المساعد الشخصي الرقمي

مشاهدة النسخة كاملة : بخصوص خزان بنزين السيكويا _ ابتكار لزيادة الحجم



XML FLASH
18/10/2011, 10:00 PM
بسم الله و الصلاة و السلام على رسول الله

خزان السكويا مو صغير 100 لتر لكن المزيونه عطشانه تشرب شرب مو طبيعي
السبب ان المحرك 8 سلندر + مكيفين + ثلاجة (احياناً)
اضافه الى ان لمبة البنزين تولع بدري يمكن والخزان باقي فيه الربع او اقل شوي


بعد التفكير في طريقة لزيادة الحجم قررنا ما هو آت :good:

تغيير مكان الاستبنه الى خلف المرتبة الثالثه_ بالنسبة لي كصاحب سيكويا افضل استخدام سلة خلفية في السفر تغني عن المساحة خلف المرتبة الاخيرة

مكان الاستبنه كبير يكفي لخزان اضافي بسعة 70-80 لتر
و الحمدلله اسعار الوقود رخيصة في بلدنا

هل عجبتكم الفكرة؟ مدى القابلية للتنفيذ؟ ارجو ذكر اسماء ورش متخصصه لأن الشغلة حساسه جداً و لا مجال للمجازفه

تحياتي:)

المهاجر انا
18/10/2011, 10:18 PM
الله يسر شف ورشة المميز في صناعية الدائري يمكن يسويها

عاشق الاوتار
18/10/2011, 11:35 PM
ماعندي خلفيه عن الموضوع
لكن حبيت أقول لك أني سمعت في الفتره الماضيه أن المرور منعوا السلات الخلفيه في السيارات
لأنها تخل في توازن السياره والي يركبها يعطونه مخالفه 300 ريال
تأكد من هذا الكلام قبل تثبت الأستبنه في خلف المرتبه الثالثه
عشان ما تخسر السله وتخسر مكان خلف السيت الثالث

بتوفيق لك

جلمود الحره
18/10/2011, 11:44 PM
الحاجه ام الاختراعات والابتكارات لاكن اهم شي السلامه وانا اخوك وبالتوفيق شد حيلك

الوعد الصمان
18/10/2011, 11:44 PM
اذا كنت ملزم انصحك تلغي الفكرة لان وضع السبير داخل السيارة من العصر الحجري وراح تشوه السيارة

عندي فكرة بنظري افضل
فيه شنطة خلفية خلف المرتبة الثالثة اللي فيها الطفايه والاغراض طبعاً عليها غطا على مستوى فرش السيارة افتح الغطى وتجد الشنطة عبارة عن صندوق بلاستك شيل الصندوق البلاستك يطلعلك بدي السيارة من جواى روح للمميز خله يصمملك تانكي اضافي 80 لتر مسطح بشرط يطله غطى عازل عن داخل السيارة منعاً لوصول اي روائح لداخل السيارة ويحطلك تمديدات وفاصل عند الدركسون علشان تستخدم التانكي عند الحاجة ولا تنسى توصيل ماصورة للتعبئة تشترك مع الماصورة الاساسية عند غطى البانزين للتعبئة من مكان واحد مثل اللاندكروزر

XML FLASH
19/10/2011, 08:25 AM
ورشة المميز في صناعية الدائري يمكن يسويهامشكور يالطيب





لأنها تخل في توازن السياره والي يركبها يعطونه مخالفه 300 ريالاعتقد المقطوره هي اللي تخل بتوازن السيارة اما السلة مامن مشاكل


الحاجه ام الاختراعات والابتكارات لاكن اهم شي السلامه وانا اخوك وبالتوفيق شد حيلكالله يسلمك _ و الشباب خبراء ماشاء الله


عندي فكرة بنظري افضل
فيه شنطة خلفية خلف المرتبة الثالثة اللي فيها الطفايه والاغراض طبعاً عليها غطا على مستوى فرش السيارة افتح الغطى وتجد الشنطة عبارة عن صندوق بلاستك شيل الصندوق البلاستك يطلعلك بدي السيارة من جواى روح للمميز خله يصمملك تانكي اضافي 80 لتر مسطح بشرط يطله غطى عازل عن داخل السيارة منعاً لوصول اي روائح لداخل السيارة ويحطلك تمديدات وفاصل عند الدركسون علشان تستخدم التانكي عند الحاجة ولا تنسى توصيل ماصورة للتعبئة تشترك مع الماصورة الاساسية عند غطى البانزين للتعبئة من مكان واحد مثل اللاندكروزر فكرتك افضل ولكن احسها اصعب في التمديدات ... اضف الى ان ريحة البنزين تدخل لجوة السيارة و الخزان برى اجل كيف لو الخزان جوة السياره!!

الخزان بالشكل هذا يكون اقرب لخطر الصدمه من الخلف ثم :f

عموماً كل شي ممكن مع وجود ورش متخصصه

بدوي جنوبي
19/10/2011, 10:11 AM
اخى الكريم
المكيفين والثلاجة ليس لها علاقة مباشرة بصرفية البنزين
صحيح ان عمل الكمبرسر يزيد من الحمل على المحرك ويؤدي الى أستهلاك
أكثر للوقود ،،،،، لكن زيادة مكيف وثلاجة لا يزيد من الاستهلاك طالما ان الكمبرسر شغال سواء
بمكيف واحد او أثنين .

ثانيا اخى الكريم 100 لتر كميه أعتقد انها مناسبة لسيارتك لكن حاول تغير من عادتك في القيادة
حسب ما قرأت ان محركها قوي وتسارعها كذلك يعنى حاول ان يكون أقلاعك أقل من المعتاد


عليكم السلام ورحمة الله وبركاته

انا شريت سيكويا لمتد ويوم طلعته من الوكاله كان عداد البنزين مصفر
عبيته فل من 95 بقيمة 52 ريال سعودي
بالنسبة للصرفية ارفق لك هنا رد أخونا (الجني العبد) في احد رسائله
===

ولكن صرفيه البنزين بالنسبه لي أنا أشوفها زايدة شوي

حيث إنه بوسط المدينه تمشي 500 وبالسفر تمشي 650 إلى 700 بنزين 95

ولكن إذا شفنا قوة المكينه ووزن السيارة نعذرة ..
===

تستطيع ان تتحكم في كمية الوقود بطريقة قيادتك ؟
مثلا :
عندما تسير بسرعة 120 الكمبيوتر يعطيك قراءة :
Average Fuel Economy
26.1
L/100Km

أذا قللت من سرعتك تتغير كمية الاستهلاك وتقل لكل 100 كلم
بعد فتره من أعادة البرمجة لكمية الاستهلاك التلقائيه .
أنظر لكتلوج السيارة كم يستهلك المحرك للوقود بخط السفر
أتوقع يتجاوز ال 500 كلم للقيادة المثالية .

لأ أنصحك بأضافة خزان أضافى لسلامتك وسلامة سيارتك .

أبو هشام راشد
19/10/2011, 11:03 AM
الله يبارك لك في المزيونة لكن هالبنزين 91 ؟ لأن الملاحظ فيه قلت بركته في السيارة .

المنيعي1
19/10/2011, 02:21 PM
ما أنصحك تغير شي بالسيارة السيارة جديده وحرام تغير به وخصوصاً السيارات الجديدة لوتفك مسمار ولعة لمباته ونحاسة.

ددسن 2008
19/10/2011, 04:16 PM
الله يبارك لك في الموتر ..

وانصحك لا تغير في الموتر شي .. هذا مهو جيب ولا ونيت تقول بدخل الدهنا اسبوع
ولا تعيجز من الوقفه عند محطه بعد 400 كيلو منها يبرد الموتر ومنها تجدد نشاطك وتطلق اعصابك

اتمنى تلغي الفكره ما منها فود ..

الله يوفقنا واياك ..

نويجع
19/10/2011, 04:24 PM
نصيحه لا تعدل و السله تضر الكرونه خذها مني و للضروره خذ مقطوره و لا تعدى 90 كلم بس بشرط تكون اصغر حجم

tomas73
21/10/2011, 01:39 AM
السلام عليكم ........شوف الرابط وادعي لي بالخير ....اخوك من الكويت....http://www.transferflow.com/aftermarket_0.html....وسلامتك.

HAS5SAN
21/10/2011, 08:02 PM
ما انصحك وترى السكويا ممتاز جداً
وكمية إستهلاكه للبنزين مقارنة مع حجمه طبيعي
ولاتنسى طريقة قيادتك له هي السبب
وترى تفرق صرفية البنزين
بين السفر وبين القيادة داخل المدينة