المساعد الشخصي الرقمي

مشاهدة النسخة كاملة : هل استطيع تركيب بطارية ثانية للجيب vxr ..... ارجو الفزعة يا المكنيكي


فدغون
09/10/2002, 04:54 AM
السلام عليكم

اخوي هل من الممكن تركيب بطارية اضافية للجيب vxr مديل 2001 وهل هي عملية وهل يتم الشحن من نفس الدينمو وهل لذلك اي تأثير على السيارة والا لا.

تقبل تحياتي ............

اخوك فدغون:good:
الغيث
10/10/2002, 02:22 PM
الاخ الكريم انا ركبت بطاريه اضافيه لسيارتي (يوكون) وسلكت لها بنفسي واشتغلت تمام جهاز مكان للبطاريه وثبتها واربط السالب مع السالب والموجب مع الموجب يكون الناتج عندك مضاعفة الامبير والفولت ثابت وراح تعبي من نفس البطاريه الاصليه اذا اشتغل الدينمو
العيد
10/10/2002, 06:56 PM
اخوي الغيث الله يعطيك العافية انا ابغى اسوي سواتك لان عندي مشكلة المراوح تشتغل مع فتح السلف فتضعف التشغيل ....وشرايك اركب بطارية كبيرة 100امبير مثلا وبتتعبني بتوليف القاعدة او اركب ثانيه واوصل لها سلكين ؟؟؟ وضح الطريقه لو تكرمت وفيه كتاوت او لا ؟؟
فدغون
10/10/2002, 09:00 PM
بيض الله وجهك يا الغيث

وعز الله صدق من قال الغيث هو الخير

بس ما تتوقع اذا خربت وحدة من البطاريات تخرب الثانية معها. و لو خليت البطارية الثانية بدون تسليك واذا لا قدر الله خربت الأصلية اشبك الثانية والا ما يصلح.

تحياتي لك
الغيث
11/10/2002, 09:15 PM
الاخ فدغون ممكن تخلي البطاريه الاضافيه بدون تسليك اذا كانت اكترونيه يعني من الي يجن مشحونات واذا خربت الاساسيه ولا قامت السياره ركب الاضافيه مكان الاساسيه.
الاخ العيد اضن ان 2 في 70 =140 امبير اكبر من 100 ويتحمل ضغط ويتحمل ضغط كهرب اكثر اما بالنسبه للكتاوت فانا ما ركبت كتاوت لان حق الدينمو يخدم الاثنين
وبالتوفيق.
فرد حمزة
11/10/2002, 09:46 PM
السلام عليكم ورحمة الله وبركاته

للفائدة جميعاً ،،،
أنا حالياً ناوي أركب بطاريتين بالجمس البليزر اللي عندي ، فيه مكان جهاز من الوكاله للبطارية الأضافية ،،
بيت القصيد ...
أني مريت كذا كهربائي وسئلته قلت له ابي الطباريه الثانيه الأضافيه تشحن وتخدم فقط الملحقات الأضافية اللي بالسيارة مثل جهاز الأيكوم والأمبي فير وماطور الهواء والكشافات يعني بطارية السيارة الأساسية لإدارة محرك السيارة وتوابع السيارة فقط
والبطارية الإضافية للملحقات أنفت الذكر ... يشتركان فقط في التعبئة من الدينمو لكن منعزل الكهرباء بينهم ولا بطاريه تأخذ من الثانية <--- متخانقات :D
المهم مالكم بطويله ...:)
سئلت كذا كهربائي اللي يقولي دايركت وكل بطاريه تاخذ من الثانيه والكهرب يعني خليطى:(
واللي يقولي تحط لك سلك ونحط داخل الغماره عندك في الطبلون سويك ( زر عازل ) إذا طفيت السياره تفصله علشان ما ياخذ كهرب من البطارية الأساسية :(
وجيت لي واحد شاطر بالحيل قالي فيه كتاوت للجمس بموديلات الثمانينات خاص للبطارية الثانية الأضافية ياخذ من الدينمو ويعبي البطاريه الأضافيه لكن مايسمح للسيارة أو البطارية الأساسية تسحب منها ولا يختلط الكهرب :) كذا كويس
رحت لحقين قطع الغيار وسألت عنه ( الكتاوت هذا ) وشريته والكهربائي يقول يعرف يركب الأسلاك صح ...! بجربه اليومين الجايات وأعطيكم خبر ...:)

وبالمناسبه هذا موضوع مفيد على الرابط أسفل
http://www.mekshat.com/vb/showthread.php?s=&threadid=3472
العيد
11/10/2002, 11:16 PM
الله يعطيك العافيه بس وشرايك لو تركب بطاريه 95 امبير ما تظن ان المشكله بتنحل ؟