المساعد الشخصي الرقمي

مشاهدة النسخة كاملة : فصل abs بالصور



سلمانـ
16/10/2011, 10:35 AM
السلام عليكم انا للأمانه قمت بنقل الموضوع للفائده وجزاه الله خير صاحب الموضوع


مساكم الله بالخير واحدا تلو الآخر

وأخيييييييييييرا بعد مضي 6 أشهر خخخخ تم تركيب فاصل للABS والفضل يعود بعد الله لاخوي الاعلامي بيض الله وجهه

طبعا قبل 6 أشهر خخخخخ قريت موضوع الاعلامي على هالرابط

فصل abs بالصور (http://www.toyota4arab.com/forum/t111007.html)

لكن ماوضحت لي الفكرة لان الصور اختفت .. لكن ماقصر ابو عبدالله دقينا عليه وشرح لنا .. لكن برضوا ما زال في غموض خخخخخ المهم .. قدر الله وشفته في اجتماع القصيم برمضان الماضي الله يتقبل منا ومنكم ويبلغنا رمضان القادم.. فما قصر وشرح لي الطريقة
المهم خويكم رجع للرياض وشريت الاغراض المطلوبة ونطلتها بالسيارة والى يومك توي أستقعد لها خخخخخ
طبعا ماتحمست للشغلة الا عقب مابغيت اجيب العيد بالموتر قبل كم يوم بحدا النقر والسبب ABS
طبعا في المقابل ما ابي افرط بالABS والغيه نهائي لأنه بصراحة مفيد داخل الديرة واكبر نكبه بالبر فعشان كذا وجب تركيب الفاصل


طيب بسم الله نبدأ بالشغل
هذي هي الصورة النهائية للفاصل
http://www.m5zn.com/uploads/2011/3/2/photo/030211030306jlw4p5a31re6cg0ya6.jpg


المقادير خخخخخ http://www.toyota4arab.com/forum/images/smilies/smile.gif
1 فاصل كشافات هايلوكس من2006 وطالع ب50 ريال من الغرابي
4 متر سلك مزدوج (تم زرفة من لمبة كبوت قديمة http://www.toyota4arab.com/forum/images/smilies/smile.gif )
2 متر جرجور لحماية السلك (المتر ب4) من شاريع الريل
5 رباطات أو شداد بلاستيك
1 شطرطون كهرب
1 زرادية أو مقص أو أسنان حادة http://www.toyota4arab.com/forum/images/smilies/smile.gif أو سكين خضرة أو اي شي لتقطيع الأسلاك
2 باجه http://www.toyota4arab.com/forum/images/smilies/smile.gif لتوسيع الصدر وتطويل البال
http://www.m5zn.com/uploads/2011/3/2/photo/030211030314b46mkq5.jpg

اول شي نفتح الكبوت ونتجه للمنطقة الحمراء

هنا نلاحظ وجود أحد أسلاك قراءة ABS
http://www.m5zn.com/uploads/2011/3/2/photo/030211030356y83f5fdb9p.jpg

نفصله ثم نقوم بقطع سلك واحد فقط وهنا تم قطع السلك الأحمر وتم ابقاء الأبيض كما في الصورة
http://www.m5zn.com/uploads/2011/3/2/photo/030211030301cwwh1v602.jpg
http://www.m5zn.com/uploads/2011/3/2/photo/030211030301io6dluuwbiv9s5d3r.jpg

نربط جزئي السلك الاحمر المقطوع بالسلك المزدوج ثم نمده الى داخل السيارة


هنا طريقة تمديد السلك داخل الجرجور
http://www.m5zn.com/uploads/2011/3/2/photo/030211030301b1nhb9s11.jpg

هنا ايضا تمديد السلك داخل الجرجور وتم ادخال السلك عن طريق الجلبة الدائرية السوداء
بحيث يكون السلك موجود خلف الدرج مباشرة
http://www.m5zn.com/uploads/2011/3/2/photo/030211030301mgvhzr28h7ggrkv.jpg

هنا بعد ما فكينا درج الموجود جنب السواق نبي نحصل السلك نكمل التمديد الى جهة السواق


بحمد الله وصل السلك http://www.toyota4arab.com/forum/images/smilies/smile.gif
http://www.m5zn.com/uploads/2011/3/2/photo/030211030301hf2dzcqs.jpg

طيب الان عندنا الفاصل فيه اربع اسلاك ناخذ الأول والأخير ونوصلهم بالسلك الممدد كل واحد ، أما الاثنين الي بالنص مالهم فايده فنلغيهم بالشطرطون

http://www.m5zn.com/uploads/2011/3/2/photo/0302110303019zqr51vn85e.jpg


http://www.m5zn.com/uploads/2011/3/2/photo/030211030302ubdisf6qd1s3p61ogm.jpg

http://www.m5zn.com/uploads/2011/3/2/photo/030211030302vmtroma894h0yvfj.jpg


هنا بعد ماتم التركيب

http://www.m5zn.com/uploads/2011/3/2/photo/030211030302hwskdx7.jpg


وهنا حطينا ستكر لل ABS http://www.toyota4arab.com/forum/images/smilies/smile.gif ونجرب الفاصل بسم الله

http://www.m5zn.com/uploads/2011/3/2/photo/030211030302lmg7aq59k3.jpg


الف مبرووووووووووك

http://www.m5zn.com/uploads/2011/3/2/photo/030211030302txc8ut5hwk25q9icgvw.jpg



الحين لو بغينا ندحدر من أكبر طعس ما عندك مشكلة هههههههه

أتمنى ان تكون تجربتي مفيدة للجميع وشاكر لكم مروركم وقراءتكم للموضوع

في امان الله

عاشق السيل
16/10/2011, 11:49 AM
وعليكم السلام ورحمة الله وبركاته ،،

تقرير وافي وكافي وواضح ومفيد جدا بيض الله وجهك يالنشمي جعلها بميزان حسناتك ،،

باقي شي مهم جدا جدا وهو نوع السيارة ؟؟؟ عرفت إنها تويوتا لك أي جيب فيها بالضبط ؟؟؟؟

لبرنس14
16/10/2011, 01:01 PM
الحكمة من فصل abc لو تكرمت

ابو فيصل 2011
16/10/2011, 02:27 PM
هذا جيب فورتشنر فل كامل فكس تو

فاقدخوي
16/10/2011, 03:08 PM
الحكمة من فصل abc لو تكرمت



منقول للتوضيح



صح ماله علاقه بالتغريز
لكن اعتقد الشباب يتكلموا عن انه أذا كبس فرامل بقوة ما تمسك الكفرات
اكثر ،،، دوره الفعال أكثر في الازفلت .

اعتقد تقصدو نظام الجر .
نظام مراقبة الجر
Traction Control System
ويرمز له بـ TCS

و يطلق عليه أيضا نظام مانع الانزلاق
Anti-Slip Regulation
ويرمز له بـ ASR

هو أحد الأنظمة النشطة الحديثة التي تجهز به السياره

هدفه الحيلولة دون انزلاق السيارة عن مسارها الصحيح جراء القووة الزائدة كالضغط على دواسة الوقود بطيش. ويتبع النظام عدة طرق تدخل للسيطرة على السيارة, هي:

إبطاء أداء شمعة الاحتراق أو حتى إيقافها تماماً في إسطوانة أو أكثر.
التقليل من كمية الوقود التي تصل لأسطوانة أو أكثر.
كبح عجلة أو أكثر.
إيقاف عمل الصمام الخانق.
و عادة ما يتشارك "نظام مراقبة الجر" مستحثات الكبح وحساسات سرعة العجلة مع نظام الكبح مانع الانزلاق, لذلك فلا يمكن تجهيز أي مركبة بالنظام الأول دونما وجود الأخير مسبقاً.



فلا تخلطوا بين نظام مانع الانزلاق مع مانع الانغلاق

لان نظام ABS حق الفرامل هو مانع انغلاق الكفرات عند الضغط على دواسة الوقود فجأة او بقوة



بالتوفيق



والله ياخيي خذ نصيحت مجرب الكستيرا مايجي الا النضام هذا ويمكن استخدمته 3شهور وبغيت اروح ضحيته فالنفد كذا مره يعني فالنفود استخدم النمره ماعندي فرامل لان النضام هذا اذا حس ان الكفر زحلق رفع رجلك عن الفرامل يعني الموتر يصيير بدون فرامل
ومن المواقف الي حصلتلي
مره في نقره في نفود الزلفي واجباري اني اطلعها لان مافيه درب الامعها وقلت بسم الله واكتم للموتر بالاول الطعس كبيييييير والي اردا من كذا كله شجر يعني قشع وخذ يامطامر الين هدت حيل الموتر وما بقي غير 7 امتار ويقول الموتر مكاني وغلت وضغت على الكلتش علشان ما يطفي الموتر المراد ان الموتر دحدر ورا ادوس على الفرامل مافيه فرامل ماصدقت سنت ضهري عل المرتبه وجمعت كل قواي على دواست الفرامل مافيه فايده واذكر اني بديت اسمع اصوات المرتب مادري بغت تنكسر اولا المكراد ان الموتر مامسكه شي وبالريوس حاول القمه نمره لكن اذا كان الموتر يمشي على ورا مايلقم لا بال r ولا غيره وش السوات ياولد الموتر:mad: اسرع بسرعه خياليه بالريوس :eek:
قلت مالك الاتسايس الموتر ورجلك على الفرامل لعل وعسى ان يمسك واناضر فالمريه الجانبيه الا وهاك شجرت الارطا الي كبر السياره والله اني مادري وشلون هجيت عنها توفيق من الله الله العلم ان اميمتي داعيتلي ذاك اليوم ماصدقت اني على الارض نزلت شوي اراعي للمكان والي حولي ماني مصدق اني حي والله ياهي رعب
لكن بعدها مخمخت عليه فالبيت وركبتلي فاصل يعني اذا بغيت ادخل البر افصله واذا مسكت الخط اشغله
اما بالنسبه للقار والديره نفعه واضح مايحتاج خذ رجال بس الله لا يبلاك بشوي رمل على القر مهوب رادق ال الجدار الي قدامك الله يكفيك الشر
نصيحه من قلب خذه وركبله فاصل قبل لا تطلع البر ولا لا تاخذه

lo8oo8ol
16/10/2011, 03:56 PM
شكراً لك على النقل ... بصراحة موضوع يستحق التثبيت.. لتعم الفائدة ...

سلمانـ
16/10/2011, 05:43 PM
الجيب هو تويوتا فور تشنر اما الفائده من الفصل هي معانات الكثير من اصحاب التطعيس والنزول من الأعلى بعدم امساك الفرامل وفي ذالك اخطار كثيره وهذه العمليه عندما تكون في البر يفضل استخدام هذه الحركه اي الفصل لأن هذا النظام ليس له فائده في الرمال وهذا هو المقصود

ا ل ح
26/03/2014, 12:24 PM
تمت التجربة علئ هايلوكس 2014 خليجي و الطريقة تعمل 100‰

فهد ابو
06/05/2014, 10:04 PM
بيض الله وجهك ليتك قريب مني ونفصل موتري فورتشنر عز الله انه نظام خايس وخاصه في البر والطرد وعندنا في خميس مشيط ما احد عرف يفصله

saadawi
10/11/2014, 01:32 AM
جزاك الله خير علي الأفاده

أبو زبن
22/11/2014, 02:29 AM
مشكور على الموضوع الوافي وعندي تجربه مع الABS حبيت اشارككم فيها
الABS عندي يشتغل بأوقات غلط ويشتغل بعض الأحيان أول ما ألمس دعسة البريك خليته على بلاه لمين جا يوم ونكبني :D كنت شبه واقف (معشق وماسك بريك) واشتغل جنيه فجأة وصدمت اللي قدامي وانكسر صدامي واحرجني مع الرجال ورحت للصناعيه وفحصته كمبيوتر وقالي مافيه شي ورحت لأكثر من واحد ولا أقنعني أحد وفصلت الABS تماماً من علبة الفيوزات ولهالحين الأمور طيبه والله يستر

ابيرق
15/03/2015, 01:08 AM
تم التجربه على هايلكس 2009 وشغال 100%