المساعد الشخصي الرقمي

مشاهدة النسخة كاملة : تشغيل المكيف والسياره تمشي يضرها .. هل هو اعتقاد خاطئ ؟


كرويف
20/10/2011, 04:21 AM
السلام عليكم ورحمة الله وبركاتة
دائما نسمع هذه المقولة
( لا تشغل المكيف والسياره تمشي )
من وجهة نظري انه اعتقاد خاطئ
لانه الكمبرسر يشتغل ويطفي بأستمرار
فكيف يقال بأنه يضر السياره تشغيل المكيف وهي تمشي !
بنسبة لي دائما اشغل المكيف وانا امشي ولا حصل شي

Abusliman
20/10/2011, 04:24 AM
يقولون ينقطع السيير
عاد ما قد صارت معي لا بغيت اشغل المكيف اهدي لـ 20 واشغل
مع اني ملاحظ اخوي يشغله على 80 كذا ولا قد صار معه شي

سلفرادو1
20/10/2011, 04:40 AM
انا كنت اشغله وانا ماشي ومره شغلته وانقطع علي السير

MANSOR QATAR
20/10/2011, 04:51 AM
بالنسبة لي انا ماجربت بس يقولون انه تقدر تشغل المكيف تحت سرعة 80

اما فوق 120 ينقطع

تحياتي لك وللجميع

volcano
20/10/2011, 05:23 AM
ياما شغلته على سرعة 200 ولا صار شي والحمدلله

لو به خطر كان لقيت تحذير في كتيب السيارة

srsa2011
20/10/2011, 05:28 AM
انا كنت اشغله وانا ماشي ومره شغلته وانقطع علي السير

من شمر
20/10/2011, 06:41 AM
اظن والله اعلم ان بداية دوران الكمبرشن ثقيله لأن الغاز لم يتحرك ,,, لكن انطفاء الكمبرشن واشتغاله كوضع اوتماتك لايوثر على شي لان الغاز اخذ دورته وخف ,, مجرد ظن

gx-low
20/10/2011, 07:15 AM
يضر اذا مسرع واحد من الربع شغل مكيفه وهو يمشي 160 وخرب الكمبرسر

ابو ناصر2011
20/10/2011, 11:31 AM
اتحداك تلقى رأي واحد مجتمعين عليه كل واحد وله وجهت نظر لكن مايجيب لك ادله فلا تتعب نفسك فيه اكثر من

موضوع بالمنتدى ولا تلقى فيه الاجابه الشافيه

باترول 4500
20/10/2011, 12:07 PM
وعليكم السلام

عادي إذا بغيت تشغله وأنت تمشي حتى لو تمشي 200 لاكن فض القير ثم شغله

لأن بعض المرات إذا شغلته بدون ماتفضي القير ينقطع سير المكيف

عفشك مكمل
20/10/2011, 12:34 PM
الخوفة مو على السير فقط بل الكمبروسور وانا انفقع معي وغيرته بالوكالة

لكني ما تبت ليومك

ماجد الحايلي
20/10/2011, 12:35 PM
السلام عليكم ورحمة الله وبركاته
اتوقع تختلف باختلاف السيارات
والموديلات انا كان معي فورد
كروان فكتوريا اشغله على اي
سرعه ولاصار في اي مشكلة
وكامري 2002 اشغل السيارة
واطفيها وهو شغال ولا صار له
شي لكن قبلها ددسن 97 شغلته
وانا مسرع خرب الكمبروسر والله
لكن انا ماانصح بتشغيله وانت تمشي
على الاقل سرعتك تصير يعني من
100 الى 80 وترفع رجلك عن البنزين
وكلامي هذا توقع وتجربه شخصيه
وماهو كلام يستدل عليه

مكشآتي للآخر
20/10/2011, 12:40 PM
ياشباب انا إقول انه مو على السرعة على ضغط ال RPM
فية سيارات لامشيت 120 تحصل الRPM على 4
هاذا خطر لاتشغل
اما سيارات القير عآدي إنآ إشوف لو انه ماشي 200
وضغط كلتش وخلا الضغط ينزل لين 1 وشغل المكيف عآدي مايصيبة شي
لاكن الي كاتم ام امة وشغل المكيف فية احتمال ينقطع السير
فية سيارات جديدة مثل السييرا
لامشيت 120 الضغط على ال2 تشغل المكيف عآدي بس بصراحه ماقد جربتها.!

fahad marzouq
20/10/2011, 12:43 PM
متي مأطرأ علي شغلته ،،،، والحمدالله مأضر الموتر

sgl2002
20/10/2011, 12:48 PM
انا افضي القير واشغله واخليه شوي لين يبرد ثم اعشق واكمل

عاشق السيل
20/10/2011, 01:00 PM
وعليكم السلام ورحمة الله وبركاته ،،

ياناااااااااااااااااااس سرعة السيارة مالها أي دخل بتشغيل المكيف !!!!!!!!

القضية بسرعة دوران المكينة بالضبط مثل ماقال أخوي ( مكشاتي للآخر ) بعض السيارات تمشي 200 وضغط المكينة نازل عادي تشغل المكيف وبعضها تمشي 100 وضغط المكينة مرتفع هذا (((( ممكن )))) يتأثر السير أو الكمبروسر !!!

باختصار إذا بغيت تشغل المكيف وأنت مسرع موب لازم تهدي السرعة إما ترفع رجلك عن البنزين علشان ينزل الضغط أو تفضي القير وتشغل المكيف وترد القير على وضعه سواء تماتيك أو عادي .....

سيف وقلم
20/10/2011, 01:34 PM
بعض السيارات يجي سير واحد يشتغل على كم بكرة ويصير السير طويل
وبعضها الآخر يجي سير المكينة لحاله وسير المكيف لحاله
قد يكون هذا السبب لا أدري ننتظر آراء الخبراء

سلطان11
20/10/2011, 02:22 PM
وين الدكتور/اصيل حجازي
يفيدكم اكثر

YOU1
20/10/2011, 07:15 PM
انا خرب علي الكمبريسر مرتين وبسيارتين مختلفتين بسبب تشغيل المكيف والسيارة ماشية والسرعة ماكانت كبيرة لأني اصلا ما اسرع تحت ال (120) السيارة الاولي شبح والسيارة الثانية جراند شيروكي وكان بالسيارتين نفس الخراب ( قطعة كهربائية بين كلتش المكيف والكمبريسر) يقول الكهربائي ان السبب تشغيل المكيف والسيارة تمشي ... والعلم عند الله.

سوالف
20/10/2011, 07:58 PM
اخوي

نصيحه الاشياء اللي فيه إختلاف خلك صاحي لها و إبتعد عنهاااا
لانه إذا ما خرب عليك اليوم يمكن يخرب عليك في يوم أخر

والله يوفقك

ذيب النجيل
21/10/2011, 12:13 PM
عاد اغلب السيارات الجديده تجي سير واحد للمكينه والدركسون وكمبرسر المكيف

ولو انقطع مشكله

اما السيارات الاوله سير خاص بالكمرسر ولو انقطع ماتتعطل السياره

يالبى السيارات الاوله

بس انا اقول اذا بغيت تشغل المكيف ارفع رجلك عن البنزين وادعس كلتش لحد ماصوت المكينه يهدا ثم شغل وخلك شوي وثم عشق وامش وهذي طريقتي

ومره شغلت المكيف بصالون gx 97 وانا ماشي وطلع صوت صرصره تدرون من وش السير ارتخا لاني كنت مسرع وشغلت المكيف ومن بعدها مااشغل المكيف وانا داعس ابد ابد

رٍسِـــلآنٍ ٱلدُفُــٱع
21/10/2011, 12:24 PM
ياشباب انا إقول انه مو على السرعة على ضغط ال RPM
فية سيارات لامشيت 120 تحصل الRPM على 4
هاذا خطر لاتشغل
اما سيارات القير عآدي إنآ إشوف لو انه ماشي 200
وضغط كلتش وخلا الضغط ينزل لين 1 وشغل المكيف عآدي مايصيبة شي
لاكن الي كاتم ام امة وشغل المكيف فية احتمال ينقطع السير
فية سيارات جديدة مثل السييرا
لامشيت 120 الضغط على ال2 تشغل المكيف عآدي بس بصراحه ماقد جربتها.!

هذا العلم الصحيح .. وبس وغير كذا مواقف مصادفه .. والي ما اخترب عنده شي بغير ها الاسباب يحمد ربه


وانصحكم بعدم تشغل الوضع الاوتماتيك للكمبرسر اذا كنتم تسيرون على سرعه عاليه .. لن كثره اشتغال الكمبرسر والسياره تمشي .. اما تفجر الكمبيرسر او تضعف الضغط فيه مع الايلام او تقطع السير او يخرب الكلتش تبع الكمبرسر ....

الشغله كلها في دوره المحرك ..

عاشق النفود 111
21/10/2011, 01:41 PM
وعليكم السلام ورحمة الله وبركاته

بالنسبه لي لا أشغله ولا أطفيه الا أن تكون السرعه أقل من 30 كلم

هذي الطريقة الي أسويها طبعا من نفسي بدون أستناد الى أي شيء ولكن قناعه ذاتيه

أعتقد بأن الاقرب الى الصواب بأن هناك علاقة بين ضغط الهواء (RPM) وتشغيل الكمبروسر .. والله أعلم

لعل الخبراء يفيدونا أكثر في الموضوع بإجابات علميه دقيقة

تقبلوا تحياتي

LE2010
23/10/2011, 01:23 AM
،،


باختصار إذا بغيت تشغل المكيف وأنت مسرع موب لازم تهدي السرعة إما ترفع رجلك عن البنزين علشان ينزل الضغط أو تفضي القير وتشغل المكيف وترد القير على وضعه سواء تماتيك أو عادي .....
الصرااحة انة شئ مخيف
بعض الناس توقف على جنب
وتشغل وبعدها بـ3الى5
دقايق يمشي
لكن انا اسوي طريقة الاخ
عاشق السيل
تحياااااااتي

مكشآتي للآخر
23/10/2011, 04:45 AM
كانت لدي مرسيدس 560SEL 1990
يوميآ تقريبآ ينقطع سير المكيف؟
تفكرون عشان مشغلة وانا مسرع؟؟
لا والله
بسبت المكرة:d
فيها إرتجاج
يعني مو إي واحد ينقطع معة السير حق المكيف حكم انه بسبت السرعة عند التشغيل
ربمآ بسبب المكرة
؟وربمآ بسبب الرمانة؟
وربمآ بسبب إستهلاك السير؟؟
يجب علينا التشيك على السيور حقت السيارة لتجنب التآشير بالطرق :d
ونشكر لكمـ على قرآءتكم
ماكتبت وربمآ تخالفوني الرآي وربمآ توافقوني


===================================
وعندي سؤال بسيط؟؟؟؟
هل السير سرعة دورانة ثابته ام متغيرة؟؟
مثلا ضغط المكينة على 5 وكان سرعة دوران السير في الدقيقة 500 دورة

هل اذا كان الضغط ال RPM على 1 راح تكون سرعة دوران السير 500 في الدقيقة؟؟
جواب سؤال الموضوع موجود هنا ^^^^
هل المكيف مرتبط بالكفرآت؟؟
هل المكيف مرتبـط بعمود الكاردن؟؟
لايوجد إرتبآط نهائيااااااا

Shqra
23/10/2011, 10:49 AM
هههههههههههه

ياحبيبي أنا مركب الربع معي وكنا نمشي 160 وفجأة طرا على بالنا نشغل المكيف ويوم قربت يدي للمكيف مسكها اللي جنبي وقال لاتشغل المكيف ممكن يخرب معاك الكمبوسر وينقطع ومدري ايش

الزبدة وخرت يده وقلت بكتم لين 240 كيلو ويوم وصلت 240 والضغط حول 5 ونص مديت يدي وشغلت المكيف

وماحلاه هالهواء البارد المنعش ,,

طبعا ً ماصار شي وهذي اعتقد خرافه والله أعلم

لطيف
23/10/2011, 01:03 PM
أصلا المكيف إذا وضعت الثرموستات على الخفيف تلقاه يشبك ويفصل وأنت تمشي يعني ما فيه مشكل، لكن السيارة القير العادي يفضل أن تدعس كلتش وتشغل المكيف وترفع رجلك عن الكلتش بالتدرج،

KAKASHI_H
24/10/2011, 11:42 PM
السلام عليكم ورحمه الله
اخوكم ميكانيكي ودارس الميكانيكا .كنا نسأل نفس السؤال للمدرس بالنسبه لتشغيل المكيف والسياره تمشي....
طبعا الاجابه مثل ماقال بعض الاخوان انه من المفروض انك تفضي القير وتستنى عداد الضغط يوصل الي الوضع الطبيعي بدون حمل القير على المكينه ( يسمونه آيدل سبيد ) وبعدها شغل المكيف ماعندك مشكله بأذن سواء كنت تمشي 200 أو اقل
ولاكن بالنسبه للسرعات البسيطه 0-60 ماعتقد فيه مشكله تشغله من غير تفضيه القير ..

سعــود
25/09/2012, 11:41 AM
كنت بتكلم عن هالموضوع بس حصلته مطروح من قبل

لكن فعلا على قولت ابو ناصر مستحيل تلقى تحصل فوق ردين زي بعض كلن يدلي بدلوه والمصيبه البعض يتكلم من فراغ لكن انا عن نفسي هايلكس 2012دبل اشغل المكيف على سرعة 140 عادي كذا مره ماحصل شي ولله الحمد ونفس الشي سيارتي قبل الهلي كابريس 2006 خمس سنوات اشغل المكيف على سرعات عاليه مالاحظت شي وسلامتكم

كاشت بالبر
25/09/2012, 06:55 PM
نعم يضر

اذا السيارة أوتوماتيك هد السرعة الين ينخفض الـ RPM

واذا السيارة القير العادي ادعس كلتش أو فض القير عشان ينخفض الـ RPM وشغل المكيف وارفع رجلك عن الكلتش بالتدرج

واذا الـ RPM نازل .. ممكن تشغله بدون تفضيه

كومبو
25/09/2012, 07:23 PM
أنا اشغله بس قبل أفضي القير أو أحطه على N