المساعد الشخصي الرقمي

مشاهدة النسخة كاملة : سؤال عن سوق الريآض للصقآره..


omar911
16/10/2011, 02:11 PM
السلام عليكم ورحمة الله
اخواني حبيت اسآلكم عن سوق الريآض للصقآره..
تمدحونه او لا ومآهي افضل المحلات الموجوده هنآك..
وهل اصحآب المحلات تعطيك ورقه ع الطير.؟
وهل يوجد عيآدات بالقرب منهم لكي يتمكن الصقآر من فحص طيره..؟
وابي موقع السوق بالضبط وارقآم المحلات ان امكن..

///
تحيآتي لكم
بن مرشد11
16/10/2011, 02:59 PM
هلا اخوي السوق عند المحكه العامه في منطقه الديره والسوق ياتي فيه حراج كل صبح خميس ويوجد ايضن استراحات في مناطقه مختلفه تنباع فيها طيور

واما المستشفيات فيوجد على امتداد شارع الامام عند مخرج 9 مستشفى متخصص

وكذالك يوجد مستشفى الدرع قريب من سوق غرناطه

اتمناء ان اكون قد افدتك

تحياتي
طير االجير
16/10/2011, 03:10 PM
:c رحت خصيصاً لهذا السوق مالقيت الا محل واحد فيه طيرين وش سوقه كلها محل من العصور الحجرية وقال بعد مايبي يبيع الطيرين اللي معه مافية اهتمام باهم رياضه بالمملكة البلدية فاضين للطيور شغالين على جيوب الناس
بن مرشد11
16/10/2011, 04:14 PM
معلوماتك غلط فيه اكثر من ٧ محلات وانا فيها قبل يومين والطيور موجوده
مخاوي ذيابه 9
16/10/2011, 04:17 PM
:c رحت خصيصاً لهذا السوق مالقيت الا محل واحد فيه طيرين وش سوقه كلها محل من العصور الحجرية وقال بعد مايبي يبيع الطيرين اللي معه مافية اهتمام باهم رياضه بالمملكة البلدية فاضين للطيور شغالين على جيوب الناس
كلامك مردود عليك وخالي من الصحه
سؤالي
متى رحت ( اذا وقت الربطه اصدقك )
الساعه كم ( اذا بعد الساعه 10 صباحا شبه ينتهي الاسبوع اللي فات محل ابو علي به تقريبا 9 طيور طيييبه ابن ونيس كذالك وابن لبده عنده حر كاااااايف و تقريبا عنده 5 طيور غيره )((( السوق يبدا من بعد الفجر ياعزيزي )))
انا اسبوعيا بالسوق المحلات مليانه طيور والحراج والجلابه كذالك
عموما السوق كل اسبوع افضل من الاسبوع اللي قبله
(هزاع)
16/10/2011, 04:18 PM
:c رحت خصيصاً لهذا السوق مالقيت الا محل واحد فيه طيرين وش سوقه كلها محل من العصور الحجرية وقال بعد مايبي يبيع الطيرين اللي معه مافية اهتمام باهم رياضه بالمملكة البلدية فاضين للطيور شغالين على جيوب الناس
السوق الخميس عامر بفضل الله والمحلات الخميس عامره بهلها والطيور واجد والحراج موجود الخميس والدوله ماقصرت به سوق جاهز وبيفتح قريب ان شاء الله فخر لمرتادينه على طراز معماري ممتاز ومظلات ومواقف سيارات فسيح ومنظم وموقع استراتيجي حيث يقع بالقرب من الدائري وتستطيع الوصول له من عدة طرق
omar911
16/10/2011, 06:44 PM
بيض الله وجيهكم يالمطآليق
والله يرزق كل من رد بالنآدر الوآفي..
//
دمتم بحفظ الله,,,