موضوع مهم

[ابو مقحم]

يا شباب انا كنت عارض طير للبيع وللاسف احد اعضا المنتدي اللي تعرفت عليهم وكنت احسن الظن بهم اتصل علي وقال تبيني ارفع سعر طيرك بالسوم خمسين بالميه واحط رقم جوالي عشان يحسون اني صامل واذا بعت تعطيني مبلغ وقدره .. طبعا انا رفضت والكلام هذا قديم بس اللي خلاني اكتب الموضوع اني مازلت اشوفه في احد المواضيع حاليا وقاعد يزاود ويحط رقمه واسلوبه جدا واضح

فاحبيت انبهكم يا شباب وموفقين خير
اخوكم ابو مقحم×

[جبار1]

جزاااك الله خير ؛؛؛والله يهديه

[skeet]

الله يعطيك العافيه بس حنا شلون نعرفه اللحين

[خيال الهيلا]

جزاااك الله خير

[هاشم 1]

جزاك الله خير واذا انت تعرفه انصحه وقله اللي يسوه نجش والنجش شديد الحرمه في الاسلام الله يهديه

[كنزااااان]

ودك من سواء علمن ردي انه يفضح ع شان يكون عبره من اول البلوس يقومونه
من المجلس وانت يابو مقحم اقحم الردي وماجاك عندي تراك ع اجر ان شالله

[(هزاع)]

اذا انت متئكد من كلامك هذا ماينسكت عنه ويجب ان ننتبه منه هذا والعياذ بالله أفه خبيثه يجب اجتثاثها
ان ياخذ ثمن النجش نعيش ونسمع لاحول ولا قوة الا بالله
اتيان الحرام ذنب وخطيئه وياخذ عليه ثمن مادري وش اسميه يبغالها فقيه بالدين
اقترح ابلاغ المشرف وستشارته لاتسكت عنه
استحلفك الله ان لاتسكت عن هاذه الافه الخبيثه

[ذعذاع نجد]

هاذا ضعيف نفس
ولايخاف الله
وانت جزاك الله خير وعلمك غانم

[اقدم صقار]

اذا انت متئكد من كلامك هذا ماينسكت عنه ويجب ان ننتبه منه هذا والعياذ بالله أفه خبيثه يجب اجتثاثها
ان ياخذ ثمن النجش نعيش ونسمع لاحول ولا قوة الا بالله
اتيان الحرام ذنب وخطيئه وياخذ عليه ثمن مادري وش اسميه يبغالها فقيه بالدين
اقترح ابلاغ المشرف وستشارته لاتسكت عنه
استحلفك الله ان لاتسكت عن هاذه الافه الخبيثه



السلام عليكم
اخوي هزاع كلامك فيه صواب وفيه خطاء
مالك حق تستحلف الرجال وتقول علم المشرف
الشي الثاني كلنا خطاء وخير الخطائين التوابون والشاره ذي ذميمه وحرام وعيب
اما اخونا راعي الموضوع جزاك الله خير انصحه واقنعه بان ما يفعله خطاء وحرام وعيب
واستر عليه ومنت مكلوف بخليقت الله وفضايحهم والستر زين
من ستر على مسلم ستر الله عليه
والصحابه كانو مشركين وصارو من المبشرين بالجنه والدين النصيحه
اسال الله ان يهديه ويستر علينا وعلى المسلمين

[راعي لادن]

مرحباً جزاك الله خير سبحان الله كنت متئكن ان في ناس كذا الله ايكثر من أمثالك

[رعد المطر]

ابو مقحم بيض الله وجهك ورفع قدرك
اقدم صقاراوافقك الراى وبيض الله وجهك

[أهم 1]

لاحول ولا قوة الآ بالله الله يهديه

[رعد البوادي]

لاحول ولا قوة الابالله
ناس ما تخاف الله

[توكلت ع الله]

لاحول ولا قوة الا بالله
الله يهديه ويغنيه بحلاله عن حرامه

[(هزاع)]

السلام عليكم

اخوي هزاع كلامك فيه صواب وفيه خطاء
مالك حق تستحلف الرجال وتقول علم المشرف
الشي الثاني كلنا خطاء وخير الخطائين التوابون والشاره ذي ذميمه وحرام وعيب
اما اخونا راعي الموضوع جزاك الله خير انصحه واقنعه بان ما يفعله خطاء وحرام وعيب
واستر عليه ومنت مكلوف بخليقت الله وفضايحهم والستر زين
من ستر على مسلم ستر الله عليه
والصحابه كانو مشركين وصارو من المبشرين بالجنه والدين النصيحه

اسال الله ان يهديه ويستر علينا وعلى المسلمين

الاخ اقدم صقار/ رايك بالستر في محله اذا كان (اول مره)
لاكن اذا هذا الخبيث لازال يمارس النجش بمقابل نسبه له وما ارتدع بالنصيحه لا ونا اخوك العقوبه مراحل بالدين حنى في مجتمع ومنتدا محترم وكل ادارة واعضاء المنتدا عيال فطره يخافون الله ويتقونه ماقول شي بالنصيحه والستر طيبات لاكن اذا مارتدع العقوبه تردعه

[ابوالفضل]

السلام عليكم

اخوي هزاع كلامك فيه صواب وفيه خطاء
مالك حق تستحلف الرجال وتقول علم المشرف
الشي الثاني كلنا خطاء وخير الخطائين التوابون والشاره ذي ذميمه وحرام وعيب
اما اخونا راعي الموضوع جزاك الله خير انصحه واقنعه بان ما يفعله خطاء وحرام وعيب
واستر عليه ومنت مكلوف بخليقت الله وفضايحهم والستر زين
من ستر على مسلم ستر الله عليه
والصحابه كانو مشركين وصارو من المبشرين بالجنه والدين النصيحه

اسال الله ان يهديه ويستر علينا وعلى المسلمين

عفوا لكن كلام الاخ/هزاع عين الصواب 0 وجزاااكم الله خير

[بوسيف دبي]

الله يهديه ويجيره ويجيرنا المال الحرام

[محمدآل هادي]

كذا يالربع مانقدر نشتري اذا الشخص ذا يرفع السعر او غيره ومايشتري والله مشكلة
الله يهديه

[alwafe19]

ابو مقحم

بيض الله وجهك على التنبيه

وانا اتمنى منك اتخاطب الادارة ويحذفونه من المنتدى إلي مثل ذا اتمنى يحذف.

[اقدم صقار]

الاخ اقدم صقار/ رايك بالستر في محله اذا كان (اول مره)
لاكن اذا هذا الخبيث لازال يمارس النجش بمقابل نسبه له وما ارتدع بالنصيحه لا ونا اخوك العقوبه مراحل بالدين حنى في مجتمع ومنتدا محترم وكل ادارة واعضاء المنتدا عيال فطره يخافون الله ويتقونه ماقول شي بالنصيحه والستر طيبات لاكن اذا مارتدع العقوبه تردعه


اخوي هزاع
العقوبات مثل ايش ؟
تقفلون عضويته يعني !
بيرجع باسم ثاني وبيسوي نفس الموال
انا قلت مانيب مكلوف بالفضايح والشي الثاني الرجال ماهوب باغه تنفخ وتفش بالكلام
كلن عقله براسه ويعرف خلاصه
اذا انا اعرفك يا هزاع بثق فيك وفي سومك لطيري اما ان شفت السوام يزود ويعدي السلعه حقها بعرف لروحي وما نيب مكلوف بالشي اللي ادري ما من وراه الا الخساير وابصراحه توي مسجل بالمنتدى قبل حوالي شهرين واشوف الاسعار خياليه واشوف ناس تزود بشي غير معقول ولا اخص احد بعينه ولاكن الله يعطينا على نياتنا
اما قولتك نفضحه باسمه صدقني ما قام ولا قعد عندي هو واللي مثله ولا له مقعاد بين الرجال وانا مانيب مصدق وما نيب مستوعب ان فيه احد يسوي كذا ويبيع ذمته وظميره ولاكن انا عود من جيز حزمه ان بغيتو تشهرون فيه وان بغيتو تسترون عليه وينصح والهادي الله
اسف على الاطاله اخوي الغالي هزاع
تقبل مروري

[عواد الشمري2]

طيب ياذيبان اسم انك تطيبت قل وش اسمه عشان مايعوده ونعرف نشتري ولا نعرف نسوم لن صرحه فيه كم واحد يزود وشكله هالون يزود وشاكن بلي واحد فا بالله عليك لو تقول وش اسمه عشان يتوب من هاحركات الله يبيض وجهك ويعطيك العفيه

[مدهل الطير]

الله يهديه ويهدينا جميع....هذاحرام حرام حرام

[ديوان العرب]

السلام عليكم وسعدلله مساكم بالخير والمسرات اخوي ابو مقحم الساكت عن الحق شيطان اخرس انت كذ تستر على نصاااب المفروض من بداية الموضوع انك تبلغ المشرفين عنه هاذ باع ذمته

[ا بوحزام]

ياشباب اهدو شوي ابومقحم لوكان يعرفه علم الاداره بس هو حب يشد الاعضاء صوب هذا الموضوع اللي صحيح منتشر بالمنتدى ولا نقول الا الله يهديهم واللي ما الله بهادييه الله يجعلها دخول شر عليه
والساكت عن الحق شيطان اخرس

[ابو مقحم]

الله يهدي بعض الاخوان يعني اللحين يوم جيت انصحكم صرت شيطان اخرس لحول ولا قوة الا بالله

عز الله انكم ما تساعدون ان الواحد ينبهكم عن الغش وما نيب اعم اخص بعض الردود

بعدين اذا قلت اسمه ووقفوه الاداره بيعود وبيرجع باسم الثاني اضن ما فيه اسهل منها

وهو ما هوب شخص واحد عشان اذا فضحته بينتهي الموضوع الدعوى منتشره


فالرجال الفطين يحط عقله براسه واذا شاف سومن زايد من عضو مشكوك فيه يجنب عن الطير وراعيه بس


وانتم ياللي تقولون شيطان اخرس ان كانكم بلاسين ونقالين حكي فانا ما نيب منكم

[راعي مرعوب]

بيض الله وجهك على النصيحه
وعندك المشرفين وانا اخوك يقومون ف الواجب ولاهم مقصرين
والي يبا يسويله اسم ثاني يدور عليه الوقت وينفضح والاداره مايخفا عليها شي بأذن الله

[بندر خلف]

يعطيك الف عافيه على الموضوع الرائع

للمعلوميه ازيدك من الشعر بيت

انا سبق وحطيت موضوع اعرض شيهانه للبيع

فيه ناس زوودو بالمنتدى ولاكن ماهوب بصاملين ( يعني مشابهين للكلام الي انت تقوله )

ولاكن عسى الله ايهديهم

[تميم2222]

بيض الله وجهك ياابو مقحم ... وانا اشوف ..التشهير به...ولا حد يستغرب ..لان هذا هو النجش بعينه وعلمه ..جهرا والعين ترى .. ويقولون استر عليه؟؟ الا خله عبره لغيره ..تقبل مروري ولك خالص التقدير اخوي

[استاذ]

بيض الله وجهك ياابو مقحم ... وانا اشوف ..التشهير به...ولا حد يستغرب ..لان هذا هو النجش بعينه وعلمه ..جهرا والعين ترى .. ويقولون استر عليه؟؟ الا خله عبره لغيره ..تقبل مروري ولك خالص التقدير اخوي
هذا نجش بثمن جديده

[العاتق]

يخوان سلمكم الله من كل مكروه.... انا اشوف ان اي طير معروض للبيع وواضح جميع تفاصيله ورغبت اشتري هالطير احط سومتي واتوكل على الله ان الله كتب لي فيها حمدت الله وان ما اراد الله حمدت الله ودعيت لراعيه بالتوفيق بالبيعه الطيبه و ماني مجبور اسوم فوق سومه مبالغ فيها... والصقار وراعي الطيور يعرف الطير ويعطيه حقه ويعرف حدوده... واللي بيتعدى سومه مبالغ فيها بكيفه يمكن يكون له نظر في الطير او فلوسه زايده ويمكن يكون خبل ههههههههه.. اللي عقله في راسه يعرف خلاصه الله يكفينا ويسلمنا من كل شر