المساعد الشخصي الرقمي

مشاهدة النسخة كاملة : تكفوون كفرات السيارات ارتفعت ارتفااع مهول



بني عدنان
17/10/2011, 09:34 AM
امس قودير مقاس 17 سعرها 760 ريال

ماكسس 610 ريال

طبعا الكفر الواحد

يا الربع وش نركب كفرات عمليه وسعرها من 500 ريال وحولها

السبيعي 503
17/10/2011, 10:59 AM
يارجال خلها على ربك أنا ركبت كفر لجيب دنلوب شواهين

740 ريال ويالله لقيته الشكوى لله والله ارتفاااع موب بسيط وتلاعب بالاسعار

يكفيني نظرة
17/10/2011, 12:05 PM
حسبي الله ونعم الوكيل كود تلقا احد يبي يبيع مستعملات نظاف والمشكله مو بس الارتفاع المشكله مشكلتين:
1- الارتفاع بالسعر 2- ماتلقا اللي انت تبي.
الله المستعان..

عبدالله //
17/10/2011, 03:17 PM
والله مدري وش صار لعب عينك عينك ...... الا ياجماعة الخير الدنلوب الحجري الاصلي .والاماراتي يفرق ولا لا؟

شحرور الدهنا
17/10/2011, 05:19 PM
من امن العقوبه اساء الادب

dead man
18/10/2011, 05:17 AM
حسبي الله ونعم الوكيل ياخي الكفرات صارت ذهب مو كفرات على هذي الاسعار والله انو عندي كفر حق موتري جاته ضربه من الجنب وصار فيه شق بسيط وودي اغيره لاكن قلت خلني اتحرى الشتا يمكن احد يحس ويشوف حل لهذي الاسعار او ينزل سعرها شوي وان ارفعوها زياده عن الحين عزالله اننا بنروووح ملح.

تركي الحمدان
18/10/2011, 06:19 AM
المشكله انه يوجد فرق بين مدن المملكه في الاسعار

الإستراتيجي
18/10/2011, 06:39 AM
هم طايحين في رفع الأسعار


كل سنة مرتين ولقوها ماشيه أمورهم


في الصيف وفي الشتاء


الصيف بداية الإجازة الصيفية (( الناس تبي تتمشى ))


الشتاء قريب طلعات البر .


وما يزيد إلا كفرات الجيوب و الجموس ..


وللأسف أن الزيادة ماهي طبيعية حتى سعر الكفرات الآن مبالغ فيه


والمصيبه يقولون غير موجود ووكيل برجستون مرة يقول غير موجود وكلهم يقولون غير موجود


طلعت إلي في الصناعية القديمة وبعد معرفة ناس جابها لي من المستودع والإستلام أنا أستلمها وعلي التركيب

رحت آخذها وقال لي الي في المستودع أن الموجود فوق 60 حبه !!


طيب ليه تقولون غير موجود والسبب ليه !!

وفي السابق يقولون أننا بنجيبها طلبيه من جدة

والمشكلة أني لما كلمت جدة طلعت التواريخ قديمة وإلي بالرياض تواريخها جديدة لدرجة أن الكفرات لينة مرة وهي من النوع القاسي ...


للأسف ويعلم الله أني تهاوشت معهم وقلت أن شغلكم غش و كانت الأسعار ذلك الوقت 650

وصلني خبر أنها وصلت 800 الآن !!


جنط 17

الطرقي الشمالي
18/10/2011, 06:51 AM
حسبنا الله ونعم الوكيل
مادري الموظف المسكين يلقاها من وين ولا من وين
مانقول غير الله يبدل الحال الى احسن...

ماون ماركز
18/10/2011, 07:49 AM
وسع صدرك .. ما حولك أحد

سليمان الربيعان
18/10/2011, 07:54 AM
الله يكون بالعون
هذا الارتفاعات من الذنوب والمعاصي اولاً
ثانياُ / طمع التجار ما يخافون ربهم
ثالثاً / لارقيب ولاحسيب واموره تخلص بسرعه
رابعاً / احتكار العماله السوق يرفعون متى ما يبون
عليكم بالاستغفار والدعاء بنزول الاسعار
تقبلو تحياتي...

ددسن 2008
18/10/2011, 08:37 AM
اخوي بن ربيعان ..
الاستغفار موجود ومطلوب على كل وقت ضيق ورخا ..
والله سبحان يقول لو لم تستغفروا لذهبت بكم واتيت بقوم يذنبون ويستغفرون فأغفر لهم ..

التذكير محمود والله يثيبك .. بس موضوعنا يبي حل جذري

واشوف بند .. ثالثا .. هو احد الاسباب

سلمت ..

.أبوعبدالرحمن
18/10/2011, 09:17 AM
الكفرات ذا اليومين نار ، عندي اكسبدشن الوالد حبل واحد من الكفرات


والسيارة من الاساس كفراتها قديمة وما قصرت لها سنتين و ماشين عليها


أكثر من 100 ألف كم ورحت وأشوف أسعار الكفرات نااااااار والمشكلة


ما لقيت النوع إللي أبيه والادهى والامر ما لقيت 2011 كلها 2010 وإلا


2009 وفي الاخير غيرت المحبل بكفر تويو بـ 800 ريال و 2010 بعد وخليت الباقي


القديمة البرجستون وهذا هو الحل الوحيد لا تغير الكفر إلا إذا خرب


أستغفر الله وأتوب إليه

ابو نايف هدد
18/10/2011, 01:18 PM
والله صادق يالغالي
صايره نااار الله المستعان
توي مركب دانلوب جي اكس والله بــ 720
حسبي الله ونعم الوكيل فيهم وعلى اللي لاعب في الأسعار

عريدان
18/10/2011, 01:29 PM
السبب لأننا أكثر شعب مستهلك ويغير ويدفع في شيئ غير محتاج له ولا يقوم بأي تفكير او طرح البديل وأكثرهم ممن يعرف المال من أين يأتي ولا كيف ينفق وأكثر شعبنا كذا ما يفكر في التنظيم أو المستقبل مجرد إنه ما جاه حطه في مبتغاه ولا يعرف أن فيه من بعض تجارنا مستغل ومتحالف مع الأجانب لتقاسم الأرباح السهلة برفع الأسعار ويتمنى أن يأخذ مالك ودارك وإن حصل أي شي ثاني... وهذا شي يقدر عليه ولا أحد يمنعه وممكن نشوف هذا الرابط سواء للفايده ولترى أن هناك عقليات منطقها (عش يومك ولخبط علومك )


http://mekshat.com/vb/showthread.php?t=199739

http://www.alriyadh.com/2008/01/02/article305748.html

بني عدنان
18/10/2011, 08:06 PM
لا حول والقوة الا بالله
عجزنا نركب كفرات حسبي الله ونعم للوكيل

hail_ksa
18/10/2011, 10:51 PM
أسعار الثلاثاء 20 / 11 / 1432هـ
صناعية حـــــــائــــل الجديدة

هنكوك كوري جنط 15 = 570 ريال
شاهين ياباني جنط 16 = 600 ريال
دنلوب ياباني جنط 16 = 650 ريال


وفي الصيني جنط 16على 400 ريال

وارف الظلال
18/10/2011, 11:07 PM
لا حول ولا قوة الا بالله
حسبنا الله ونعم الوكيل

السامر506
18/10/2011, 11:27 PM
الله يكون فالعون

فيصل التميمي
18/10/2011, 11:34 PM
من امن العقوبة اساء الادب لعب تجار وتحايل وليس هناك رقيب او حسيب
التاجر في هذه البلاد ضالم

جلمود الحره
18/10/2011, 11:38 PM
يعني مافيها الا كفرات اليابان وكوريا الغاليه ماهوب لازم نشتريها
في كفرات صينيه صناعتها جيد جدا واسمها سايلون sailun شريت طقم للددسن جنط 15الواحد155 قبل فتره 6شهور ويوميا خطوط وبرداخل الديره ,,وعلى كيفك ماشكيت منها
والاسبوع قبل الفايت شريت كفرات للجيب جنط 16 ب350 للواحد نفس النوع المذكور ورحت مقناص للحماد الشمالي وقعدت اسبوع و3ايام وتعرفون المقانيص السياره ماترتاح الا عند المبيت ورجعت ومريت الدبدبه والحماطيات ودخلت الكويت وسالت عن الكفرات عندهم لقيتها اغلى من عندنا بفارق 100 الى 150 ورجعت وهات ياالنعيريه ومنها على الصمان ثم الرياض وماحسيت اي شي بالكفرات ولله الحمد ...وش رايكم !

قناص خلاوي
19/10/2011, 12:00 AM
السبب الأول ان الديرة مافيها حسيب ولا رقيب
لا وزراة تجارة ولا حماية مستهلك
الكفرات الغش فيها عيني عينك وعلى شوفك يالشاري
ووراد الامارات مقلد ويباع على انه اصلي !!!!!!!

والسبب الثاني هو لوبي الحضارم اللي ماسك سوق الكفرات
من عام 99 وانا اتعامل معهم وشفت النون ومايعلمون
سواء بالجديد او المستعمل
واللعب بالمستعمل اكثر من الجديد قبل يمنع بيع المستعمل

وللأسف مافيه حلول بيد المستهلك
ماعندنا الا المقاطعة ولا نجزم بها بعد
إن قاطع فلان علان ماهمه ولا درى عن المقاطعة

الله يدبرها على الصالح للجميع

الوافي512
19/10/2011, 12:02 AM
موب بس الجيوب

الكامري 490 قل 500

وكان 320 احسن كفر

سيل بن سايل
19/10/2011, 12:19 AM
السبب الأول ان الديرة مافيها حسيب ولا رقيب


لا وزراة تجارة ولا حماية مستهلك

الكفرات الغش فيها عيني عينك وعلى شوفك يالشاري

WWS
19/10/2011, 01:08 AM
امس قودير مقاس 17 سعرها 760 ريال

ماكسس 610 ريال

طبعا الكفر الواحد

يا الربع وش نركب كفرات عمليه وسعرها من 500 ريال وحولها


حسبي الله ؤ نعم آلؤكيل طــآر كل شيء
ؤيش آلمقآس آللي تبيه
إن شاء الله تتسهل

tmdmgm
19/10/2011, 08:36 AM
إلى الله المشتكى

وصف للحالة :

سمك كبير يأكل سمك صغير والضحية هالمستهلك

أبو هشام راشد
19/10/2011, 11:09 AM
الله يرفع هذه الغمة على المسلمين هذه السنة لاحظت زيادة في سعر الإطارات لسيارتي تقريباً 150 ريال المقاس 245/65/17

ALBDRANE
19/10/2011, 11:21 AM
السبب لأننا أكثر شعب مستهلك ويغير ويدفع في شيئ غير محتاج له ولا يقوم بأي تفكير او طرح البديل وأكثرهم ممن يعرف المال من أين يأتي ولا كيف ينفق وأكثر شعبنا كذا ما يفكر في التنظيم أو المستقبل مجرد إنه ما جاه حطه في مبتغاه ولا يعرف أن فيه من بعض تجارنا مستغل ومتحالف مع الأجانب لتقاسم الأرباح السهلة برفع الأسعار ويتمنى أن يأخذ مالك ودارك وإن حصل أي شي ثاني... وهذا شي يقدر عليه ولا أحد يمنعه وممكن نشوف هذا الرابط سواء للفايده ولترى أن هناك عقليات منطقها (عش يومك ولخبط علومك )


http://mekshat.com/vb/showthread.php?t=199739

http://www.alriyadh.com/2008/01/02/article305748.html

كلامك عين الصواب تسلم

ALBDRANE
19/10/2011, 11:24 AM
منذ سنوات خلت كانت الاطارات شبه ثابته أسعارها يعني تقعد حدود ثلاث سنوات والاسعار نفسها

الحين تتغير الاسعار في السنة أربع مرات بالزياده

بني عدنان
20/10/2011, 09:18 PM
يا الربع كفرات هنكوك مقاس 17 كم سعرها ووكيلها وين مكانه

بني عدنان
21/10/2011, 05:03 PM
ماكسس عادي سعره عند باوزير آليوم٥٥٠ ريال الكفر الواحد

وقودير ٧٥٠ ريال

وميشلان ٨٧٠ ريال

ونكسون ٦٠٠ ريال

طبعا يا الربع المقاس ١٧

لاحول ولا قوة الا بالله

EFI4500
22/10/2011, 05:16 AM
انا سمعت طرف حتسي ان الحكومه او وزارة التجاره تبي تلتفت لهم ! يجب الله مطر هههههههههههههه

وبالنسبه للي يقول الحجري به نوع خليجي وبه اماراتي انا سألت لي شايب راعي محل قالي خذ الرخيص تراهن واحد كلهن من اليابان جايات بس اللهم الخليجي به قراطيس:p

الرفاع 11
22/10/2011, 09:02 AM
هيروو مقاس 17 كم يا اخوان في الشرقيه ؟؟؟

والله يعين الاسعار مرتفعه بكل شي

abdh215
22/10/2011, 11:26 AM
متى ما كانت الصلاة رخيصة فتوقع هذا الحال من الغلاء في الاسعار

قال تعالى وما اصابتكم من مصيبة فما كسبت أيديكم

قناص خلاوي
22/10/2011, 06:53 PM
متى ما كانت الصلاة رخيصة فتوقع هذا الحال من الغلاء في الاسعار

قال تعالى وما اصابتكم من مصيبة فما كسبت أيديكم

الله يجزاك خير اخوي
تصحيح الاية :
{وَمَا أَصَابَكُم مِّن مُّصِيبَةٍ فَبِمَا كَسَبَتْ أَيْدِيكُمْ وَيَعْفُو عَن كَثِيرٍ }الشورى30

مافيه
22/10/2011, 10:48 PM
الحل الوحيد ان الواحد يقضب ارضه ويدور افضل كفر في طولة عمره بعد الله سبحانه

وافضل ماجربت الى يومك البروجستن (مشكلتها قاسيه لاكن تعيش عاشت معي 4 سنوات و 175 الف كيلو) وتجامل في كل مكان المقاس ان ماخاب ضني 17/245/65 < المقاس مهوب اكيد لاني وقت تغييرها ركبت مقاس اكبر و اعرض وهي كانت على باثفندر الشكل القديم مقاس الوكاله وبدلته بمقاس اكبر مشابه لمقاس كفرات الجمس الجديد
مهوب لازم كفر للين ((الكفر اللين تقطع بسرعه وتهتري بسرعه ومهنا اسرع من تحبيلها))

LE2010
23/10/2011, 12:49 AM
من امن العقوبه اساء الادب

والله انك صااااااااااااادق

سيف الظفير
23/10/2011, 11:55 AM
http://www.ynbu.com/wp-content/uploads/%D8%B9%D8%A8%D8%AF-%D8%A7%D9%84%D9%84%D9%87-%D8%A8%D9%86-%D8%A3%D8%AD%D9%85%D8%AF-%D8%B2%D9%8A%D9%86%D9%84.jpg

احس ان هذا راعي كل وكالات السيارات وكفراتها


وكل التجارة


ما هوب فاضي لك زينل ...... وعلى قولة سيف الاسلام القذافي

تكرمون ومحشومين


طززز بالاسعار والناس

eng_mkhalaf
23/10/2011, 12:07 PM
ماكسس عادي سعره عند باوزير آليوم٥٥٠ ريال الكفر الواحد

وقودير ٧٥٠ ريال

وميشلان ٨٧٠ ريال

ونكسون ٦٠٠ ريال

طبعا يا الربع المقاس ١٧

لاحول ولا قوة الا بالله

أيش معنى ماكسس عادى - ما معنى كلمة عادى
هل أحد جرب هالنوع أرى سعرة الحين مناسب بالنسبة للباقى

يريور عيمان
23/10/2011, 04:38 PM
اين انتم يا وزارة الاقتصاد ؟

بني عدنان
25/10/2011, 09:18 AM
أيش معنى ماكسس عادى - ما معنى كلمة عادى
هل أحد جرب هالنوع أرى سعرة الحين مناسب بالنسبة للباقى


العادي يعني مهوب بالون