المساعد الشخصي الرقمي

مشاهدة النسخة كاملة : استيراد الfj من أمريكا!!



دليلة1
22/10/2011, 02:41 PM
السلام عليكم ورحمة الله وبركاته



بمناسبة الأسعار الأخيرة للـ الإف جي وقفزتها بشكل عجيب خاصتا في السعودية ..



جائتني فكرة استيراد الإف جي من أمريكا جديد موديل 2012 أو 11

فعندي أحد الأقرباء هناك وبإمكانه مساعدتي في الشراء وارساله ..

وبغيت رايكم في أمر الإستيراد وقيمة تكاليف الإستيراد وبالشرح الممل إن أمكن ..
*هل الأمريكي يختلف فيه الرديتر ومكينته تجي راسين وغيرها من الأمور الغير ملائمة لجو مثل جونا فأفيدونا لاهنتم وخاصة أهل الخبرة وحي الله الجميع.

Abo gssar
22/10/2011, 03:06 PM
عليكم السلام ورحمة الله وبركاتة

والله مالومك وانا اخوك من ارتفاع الاسعار المفاجئ للاف جي. حتى اخوك كان ناوي على واحد بس مع الاسعار هذي صرت متردد..ماعلينا.....
المهم واللي اقدر افيدك فيه,,,,,,,,,,,
سعرالاف جي 2 اللي هو فل كامل في امريكا بـ129 الف ريال شامل كل شي تقريبا.(حسبنا الله عليك ياعبداللطيف عندنا وصل 153 الف)


اما الشحن في حدود 4000 ريال والجمرك ماعندي علم عنه خلفيه لكن اتذكر واحد من الشباب جاب له اكس بلورر يقول اخذوا عليه حدود 3500 اوحواليها ,
المواصفات اللي في الامريكي افضل بكثير لانهم اضافوا فيه:


...فيش كهرب 110 بقوة 400 واط بالشنطة(وانا اشوف انها اهم زيادة واتوقع جميل مافيه امل ينزلها).......


....وسماعة ومايك يعني نظام تحدث واوامر صوتيه.....


...تحكم بالجوال والاي باد من المسجل...


... طبعا شالوا زر السب اوف وخلوه من شاشة المسجل ...


...زر لقفل عمل الايرباقات ونظام الاي بي اس اثنا الاستخدام في الطرق الوعرة.(عندنا بينفعك اذا انت راعي تطعيس)
....ومن ناحية الشكل تم تغيير بسيط في الاصطبات الخلفية....


اما المكينة ماتختلف على حد علمي و الرديتر ممكن تسأل اللي معه اف جي استخدام امريكي يقدر يفيدك .


هذا مالدي واحببت ان افيدك فيه وبالتفصيل اللي تبي
واسمح لي في النقص وان شاء الله الشباب راح يعطونك العلم الاكيد.

دليلة1
23/10/2011, 05:37 AM
حياك الله صادق الوعد ..

الأمريكي في المواصفات والسلامة أفضل لكن السعر وتكاليف جيبته تبي تاخذ جهد ووقت وكم
ألف زود
فإذا كان يطابق وارد الشرق الأوسط في الرديتر والمكينه وغيرها فهو أفضل الشين ..

الله يوفق ويعين..

حزم نجد
23/10/2011, 09:54 AM
وعليكم السلام والرحمه

انت تبي نصيحتي يالغالي

محاكيك اشترى 2011 الموتر البدي دمار طقطقه من كل مكان وبالخصوص الديكورات

تخيل تخيل

تشتري موتر اقرب ماله سبورت بـ 142 الف ريال

وبعد 5000كم المرتبه تتحرك غير ثابته وصوت طقطقه في باب السواق وصوت طقطقه في السبووفر بالشنطه وصوت تنسيم على سرعه 120كم ورجه بسيطه عند الوقوف بالاشاره والمصيبه الاكبر صوت طقه قويه اذا وقفت عند اشاره ورفعت رجلك عن الفرامل ,,, 95% يعانون من هذه المشاكل

تخيل بعد 5000كيلو فقط والله على ما اقول شهيد

انا ما اسب الموتر وهو بعيد ولا شايفه مع واحد لا والله هذاه معي لونه اسمنتي ومفكر ابيعه

الموتر ما يساهل هالقيمه ابداً

قيمه كبيره على اوف رود لا مواصفات ولا راحه

ياشيخ احسن شي عندي البلوتوث علشان اقتران الجوال ههههههههههه

والباقي كلهم موجودين بالددسن الظاهر !!

انت فكر قبل تشتري وان كانك ملزم خذ لك مستعمل وجربه او استأجر يوم وجربه

ولا يغرك الي يطيرونه بالثريااا تراهم متعصبين ..

انا عطيتك هالسطور لأني جربته وللحين معي الموتر وان شاء الله ابيعه وازيد على قيمته واشتري جيب يستاهل

ابوو زيد
23/10/2011, 10:05 AM
واحد من الشباب ما صار له شهر جايب موتر من امريكا اخذوا عليه الجمارك حدود 5 الاف ريال

واما بخصوص القطع المكانكيه فيه نفس السعودي ما تفرق شي

الله هم الاكسسورات و والعداد بالميل

دليلة1
23/10/2011, 06:24 PM
حياكـ الله حزم نجد ..
الموتر بشكل عام طيب والعذاريب في كل موتر وصدقت السعر مبالغ فيه جدا جدا لكن شورك وهداية الله في المستعمل النظيف وارد العام ولاهنا خيارات وبدايل عليها الكلام .. الله يكتب اللي فيه خير..
أبو زيد ..
الجمارك ماياخذون عليك إذا كان مديل العام لكن المشكلة في تكاليف الشحن وغيرها ولو كان عندك علم أكثر في موتر خويك لاتبخل بالشور وحياك الله ..

abo
24/10/2011, 07:16 PM
للرفففففففففففع