المساعد الشخصي الرقمي

مشاهدة النسخة كاملة : وجدت طريقة لتصليح رجة الدركسون للسفاري والشاص



واثق الخطوه-
23/10/2011, 07:32 PM
السلام عليكم ورحمة الله وبركاته

اليوم وجدت ميكانيكي سعودي صاحب ورشه ويشتغل بيده وشخص محترم وفاهم ونصوح ونعم الرجل انا معي فتك 2009 وصلحت الرجه عند ميزان الباديه قبل سنه ولكن لعبو علي حسبي الله ونعم الوكيل لأن الميكانيكي اللي رحتله اليوم يشتغل على وزن وتجربه قبل الوزن وبعد الوزن يعني مهوب مثل ميزان الباديه فك وود للمخرطه وركب وامش لا هذا الشخص يشتغل على حسب وزنيه معينه والحمدلله ضبط موتري ووصف الورشه في صناعية الموسى وانت متجه للحائر اول كبري بعد سوق الحمام خلك من تحت الكبري ولف يمين يبي يجيك برج جوال لف بعده يمين وبعدين يبي يجيك تقاطع لف يمين واول لفه يسار رابع ورشه يسار اسمها ورشة عبدالرحمن ناصر اليوسف وجواله بعد اذن الاداره اسمه عبدالرحمن ودعواتكم

عاشق السيل
23/10/2011, 07:55 PM
وعليكم السلام ورحمة الله وبركاته ،،

بيض الله وجهك يالنشمي على تقديم الفائدة والنصيحة لإخوانك وفعلا كثير من أصحاب الجيوب وخاصة الباترول محتاجين مثل هالشقردي الله يعافيه !!!

ابو حمود 511
23/10/2011, 08:08 PM
جزاك الله خير مشكور وماقصرت

هويدي
23/10/2011, 08:24 PM
الله يعطيك العافيه

من باب المعرفه والفضول : ممكن تقولنا وش سوا الرجال ؟

الجو ربيع
23/10/2011, 10:57 PM
تسلم ياغالي

وبارك الله فيك

«نجم الخير»
23/10/2011, 11:02 PM
بس لو وضحت لنا ايش سوى ع شان نعلمك شغله زين اول

لان كلن يقول الحل عندي وهات سحب عمله

واثق الخطوه-
23/10/2011, 11:10 PM
الله يعافيكم
الرجال فك الفريولات بس قبل مايفك شيئ ساق الموتر وجربه علشان يعرف يوزنهن لاني مثل ماقلتلكم شغلته وزن مهوب مثل بعض الورش فك وخرط وركب وامش ويوم خلص من المخرطه ركبهن وراح يجرب الموتر قال تمام وطبعاً هو بنفسه راح للمخرطه ووقف فوق روسهم علشان الوزن

S4500
24/10/2011, 01:00 AM
طيب اخووي كم كلفك شغل سيارة عساة مو غالي

المنيعي1
24/10/2011, 01:35 AM
الله يجزاك خير بس الرجة غالباً تكون من الذراع مايحتاج وزن. فك الذراع الطويل وأكبسه وركبه ومش لاوزن ولاشي وأذا مكبوس أكثر من مرة يغير.

نجم الصداوي
24/10/2011, 09:27 AM
أعــوذ با الله...!!
إلا يعـــذربون بشغـــل الرجال ..!!

فيه ناس شايفتة(ن) روحــه تبع منظمة الأيزو العالمية ..وهــم مــايعرفون يربــطون ولا قرط الدلة.

NissaN 1990
24/10/2011, 11:15 AM
ماشاء الله يعطيك العافيه

واثق الخطوه-
24/10/2011, 11:17 AM
يا اخوان انا كتبت الموضوع هذا لأني عانيت من الرجه ومافيه شيئ ماجربته ويوم رحت للرجال اللي اسمه عبدالرحمن اليوسف لقيت ضالتي عنده والرجال هذا لا اعرفه ولا اعرف احد يعرفه بس حبيت افيد العالم ولكن بعضهم ما ودك تقوله شيئ اللي في راسه شغله لازم يعاند وهذا مهوب من صالحه لأنه راح يخسر خساير ولا يستفيد والتكلفه شغل يد 100 ريال والمخرطه 80 ريال يعني 180 ريال كل الشغله

واثق الخطوه-
25/10/2011, 11:55 PM
يرفع للفائده

س.س.التميمي
26/10/2011, 05:13 AM
ماقصرت علي هالمعلومات القيمه

.أبوعبدالرحمن
26/10/2011, 08:33 AM
الموضوع دعائي


ومخالف لقوانين القسم