من الفاو الشمالي ..إلى نفود أم عشر ...إلى فيضة الظلماء ...إلى ربيع سامودة ..بالصور

[ابو شكاع]

بسم الله الرحمن الرحيم

السلام عليكم

رحلتنا الأخيرة من يوم الأثنين الي راح لحد قبل أمس الخميس << ناسي التواريخ ..أكتبوهن تكفون

وأنا قبل أبدأ ودي أهدي هالموضوع بمكشات لصقر وأقول له

يابو أحمد قل الحمد لله إنك ماكنت مع العبارة المصرية الي غرقت ..تتقول وش دخل السالفة ..أبقول لك مدري ...وودي أقول لك بعد تراي خلاص الغيت كل جوالاتك الي مخزنهن عندي ...وإقطع المعرفة ياخوي .. هالمرة بالسهل الثانية الله يستر وين نبي نصير :D

أعضاء الرحلة

أنا << ما يحب نفسه

العارض

ابو علي

أبو مشاري

أبومحمد

أو راشد

6 أشخاص بـ 3 سيارات ...

التقينا صباح الأثنين بعد ألأرطاوية مع العارض وأبو مشاري الي جايين من الرياض

همن كملنا مسيرتنا إلى الحفر ومن الحفر فرقنا شمال بحدود 7 كلم إلى حد مفرق الفاو الشمالي ..ومنها نزلنا يسار ومشينا مسافة لابأس به يعني يجي له حول ال 15 كلم صحراء ...وصرنا بين شبكين ..( محميات ) http://www.qosman.com/vb307/images/smilies/confused1.gif وتقدمنا شوي ...وتكينا في محل مليانن عالم ... وتشوفهم يلقطون .. بس الأرض مهيب محفورة ...والي يدخلون الشبوك تطردهم الدوريات ...حكرنا التكية وطقينا خيمتنا ...وتعشينا ...وسمرنا بجو فيه هواء شديد ومزعج

هنا كان التصوير بكاميرة الجوال ...والبلوتوث بالكمبيوتر هذا ما يعمل لذلك هن 4 صور لعلي اضيفهن بعدين

بداية الصور من هنا

.... إذا كنت مكشاتيات ...فهذا لا يعني أن لاتكون متدهنا بين حين وآخر :D

بداية الصور من هنا

http://www.qosman.com/picup/files/yasir-1139573758.jpg


وهالصورة هي دلالة على نفي الجلافة عننا كتماسيح وأيضا عن قولة إنهم بس ياكلون ثوم ولا يتدهنون http://www.qosman.com/vb307/images/smilies/tongue_smilie.gif ....

بعد مانمنا بالفاو الشمالي .... تحركنا الصبح بعد ما أفطر الشباب ....إلى سوق الحفر عشان الشباب ودهم ان لقوا فقع زين ييشرون

كان السوق غالي ...وكان حراج ...وناس تزاود لبعض

لقطت لكم هالصورة

http://www.qosman.com/picup/files/yasir-1139575362.jpg


مزيد من الصور عقب قليل :D

[ابو شكاع]

وبعدها أذن الظهر وتفرقوا الناس عن الحراج ....
بعدها طلعنا من الحفر بعد التزود بما ينقصنا ..خصوصا الماء
طلعنا ونيتنا هي لأم عشر
وكان الجو مهوب صافي ودافي بزود ...
المهم مصلنا لأم عشر وتعدينا شوي ونزلنا على النفود يسار الخط ....وتكينا تكيتن وش زينه ...بجو رائع مافيه هواء ولا شي ... والعالم مخيمين والناس كاشتين ومستانسين...وطول الطريق من الحفر لام عشر وواحد من الزملاء ينادي بالكنود ويقول ..وقفوا...ذبحن الجوع اباكل شي ..وأليكم بعض الصور

http://www.qosman.com/picup/files/yasir-1139640484.jpg


http://www.qosman.com/picup/files/yasir-1139579024.jpg

نعود من جديد مع المزيد من الصور
كان يومنا الثاني من أهدأ الأيام من حيث التيار الهوائي الذي فغا روسنا بأول يوم
هنا صورتين وهي تجربة لزوم الكاميرة الي معي والي يعتبر الزوم الي فيها من أقوى الزومات ...والصراحة هي مادخلت مزاجي ..بس الزوم به زين وقوي
هذي الصورة بدون زوم ...وهي صورة لبزارين يتدربون من فوق الطعس بجو رايق
http://www.qosman.com/picup/files/yasir-1139591339.jpg

وهنا الزوم بطاقة كاملة أوبتيكل بدون ديجيتال لأنه بالديجيتال تقل نقاوة وجودة الصورة كثير ...أعتقد السبب هو لأن الكاميرة 4 ميقا بيكسل لو الرقم أعلا كان ممكن تاخذ الزوم كامل بتأثر أقل بنقاوة الصورة
هنا لإن الكاميرة مهيب على حامل ... مهيب ذاك الوضوح
http://www.qosman.com/picup/files/yasir-1139591450.jpg

وهنا منظر لمحلنا بس من علو

http://www.qosman.com/picup/files/yasir-1139591616.jpg

خشم الحصان وش رايك بالزوم :D
<!-- / message --><!-- sig -->

[ابو شكاع]

عدنا من جديد
مثل ماقلت في اليوم الثاني كان الجو رايق ...وفيه سحب ...
بالليل الشباب مسكت معهم على الذرة ...وجلسوا يشوون الذرة
ويوم ذقته أثره منتازة بقوة
<<< ما عمره ذاقه إلا يمكن يوم بحياته يوم أنه صغير قبل 77 سنة
وهذي صورة الذرة وهى على الجمر ... صارت طلعتنا مغير أكل http://www.qosman.com/vb307/images/smilies/wacko.gif
http://www.qosman.com/picup/files/yasir-1139599918.jpg

وبعد هالوجبة الخفيفة تعشوا الشباب مشوي ...همن نمنا نومتن وش زينه
همن أصبحنا وتقهوينا وأفطرنا وتوكلنا على الله ماندري وين ننروح خخخخخخخخ
بالأخير إتفقنا على فيضة الظلما وهي فيضة محمية بس قلنا ننروح حوله يقولون زين ولاهوب ممنوع
الصراحة كانت أزين ماشفنا ...وكانت نظيفة جدا لأنه محمية ...والدوريات به تدهر شي سيارات شرطة وشي سيارات جوازات << ما أدري وش تبي
وشي جيوب خاصة عليه سفاتي صغيرة ...وكل من مر قالوا اطلع بمكبرات الصوت ...سألناهم عن مكان زين ولاهوب ممنوع قالوا اي محل خارج الفيضة مهوب ممنوع ..قلنا أحلفوا قالوا والله http://www.qosman.com/vb307/images/smilies/001_smile.gif
وهذي صورة للمحمية وتشوفون سيارة الدوريات تمنع الناس
http://www.qosman.com/picup/files/yasir-1139600262.jpg
تحركنا عن المحل الي فيه الدوريات....ومشينا يجي لنا 5 كلم ....أو أدون ...ولقينا على إمتداد الفيضة ناس فالين عزبهم وناس طاقين خيامهم بربيع وش زينه .. قلنا شكله هنا مهوب ممنوع ...وندور نبي نحدد لنا محلن زين ...ويجوز لنا هكالمحل
وقبل صورة المحل هذي صورة ابوفيصل وأبو مشاري وهم في خضم البحث عن محل مناسب
http://www.qosman.com/picup/files/yasir-1139600383.jpg

[ابو شكاع]

واستقر بنا الأمر هنا في هذا الشعيب الحيلووو
http://www.qosman.com/picup/files/yasir-1139600459.jpg

بعد ماتكينا بوه .... سوينا قهوتنا وشاهينا ...وكان متخصص القهوة والشاهي بهالطلعة هو العارض ...همن الشباب اشتغلوا على تجهيز الغداء ... فكانت هذي الصورة الي يوضح بها ابوفيصل وهو ينتظر القهوة تجهز وقدامه يم يم الكاتم وهو يدهر
http://www.qosman.com/picup/files/yasir-1139600617.jpg

وهذا منظر من فوق لمحلنا يوم قمنا أنا وأبو مشاري نتمشى شوي ونشوف الربيع
http://www.qosman.com/picup/files/yasir-1139600713.jpg

[ابو شكاع]

وهنا صور زيادة ومناظر لربيع فيضة الظلما
وفي خضم <<< لاتفوتكم....أقول في خضم تمشينا أنا ابو مشاري كنا نسمع الدوريات بالمكبرات جت لم الناس وبدت تقول لهم حركوا لاتقعدون
وكان بيننا وبينهم مرتفع ... قلنا غديهم ما يشوفوننا ...
البعارين فالاتن الحجاج
http://www.qosman.com/picup/files/yasir-1139600961.jpg

وأنا وأبو مشاري نتمشى ونسولف ...ويوم درينا وينطق من تحت رجيلنا شي ومير ننهبل ..وانا ألي ألقط له كم صورة شوفوه وقولوا لي وش اسمه
http://www.qosman.com/picup/files/yasir-1139601152.jpg

ماكوش جلدكم خخخخخخخخخخ
وهذي صورة أوضح له
http://www.qosman.com/picup/files/yasir-1139601280.jpg

عرفتوه أو لا ؟؟
هذي أم حبينان
والي يبي يعرف عنه أكثر يدخل الموقع التالي
www.om7binan.com (http://www.om7binan.com/)
http://www.alrassxp.com/forum/sm/169.gif
الغريب بالأمر والي لاحظناه عليه هو إنه تتحرك وماتاقف إلى على حجر ... سبحان الله شكله عشان تموه على جسمه
بالنسبة للإسم أعتقادي أنه أم حبينان ... بس الأكيد منب متأكد ...لأن عندنا بالقصيم أم حبينان بس تقل أصغر من ذي <!-- / message --><!-- sig -->

[ابو شكاع]

بعد مانزلنا لخويانا وأثر الغداء جاهز ...تغدينا ...همن قلنا نبي نتريح شوي ونتكي فوق الرفاعة ...ما درينا إلا يوم جا الجيب يمشي مليون وريالين ...وأثره جيب عادي ولا عليه أناتل ولا شي ...ومير يشر بيده الراكب وقال أطلعوا ... قلنا طيب طيب ..قال خوي لنا بس نصلي وننمشي ... قال صلوا على رحالكم ومير هو الي ينزل قلنا خير خلاص ....ويروحون وحنا الي نشيل العفش همن صلنا همن مشينا ..وقلنا الحمد لله أنهم جو عقب ماقضينا متغدين وإلا تسان علوم
حركنا من محلنا وقعدنا ندوج شوي ...ورحنا لفيضة زينه ولاهوب ممنوع الجلوس به ...نسيت اسمه غدي العارض يذكره ...همن قلنا نبي نطلع شوي لمكان ثاني ...ومير نحرك عنه لأنه كانت مليانتن ناس ...ونروح لمحل ثاني وأثرنا على وقت المغرب ...والأرض ملقوطة ..ونقعد ندور وندور وندور ...ويوم ملينا وأظلمت شوي وحنا الي نفل عزبنا ونتكي تكيتن كله ملح ...قالوا الشباب ماش مايصلح نقعد تسذا بدون أكل http://www.qosman.com/vb307/images/smilies/confused1.gif
وهم الي يستدنون القلب والكلاوي حقات الذبيحة وهم الي يشوونهن وهذي الصورة
http://www.qosman.com/picup/files/yasir-1139601873.jpg

نزلنا الكنوود عندنا وجلسنا نتسمع لقنوات الألغاز ونحاول نحل ...المهم وكان الجو مثل ماتقولون متقلب ... وكنت أسولف مع واحد بالكنود ونضحك وكان بنفود أم عشر ...شوي وقال بدت تنقط علينا ... وشوي يوم قال مع السلامة ياخويي امطرت بقوة ... وبهالوقت كنا نشوف برق من بعيد ... قلنا لخويانا خلو نزين الأمور عشان لو أمطرت ما يحوسنا المطر
ومير حنا الي نحط الشراع على السيارات وصار كأنه خيمة ...ونصف نصلي المغرب ...وحنا بالصلاة ومير تبدأ تبرق وترعد وهوا قوي وهو الي يشيل الرواق ويتسفته على سيارتي ويحوس العفش كله ...وحنا كنا نصلي المغرب ونسمع الصوت ..ويوم سلمنا وأثر الأمور حوسة ...ونجي ننصلحه ومير تبرق وترعد وتبدأ تمطر بقوة مع هوى قوي ...والشراع أقشر بالهوى ما ينمسك وهو كان كبير جدا 10×10 تقريبا
وحنا الي نظف العفش على حوسته عن المطر ونبتل بالمطر وننحاس ..ونجلس بالسيارات قلنا نشوف وش يصير علينا ...
جلسنا بالسيارات قلنا ان خف المطر نبي ننزل ونبني الخيام ...

يوم خف المطر وحنا الي ننزل نصلي العشا
وبعده تشاورنا على إننا نحرك من محلنا لإن حسب الاخبار ان بين الحفر ورفحا أمطار شديدة والهوى يبي يبتل مهوب واقف والمطر ممكن يستمر حسب كلام الارضاد الجوية
المهم وحنا الي نمشي قاصدين سامودة .. بهالقارمن عز الله انه شي ...وناصله بوقت متأخر حول 12 وشوي والشباب ياخذون عشاهم نواشف هالمرة <<<مهيب عادتهم خخخخخخخ
ونروح لم الربيع الي عن سامودة جنوب غرب ...ومليان مخيمات ...وأول شي بنينا الخيام ...وتكينا وأثر الوقت متأخر تعشوا الشباب...وجلسنا نشوف البرقو ونسمع الرعود الى عنا شمال وشرق وأمطرت علينا على خفيف ونمنا ليلة الخميس
والصبح لقط لكم هالصور بعد ما أفطرنا وعينا من الله خير
http://www.qosman.com/picup/files/yasir-1139602462.jpg

وهذي بعد

http://www.qosman.com/picup/files/yasir-1139602597.jpg

[ابو شكاع]

بعدها إفترقنا وحان الرحيل

أبو فيصل وأبو مشاري اتجهوا للرياض

وحنا رحنا لم القصيم قطوعة من عند نفود الدهنا همن قبة همن بريدة همن الرس

وهذي آخر صورة لنا يوم نزلنا من نفودا لدهنا نعبي الكفرات هوا ومثل ماتلاحظون ... كان فيه هوا وعج والجو مهوب صافي

http://www.qosman.com/picup/files/yasir-1139602810.jpg



وهذي آخر صورتين ...وهن صور للكبسة بالمايكرو

كبسة + لحيمتن وش زينة + فقيعات


والثانية صورة للثوم الي أبدعنا فيه بالرحلة

القطة كانت 1500

منها 1400 ثوم والباقي مقاضي :D


الأولى للحيماتت والفقيعات على الكبسة

http://9q9q.com/get.php?filename=1139505899.jpg


والثانية احم .... للثوم الي على الكبسة ...حيث دئبنا << دئبنا <<< عيد مرة ثانية دئبنا على وضع الثوم بالكبسة ( بالبر فقط ) بهالشكل


http://www.qosman.com/vb307/images/smilies/lol.gif

http://9q9q.com/get.php?filename=1139506144.jpg





والحمد لله أنتهينا من تقرير الرحلة ....وعذرا لإزعاجكم بكثر الهرج :D
ما يستفاد من الرحلة
1- دايم إذا بغيت تكشت خذ معك فراش بر
2- دايم إذا بغيت تكشت خذ معك خيمتن زينة
3- دايم إذا بغيت تكشت رح للربيع
4- دايم إذا بغيت تكشت خذ معك( ما) يكفي
5- دايم إذا بغيت تكشت لاتنسى كاميرات الفديو والرقميات عشان الذكريات الجميلة

6- دايم إذابغيت تكشت لاتكلم صقر أبد ...مايخالف إتصل عليه عقب ماتجي عشان بس تسلم عليه

وسلامتكو
الحين أنا >>> http://www.qosman.com/vb307/images/smilies/tooth.gif لأني نسيت افرشهن عقب الكشتة http://www.qosman.com/vb307/images/smilies/lol.gif

[مسافر1]

رحلة جميلة يا أبو شكاع ,, وصور معبرة .. بارك الله فيك ..

[ابو شكاع]

أخوي مسافر 1
شاكر لك مرورك الجميل وبارك الله فيك يالغالي

[صوح الجبل]

ياسلام .... ياسلام .... تسلم .... ثم .... تسلم .... ثم ..... تسلم ...... يابوشكاع .... رحله جميله ورائعه جداً ..... وفقت بالصورة والقلم ..... نقلاً رائعاً ..... تقبل مني محبتي ومودتي

[الجيب الربع]

أبو شكاع



الحمدلله على السلامه ورحلة سعيدة إن شاء الله



مشروع تسمين الله يطرح فيه البركه.......... لحم وفقع وثوم ورز ومعاليق وذره :D :D :D الله يهنيكم



الا الشباب على خبري ؟ يتغدون وهم يجهزون أغراض العشاء؟ :D :D :D :D



تحياتي للجميع ولك يا أبو صالح

[صاروخ]

ابو شكاع رحله جميله وموفقه

ذره مره وحده ( يعني مسوين انفسكم شوام )

[ابو شكاع]

صوح الجبل
ياخوي تراك احرجتن بهالمدح
مناخري صارن تقل برابيخ سيل هههههههههه
تسلم ويسلم مرورك الجميل ولاهنت يالغالي

[ابو شكاع]

أبو شكاع



الحمدلله على السلامه ورحلة سعيدة إن شاء الله

مشروع تسمين الله يطرح فيه البركه.......... لحم وفقع وثوم ورز ومعاليق وذره :D :D :D الله يهنيكم

الا الشباب على خبري ؟ يتغدون وهم يجهزون أغراض العشاء؟ :D :D :D :D



تحياتي للجميع ولك يا أبو صالح
هلا والله وغلا يابوعبدالله ....مانقصنا إلا أنت بهالرحلة ...
الله يسلمك من كل شر ...أنت شفت وش لون مشروع التسمين ههههههههههه لاعاد أنا كاتب الذرة وجبة خفيفة هههههههههههه
فاتك أبوفيصل انهبل من هالعالم الي تدك دك تخبر اكله مهوب شي هاللبناني
وحنا مانغسل الكاتم لأنه مايمديه إلا وحنا مكشنين فوق حكاكة الوجبة الي قبل :D
أسأله عن سالفة التونة تبي تضحك
تسلم ولاهنت
والمرة الجاية اضبط أمورك ;)

[المشراق]

بيض الله وجهك أخوي أبو شكاع على هالوصف الرائع لهذه الرحلة والله يمتعك بالصحة والعافية انت وصحبك الكرام ومشكور ألف ألف ألف 0

[ابو شكاع]

ابو شكاع رحله جميله وموفقه

ذره مره وحده ( يعني مسوين انفسكم شوام )

هلابك الصاروخ ...
أنت شفت وش لون الذرة ...على قولتك شوام
بس خل عنك ...ياهي تنشب بالسنون ولاتطلع على سيرة :D
تسلم لمرورك الجميل ولاهنت

[ابو شكاع]

بيض الله وجهك أخوي أبو شكاع على هالوصف الرائع لهذه الرحلة والله يمتعك بالصحة والعافية انت وصحبك الكرام ومشكور ألف ألف ألف 0
ووجهك يالمشراق ....أسعدني مرورك وتعليقك الراقي برقي أخلاقك ومعدنك
وجعل الله لك من دعاءك نصيب
وشكرا لمرورك ولاهنت

[ابو سمر]

تسلم على هذه الصور الجميلة والوصف الرائع والحمد لله على السلامة .

بس لدي سؤال وش بلاهم أهل الجيوب يمشون الناس ، الروضة ومحجوزة لغنم وبعارين طال عمره ، طيب والأرض الجلد ، يقدر يمشي عليها برجليه ؟

[كبريت]

يعطيك الف عافية يا اخ ابو شكاع

صراحة صور ولا احلى وطلعه ولا اجمل الله يهنيكم

بس بغيت اسال

باقي عندك ثوم ؟؟

ههههههههههههههههههههههههههه

[شـهـاب]

ماشاء الله طلعه موفقه


وصور رائعه

[قرص جمر]

يسعد أيامك..

[العر؟بوليلي]

والله يالصوره اللي يرقون النفود علىرجليهم انه ولا بريال

[دله وفنجال]

السلام عليكم...
ابو شكاع ألى الحين أشطوب الرجلين والايدين ماراحن ...
ألا على طاري الذرة يقولون ان السنون عندك زايدة واثرة ذرة ناشبة بهلفتحات...
وازيادة على المعلومات القيمة الي انت حاطهن اضف ذالك :
رحلة مافيها ابو شكاع ماتصلح...
ودمتم سالمين ...

[أبو عوف]

رحله جيده ومباركه
ومشكور على الصور

[جلاد الصحراء]

ما قصرت اخوي ابو شكاع. تقرير رائع.
وش قصت الذرة كل من كشت اخذ ذرة . انا كنت يوم الثلاثاء في الروضة اللي بعد الظلماء وقاعدين ناكل ذرة. بس كنا طابخنه بالكاتم.

انت شفت وش كثر بعارين مشعل

http://www.mekshat.com/pix/upload/images14/mk6311_1.jpg


لا حول ولا قوة الا بالله

[عاشق هدوء]

ابوشكاع
حمدلله على سلامة الوصول رحله ممتعه ومنوعه ومثومه ياخوي ريحة الثوم وصلتنا في المنتدى
الله يعطيكم العافيه وتكفى الرحله الجايه بدون ثوم:D

[نقا هشال]

ماشاء الله

يعطيك الف عافيه اخي ابو شكاع

تغطيه وصور وتعليقات ولااروع

كل الشكر لك

تقبل فائق تحيتي

[الربذي]

السلام عليكم ورحمة الله وبركاته
هلا بسيبويه هذا القرن دئبنا ها ه!!!!!!!!!!!!!!
صور روعه بس ياخيك انتم عوائل ولا عزاب اشوف بزارين يلعبون بالنفود واختلط على الامر لكن طلعه راايقه وخصوصا ان ابو شكاع احد افرادها
اخوك

[aziz2727]

الحمد لله على سلامتكم
وصور بالحيل زينه
بارك الله فيك

[ثلاث خمسات]

ابو شكاع يعطيك العافيه على هالصور الجميله والتفنن والتنويع في الطبخ إن دل فإنما يدل على أنك ( رااااااااااااعيها ) يابو شكاع وحاب أسألك عن حاجتين أولاً الشعيب اللي جلستو فيه وين موقعه بالضبط وياليت تعطيني الأحداثيه إن أمكن؟ ثانياً الفقع اللي طبختوه نظفتوه في البر انتم والا شريتوه منظف جاهز؟ وتقبل تحيات أخوك ( 555 ) يعني ثلاث خمسات .

[رسلان]

بارك الله فيكم أخي على التقرير الجميل ...
وتعرف رايي :) ...

[أبرق الضيان]

ماشاء الله هذي الكشتة كشتة وناسة و ترويح و تسمين و مهارات المطبخ اللبناني !!

[ابو شكاع]

تسلم على هذه الصور الجميلة والوصف الرائع والحمد لله على السلامة .

بس لدي سؤال وش بلاهم أهل الجيوب يمشون الناس ، الروضة ومحجوزة لغنم وبعارين طال عمره ، طيب والأرض الجلد ، يقدر يمشي عليها برجليه ؟

هلا ومرحبا أبو سمر
الله يسلم وجهك من النار يالغالي
بالنسبة لأهل الجيوب ...ياخي مدري وراه الصراحة ... بس حنا مطيعين على طول طلعنا ...<< يعرفون يحطون العزبة على بعض ويفركون :D
مشكور أبو سمر ولاهنت

[ابو شكاع]

يعطيك الف عافية يا اخ ابو شكاع

صراحة صور ولا احلى وطلعه ولا اجمل الله يهنيكم

بس بغيت اسال

باقي عندك ثوم ؟؟

ههههههههههههههههههههههههههه

حي الله أبو محمد ..
الله يعافي قلبك ويسلمك
بالنسبة للثوم يالغالي بقى معنا حق الطريق فقط
<<< قشموه بطريق العودة مثل الفصفص
حيث إننا ملحناه :D

[ابو شكاع]

ماشاء الله طلعه موفقه


وصور رائعه

شهاب ..... اشكر لك مرورك يالغالي
ولاهنت

[ابو شكاع]

يسعد أيامك..

قرص جمر
وأيامك يابعدي
شاكر لك مرورك ولاهنت

[ابو شكاع]

والله يالصوره اللي يرقون النفود علىرجليهم انه ولا بريال

العررررررررر بوليلي .... طيب الصورة تقول عنه ولا بريال ... ياخي على الأقل قل بريال ... عشان يوم أحتاج أروح أبيعه وأشري 4 خبز
طيب ماجازت لك ولا صورة منهن ؟
يامتوحش يالعر
ياشرير
حطمتني :D

[محب الطلعات]

اخوي ابوشكاع خليتنا فعلا كنا كاشتين معك بحلو وصفك لكن حبيت انصحك واخواني المكشاتين عن خطوره فقع الشمال لوجود عناصر مشعه من مخلفات الازمه والله يحفظنا

[كشات]

http://www.geocities.com/hraaar_1/1100218787_starting_word.gif



كثر الله خيرك يابوشكاع

تسني كشتن معكم وطعم الثوم للحين ماراح حتى عقب الفرشه والمعجون

لاهنت يابو شكاع وتسلم على هالتقرير عن رحله رائعه بوجود امثالك
ماناقصكم الا صقر
عاد مادري تشوونه والا تقنصون بوه هو صقركم وانتمو ابخص :D

[ابو شكاع]

السلام عليكم...
ابو شكاع ألى الحين أشطوب الرجلين والايدين ماراحن ...
ألا على طاري الذرة يقولون ان السنون عندك زايدة واثرة ذرة ناشبة بهلفتحات...
وازيادة على المعلومات القيمة الي انت حاطهن اضف ذالك :
رحلة مافيها ابو شكاع ماتصلح...
ودمتم سالمين ...

عليكم السلام ورحمة الله وبركاته ... هلا والله بأخوي فلة ودنجال ...
قصدي دلة وفنجال :D
ابشرك الشطوب عقب ماداومت على دهنهن بزيت الفرامل يوميا وبعد ما صرت ادخلهن بنتافة الدجاج الي تنتف ريش الدجاج عند محلات البيع الطازج من خلال 4 جلسات علاجية ... أقول لك ابشرك ان الشطوب أزين من أول بواجد :D
عاد بالنسبة للسنون والذرة ...تخبر من الرس والسنون صفر والذرة صفرا ...تحلف ان الحركان حاكرن لي سن زود ومخليه إستبنة :D
الله يسلمك على مدحك لي وهرجك علي <<< من زين الأسلوب
تسلم يالغالي ولاهنت لمرورك الجميل
ألف شكر لك

[ابو شكاع]

رحله جيده ومباركه
ومشكور على الصور

أبو عوف ....أهلا وسهلا بك
وشاكر لك مرورك يالغالي ولاهنت

[ابو شكاع]

ما قصرت اخوي ابو شكاع. تقرير رائع.
وش قصت الذرة كل من كشت اخذ ذرة . انا كنت يوم الثلاثاء في الروضة اللي بعد الظلماء وقاعدين ناكل ذرة. بس كنا طابخنه بالكاتم.

انت شفت وش كثر بعارين مشعل

http://www.mekshat.com/pix/upload/images14/mk6311_1.jpg


لا حول ولا قوة الا بالله

هلا والله
حي الله جلاد الشعبان .... الصراحة يالغالي بالنسبة لي أول مرة أطلع ونشوي ذرة ...ومش حتكون الأخيرة أبدا
الصراحة طعم ;)
بس اعتقد واجزم انه بالكاتم سلق أفضل وبكثير
ياليت يالغالي تشرح لي طريقته وكم ياخذ وقت بالكاتم
وبالنسبة للبعارين ...ما أدري عن المؤشر اليوم هو زين أو لا << يغير السالفة من الذراقة :D
وتقبل ودي لك

[ابو شكاع]

ابوشكاع


حمدلله على سلامة الوصول رحله ممتعه ومنوعه ومثومه ياخوي ريحة الثوم وصلتنا في المنتدى
الله يعطيكم العافيه وتكفى الرحله الجايه بدون ثوم:D
هلاوالله عاشق الهدوء
الله يسلمك يالغالي من كل شر
بالنسبة لريحة الثوم تراه جاية من al3ard هو الي مغير ياكل منه :D
وأنت تقول الرحلة الجاية بدون ثوم ؟؟:no2:
أنت تدري إننا إذا ماصار معنا شاصي مسح التوانك ثوم ماكشتنا <<< صار إرطا مهوب ثوم :D
تسلم ولاهنت

[قناص تميم]

جزاك الله على التغطيه الجمليه أخوك : صقار نجد ؟

[ابو شكاع]

ماشاء الله

يعطيك الف عافيه اخي ابو شكاع

تغطيه وصور وتعليقات ولااروع

كل الشكر لك

تقبل فائق تحيتي

هلا والله وغلا بالغالي نقا هشال
الأروع هو حضورك البهي
شكرا لك ولاهنت يالغالي

[ابو شكاع]

السلام عليكم ورحمة الله وبركاته
هلا بسيبويه هذا القرن دئبنا ها ه!!!!!!!!!!!!!!
صور روعه بس ياخيك انتم عوائل ولا عزاب اشوف بزارين يلعبون بالنفود واختلط على الامر لكن طلعه راايقه وخصوصا ان ابو شكاع احد افرادها
اخوك

عليكم السلام ورحمة الله وبركاته ..
هلا والله وغلا الربذي .... أجل جازت لك دئبنا خخخخخخخخ
ياخي الواحد يا إما يدأب على سنع أو ماله داعي كل شوي يقعد يدأب ويدأب على لاشي :D
بالنسبة للرحلة فهي عزاب ...بالنسبة للبزارين فانا جايبهم بالزوم ... وهالكاميرة زومه قوي ...وعلى فكرة جايبهم من روضة خريم وحنا بأم عشر ... شفت وش لون الزوم الصح :D
البزارين مهوب تبعنا ...
والله يسلمك يالغالي
ولاهنت على المرور الجميل

[ابو شكاع]

الحمد لله على سلامتكم
وصور بالحيل زينه
بارك الله فيك

الله يسلمك من كل شر يالغالي
وشاكر لك مرورك الجميل
ولاهنت

[فتى نجد]

مشكور أخوي ابو شكاع على هذا التقرير الرااااااااااااااااااااائع

صراحة صور وتعليق كنها وجهك :good2: :D

استمتعنا بالرحلة وحنا جالسين قدام الكمبيوتر ... الله يعين لو حنا معكم ويش كان .... الصراحة بعد قراءة موضوعك تمنيت إني معكم

بارك الله فيك وأسعدك في الدنيا والآخرة

أخوك فتى نجد (ابوعبدالله)

[ابو شكاع]

ابو شكاع يعطيك العافيه على هالصور الجميله والتفنن والتنويع في الطبخ إن دل فإنما يدل على أنك ( رااااااااااااعيها ) يابو شكاع وحاب أسألك عن حاجتين أولاً الشعيب اللي جلستو فيه وين موقعه بالضبط وياليت تعطيني الأحداثيه إن أمكن؟ ثانياً الفقع اللي طبختوه نظفتوه في البر انتم والا شريتوه منظف جاهز؟ وتقبل تحيات أخوك ( 555 ) يعني ثلاث خمسات .

هلاوالله وغلا أخيي ثلاث خمسات ... ياخي مدري وراه أحس إن معرفك ياماركة تتن الله يستر :no:
أو ماركة أقفال :D
بالنسبة لراعيها وماراعيها والله يالغالي انك جانبت الصواب ...أنا راعيها بالتسبيع الله الله ... بس بحكر الكبسة مفارق الله يسلمك
بس الله يسمع منك إن شاء الله ...
بالنسبة للشعيب يالغالي ...هو في نفس المحمية يعني في الظلما في وادي الباطن ...ونصيحة لاتروح نه أول ماتتكي وتفل عزبتك تتلقاهم طابين عليك وقايلين لك اطلع
بالنسبة للفقع يالغالي حنا نظفناه بالبر بعد ماشريناه من سوق الحفر
وهلابك ومرحبا ولاهنت

[ابو شكاع]

بارك الله فيكم أخي على التقرير الجميل ...
وتعرف رايي :) ...

هلاوالله وغلا رسلان
اشكر لك مرورك يالغالي
وأعرف زين رايك ....
ولاهنت
لي عودة لبقية الأحبة

[ابو شكاع]

ماشاء الله هذي الكشتة كشتة وناسة و ترويح و تسمين و مهارات المطبخ اللبناني !!


هلا ومرحبا
حي الله أبرق الضيان .... إلا وش يقرب لك أبرق الكبريت << يستخف دمه هاللبناني على قولتك :D
مشكور لمرورك يالغالي
ولاهنت

[ذرب المعاني]

اررررررحب يابو شكاع

حياك وحي علمك

بصراحه تبارك الرحمن ... رحله ممتعه .. وطيبه

والرحلات اذا توفرت فيها عناصر مطلوبه ماعليها كلام تجي طيبه بالحيل وودك تتكرر

1- المكان المناسب والجو الرايق
2- المواتر الطيبه
3- العدة كامله من والى
4- الاخويا
اذا اكتملت .. ماعاد ودك ترجع للديره ..
وسلم لي على ابو احمد ..

[ابو شكاع]

اخوي ابوشكاع خليتنا فعلا كنا كاشتين معك بحلو وصفك لكن حبيت انصحك واخواني المكشاتين عن خطوره فقع الشمال لوجود عناصر مشعه من مخلفات الازمه والله يحفظنا

محب الطلعات ... هلا والله وغلا بك ...حلو الوصف من حلاة إطلاعك وحسن ذاتك ....
بالنسبة للإشعاعات صدقت
لجنا أبو مشاري هناك من يوم شريناه وهو يقال لاتاكلون تراه مليان يورانيوم
وهو أكثر واحد ينسف منه :D
تسلم

[ابو شكاع]

http://www.geocities.com/hraaar_1/1100218787_starting_word.gif




كثر الله خيرك يابوشكاع

تسني كشتن معكم وطعم الثوم للحين ماراح حتى عقب الفرشه والمعجون

لاهنت يابو شكاع وتسلم على هالتقرير عن رحله رائعه بوجود امثالك
ماناقصكم الا صقر
عاد مادري تشوونه والا تقنصون بوه هو صقركم وانتمو ابخص :D

عليكم السلام ورحمة الله وبركاته
حي الله كشات ومرحبا بك
بيني وبينك ريحة الثوم مهيب رايحتن أبد
إلا أنتسان عرمشنا لنا عرق ارطا لمدة شهر :D
الحمد لله إن التقرير أعجبك ...
وبالنسبة لصقر ...ياخوي احب هالآدمي رغم أنه يهاوشن دايم
أتصل عليه اقول له سلام عليكم
يقول عليكم السلام هاه وش تبي
كأني متصل على جواله الثريا ومايبي يتخسر قروش ..رغم إن التكلقة علي :D
تسلم

[ابو شكاع]

اررررررحب يابو شكاع

حياك وحي علمك

بصراحه تبارك الرحمن ... رحله ممتعه .. وطيبه

والرحلات اذا توفرت فيها عناصر مطلوبه ماعليها كلام تجي طيبه بالحيل وودك تتكرر

1- المكان المناسب والجو الرايق
2- المواتر الطيبه
3- العدة كامله من والى
4- الاخويا
اذا اكتملت .. ماعاد ودك ترجع للديره ..
وسلم لي على ابو احمد ..

حي الله ذرب المعاني ...
صدقت يالغالي ... العناصر الي قلت عليه هي الأهم ...وإذاماصار عندك دوام ...ودك ماترجع أبد ...وإذا قضا ما معكم من طعام ترعى من هالربيع ولاعليك إلا العافية ...:D
بالنسبة لأبو أحمد ...
الله يسلمك بس مدري وراه مادخل يرد على الموضوع
شكله زعل :D

[الفتى المجازف]

تصدق يابو شكاع توي اعرف ليش تمدح اليوكون
اثرك طايح فيه انت وربعك
فعلا اشتر موتر يعزك ويغليك وعلى كفوف الراحه يوديك
ومشاء الله على هاالرحله ماميزها الا كثرة الاكل فيها
كل سطر وراه صورة اكل الله لايضركم وبالعافيه.
ابوشكاع
رحلة جميلة , صور جميله, مواقع جميله
تمنياتي لك وللجميع بالتوفيق

[باوردي]

هذا الكلام يا ابو شكاع تقرير شامل يوسع الصدر ويوسع البطن :D
http://9q9q.com/get.php?filename=1139506144.jpg

[أبــوريـــان]

ابو شكاع يامال العافية والله هذي التقارير الي عليها الكلام
كاني معكم بهالرحلة المبروكة

تسلم يالغالي

اخوك ابوريان

[ابو شكاع]

تصدق يابو شكاع توي اعرف ليش تمدح اليوكون
اثرك طايح فيه انت وربعك
فعلا اشتر موتر يعزك ويغليك وعلى كفوف الراحه يوديك
ومشاء الله على هاالرحله ماميزها الا كثرة الاكل فيها
كل سطر وراه صورة اكل الله لايضركم وبالعافيه.
ابوشكاع
رحلة جميلة , صور جميله, مواقع جميله
تمنياتي لك وللجميع بالتوفيق

أيه يالغالي ...أصلا ماتعارفت أنا وal3ardإلا من خلال الحب المشترك لليوكون << قلب يقربع
حتى ودي اشري الجديد كليا 2007
بس قالت أم شكاع ابشب بك وانت بوسطه ...هالحين فكر في بيت مهوب سيارة ...وهالي معك جديد ومابه خلاف :D
عاد مدري هي تبي تستخدم قاز أو بنزين بالشبة :D
بالنسبة لكثرة الأكل ... أنت ماشفت al3ard وهو ماسكن راسه من هول ماشاف ههههههههههههههه
الحمد لله رب العالمين ...بس على فكرة تراي صرت أقلهم أكل ...مع أني من الي يدونها صح :D
تسلم
ولاهنت يالغالي على مرورك الجميل

[ابو شكاع]

هذا الكلام يا ابو شكاع تقرير شامل يوسع الصدر ويوسع البطن :D
http://9q9q.com/get.php?filename=1139506144.jpg

هلاوغلا بارودي ربي محييك
أنت شفت وش لون
مقيولة
مقابل الجيش ولا مقايل العيش
ناس تخلص بالاكل :D
الحمد لله رب العالمين
لي عودة بإذن الله

[ابو شكاع]

ابو شكاع يامال العافية والله هذي التقارير الي عليها الكلام
كاني معكم بهالرحلة المبروكة

تسلم يالغالي

اخوك ابوريان


هلاوالله أبو ريان .... الله مير يبارك بك ويسلمك ....
أجل تراك على الدرب وش رايك الجاية نمر عليك وتطلع معنا ;)
بس الشي الملاحظ هو إنه ليش من بريدة لحد ماتاصل قبة مافيه لوحات تدلك على قبة ؟
حنا مغير نخطم يوم نروح ...وهي كانت أول روحة مع هكالإتجاه ...ماندري إلا حنا متعدين المفرق همن نرجع ... إعرف إننا طبينا على ديرة إسمه الظاهر (السويداء) او شي من هالقبيل ...ويوم احرينا إننا مضيعين ومير ننشد جذع << لاتفوتك جذع :D
قال لنا ارجعوا مع دربكم وروحوا يمين لم الأسياح
لذلك أطالب بأن تكون هناك لوحات إرشادية تدل على قبة تبدأ من بريدة
مشكور أبو ريان وهلابك

[هضيب]

ماشاء الله
والله اني اغبطكم على هالرحله اللي تشرح الصدر
الله يهنيكم

[ابو شكاع]

ماشاء الله
والله اني اغبطكم على هالرحله اللي تشرح الصدر
الله يهنيكم

أهلا وسهلا بك ياهضيب ....
مشكور ولاهنت يالغالي