المساعد الشخصي الرقمي

مشاهدة النسخة كاملة : ممشى السياره ؟ هل له تأثير ؟



لهذام
17/10/2011, 11:16 PM
السلام عليكم ورحمة الله وبركاته

خبراءواعضاء مكشات :

هل ممشى السياره له تأثير على المكينه ؟
وهل كثر الممشى يدل على عدم نظافة السياره ؟
وماهو الممشى الطبيعي السنوي للسياره ؟
وكم اقصى حد تقريبا لممشى السياره(العداد)؟
واذكروا لنا بعض الأمثله إن امكن ذلك

- - -
استشاره /
وجدت جكسار 2006 نظيف جدا جدا ماشاءلله ، ولافيه سمكره ولاصدمه بس حكه في الصدام ، وممشاه 170 هل يضره الممشى ويعتبر عيب ام انه ممشى طبيعي وكم تمشي المكينة مع المحافظه عليها ؟



افيدونا وفقكم الله وزداكم هدى

(لاتنسى ذكر الله )

ALBDRANE
17/10/2011, 11:21 PM
ممشاه طبيعي على موديله
172000/72 يطلع ممشاه في الشهر حدود 2300 كيلو تقريبا لا باس
أذا كان ممشى السيارة في الشهر أكثر من 4000كيلو تعتبر مكروفه

كم كيلو باقي
17/10/2011, 11:24 PM
هل ممشى السياره له تأثير على المكينه ؟
حسب الاستخدام .. بس اذا زاد عن الحد الطبيعي بكثير يضر
وهل كثر الممشى يدل على عدم نظافة السياره ؟
ماله علاقة حسب السواق ..
وماهو الممشى الطبيعي السنوي للسياره ؟
من 30 - 35 الف تقريبا
وكم اقصى حد تقريبا لممشى السياره(العداد)؟
مافيه شيء اسمه أقصى حد ..
اذا انت مهتم بالصيانه واستخدامك نظيف ورجلك خفيفة يمشيك لين تقول ربي الله
تجلد ورجلك حارة .. ماتكمل 200 الف الا وأنت موظب ثم تبدأ الخرابات وتعاف الموتر وتبيعه


بالنسبة للجكسار اللي أنت ذكرت ممشاه يعتبر مناسب

قبل كل شيء لازم تصلي استخارة

بس لازم تفحص فحص شامل من الصدام للصدام فيه نوعين واحد بحدود 300 - 400
والثاني بحدود 900 - 1000
أفحص الثاني ولا تستخسر على الفحص ولو تروح لأكثر من مركز أحسن

لهذام
17/10/2011, 11:45 PM
ممشاه طبيعي على موديله
172000/72 يطلع ممشاه في الشهر حدود 2300 كيلو تقريبا لا باس
أذا كان ممشى السيارة في الشهر أكثر من 4000كيلو تعتبر مكروفه
بارك الله فيك عى الإفادة ، وصدقت البعض قال انه طبيعي.
جزاك الله خير .

لهذام
17/10/2011, 11:46 PM
هل ممشى السياره له تأثير على المكينه ؟
حسب الاستخدام .. بس اذا زاد عن الحد الطبيعي بكثير يضر
وهل كثر الممشى يدل على عدم نظافة السياره ؟
ماله علاقة حسب السواق ..
وماهو الممشى الطبيعي السنوي للسياره ؟
من 30 - 35 الف تقريبا
وكم اقصى حد تقريبا لممشى السياره(العداد)؟
مافيه شيء اسمه أقصى حد ..
اذا انت مهتم بالصيانه واستخدامك نظيف ورجلك خفيفة يمشيك لين تقول ربي الله
تجلد ورجلك حارة .. ماتكمل 200 الف الا وأنت موظب ثم تبدأ الخرابات وتعاف الموتر وتبيعه


بالنسبة للجكسار اللي أنت ذكرت ممشاه يعتبر مناسب

قبل كل شيء لازم تصلي استخارة

بس لازم تفحص فحص شامل من الصدام للصدام فيه نوعين واحد بحدود 300 - 400
والثاني بحدود 900 - 1000
أفحص الثاني ولا تستخسر على الفحص ولو تروح لأكثر من مركز أحسن

بيض الله وجهك على الرد الوافي ، أما بالنسبه للجكسار فهو مفحوص ومشيك عليه تشييك كامل سليم ماشاءلله ، والسيارة ايضا عن طريق معرفة ، والله الموفق سبحانه .
جزاك الله خير.

camping expert
17/10/2011, 11:46 PM
بحكم تخصصي هندسة ميكانيكية سأجيب عليك :


هل ممشى السياره له تأثير على المكينه ؟
نوعاً ما

وهل كثر الممشى يدل على عدم نظافة السياره ؟
لا نظافة السيارة تختلف عن نظافة المحرك
وماهو الممشى الطبيعي السنوي للسياره ؟
لايوجد قانون يحكم ذلك
وكم اقصى حد تقريبا لممشى السياره(العداد)؟
هنا الاجابة متشعبة فلكل محرك عمر افتراضي وأقصد بعمر افتراضي هو دخولة للصيانة المتوسطة او الشاملة top overhaul - major overhaul التوب هو توضيب خفيف للوجيه والبلوف ( الصمامات )
اما الميجور فهو شامل تغيير وجية وبلوف وخرط وتغيير شنابر او قميص ان وجد توسع في السلندر

مثال :

اذا كانت سيارتك اربع سلندر فعمر المحرك الافتراضي 200 الف تقريباً بعدها يحتاج الى دخول لصيانة وليس بالضرورة وجود عطل ولكن الدخان يبدأ في الخروج بلون أبيض واذا كان المحرك 6 سلندر فأعلى من ذلك والثمانية سلندر حيب خبرتي لا تحتاج الى صيانة الا بعد 400 الف كم

سيدي الكريم نظافة السيارة تعتمد على الاستخدام اما المحرك فهي تعتمد على ساعات العمل الممثلة هنا بـ كم ( milage )


أتمنى ان أكون أفدتك

ابن عكاش
17/10/2011, 11:47 PM
هل ممشى السياره له تأثير على المكينه ؟
حسب الاستخدام .. بس اذا زاد عن الحد الطبيعي بكثير يضر
وهل كثر الممشى يدل على عدم نظافة السياره ؟
ماله علاقة حسب السواق ..
وماهو الممشى الطبيعي السنوي للسياره ؟
من 30 - 35 الف تقريبا
وكم اقصى حد تقريبا لممشى السياره(العداد)؟
مافيه شيء اسمه أقصى حد ..
اذا انت مهتم بالصيانه واستخدامك نظيف ورجلك خفيفة يمشيك لين تقول ربي الله
تجلد ورجلك حارة .. ماتكمل 200 الف الا وأنت موظب ثم تبدأ الخرابات وتعاف الموتر وتبيعه


بالنسبة للجكسار اللي أنت ذكرت ممشاه يعتبر مناسب

قبل كل شيء لازم تصلي استخارة

بس لازم تفحص فحص شامل من الصدام للصدام فيه نوعين واحد بحدود 300 - 400
والثاني بحدود 900 - 1000
أفحص الثاني ولا تستخسر على الفحص ولو تروح لأكثر من مركز أحسن

:good2: جبت اللي بقوله
نصيحة افحص الموتر وريح بالك وترى فيه البريدي وكاركتك حليوين فحصهم بحدود 350ريال شامل ولا تاخذ كلام راعي الموتر لو هو اخوك :D مبالغة شوي اقصد الثقه قلة هالأيام
حط بينك وبين البايع الفحص وبإذن الله ماتندم مع الإستخارة
بالتوفيق والله يبارك لك مقدماً

camping expert
17/10/2011, 11:48 PM
على فكرة أي سؤال بالهندسة الميكانيكية انا حاضر

غواص وقناص
18/10/2011, 02:11 AM
على فكرة أي سؤال بالهندسة الميكانيكية انا حاضر

طيب اش تفسر لي هذه الحالة في احد السيارات
ما شاء الله تبارك الله
هايلوكس 91 ماشية 600000كيلو على يد صاحبها وكالة
الزيت ما عمره مشاه اكثر 3000كيلو وفي اخر السنين
صار يغير بنفسه 1500كيلو تقدر تفسر لي
هل هو السبب الرئيس في عمر المكينة
وحتى الرديتر المويه ما عمرها نقصت

والأن اغلب الوكلات تقول غير على 5000كيلو
وانا امشي السيارة 3000واغير وايذا كان فيها خط2500كيلو

والأن اتبعت الحكمة أسأل مجرب ولا تسأل طبيب


وش رئيك والله يعطيك العافيه والمعذرة على الأطالة

حوض 2003
18/10/2011, 03:26 AM
المشى السنوي في حدود ال 40 الف

عبدالله المطيري
25/10/2011, 09:57 PM
أنا كان معي جكسار 2002 اتوماتيك ماشي يوم ابيعه 720000 كم قبل سنه من الان


المهم اللي شراه مني فحصه كمبيوتر وقاله راعي الفحص مخبط مخبط بحدود شهرين بالكثير


الموتر الحين مع راعيه وماشي فوق 800 الف وماعنده مشكله


اللهم جلد البلوف ونقص الزيت وكلها خفايف



الممشى مو دليل


والسياره اللي ممشه قليل ينشك فيها ذي الايام

sa004
25/10/2011, 10:03 PM
الله يوفقك باللي يناسبك

الوقيدي
25/10/2011, 10:21 PM
السلام عليكم : الممشى على السياره لايوثرعليها اذاكان السئق يحافظ على السياره من ناحيه الزيوت والماء والبواجي . كان لدي سياره هايلوكس موديل90 ماشيه 950000 الف كم . والماكينه شد بلد في كل شيئ ولاتنقص زيت ولله الحمد . مشكله السياره من الشد الجائر عليها . الى اللقاء

ابو عوضه.
25/10/2011, 10:38 PM
معي صالون موديل 97 ماشي حول 400 الف وماشاء الله تقول وكاله بس حافظ على تغييرات الزيت اول بأول

برايدوي عنيد
25/10/2011, 11:10 PM
هل ممشى السياره له تأثير على المكينه ؟
طبعا له تاثير لكن حسب الاستخدام
وهل كثر الممشى يدل على عدم نظافة السياره ؟
كثر الممشى مع صيانه دوريه مع تغيير للزيت لمسافه اقل, اعتبره لايضر مثل من يمشي مسافه اطول بالزيت
كذلك حجم المحرك من ناحيه 4 سلندر و6سلندر له اعتباره
السائق له دور كبير من ناحيه تماسك ونظافه السياره


وماهو الممشى الطبيعي السنوي للسياره ؟
باختلاف الاراء مابين 30 الف - 50 الف كيلو متر


وكم اقصى حد تقريبا لممشى السياره(العداد)؟
واذكروا لنا بعض الأمثله إن امكن ذلك
بالنسبه لي شفت موتر ماشي 600 الف



نظافه السياره تعتمد على :


البدي: الصدمات والسمكره والشاص
المكينه والقير: تهريبات وجلد بلوف وقياس ضغط الشنابر
عضلات السياره: يعني مساعدات واذرعه ووعمدان توازن و....


والاستخاره اهم شي وكذلك مشاوره اهل المعرفه بالمجال


هذا مالدي وتقبل مروري...

محسن اليامي
26/10/2011, 12:40 AM
طالما محافظ على السياره مااافيه مشكله لو تمشي مليون

volcano
26/10/2011, 12:54 AM
اغلب المصنعين حسب مجلات السيارات يعتبر المعدل السنوي الطبيعي لممشى السيارة 30 الف كم او اقل

وعليها قس.

مبروك مقدما

SRAAAB
26/10/2011, 09:11 AM
إذا كان البدي والشاص وقيراته نضيفة توكل على الله أما الممشاء فطبيعى
وقبل هذا كله استخر وافحص السيارة ليطمأن قلبك
والله يدلك على الخير

SaMi83
26/10/2011, 09:19 AM
يالحبيب حسب استخدام الشخص يعني يمكن امشي على السياره وما اغير زيت الا بعد 15الف كيلو ولا اغير سيفون الا بعد اربع تغييرات واهلك المكينه واحرق ام الزيت ولا اغير سير التايمن او الجنزير كل مئة الف او 150 بالكثيرـ

معي باثفيندر ماشي 450 الف وما شاء الله المكينه اداءها ممتاز وعزم ممتاز بس نقص الزيت موجود وبأي مكينه ينقص وصوت تكايات المكينه على خفيف اذا كانت بارده السياره واغير زيت اول بأول سيفون على طول افضل زيت اغير اتابع الزيت كل فتره عشان لاينقص

يعني هالامور مهمه جدن من وجهة نظري

انا من رأي وتجربتي بالسياره الممشي مايقييم اداء محرك السياره ابدن

والله يبارك لك اللي فيه الخير

بالتوفيق

المميـز
26/10/2011, 12:33 PM
:

الممشى لايؤثر على محركات السيارة اذا كان راعيها راعي صيانه وتغيير زيت المكينه بوقته

والتشييك المستمر على زيت القير والدفرنسات

:

volcano
26/10/2011, 04:40 PM
الممشى يأثر ولا ماكان المصنع يحدد الضمان وفق المسافة او الزمن ايهما يأتي اولا

لهذام
30/04/2013, 06:52 PM
بيض الله وجيهكم ياجماعة ، لازلت بين فترة وأخرى أقرأ ردودكم وأستفيد ، ومن لديه إضافة لايبخل .

تميم2222
05/05/2013, 11:23 PM
اما عن الفكس ار ولكزس والباترول ...مايهم ماكينها تطق فوق 500000 الف وتكد وتمد ...اما عن الجكس بعد 250الف ..السياره ما تضمنها ...لان اغلبيه بعد هالممشا.. شنبر له وسلامتك

بن الشمال
07/05/2013, 10:23 AM
وجهة نظري الممشى ماهو دليل نظافة ، حسب استخدام الشخص للسيارة.

مع العلم الذي يهلك السيارة السرعات العالية المستمرة

خيال الغلبا
07/05/2013, 10:52 AM
اخوي لكل شيء عمر

كل مسمار في السيارة له عمر

لايهمك كلمة مخزن

المصنع جعل لكل قطعة عمر محدد

والممشى اكيد يؤثر تاثير مؤكد ومفسد للسياره

أطلال نجد
07/05/2013, 05:25 PM
الخلاصة أن كثرة الممشى من عمر المحرك
أما عن سوء الاستخدام فهذا موضوع آخر لا علاقة له بكثرة أو قلة الممشى
بمعنى إذا كان صاحب السيارة رجلة حاره و غير مكترث بالصيانة الروتينية و استبدال الزيوت في وقتها المحدد فهذا بلاشك سيارته سينتهي عمرها الأفتراضي قبل حينه

قناص 28 عفيف
08/05/2013, 02:08 AM
حسب الاستخدام بعض السيارات مامشت 30 الف ومخبطه وبعضها توصل مليون ومحراتها وكاله

ابو العز بلس
09/05/2013, 10:10 AM
وعليكم السلام ورحمة الله وبركاته

معي كامري موديل 2002 ماشيه قريب 600000 وكنت مجنون سرعة ماكنت انزل عن ال200 طبعا كلام قديم وكنت اغير الزيت كل 8000 او 10000 كل مرتين سيفون واهتم في الصيانة وعلى يدي وكالة والحين مع السواق ولا وظبت ابد ولله الحمد
كل شيء له عمر فالصيانة تاخر عمرها باذن الله تعالى

sgl2002
09/05/2013, 12:49 PM
والله ياخوك اهم ما في السياره البدي وغيره يتغير ويرجع زي ما كان


وبالنسبة للممشى اذا انت محافظ ع الموتر ومهتم بصيانته فراح يعمر معك وقت طويل


وموتري باترول ماشي ٤٠٠ الف والحمد لله لاينقص ولايحتر ولافيه اي اصوات بس اني اداري عليه