المساعد الشخصي الرقمي

مشاهدة النسخة كاملة : يا آل (ديماكس) هلم إلي


دسم الشوارب
10/02/2006, 02:33 PM
السلام عليكم يا إخواني
عندي ثلاث أسئله عن الديماكس تحتاج للرد :
س1/ كم ياصل سعر أعلى فئه واللي أقل منها علطول(غمارتين وغماره دفرنسين)؟
س2/ كم يملاها ديزل وكم يمشيها؟
س3/ كيفها في الخط من ناحيه الرساوه والراحه والهدوء (وطرطرة الديزل هل هي واضحه) ؟
واتمنى الاجابه الدقيقه الخاليه من العنصريه لأن واحد موصيني اجيب له الخبر اليقين وارجو الرد اللامتأخر .الله لا يهينكم
اخوكم
دسم الشوارب
الربذي
10/02/2006, 05:56 PM
هلا هلا هلا والف هلا بالغالي الغايبالحاضر دسم الشوارب وين الغيبه
افا عقب الحرب الظروس بينك وبين اللي كنت امسميهم اهالى الدينات الحين تبي مشورتهم
من يبي يساعدك عقب مازعلتهم عليك!!!!!!!!!!!!!!!! تخبر يوم تقول قدامك تريله وراك دينا ها نسيت
نسيت يوم يوم مافيه كلمه بالشتم بقاموس الاطلسي الا قذفت الديزل فيه لكن شكلك تصالحتوا خلاص كلن يزين سيارته
بالنسبه لديزل تعبي ب25 ريال ويقطع بك 500كم يعني 50 ريال توصلك الف كيلو
سعرها لااعرف
ورساوتها كانها امريكي وخفيفه ولا صوت ولا شي روعه بصراحه مع واحد من الزملا وجربناها حلو وراسيه وراعيها يمدحها مره وطبعا الفل احسن واقوى اللي 3000 سي سي سعرها كان 75 الف الفل كامل الحين حول السعر اكيد
شكشوك
10/02/2006, 06:16 PM
انا معي وحدة 2005 قوتها 3.0 وماشاء الله تبارك الله واعبية تقريبا 22 - بالكثر اذا صار فاضي 25



وفي النفووووود لعب لعب ماشاء اللله



توكل على الله
دسم الشوارب
10/02/2006, 11:01 PM
اخوي الربذي ياهلا وغلا فيك والموتر مهوب لي .واحد موصيني انشد له وبيني وبينك شكله بيخش مزاجي ;)
امزح امزح :D غير ابوددس مافيه على البال :good: :good2:
ومشكوووووور على الافاده .ولاتحرمنا من طلتك يالغالي .
اخوي شكشوك أشكرك على المرور والافاده لكن ..س/هل هو يمسك قيمته؟ وكم قيمته ذلحين ؟وشكراً.
س/هل يجي تماتيك.واذا كان يجي هل هو بنفس الجوده والصرفيه والسعر ؟ مع التفصيل ان وجد
دسم الشوارب
12/02/2006, 01:05 AM
هل من مجيب !
دسم الشوارب
12/02/2006, 01:28 PM
يعني مصمم ما تجاوب !
فتى الدهناء
12/02/2006, 01:52 PM
نعم .. يجي تماتيك ... والتماتيك يمدحونه .. وتراه يجيب طبلونه بالراحة ..
وعزمه حلو ......... رح للعيسى واسأل عن 2006 ... الدفعة الثانية بتنزل بتحسينات على ظني
دسم الشوارب
13/02/2006, 02:57 PM
مشكور يا فتى الدهنا على الافاده وتشرفت بمرورك
هل من مزيد؟
حر اليدين
17/02/2006, 10:14 PM
السلام عليكم

كيفك يادسم الشوارب ولايهونون الاخوان
افاا لايكون هونت عن الدسيتن لالالا ترى ازعل عليك خخخخخخخخخخخخخخ
انا اقولك اذا بغيت تشري ديزل لاتشري الا ايسوزو لانها هي اللي عليها الكلا م وانا فكرت ابيع الدسيتن واشري بس فرق العملة كبير حبتين ولو القى واحد يبدل موتري بموتره وازوده فلوس لفعلت ذلك

تحياتي
حر اليدين
دسم الشوارب
18/02/2006, 03:01 AM
هلابك يا حر اليدين

والله ان الددسن حبيب وما ينتخلى
بس ان القرش غاااااالي بعد وحيا الله ما قعد في المخباة
ذبحنا ذالبنزين .كرّهنا ماعشقنا
لكن خلني بس اتجر ان اطق لي ددسن ليموزين ست غمارات
الا ما قلت ياسنايدي وش الايسوزو اللي بتشتريه هو ديماكس ولاغيره
لأنهم يقولون الديماكس غيييييير الشكل القديم
أفدني في ذلك وكلللل ماتعرفه عن الايسوزو لأني جد جد ودي بواحد
والسلام ياعيوني
حر اليدين
18/02/2006, 12:00 PM
السلام عليكم اخوي دسم الشوارب



ودي بالدبل ام 3000 سيسي يقولون ان طبلونها 200 وتجيبه ولا تدخن وديزل وانت خابر ولا صوت ولا حاجة

بعدين انا اعرف واحد شخصيا عنده اللي ادون منها 2003 الشكل القديم يروح للرملة عليها على الاقل خمس ست مرات ويمدحها عاد كيف ام مكينة كبيرة وهي 2500 سيسي تربو جنط 16

بعدين بدأ تصنيع مكينة الايسوزو من عام 1916م وهي اقدم مكينة ديزل في وجود وانا اشوف حتى الموديلات القديمة ماتدخن غير الددسن والهالوكس والمتسوبيشي هذي فاشلات والدير على راس القائمة آمل اني حطيت كل اللي في راسي والله اني محشي كلام عنها
ودي ب2004 وطالع انا عندي ددسن دبل 97 وودي واحد يبدلني وازوده
او اني اروح للامارات لان عندهم الديزل غالي اغلى من البنزين اللتر اكثر ريال وربع عشان كذا موار الديزل رخيصة
والبقية في الطريق

تحياتي دسم الشوارب
حر اليدين
ودمتم سالمين
دسم الشوارب
18/02/2006, 02:57 PM
تشكر على الافاده يا سنايدي وما قصرت
ولاتحرمنا من المزيد الله يرضى عليك
وفي الانتظار
حر اليدين
19/02/2006, 02:04 PM
اليوم مريت شركة اليمني وكيل ايسوزو وسوبارو لقيت شي يشيب القلب
الفل 2006 دفرنسين ب77000
الغمارتين دفرنسين العادية ب 63000
غاليةثمن جيب يارجل
تحياتي
دسم الشوارب
19/02/2006, 10:08 PM
أفففففففففففف والله غالي

طيب ماتدري بكم عند العيسائي

وبكم المستعمل وهل هو يمسك قيمته
ولا ماتدري
حر اليدين
19/02/2006, 11:16 PM
والله ماادري لكن في واحدة معروضة للبيع 2004 ماشية 8000فقط يعني تخزين
مسيومة ب65000 واعيها قريب
دسم الشوارب
12/03/2006, 06:23 AM
ما قصرت ............