواء وشنطة عزبه والخيام و كل مايخص طلعات البر وتكون قريبه من النسيم وحي المستشفي التخصصي لاني ناوي ان اسكن هناك أن شاء الله تعالى
ارجو من اخواني تزويدي بالمطلوب ومساعدتي بماهو كل جديد بالمحلات
لاتبخلوا علينا الله يجزاكم كل خير :r :l

[دوواس]

وعليكم السلام ورحمة الله وبركاته
اذا بغيت اغراض البر ومستلزماته عندك مكانين تلقى كل شي فيها
1/ الغرابي في وسط الرياض كل شي للبر موجود وحتى لو بغيت تجهيز للسياره تلقاه
2/ تتجه من مخرج 15 على الدايري الشرقي الى جهة الشرق وهناك بعض المحلات على اليمين وعلى اليسار

مع اطيب تحيه،،،،،،،،

[majeeed]

وعليكم السلام ورحمة الله وبركاته ياهلا ويا مرحبا بك في مدينة الرياض انا انصحك بمحل برق الحيا مخرج 15 وهوا على نفس امتداد مقبرة النسيم

[عاشق السيل]

وعليكم السلام ورحمة الله وبركاته ،،

فيه فرق كبير بين حي النسيم والحي اللي فيه المستشفى التخصصي !!!

لكن على العموم هذي أشهر المحلات الموجودة بشرق الرياض :

( برق الحيا ، السنيدي ، البرية ، الكشاتة ، العليان ، المقناص ، الفراسة ، وغيرها ) وأنا على أتم استعداد لاستقبالك وتوصيلك لأي محل من هذه المحلات بس ارسل رقم جوالك على الخاص ومالك إلا اللي يرضيك يالغالي ....

[قارمن]

إذا كنت تبي تروح من الجوف إلى الرياض عن طريق البر ..
فأكيد تبي تمر على بريدة ! أنصحك تمر السندي للوازم الرحلات .


و الشباب أبخص

[محلات الكشاتة]

ياهلابك والله
ووصف المحل متوفر بالتوقيع

[ابوعبدالله البدراني]

وعليكم السلام ورحمة الله وبركاته ،،

فيه فرق كبير بين حي النسيم والحي اللي فيه المستشفى التخصصي !!!

لكن على العموم هذي أشهر المحلات الموجودة بشرق الرياض :

( برق الحيا ، السنيدي ، البرية ، الكشاتة ، العليان ، المقناص ، الفراسة ، وغيرها ) وأنا على أتم استعداد لاستقبالك وتوصيلك لأي محل من هذه المحلات بس ارسل رقم جوالك على الخاص ومالك إلا اللي يرضيك يالغالي ....

بيض الله وجهك ورحم الله والديك مابعد كلام اخونا عاشق السيل زود

[حلم البحر]

ان شاءالله أكون افدتك
هذي بعض محلات بيع لاوازم الرحلات في الرياض



منقوله من جوال الرحلات
يحتاج هواة الرحلات إلى شراء ما يحتجونه في الكشته من خيام ولوازم رحلات لذا ننصح باقتناء الأدوات ذات الجودة وأختيار اللوازم بدقة ومن أشهر محلات بيع لوازم الرحلات في الرياض :

1- القاضي للخيام : والكائن على الطريق الدائري الشرقي بين مخرج 10 و11 وله فرع على مخرج 15 بعد تقاطع الشافعي وهو يعرض أشكالا عدة من الخيام ولوازم الرحلات

2- برق الحيا : من أكبر المحلات المخصصة لبيع لوازم الرحلات في مدينة الرياض وهو يجمبين التنويع في لوازم الرحلات والسفر والتراثيات القديمة
للوصول إليه: اتجه للدائري الشرقي ثم الاتجاه شرقا مع مخرج 15 وبعد تجاوز أول إشارة بـ300 متر تجده يسارك ت 014455666

3- البرية للرحلات : من المحلات المميزة في شرق الرياض ويتميز بانتقائه لأفضل العدد والمنتجات في مجال الرحلات.
للوصول إليه: عن طريق الدائري الشرقي ثم الاتجاه شرقا مع مخرج 14 ثم الاتجاه جنوباً مع طريق عنيزة وعند تقاطعه مع شارع الزبير بن العوام إتجه غربا مع الزبير تجده بعد 50 متراً على اليمين.
ت/014924840

4- رحلتي : يتميز بالتنويع ولدية زاوية في المحل مخصصة لعرض ما لديك من أدوات برية مستخدمة كما لدية عروض مخفضة طوال العام الطريق الدائري الشرقي مخرج10
ت 012488520
الطريق الدائري الشرقي مخرج15
ت 012445353

5- اليوسف للخيام : من أشهر محلات تفصيل الخيام والسواتر وهو على طريق الشافعي وله فرع في الغرابي وحراج بن قاسم

6- الفراسة للرحلات : يتميز ببيع جميع أنواع الخيام ولوازم الرحلات يقع عند تقاطع الشافعي مع طريق المائة (مخرج 15)

7- المقناص : يتميز هذا المحل بخبرة صاحبه في إنتقاء الأجواد من لوازم الرحلات وما يحتاجه هواة الصيد والمقتاص ، يقع في بداية مخرج 15 للمتجه شرقا مقابل اسواق المرجان



من محلات بيع لوازم الرحلات في غرب الرياض


1- انتقل محل الغدير
2- صيد للوازم الرحلات: من المواقع المخصصة لبيع لوازم الرحلات وخصوصا في حي البديعة في مدينة الرياض يقع على طريق المدينة بعد إشارة صيدلية السقاف سابقا بـ500م
3- مكشات: من المواقع المخصصة لبيع لوازم الرحلات في السويدي يقع على الدائريالجنوبي مع تقاطع الترمذي ( شبراء )




بيع لوازم الرحلات في شمال الرياض


1- الرماية للرحلات: من المواقع المخصصة لبيع لوازم الرحلات وأجهزة الملاحة وهو يعرض كثير من المنتجات العالمية في مجال الرحلات و وكيل لشركات عالمية ولديه ورشة لتركيب الإضافات لسيارات الدفع الرباعي
شارع التخصصي
014621627
2- الدهو: من المواقع التي لها خبره في لوازم الرحلات وبضاعته عالمية الماركات يقع على تقاطع مخرج 5 (الملك عبدالعزيز ) مع طريق الإمام محمد بن سعود

[FORD1969]

القصيم اقرب وارخص بالنسبه للخيام

والشباب ماقصرو

ارسل جوالك على الخاص لتقديم المساعده

[معاذ0]

اشوف ان مخرج 15 افضل لك فهو هو طريق النسيم وقريب منه ويقع عليه اربع محلات لبيع لوازم الرحلاتوذلك بعد الداءري الشرقي باتجاه الشرق وهي محل المقناص ومحل برق الحيا على اليسار ومحل الفراسه ومحل الكشاته على اليمين بالاظافه الى محل القاضي للخيام واغراض الرحلات على اليمين

[العواد999]

بسم الله الرحمن الرحيم
السلام عليكم ورحمة الله وبركاته
صباحكم كل خير ان شاء الله
والله يعطيكم العافيه جميعاً كفيتو وفيتوا الله يجعل ذلك في موازين حسناتكم وانا في خدمة الجميع فيالجوف وحياكم اللهوبياكم وسف اكون مراسلكم ومزودكم بالخبار انشاء الله تعالى عن طريق منتدى مكشات
:r:l:f