المساعد الشخصي الرقمي

مشاهدة النسخة كاملة : أستفسار من أصحاب التويوتا



المنيعي1
16/10/2011, 08:47 PM
السلام عليكم ورحمة الله وبركاته
كل مافي الموضوع اني في عصر هذا اليوم كنت عند ميكانيكي ونسولف انا وياه عن السيارات وعنده كم جيب الي يوظب مكينة ولي يوظب قير طبعاً من موديل 2007 وتحت فقلتله أن المكائن الجديدة افضل حجمه صغير وقوية وأقتصادية ,قال لا مالك لواء المكائن الجديدة حقت التويوتا الي تجي راسين مثل الشاص والربع والفورتشنر والأف جي ماتوضب لازم تغير مكينة كاملة لأنه يقول لو بغيت توظب تكلف بحدود الـ 25000 ريال والقطع غير موجوده في الوكالة ,ويقول قبل فتره جاني أف جي وفكيت مكينته ولاحصلنا له قطع بالوكالة ودور مكينة تشليح وركبه .
انا الصراحة مادخلت مزاجي توظيب بـ 25000 قلت يمكن زلخه علي .
فلي عند ه علم يفيدنا مشكوراً

sgl2002
16/10/2011, 08:48 PM
نفس الباترول الفتك

كاشت وحداني
16/10/2011, 08:55 PM
العلم سلامتك
وكيل تويوتا عندنا نصاب كبير
طبعا كل الوكلاء عندهم لعب لكن تويوتا بشكل كبير
كان عندي كامري 2005 اربعة سلندر
واحتاجت توظيب قالوا لي المنيوم ما تتوضب وبعض الورش يوضب بدون ضمان وتكلفة التوضيب من ال 12 الى 14 الف
قلت خلوها ورحت الوكاله على بالي اشتري مكينه جديده
لقيتها ب 34 الف وبعد الخصم من موظف المبيعات 24 الف ورحت الى ادارتهم واشتكيت
وقامو بعمل موعد مع مدير المنطقة الوسطى وما قصر هع بعد الخصم بتطلع المكينه ب22300ريال

بناء عل ما حصل معي قيس عليها مكاين اللاندكروزر والاف جي والمبالغه في اسعار قطع الغيار

المنيعي1
16/10/2011, 08:58 PM
نفس الباترول الفتك
ولكن هل هوصحيح ان توظيب مكينة التويوتا الجديدة بـ 25000 ريال

ابن عكاش
17/10/2011, 01:05 AM
اتوقع صحيح ترى المكاين الجديده عله الظاهر كل ماتتقدم الصناعه تتعقد والله يعين المستلهلك

ابن صبر
17/10/2011, 01:22 AM
وازيدك من الشعر بيت حتى قمشات وهوبات وفحمات كامري 2011 ما عندهم يقلون مالها قطع بالسعوديه كلها بالله هذي وكالة وبعد الملعن والشكاوي رغم ان السيارة ماشية 40 الف قالو نطلبلك من دبي ما اقول الا حسبي الله ونعم الوكيل فيك يا ابو جميل

Magellan
17/10/2011, 01:47 AM
شوف فيه سيارات تجي الراس المنيوم وجرم السلندرات حديد مثل مكاين الشفر والجمس الجديد بإستثناء مكائن الكابرس
هذي من الممكن توضيبها....
بالنسبة لمكاين تويوتا الجديد اكيد متطورة اقل استهلاك وقود انشط عزم وابرد حرارة واقل اهتزازت وصوت ناعم ومتناغم ، لكن بإستخدام تقنية vvti2 فهومعقد جدا بحيث ينعدم وجود شخص متخصص لتوضيبها بسبب صناعتها بالكامل من الألمنيوم...
فضلا عن بعض السيارات الألمانية والذي سمعت أنها مصنوعه بمواد باهضة الثمن مثل الستيل اومعادن اخرى

سفاري959
17/10/2011, 06:27 AM
وازيدك من الشعر بيت حتى قمشات وهوبات وفحمات كامري 2011 ما عندهم يقلون مالها قطع بالسعوديه كلها بالله هذي وكالة وبعد الملعن والشكاوي رغم ان السيارة ماشية 40 الف قالو نطلبلك من دبي ما اقول الا حسبي الله ونعم الوكيل فيك يا ابو جميل


وانا اقول وكيل تايوتا ارحم من الحمراني واثر ما بالفار الطاهر والله المفروض نخلي سيارتهم تصدي ونروح ندور شركات بديله

سفاري959
17/10/2011, 06:31 AM
العلم سلامتك
وكيل تويوتا عندنا نصاب كبير
طبعا كل الوكلاء عندهم لعب لكن تويوتا بشكل كبير
كان عندي كامري 2005 اربعة سلندر
واحتاجت توظيب قالوا لي المنيوم ما تتوضب وبعض الورش يوضب بدون ضمان وتكلفة التوضيب من ال 12 الى 14 الف
قلت خلوها ورحت الوكاله على بالي اشتري مكينه جديده
لقيتها ب 34 الف وبعد الخصم من موظف المبيعات 24 الف ورحت الى ادارتهم واشتكيت
وقامو بعمل موعد مع مدير المنطقة الوسطى وما قصر هع بعد الخصم بتطلع المكينه ب22300ريال

بناء عل ما حصل معي قيس عليها مكاين اللاندكروزر والاف جي والمبالغه في اسعار قطع الغيار

اخوي كاشت انا صارلي نفس سالفتك قبل كم سنه خبطت معي كامري 2004 جديده وديتها الوكاله قالوا تتحمل قيمه التوضيب لأنك ما مشيت معنا على التشييكات اول بأول كانت السياره ماشيه 16 الف الغريب في الموضوع ما قالولي ما تتوضب قالوا راح تكلفك قطع فقط 6000 ريال وشلون بعد هالسنين صارت ما تتوضب تناقض غريب ؟؟؟

كاشت وحداني
17/10/2011, 07:30 AM
اخوي سفاري 959
والله العالم ان الوكاله بيغيرون الجزء العلوي فقط من المكينه لان حسب ما فهمت من كثرة طلعتي ونزلتي معاهم ومقابلتي للمهندسين ووجع الراس اللي حصل لي منهم ان الكامري ما يجي لها بساتم وشنابر مقاس 10 ويقومون بتركيب ما يسمى بالعاميه قمصان وهي ليست عمليه لكن تعتبر حل مؤقت
واتوقع ان الجزء العلوي كان خربان عندك او ان المكينه ليست مخبطه احتمال الجنزير بس منفك وقالوا لك ب6000 توظيب
وعاد وكالة تويوتا عندنا خذ وخل
مثل اللي راح لهم عنده انوار خلفيه محروقه قالو لازم برمجه كمبيوتر ب4000الاف
وفي الاخير طلعت السالفه لمبات الحبه بريالين .

ددسن 2008
17/10/2011, 08:07 AM
وعليكم السلااام ورحمة الله وبركااته

الزبده ما فيه ولي مصلح .. المواطن آخر هم المسؤولين في كلش ..
اذا ما يسألون عن صحتك ويستهترون بها وش عاد فلوسك ..

واللي ماسك الوكالات اجانب عرب .. وهذولا هم الجرب بعينه

والله يا واحد اجنبي عربي مسلم بدون تحديد جنسيه ولا تعميم ولا بغرض تحريض بس للتحذير

..... يقول

أرض تيوس فيها فلوس !!!

انت لا سمعت هالمنطق وهالفكر اعرف انك مستهدف حتى النخاع

الله المستعان ..

سليمان الربيعان
17/10/2011, 08:18 AM
اخوي سفاري 959
والله العالم ان الوكاله بيغيرون الجزء العلوي فقط من المكينه لان حسب ما فهمت من كثرة طلعتي ونزلتي معاهم ومقابلتي للمهندسين ووجع الراس اللي حصل لي منهم ان الكامري ما يجي لها بساتم وشنابر مقاس 10 ويقومون بتركيب ما يسمى بالعاميه قمصان وهي ليست عمليه لكن تعتبر حل مؤقت
واتوقع ان الجزء العلوي كان خربان عندك او ان المكينه ليست مخبطه احتمال الجنزير بس منفك وقالوا لك ب6000 توظيب
وعاد وكالة تويوتا عندنا خذ وخل
مثل اللي راح لهم عنده انوار خلفيه محروقه قالو لازم برمجه كمبيوتر ب4000الاف
وفي الاخير طلعت السالفه لمبات الحبه بريالين .

حبسي الله عليهم اجل برمجه كمبيوتر 4000الاف واخرته لمبات بريالين
الله يكفينا شر الطمع والفساد
تقبل تحياتي...

المنيعي1
17/10/2011, 10:55 AM
على حسب خبرتي أن مكاين الجيوب الجديدة نازله على برادو 2003 سته سلندر يعني له 9 سنوات من نزلت يعني معقولة ما احد وظب برادو من 2003 الى الأن.

أخو ماجلان فيه مواتر واجد مكاينه ألامنيوم وضبوه والدليل واحد من الربع معه باثفندر 2003 مكينة ألامنيوم وضبه قبل سنة .

سديراوي نت
17/10/2011, 01:20 PM
المعلومة هذي صحيحة لأن لي زميل معه برادو 2005 وخبطت عليه المكينة وما لقى احد يوضبها له فاضطر يشتري مكينة مستعملة من دبي ب12000 ريال!!!

سفاري959
17/10/2011, 01:29 PM
اخوي سفاري 959
والله العالم ان الوكاله بيغيرون الجزء العلوي فقط من المكينه لان حسب ما فهمت من كثرة طلعتي ونزلتي معاهم ومقابلتي للمهندسين ووجع الراس اللي حصل لي منهم ان الكامري ما يجي لها بساتم وشنابر مقاس 10 ويقومون بتركيب ما يسمى بالعاميه قمصان وهي ليست عمليه لكن تعتبر حل مؤقت
واتوقع ان الجزء العلوي كان خربان عندك او ان المكينه ليست مخبطه احتمال الجنزير بس منفك وقالوا لك ب6000 توظيب
وعاد وكالة تويوتا عندنا خذ وخل
مثل اللي راح لهم عنده انوار خلفيه محروقه قالو لازم برمجه كمبيوتر ب4000الاف
وفي الاخير طلعت السالفه لمبات الحبه بريالين .


اخوي كاشت انا متأكد ان السياره مخبطه وقفت فيني وانا في خط وقبل لا توقف ولعت لمبه الزيت قل انهم ما يدرون وين الله حاطهم وتوهم يفهمون عقب هالسنين اقولك صح الحمد لله لنهم وضبوها على حسابهم عقب الواسطات والشكاوي ومن الوكاله على المعارض بعتها وارتحت سلمني على القديم وحب خشمه تحياتي اخوي

Magellan
17/10/2011, 01:32 PM
أخو ماجلان فيه مواتر واجد مكاينه ألامنيوم وضبوه والدليل واحد من الربع معه باثفندر 2003 مكينة ألامنيوم وضبه قبل سنة .

عزيزي توضيب بدون خرط هذا مو اسمه توضيب هذا اسمه تغيير
ياخي مفهوم التوضيب عادة هو وجود الحرارة بالسلندر ويضطرون لتغيير البستم مع خرط السلندر
ولذلك تسمع بستاندرد وبستم 5 وبستم 10 إلى 40 في بعض السيارات
فإذا كان الالمنيوم يخرط فهذا شيء جديد بالنسبة لي وأتمنى ذلك
وشكرا لك

سفاري959
17/10/2011, 01:32 PM
المعلومة هذي صحيحة لأن لي زميل معه برادو 2005 وخبطت عليه المكينة وما لقى احد يوضبها له فاضطر يشتري مكينة مستعملة من دبي ب12000 ريال!!!


عز الله ما عاد به سيارات اجل على ويش اسعارها غاليه وهي وبعد كم سنه راح تكلف اكثر من ربع قيمتها الشكوى لله

zulfi
17/10/2011, 01:38 PM
ياجماعه والله حرام 2005 و 6 يخبطن !!! بلاهن والله الكرف والجور اللي يجيهن من بعض هالغشم , والا ينشق الاديتر بالنفود و يمشي بدون ماء والحراره إتش ويدمر الراس و تخبط و يقول عزالله ان هالمكاين التاليه ما تحمل!!!! و إلا يركب فلتر خارجي و المكينه تبلع من الرمل الين تخترش السبايك .. ويقول آآآآخ من هالمكاين التاليه!!!!!! أخد سمع مكينه خبطت مع شايب أو رجل راكد بممشاه؟؟؟ ابي رأيكم بكلامي.

سفاري959
17/10/2011, 01:58 PM
ياجماعه والله حرام 2005 و 6 يخبطن !!! بلاهن والله الكرف والجور اللي يجيهن من بعض هالغشم , والا ينشق الاديتر بالنفود و يمشي بدون ماء والحراره إتش ويدمر الراس و تخبط و يقول عزالله ان هالمكاين التاليه ما تحمل!!!! و إلا يركب فلتر خارجي و المكينه تبلع من الرمل الين تخترش السبايك .. ويقول آآآآخ من هالمكاين التاليه!!!!!! أخد سمع مكينه خبطت مع شايب أو رجل راكد بممشاه؟؟؟ ابي رأيكم بكلامي.

اخوي كلامك صحيح بس هل سمعت بكثره هالمشاكل في الموديلات القديمه ابيك تجاوبني

بكل امانه هذا اولاً ثانياً الكلام مو بالخراب وبس الكلام كم بتعيش المكينه معك حتى لو كنت

رجال سواقتك راكده لاحظ ان المكاين الجديده ما تعيش مثل القديم يعني لو فرضنا اشتريت

جديد بعد 6او 7 او 8 سنوات هذا اذا عاش الفتره هذي كلها راح يخبط وتروح تشتري

مكينه جديده ب 30 او 35 الف انت طلعت خسران بكل الأحول السياره مشتراها غالي


وبعد هالكم سنه دفعت فيها اكثر من ربع قيمتها جديده هذا غير القطع الاستهلاكيه

سديراوي نت
17/10/2011, 08:50 PM
للأمانة زميلي اللي خبطت سيارته كان سبب التخبيط انه كان يركب فلتر الزيت التجاري من المشاحم.. وهذا على كلام بعض اهل الخبرة هو السبب...

كاشت وحداني
17/10/2011, 08:51 PM
اخوي zulfi
صحيح فيه غشم وتعديل على المكاين ولكن تبقى تعبانه ولا تقارن بمكائن ما قبل 2000
فيه مواتر واصله ممشى 800 الف لاند كروزر موديل 88 و89 و94 وتلاقيها ما شاء الله تبارك الله والتاليه من يتعدى ال 200 الف وهو ينقص زيت

كاشت وحداني
17/10/2011, 08:52 PM
اخوي سفاري 959
معاك حق يمكن مادروا الوكاله بسالفة انها ماتتوضب الا بعدين

zulfi
17/10/2011, 11:49 PM
بكل امانه هذا اولاً ثانياً الكلام مو بالخراب وبس الكلام كم بتعيش المكينه معك حتى لو كنت

رجال سواقتك راكده لاحظ ان المكاين الجديده ما تعيش مثل القديم يعني لو فرضنا اشتريت

جديد بعد 6او 7 او 8 سنوات هذا اذا عاش الفتره هذي كلها راح يخبط وتروح تشتري

مكينه جديده ب 30 او 35 الف انت طلعت خسران بكل الأحول السياره مشتراها غالي



وبعد هالكم سنه دفعت فيها اكثر من ربع قيمتها جديده هذا غير القطع الاستهلاكيه

يابعد تسبدتي المواتر القديمه من كانت معه مع أبوانا و الشيبان وكانت السياره أغلى من عياله

camping expert
17/10/2011, 11:58 PM
لايوجد مكينة بالعالم لا تتوضب !

ربما لا يوجد مختص لمكائن vvti

ابن عكاش
18/10/2011, 12:00 AM
كل شي له ضريب وهذي ضريبة النشاط وقوة الاحصنة وهدوء المحرك وصفاوة العادم في المكاين الجديدة للسيارات
وانا عن نفسي اكره شي اسمه توضيب ودي اغير المكينة لو ازود شوي واريح بالي خاصة وانا رجال ابستخدم الموتر مده طويلة

غواص وقناص
18/10/2011, 01:56 AM
والله يا رجال المكينة الجديدة هذي فيها تقنيه
الله يعطينا خيرها مثل الهدوء وصوت غريب
لما تطب في الرمله ما تحتاج الدبل الى من واحد غششيييييييم
ولا انك توقف واقل استهلاك للبنزين ولا تنقص وراكده بس
الأنظمة هذي كلها في ظهرك يا المستهلك.

ابومناحي
18/10/2011, 02:29 AM
يالاخو خويك الي يقول مايوضب ماعنده سالفه موترى شاص 2011 وقبل اشتريه قالو الناس يخبط ولاينفع واقوم وانشد فلبيني ميكانيكي عنه وعن قطعه وتصليحه ومكينته قال خذه ولاتنشد وكل قطعه متوفره

خالد العمراني
18/10/2011, 09:35 AM
ياجماعه والله حرام 2005 و 6 يخبطن !!! بلاهن والله الكرف والجور اللي يجيهن من بعض هالغشم , والا ينشق الاديتر بالنفود و يمشي بدون ماء والحراره إتش ويدمر الراس و تخبط و يقول عزالله ان هالمكاين التاليه ما تحمل!!!! و إلا يركب فلتر خارجي و المكينه تبلع من الرمل الين تخترش السبايك .. ويقول آآآآخ من هالمكاين التاليه!!!!!! أخد سمع مكينه خبطت مع شايب أو رجل راكد بممشاه؟؟؟ ابي رأيكم بكلامي.

والله أنك صادق ياخوك

هذاك اليوم جيت لورشة عندنا بتبوك وألاقي جيب ربع 2011 منزلة مكينة وأسأل اليماني قال هذا ضغط على المكينة لي أنفجر البستم .....تصدق كان عندي مفهوم أن البستم مايطلع من الجور ألا بالدداسن القديمة

وقبلها بنفس الورشة لقيت جي أكس 2009 توضيب


والكلام الوكاد اولا واخير البركة والتوفيق هي من الله
أذا الله بارك لك بموترك والله لو أنه أردى شيء بيمشي معك

بالتوفيق للجميع

والله يكفينا شر الحديد

عاشق الحيسية
18/10/2011, 11:09 AM
يالاخو خويك الي يقول مايوضب ماعنده سالفه موترى شاص 2011 وقبل اشتريه قالو الناس يخبط ولاينفع واقوم وانشد فلبيني ميكانيكي عنه وعن قطعه وتصليحه ومكينته قال خذه ولاتنشد وكل قطعه متوفره



وأزيد على كلامك أخوي


واحد موضب شاص 2010 (طبعا المكينة الجديدة) نقلا عن واحد ثفة..

سفاري959
18/10/2011, 04:20 PM
[QUOTE=كاشت وحداني;7426208]اخوي سفاري 959
معاك حق يمكن مادروا الوكاله بسالفة انها ماتتوضب الا بعدين[/QUOTE

والله هذا الي صاير للأسف واحد من اقاربي كان يدرس واخر سنه راح تطبيق مر على اكثر

من وكاله من ضمنها وكاله العيسى وعبداللطيف جميل يقول لو تشوفون شغلهم ما تحطون

سياراتكم عندهم الرجال يحلف ان اي حاجه ما تنفك يكسرونها واطلبها من قطع الغيار على

حساب الزبون وانت ماشي كذا سياره تكون فيها مشكله ويعجزون الوكالات عنها وتحصل

ورشه فيها ناس فاهمه وتشتغل شغل ذمه ويصلحونها السؤال اذا الوكالات ما تعرف تصلح

سياراتها ليش يجيبونها لنا وحنا نبلش فيها اذا خربت ياخي شي يفقع مرارتك لكن خلها


على الله لا وزاره تجاره زي الناس ولا حمايه مستهلك

سفاري959
18/10/2011, 04:27 PM
بكل امانه هذا اولاً ثانياً الكلام مو بالخراب وبس الكلام كم بتعيش المكينه معك حتى لو كنت

رجال سواقتك راكده لاحظ ان المكاين الجديده ما تعيش مثل القديم يعني لو فرضنا اشتريت

جديد بعد 6او 7 او 8 سنوات هذا اذا عاش الفتره هذي كلها راح يخبط وتروح تشتري

مكينه جديده ب 30 او 35 الف انت طلعت خسران بكل الأحول السياره مشتراها غالي



وبعد هالكم سنه دفعت فيها اكثر من ربع قيمتها جديده هذا غير القطع الاستهلاكيه

يابعد تسبدتي المواتر القديمه من كانت معه مع أبوانا و الشيبان وكانت السياره أغلى من عياله


ابشرك واحد مكلمني قبل اقل من شهر معه جيب بدون ذكر الشركه لا يجي واحد مطفي ويقلبها هوشه الجيب من الجدد وصاحبه شايب اعرفه عز المعرفه لا يعرف البر ولا يطلع من الرياض الا ما ندر ولا يتعد 100 بالخط وموتره توه ماشي 180 الف مخبط مكلمني يسأل عن ورشه زينه يوضب عندهم السيارات القديمه تمشي 700 واكثر من تنقص زيت والسيارات الجديده تسمي عليها وتخبط ما وصلت 200 الف وسيارات اول رخيصه ومع ذلك جوده الجديد ماهنا جوده وغلاء فاحش بسعرها وقطعها

المنيعي1
19/10/2011, 12:40 AM
يالاخو خويك الي يقول مايوضب ماعنده سالفه موترى شاص 2011 وقبل اشتريه قالو الناس يخبط ولاينفع واقوم وانشد فلبيني ميكانيكي عنه وعن قطعه وتصليحه ومكينته قال خذه ولاتنشد وكل قطعه متوفره

هلا يابو مناحي
خويي هذا هندي محكحك على بطنه وظهره له 15 سنه بالورش, المشكله ماهي بتوفر القطع صحيح عندنا بالوكالة القطع غير متوفرة بس يقدر يوفره من الرياض أو جده او طلبية لكن المشكلة بسعره يقول يكلف بحدود الـ 25000 ريال.




وأزيد على كلامك أخوي




واحد موضب شاص 2010 (طبعا المكينة الجديدة) نقلا عن واحد ثفة..


نفس الرد ياخوي عاشق المشكلة بالسعر .

المنيعي1
19/10/2011, 12:44 AM
أشكر كل من شارك في الموضوع بلاأستثناء وكذلك من قام بالمرور .
وارجو ممن وضب هذه النوعية من المكائن أن يفيدنا عن سعر وتوفر القطع .

ابوراكان تبوك
19/10/2011, 03:01 AM
اعرف واحد خبط معه جي اكس آر 2010 8 اسرندل بسسب عدم تغيير الزيت فترة طويله والسيارة من بايع لبايع ولا احد يكشف ع الزيت
المهم سأل عن سعر المكينة لقاها ب 47000 :eek: وبا الاخير وبعد محاولات وشكاوي تغيرت على الضمان

Magellan
19/10/2011, 03:03 AM
إذا كانوا يغيرون جرم السلندرات بواحد جديد فما اعتبره توضيب بل تغيير
ولازلت عند كلامي هل يتم خرط الألمنيوم ،أفتونا شاكرين
ولمن لايعرفه فهو رقم 6 بالصورة الأسفل
http://www.assayyarat.com/myimages/Apr05/bader_car_EFI1.jpg

jiahsuw
19/10/2011, 03:35 AM
G88 رباعية الموجات المزدوج سيم التناظرية التلفزيون أندرويد 2.2 لوحة مفاتيح لاسلكية تعمل باللمس الهواتف الذكية (الرمادي)، والآن الأساليب الأكثر شعبية! هناك صفقات كبيرة! السعر 86 $ فقط! لا ينبغي تفويتها! http://351100.tk/86

Hwer
19/10/2011, 03:46 AM
إذا كانوا يغيرون جرم السلندرات بواحد جديد فما اعتبره توضيب بل تغيير
ولازلت عند كلامي هل يتم خرط الألمنيوم ،أفتونا شاكرين
ولمن لايعرفه فهو رقم 6 بالصورة الأسفل
http://www.assayyarat.com/myimages/Apr05/bader_car_EFI1.jpg

نعم السرندل الالمنيوم يخرط لاني خارط سرندل كابرس 2004 المنيوم

عاشق الحيسية
19/10/2011, 10:34 AM
هلا يابو مناحي
خويي هذا هندي محكحك على بطنه وظهره له 15 سنه بالورش, المشكله ماهي بتوفر القطع صحيح عندنا بالوكالة القطع غير متوفرة بس يقدر يوفره من الرياض أو جده او طلبية لكن المشكلة بسعره يقول يكلف بحدود الـ 25000 ريال.



نفس الرد ياخوي عاشق المشكلة بالسعر .




يالربع كلمت الهندي اللي موضب الشاص


يقول يكلف تقريبا 6000 فقط
مع شغل اليد بعد

المنيعي1
19/10/2011, 01:08 PM
يالربع كلمت الهندي اللي موضب الشاص



يقول يكلف تقريبا 6000 فقط

مع شغل اليد بعد


معقوله
ودي تتأكد أخوي عاشق هل هو توظيب كامل او لا
لأن القديم والمتعارف عليه أنه أرخص قطع وأرخص شغل, توظيب كامل يكلف 8000 ريال

Magellan
19/10/2011, 01:19 PM
نعم السرندل الالمنيوم يخرط لاني خارط سرندل كابرس 2004 المنيوم

شكرا لك
معنى الأمر يحتاج لفني فنان ويقدر يوضبه :good2:

عاشق الحيسية
19/10/2011, 02:48 PM
معقوله

ودي تتأكد أخوي عاشق هل هو توظيب كامل او لا

لأن القديم والمتعارف عليه أنه أرخص قطع وأرخص شغل, توظيب كامل يكلف 8000 ريال




ياخوي على كلامه

يقول توظيب كامل


بعدين لوفرقت ألف وإلا ألفين ما هي مشكلة

أهم شي ماهو بـ 25000

المنيعي1
01/02/2012, 11:45 AM
G88 رباعية الموجات المزدوج سيم التناظرية التلفزيون أندرويد 2.2 لوحة مفاتيح لاسلكية تعمل باللمس الهواتف الذكية (الرمادي)، والآن الأساليب الأكثر شعبية! هناك صفقات كبيرة! السعر 86 $ فقط! لا ينبغي تفويتها! http://351100.tk/86

وين مضيع الدرب الله يهديك

المنيعي1
01/02/2012, 11:46 AM
أشكر كل من شارك في الموضوع بلاأستثناء وكذلك من قام بالمرور .


وارجو ممن وضب هذه النوعية من المكائن أن يفيدنا عن سعر وتوفر القطع .

نكرر الطلب