المساعد الشخصي الرقمي

مشاهدة النسخة كاملة : المساعدات الاسترالية تكسر قاعدة الباترول استفسار



بني عدنان
20/10/2011, 12:23 AM
مريت ورشة النويصر في الرياض طلبت تركيب مساعدات استراليه للباترول قالي ما نركب قلت ليه قالي الاسترالية تكسر قاعدة المساعد نركب وندبل لك مساعدات شد بلد

يا الربع الي عنده خبر والا الي مركب مساعدات استراليه للباترول الصالون يفيدنا

يوسف1400
20/10/2011, 01:35 AM
ابد ركب استرالي ياخوي وما جاك علي . . هو يبيك ترهم يبيستفيد من قيمة الترهيم !!

التعـ King ـديل
20/10/2011, 01:47 AM
قيمه مساعد الوكاله + قيمه الترهيم عند النويصر = قيمه مساعدين وكاله مع التركيب عند الرمايه

عرفت ليش قالك كذا .. هل يعقل النويصر صح والعالم كلهم غلط

* ابو باسل *
20/10/2011, 01:53 AM
الله يكتب لك الي فيه الخير .

عالي الكيف
20/10/2011, 01:58 AM
مساء الخير

اعتقد ان كلامه فيه شي من الصحه ولو لم يكن 100%100

انا مركب طقم يايات ومساعدات استرالي وظربت حفره (جرف من اثر السيل) على سرعه
واللي حصل انفقع الكفر ( عادي ولاهو غريب)

لكن الغريب انكسرت القزازه الاماميه عدة كسور,, وانكسر قفل الكبوت ( صار يفتح لحاله )

طبعآ المتهم بهالحاله هو المساعد اذا عرفنا آاليه عمله .

تحيتي

الذيب 502
20/10/2011, 02:08 AM
والله من القساوه

نصيحة لا تركب الا اذا كنت راعي بر من الطراز الاول

يعني اربعاء وخميس وجمعة خارج الديره

لانه قاسيه وغثيثة لراعي الديره واللي يبغى يرتاح ..

فأنت من تحدد وش تركب ,, وطريقة استخدامك

بني عدنان
20/10/2011, 07:52 AM
مشكورين

طبعا سعر الترهيم 1800 ريال والمساعدات عليهم من الوكاله

التعـ King ـديل
20/10/2011, 12:50 PM
اخوي بني عدنان سعر المساعد الواحد الاسترالي مع التركيب 400 ريال عند الرمايه يعني اثنين 800 وتكفي عن اربع مساعدات

سعر المساعد الاصلي وكاله 220 ريال × 4 = 880 ريال هل يعقل تركيب وترهيم مساعد اضافي ب 920 ريال يعني اغلا من القطع نفسها

والمساعد الاسترالي = مساعد الوكاله مدبل

طبعا الكفه تميل الى المساعد الاسترالي

اتجاه السحاب
20/10/2011, 02:19 PM
اذا تبي نصيحه ركب بالون اللي بوسط الياي احسن من المساعد الاسترالي
من ناحيه التحكم بالرفع والتنزيل ومن ناحيه أريح بالمطاب
مركبه بموتري الآن باترول 2007 لي 4شهور,,
بالتوفيق..

الوافي512
20/10/2011, 04:47 PM
نصيحة مجرب ركب مساعدات تويوتا في اكس ار ورا وقدام مساعدات ربع او شاص

ممتازه جدا بالديره والبر وسعرهم مع التركيب ٤٠٠ - ٤٥٠ ريال

Abo_Faisal_506
20/10/2011, 05:05 PM
ياخوي انا مركبها على باترول 93 تماتيك وماجاه شي الحمد لله (المساعدات الصفر)

بني عدنان
20/10/2011, 05:18 PM
مشكورين

الي يقول مساعدات شاص يا الربع والله انها اي كلام مرتين الي اغيرها في سنة ونصف

ونصحني رجال شرواكم راعي ترهيم يقولي ركب استرالي الاصفر او مساعدات بلاستايم لكن سعرها غالي مره اربعة الاف ريال

GABER65
20/10/2011, 05:37 PM
أفادوك الشباب
لكن أخوي لاتعتمد على حقين الورشات أكثرهم نصابين
وبالتوفيق

بني عدنان
20/10/2011, 05:45 PM
اخوي بني عدنان سعر المساعد الواحد الاسترالي مع التركيب 400 ريال عند الرمايه يعني اثنين 800 وتكفي عن اربع مساعدات

سعر المساعد الاصلي وكاله 220 ريال × 4 = 880 ريال هل يعقل تركيب وترهيم مساعد اضافي ب 920 ريال يعني اغلا من القطع نفسها

والمساعد الاسترالي = مساعد الوكاله مدبل

طبعا الكفه تميل الى المساعد الاسترالي




ما لك لوا يا مشرفنا سعرها مع التركيب في محطة نفط عند الرماية 1680 ريال فقط اثنين ورا

ثاقب
20/10/2011, 08:57 PM
والله اني مركب 4 على الباترول 2007 لها سنتين ماشفت منها الا كل خير, ولو شريت سياره ثانيه ما اركب غير استرالي..واخوي مركب 4 على الباثفيندر من عام2005 وإلى اليوم مافيهن مشكله لله الحمد من قبل ومن بعد..لكنهن قاسيات وتتعود عليهن, مير الحق عليهن لا يغلقن ,والله يوفقك ..ايه.. نسيت اقول لك لاتركب معهن الياي ترا المساعدات كافيات وزياده إلا ان كانك مشتهي تكسر المقاعد, تحياتي

بني عدنان
21/10/2011, 08:50 AM
والله اني مركب 4 على الباترول 2007 لها سنتين ماشفت منها الا كل خير, ولو شريت سياره ثانيه ما اركب غير استرالي..واخوي مركب 4 على الباثفيندر من عام2005 وإلى اليوم مافيهن مشكله لله الحمد من قبل ومن بعد..لكنهن قاسيات وتتعود عليهن, مير الحق عليهن لا يغلقن ,والله يوفقك ..ايه.. نسيت اقول لك لاتركب معهن الياي ترا المساعدات كافيات وزياده إلا ان كانك مشتهي تكسر المقاعد, تحياتي


يا ثاقب انا مركب ياي من شهرين خلفي

التعـ King ـديل
21/10/2011, 01:01 PM
ما لك لوا يا مشرفنا سعرها مع التركيب في محطة نفط عند الرماية 1680 ريال فقط اثنين ورا

ب 750 بدون تركيب مساعدين ماركبتها

ب 550 يايات خلفيه بدون تركيب ومع التركيب 625

شلون 1680 يمكن اسعار جديده لاني مركبها قبل سنتين

بني عدنان
21/10/2011, 01:19 PM
الله الله اسعار جديدة

عاشق النفود 111
21/10/2011, 02:18 PM
أهلا بكم جميعا

نصيحه أحبتي .. لا تركبون قدام مساعدات شاص .. أبدا ما تنفع

وينفقع المساعد مع أول مطب .. مجربهن قدام ما كملت شهر انفقع مع مطب على الازفلت ..

أما في الخلف فهي عمليه وممتازه جدا ..خاصة مع الياي الاسترالي

اما بالنسبة لمساعدات الاستراليه لعل الاخوان الي جربوها سنين يفيدونا اكثر

tomas73
26/10/2011, 02:27 AM
السلام عليكم...المساعدات الاسترالية ثلاث درجات 1 و2و3 القاسي رقم 1 الي مركب سبيرين وتانكي البنزين الاسترالي الدبل ودعميات صب حديد وسلة ويقلص صندوق سحب اما رقم 2 للاحمال المتوسطة مثل عندة السلة وسبيرين وللطرد؟...ورقم 3 للتحميل الركاب والسلة وتعينها في الكويت او الامارات بمعنى يعطيك بالرقم حسب حاجتك....وسلامتك.

SaMi83
26/10/2011, 03:33 AM
انا مركب طقم ياي ومساعد خلفي وامامي استرالي باثفيندر 2001 وماعليه كلام سواء بالبر والا بأي مكان هو فعلاً شوي قاسي

لكن يخدم ويتحمل وانا انفقع علي الجهه اليمنى الاماميه لاني طحت بحفره من حفر جده وجاب خبره

واما قول انه يكسر قاعدة المساعد الله اكبر والله لو اني مركب مساعد تريله

اذا ماتهتم بمسأله الراحه بشكل كبير توكل على الله يعطيك رساوه وثبات

بس فيه نقطه مهمه اهم شي الكفرات الاماميه لا ترتفع عن الارض واجد لان الضربه تجي قويه على

المساعد وينفقع عليك وهذا كلام المصنع الاسترالي لشركة ARB لهم شروحات وتجارب على الفيديو وذكر

هالنقطه



بالتوفيق

SRAAAB
26/10/2011, 08:50 AM
انا قاعد اتابع الموضوع عشان بركب وإلحست تعددت الآراء
بانتظر واشوف النتيجة النهائية
شكراً ياصاحب الموضوع

SaMi83
26/10/2011, 08:58 AM
انا قاعد اتابع الموضوع عشان بركب وإلحست تعددت الآراء
بانتظر واشوف النتيجة النهائية
شكراً ياصاحب الموضوع

لاتنلحس ولاشي ياحبيبي الاسترالي احسن من حق الوكاله وان كانك تبي المطامر والكد وثبات ركب ولاعليك من احد وماعندك مشكله بالقساوه الخفيفه ركب وتوكل على الله

انا مركب على الباث ولي سنه والله مافيها مشكله واحس السياره متماسكه احسن من اول

سيف الظفير
26/10/2011, 01:09 PM
خذ العلم مني

انا ثلاث جيوب ولله الحمد شريتها

V8 اسود سبيرين ونش 2008

V6 علاق لؤلؤي 2009 قير عادي

V8 لؤلؤي سبيرين ونش وفتحة 2009

وكلها لاندكروزر الشكل الجديد

الاخير ركبت فيها مساعدات طقم + يايات طقم


والاول والثاني بس ياي خلفي رقم 721


والاخير امامي 703 خلفي 723 ومساعدات استرالية


وواله العظيم لم اجد افضل منها

رساوة + الموتر بالطريق ثابت وراسي وعلى السرعات العالية ولا اطيب منه

محمل ومرتفع وامشي عليه احياناً 230 ولا ازين منه يالله لك الحمد


وبالنفوذ ابشررررررر بالطررررررررب

رفع وقوة ياي ووجة الجيب ما يلعب ابد


وهذي صورة الاخير

قبل لا اقلب الفنجال الحين نازل شوي بالصورة


ولكن بالواقع من امس ارتفع من الامام 1.5 او 2 سم تقريباً





http://img268.imageshack.us/img268/8083/48817898.jpg

(( اذكروا الله يالغالين ))

للمعلومية ترا الجيب الان
محمل عزبة طبخ بما فيها وكبيرة بعد
+
شاهي وقهوة كبيرة
+ تانكي موية 145 لتر مليان فل الفل
+
3 قدور ضغط 4.5 *10*10 لتر
دبات زرق 12 رطل 2
و 3 رطل 1
و 1 رطل 1

وطبق

وثلاجة كولمن 45 لتر فيها ببسي وموية

وترمس موية 3 جالون

وغيرها من القراشيع اللي ما نخلص منها ونحتاجها في المراويح والمقانيص



**** النويصر اللي قالك هذا الكلالالالالالالالالالام نصااااااااااااب ****


فيه واحد من عيال الرشودي انا واياه بمجموعةم ن شباب السعودية بأستضافة ربعنا اهل قطر

بنفوذ سيلين على سرعه وعلى جال البحر فيه زي القشعه او رفاعة والله ان ان الجيب كلاها ولا لعب فينا ولا شئ

خذيتها زي اللوز ولله الحمد ( اذكرو الله ) وبعدين اذا طمرت او نزلت وجه الموتر وكل الجيب ثابت وقوي ومتماسك وراسي

والله اعلم اقول تجربتي والله على ا اقول شهيد


سليمان الظفيري

ابوصالح

الاسعار

الياي الخلفي والامامي

الاثنين امامي بـ 680 ريال

والاثنين خلفي بـ 680 ريال

المساعدات هي الغالية

اخبر الواحد بحروة 300 وشوي

][][زلفاوي][][
26/10/2011, 01:32 PM
ما قصروا الشباب وكلن طرح رايه وووجهة نظره وتجربته ايضاً ، عن نفسي موتري من شديته من وكالته ركبت عليه يايات استراليه خلفية 3سم + كعك استرالي الاصفر تقريبا 2سم وطقم كامل مساعدات استرالية وبصراحة حلو وما اثر بالموتر بالاستخدام مع ان اليايات الامامية وكالة ، لكن بعد سنة ونصف ومع كثرة الاغراض بالسيارة وبصراحة هالمرة ركبت طقم يايات استرالي امامي 4 سم وخلفي 5 سم وركبت طقم امامي خلفي مساعدات جبريال الزرقاء قاسية لكن عز الله انها ماسكة الموتر صح ربما داخل الديرة متعبة شوي بقساوتها لكن تظل بنظري افضل عن اللي قبل فنصيحة خل عنك شغل التدبيل اللي يقص ظهرك بتكلفته وركب شغل الاحتراف المخصص للدفع الرباعي ومسألة الـ Off Road شركات كثيرة مثل ARB او King او Trim وغيرها كلها تحاول تتخصص بهذا المجال و تصمم شيء يطبق على شغل الشركة يعني مو شغل تلفيق وقص ولحام كلها فك وتركيب والامر اولاً واخيرا راجع لك..

You Like Me
26/10/2011, 03:00 PM
لا يهمك كلام ورشة النويصر
ركب اولد مان وماعليك الا العافيه ان شاء الله
انا مركبها على سيارتين عندي ولها حول 3 سنين مافيها الا العافيه
ولله الحمد ما اشتكيت منها
سعر المساعد الواحد 370 ريال
والتركيب عندهم في نفس محل الرمايه بـ 100 ريال عدد 4 مساعدات
وبالتوفيق ان شاء الله

بني عدنان
30/10/2011, 08:40 AM
مشكورين ما قصرتو يا الاجاويد

الخفاق
30/10/2011, 03:02 PM
اخوي انا ركبت يايات ومساعدات الرمايه وسيارتي فورشينر غدا موتري كنه كابرس مريح واذا حملت اغراضي الطبيعيه غدا وجهه يطامر في المطبات وبالتالي انفقع المساعد ماكمل شهرين وأكلم المدير قال مافيه ضمان ليش مافيه ضمان قالو هو اصلا مايخرب قلت هذا هو خرب والحل طيب قالو بنرسل المساعد لأستراليا عشان يفحصونه مالكم بطويله يالربع انوع التناقض بينهم في الاداره ولاعندك احد علماً ان قيمت المساعد الواحد تقريباً 750 غير سعر التركيب

وليد الشلاحي
31/10/2011, 11:00 PM
هذي مداخلتي والله يكتب اللي فيه الخير..
للجيب الربع الباترول 97 كنت مركب اربع مساعدات ويايات استراليه والنتيجه دخلت حره ولا طلعت منها الا المساعدات الاماميه منفقعه كلها ,, ركبت مساعدات جيب شاص 2002 اماميه ,, ولله الحمد كدت معي اكثر من سنتين ,, بدون مشاكل في المساعدات الخلفيه,,
هذي خبرتي المتواضعه والله يكتب لك اللي فيه الخير

owwn
31/10/2011, 11:31 PM
بس الي نعرفه ان المساعدات مخصصه للباترول ومن شركة كبيرة عشان كذا استبعد ان فيها ضرر

tomas73
01/11/2011, 01:08 AM
:s:good2:السلام عليكم...المساعدات الاسترالية ثلاث درجات 1 و2و3 القاسي رقم 1 الي مركب سبيرين وتانكي البنزين الاسترالي الدبل ودعميات صب حديد وسلة ويقلص صندوق سحب اما رقم 2 للاحمال المتوسطة مثل عندة السلة وسبيرين وللطرد؟...ورقم 3 للتحميل الركاب والسلة وتعينها في الكويت او الامارات بمعنى يعطيك بالرقم حسب حاجتك....وسلامتك.:D

مخطور
02/11/2011, 02:22 PM
السلام عليكم ورحمة الله وبركاته
انا مركبهم عدد 4 مساعدات استرالي
والخلفي مركب معها يايات استرالي وممتاز ومطبه حلو
وبعد شكلي بركب بالامام ياي استرالي لانه الياي الامامي شد بلد مرفوع بكعكات ومع المطب مو ثابت
وتحياتي لكم

ذيب اللابه
14/12/2011, 06:57 PM
يا جماعة الخير انا مركب ارع يايات استرالي واربع مساعدات استرالية الصفر وممتازة
لكن اذا كنت ماشي من الـ100 وفوق واكلت حفر بسيطة فالخط او خط التصريف اللي في الكباري
الجيب يرج رجة مي طبيعة حتى انك ما تقدر تشوف الطريق من قوة الرجة ...؟؟ ظنكوا وش حله
انا وديته عند مكيانيكي ويقول هذا من الياي عطونا تجاربكوا

عشق البر
14/12/2011, 08:36 PM
نصيحة مجرب ركب مساعدات تويوتا في اكس ار ورا وقدام مساعدات ربع او شاص

ممتازه جدا بالديره والبر وسعرهم مع التركيب 400 - 450 ريال

مساعدات الشاص والفكسار اي موديل وانا اخوك وكم اسعارهن؟؟

ذيب اللابه
15/12/2011, 02:34 PM
يا جماعة الخير انا مركب ارع يايات استرالي واربع مساعدات استرالية الصفر وممتازة
لكن اذا كنت ماشي من الـ100 وفوق واكلت حفر بسيطة فالخط او خط التصريف اللي في الكباري
الجيب يرج رجة مي طبيعة حتى انك ما تقدر تشوف الطريق من قوة الرجة ...؟؟ ظنكوا وش حله
انا وديته عند مكيانيكي ويقول هذا من الياي عطونا تجاربكوا

يا جماعة الخير مافيه احد مر بمشكلتي هذي
او وين مكان شركة ARB في جده
الله يجزاكوا خير

حكيم2
22/01/2012, 02:37 PM
يا جماعة الخير انا مركب ارع يايات استرالي واربع مساعدات استرالية الصفر وممتازة
لكن اذا كنت ماشي من الـ100 وفوق واكلت حفر بسيطة فالخط او خط التصريف اللي في الكباري
الجيب يرج رجة مي طبيعة حتى انك ما تقدر تشوف الطريق من قوة الرجة ...؟؟ ظنكوا وش حله
انا وديته عند مكيانيكي ويقول هذا من الياي عطونا تجاربكوا


ياليت الاخوان اهل التجارب يفيدونك

ونستفيد ايضا