توني ملطع ((باث فاندر)) وابغا شوركم علي في بعض الاشياء لاهنتو

[كبريت]

السلام عليكم مساكم الله بالخير

نخش في الموضوع انا توني ملطع باث فاندر وابغا تجاوبولي على كم سوال

1- تنصوحوني اروح صيانة الوكالة ولا لا ؟

2- وش الزيت المفضل للباث ؟ وبعد كم اغيره ؟

3- الفلتر انا سمعت ان له طريقة فك وتركيب معقده هل هذا صحيح؟ وكيف الطريقة الصحيحه؟

4- بالنسبة لزيوت الـ( قير- الدفرنس - الدبل - الفرامل - الدركسون ) اغير كل منها بعد كم كيلو ووش النوع الممتاز لها؟

5- السيور متى اغيرها

6- وهل تنصحوني بتغير المساعد

8- هل تنصحوني بتانكي موية معين

9- بالنسبه لارتفاعه هل هو جيد للبر؟واذا كان موجيد كيف ارفعه؟

10- الصاجة اللي يركونها تحت عند الكارتير حق الزيت مفيده ؟ ووش فايدتها؟




ارجو تجاوبني على هل الاسئلة سواء كاملة او نصها او واحد منها


واي نصايح اقتراحات عطوني لاهنتو ترا مالي علم بالموتر مره

[الربذي]

والا اللف مبروك وربي يطعمك من خيرها ويكفيك شرها
حبيب ابارك لك وصرت خوي الحين اما اللياي احسن غير لاسترالي لانه حلو والكفرات غيرهن دنلوب لانهم يقولون البرجستون قاسي مره وانصحك ركب فرارات او تحضيره والله تصدق انه يخفف من عزم السياره شي كبير واعرف اذا كانن مفصولات ولا لا من عزم السياره وصوتها
والسيفون ماهو معقد ولا شي بس تحته صاجه ومكانه غلس شوي بس
والرفع مانصحك به لانها حليله وحتى امن بالطريق والزيوت اللي ذكرت لاتشيك عليهن الا بعد مائه الف كم وبعده شيك والزيت فوكس جي تي هو الافضل وغير الزيت كل 3000كم مع السيفون وساتصبر معك كثير باذن الله
واذا انها تماتيك غير الزيت حق القير مع الفلتر كل 6000 كم
والتانكي ماله مكان الا جواء ومانصحك يدبل تسبدك بالتعبيه وصوت الماء وكل شي وانت منثر بالغماره اثنا التعبيه انا مجربه وبالاخير رميته اذا مصمل ارفع الاستبنه وحطه تحت

[كبريت]

والا اللف مبروك وربي يطعمك من خيرها ويكفيك شرها
حبيب ابارك لك وصرت خوي الحين اما اللياي احسن غير لاسترالي لانه حلو والكفرات غيرهن دنلوب لانهم يقولون البرجستون قاسي مره وانصحك ركب فرارات او تحضيره والله تصدق انه يخفف من عزم السياره شي كبير واعرف اذا كانن مفصولات ولا لا من عزم السياره وصوتها
والسيفون ماهو معقد ولا شي بس تحته صاجه ومكانه غلس شوي بس


مشكور على الرد السريع

لكن الكفرات اللي تقول كم مقاسها

ووش هي الفرارات ؟؟ ووش فايدتها :d ??

والسيفون بعد كم اغيره

وهل تنصحني بالوكاله


وجابو على الاسئلة الباقية ياشباب واعطوني اقتراحاتكم؟

[الربذي]

الكفرات نفس مقاس الوكاله
لكن الفرارات تفصل العامود حق الدبل الامامي وتصير ماكنها دبل كنها دفع خلفي بس وذاذ بغيت تشبك الدبل انزل وفرهن
شف هذا الرابط
http://www.mekshat.com/vb/showthread.php?s=&threadid=8291
شف اخوي اذا تبي السياره لك وللزمن غير زيت المكينه كل 3000كم مع السيفون في كل مره وطبعا لو تخلي الزيت عشرين الف واغيرته ماراح تخرب معك لكن تطلب التوظيب بدري وتتاكل المكينه اسرع من لو تغير الزيت مع السيفون مثل ماقلت لاني عارفك اخذ سياره وكاله وتبي تحافظ عليها يعني باذن الله تخدمك
لكن اخوي انت اقول تغيرزيت القير التماتيك مع الفلتر كل سته الاف الى عشره الاف لان مهندس قالي كذا يقول اذا تبي القير يخدم معك والبعض يقول امشي عليه 50000 ماغيرت الزيت اكيد بس راح ينعدم عليك
والصاجه تجدها في محلات للزينه الكبيره بالرياض لان واحد اشتراها من هناك وهي صاجه حديد احسن من البلاستك






’

[ابن الكرام]

اللة يعطيك خيرة ويكفيك شرة وأضن تغيير زيت القير التماتيك ليس قبل50000كم وممكن يمشي أكثر وزيت الماكينة 5000 والسيفون مع الغيير الثالث ولك اجمل تحية .

[كبريت]

مشكورين لكن وش نوعية الزيت المستخدمة؟؟

والصاجة هذي مفيدة ؟؟

وهل تنصحوني بالوكالة؟؟

وبالنسبة للسيور حقت المكينه متى اغيرها؟؟

وشاكر لكم تعاونكم وادري اني ازعاج لكن ودي اعرف وش اللي لي ووش اللي على في الموتر

[نمر بن حثلين]

1- تنصوحوني اروح صيانة الوكالة ولا لا ؟
لا تروح الا اذا حصل عندك خلل وتبي تلصحه على حساب الضمان

2- وش الزيت المفضل للباث ؟ وبعد كم اغيره ؟
فوكس كل اربع الاف ، وتغييره بسيفون بعدها نغييره بدون سيفون

3- الفلتر انا سمعت ان له طريقة فك وتركيب معقده هل هذا صحيح؟ وكيف الطريقة الصحيحه؟
قصدك السيفون ، صحيح لازم البنشري يفك اظنها 11 مسمار حقات الصاجه الي تحت
لكن ما عليك شغله وخله هو يبلش


4- بالنسبة لزيوت الـ( قير- الدفرنس - الدبل - الفرامل - الدركسون ) اغير كل منها بعد كم كيلو ووش النوع الممتاز لها؟
قير التماتيك ما يغير الا كل 40 الف او 50 الف


5- السيور متى اغيرها
طل عليها وناظر اذا بدت تتاكل من الاطراف
واذا تبي تغيرها كل سنه مهيب شينه

6- وهل تنصحوني بتغير المساعد
ما مثل الموتر شد بلد
واذا انت راعي تحميل يمدحون الكعكات ارخص من المساعدات واليايات والغثا

8- هل تنصحوني بتانكي موية معين
يمدحون تانكي الالمنيوم او الستيل


9- بالنسبه لارتفاعه هل هو جيد للبر؟واذا كان موجيد كيف ارفعه؟
من قدام ما فيه مشكله بس المشكله من ورا اذا حملت واجد يطيح
لكن الكعكات ترفعه

10- الصاجة اللي يركونها تحت عند الكارتير حق الزيت مفيده ؟ ووش فايدتها؟
ما حطوها عبث ، تحمي المكينه

وانا من انصار ان الموتر يبقى على بلاده ولا اتفق مع الاخ الربذي بتركيب فرارات او اي اضافات ما جت من المصنع

[ابن الكرام]

أخوي يا رعاك الله الصاجة لحماية الكارتير مهمة ونوع الزيت لك الخيار المهم يكون api / sl ولا أرى داعي للوكالة وخاصة تغيير الزيت والأمور البسيطة اما السيور يفضل كل سنة كصيانة دورية وإذا تقصد الجنزير الموجود داخل الماكينة إذا هو من البلاستك يجب تبديلة عند 100.000 كم وإذا هو حديد لا يبدل الا إذا سمعت فية صوت ونصيحة لا تحرص بلحيل:D في أمان الله ,, أخوك حاكم .

[البيـــــراوي]

شف اخوي ولد عمي معه باث فندر واخبرة حاط فلتر رياضي
وعلى كلامة يقول انة يغيرة بنفسة ولا اسهل منة


مع خالص تحيات البيــــراوي

[الفتى المجازف]

اخ ابو محمد
ارجو ان تركز معي جيدا في مثل سيارتك الجديده عليك ان تركز معي جيدا
راجع كتيب مستخدم السيارة
رجاءي الحار ان تراجع ذلك الكتيب اذا كنت مهتما فعليا بالحفاظ على سيارتك
السيارة جديده وعمرها الافتراضي خمس سنوات وعند تطبيقك لتعليمات كتيب مستخدم السيارة
ستخدمك الى عشر سنوات باذن الله.
انا احترم اراء وتوجيهات الاخوان الذين سبقوني بالرد عليك ولا اقول فيها شيئا وهي نصائح
مجتهدين يتمنون لك الخير.
لكن واشدد عليها لابد منك ان تمتلك زمام المبادرة لاسيما وانها مهيئة لك خصوصا
عندما تكون السيارة جديدة بالصفر.
تمنياتي لك بالتوفيق
والله يعطيك من خيرها ويكفيك شرها
وتلك النصيحة من مهتم ومحترف بعالم السيارات بيعا وشراءا وصيانة وثقافة.

[PATH 2005]

السلام عليكم ورحمة الله وبركاته ..

بس بغيت أعلق على "الصاجة" .. تراها مهمة مرررة ..

أنا عندي حقت الوكالة البلاستيك على طول تشققت ..!! وقيمتها جديدة 450 عند الوكالة و380 برا الوكالة .. "غالية مرة" ..!!

أما الصاجة الحديد فهي أقوى ، وتلقاها عند ورشة المميز بصناعية الدائري بقيمة "150" ريال .. !!

بغيت أسأل أصحاب الباثفندرات عن الدعامية هي تغطي اللوحة والا لأ ؟!!

..

[PATH 2005]

على فكرة ترا الوكالة مهب شينة كل 20000 كم تروح لهم يشيكون على السيارة كاملة .. ويصلحون أشياء كثيرة على الضمان .. أحسن من أنك تتركها ثم تطلع عليك خرابات كثيرة بعدين .. !!

عموما .. انا عن نفسي كل 10000 أوديها الوكالة مبدأيا لأن السيارة جديدة ..

أعرف ناس بدلولهم المكينة كاملة بسبب خطأ مصنعي ما اكتشفوه ألا من الفحص ..!!

والله يعينك ..

[القرم]

انا استخدم باث موديل 2003 من سنتين واكثر شوي...وهذي اجوبتي على أسئلتك:

- تنصوحوني اروح صيانة الوكالة ولا لا ؟
نعم انصحك واشدد على ذلك. لاني سبق وخسرت مبالغ لو اني رحت للوكالة كان وفرتها بدل تخبطات الميكانيكيين لان الوكالة ما يصلحون الا الي يلقونه يحتاج تصليح.. يعني لو كان عندك حرارة زايدة مرة يبي يقول لك الميكانيكي ان تماتيك المروحه خربان لو اشتريته ولا طلع الخراب منه الله يخلف على دراهمك لكن الوكالة ما يحاسبونك الا عن الي يتأكدون انه خربان بعد الفحص واستمرار المشكلة.


2- وش الزيت المفضل للباث ؟ وبعد كم اغيره ؟


الزيت مهب مشكلة انا شخصيا اغير الترا سفن وممتاز جدا وغيرة كل 4500 كيلو.


3- الفلتر انا سمعت ان له طريقة فك وتركيب معقده هل هذا صحيح؟ وكيف الطريقة الصحيحه؟
مثل ما ذكر الاخوان ان فيه صاجة لازم تفك عشان توصل لفلتر الزيت ولا تشكل مشكلة.

4- بالنسبة لزيوت الـ( قير- الدفرنس - الدبل - الفرامل - الدركسون ) اغير كل منها بعد كم كيلو ووش النوع الممتاز لها؟
الوكالة يحددون حسب سير السيارة وحالة الزيت يعني لزوجته...بالنسبة لزيت القير التماتيك يغير كل 60000 الف مهب كل 6000 كان يبي له ميزانية لحالة وحتى الفلتر حق القير الوكالة يفحصونه ويحددون ان كاي يحتاج تغيير ولا لا. يعني نم عن همه.



5- السيور متى اغيرها.
خلال الفحص الدوري في الوكالة يشوفون حالته ووضعه الصحي واذا احتاج تغيير غيروه.


6- وهل تنصحوني بتغير المساعد.
انا حتى الآن ما غيرت مساعدات استخدمه بدون مشاكل ولله الحمد والمنه.

8- هل تنصحوني بتانكي موية معين.
هذا السؤال إجابته تحددها ظروف استخدامك للسيارة ورحلاتك.

9- بالنسبه لارتفاعه هل هو جيد للبر؟واذا كان موجيد كيف ارفعه؟
ارتفاعه مناسب جدا ولا يحتاج زيادة. بالنسبة لي غيرت جنوطه من 17 الى 16 وركبت كفرات اكفر بشوي من كفرات بلده.


10- الصاجة اللي يركونها تحت عند الكارتير حق الزيت مفيده ؟ ووش فايدتها؟
الصاجه عشان تحمي الكرتير يعني الي يبي يركب صاجة للكرتير يبي يخبز عليها؟؟؟؟؟


عموما السيارة ممتازة جدا واختيار موفق وعساه مركوب العافية..

نسيت اقولك بالنسبة للفرارات مالها داعي اقصد انها ما تفرق كثير ومشاكلها مع الوقت اكثر من فوايدها وخل موترك مثل ماهو ابو عيون اصغار ابخص:D


وسلامتك

[غضنفر]

ابو محمد
مبروك السيارة والله يطعمك من خيرها ويكفيك شرها
ما عندي اي اضافة لأن الشباب ما قصروا

---------------

القرم
تغير الجنط الى 16 مشروع افكر فيه ودي أسالك كمن سؤال
وش نوع الجنوط الي ركبتها ؟؟؟؟؟؟
وش رايك في جنوط الجي تي الرياضية ؟؟؟؟؟؟
هل فرق معك عزم الموتر في البر ؟؟؟؟؟ يعني صرت ترقى مراقي ما كنت ترقاها اول ؟؟؟؟؟؟؟

[كبريت]

4- بالنسبة لزيوت الـ( قير- الدفرنس - الدبل - الفرامل - الدركسون ) اغير كل منها بعد كم كيلو ووش النوع الممتاز لها؟
قير التماتيك ما يغير الا كل 40 الف او 50 الف



انا قيري عادي متى اغيره؟؟

[كبريت]

شف اخوي ولد عمي معه باث فندر واخبرة حاط فلتر رياضي
وعلى كلامة يقول انة يغيرة بنفسة ولا اسهل منة


مع خالص تحيات البيــــراوي


انا اقصد فلتر الزيت لاني مالي في حركات الشباب هذي وشاكر لك ردك:)

[كبريت]

اخ ابو محمد
ارجو ان تركز معي جيدا في مثل سيارتك الجديده عليك ان تركز معي جيدا
راجع كتيب مستخدم السيارة
رجاءي الحار ان تراجع ذلك الكتيب اذا كنت مهتما فعليا بالحفاظ على سيارتك
السيارة جديده وعمرها الافتراضي خمس سنوات وعند تطبيقك لتعليمات كتيب مستخدم السيارة
ستخدمك الى عشر سنوات باذن الله.
انا احترم اراء وتوجيهات الاخوان الذين سبقوني بالرد عليك ولا اقول فيها شيئا وهي نصائح
مجتهدين يتمنون لك الخير.
لكن واشدد عليها لابد منك ان تمتلك زمام المبادرة لاسيما وانها مهيئة لك خصوصا
عندما تكون السيارة جديدة بالصفر.
تمنياتي لك بالتوفيق
والله يعطيك من خيرها ويكفيك شرها
وتلك النصيحة من مهتم ومحترف بعالم السيارات بيعا وشراءا وصيانة وثقافة.

شاكر لك ردك الجميل وانشالة اهتم بهذا الكتيب

[كبريت]

السلام عليكم ورحمة الله وبركاته ..

بس بغيت أعلق على "الصاجة" .. تراها مهمة مرررة ..

أنا عندي حقت الوكالة البلاستيك على طول تشققت ..!! وقيمتها جديدة 450 عند الوكالة و380 برا الوكالة .. "غالية مرة" ..!!

أما الصاجة الحديد فهي أقوى ، وتلقاها عند ورشة المميز بصناعية الدائري بقيمة "150" ريال .. !!

بغيت أسأل أصحاب الباثفندرات عن الدعامية هي تغطي اللوحة والا لأ ؟!!

..

شكرا لك

لكن بغيت اسالك
1- الصاجه هذي تركب فوق الكارتير؟؟

2- وهل الوكالة ممكن يحاسبوني عليها؟؟

3- وكم رقم الورشة اللي قلتها ووصفها لاهنت؟؟

[كبريت]

على فكرة ترا الوكالة مهب شينة كل 20000 كم تروح لهم يشيكون على السيارة كاملة .. ويصلحون أشياء كثيرة على الضمان .. أحسن من أنك تتركها ثم تطلع عليك خرابات كثيرة بعدين .. !!

عموما .. انا عن نفسي كل 10000 أوديها الوكالة مبدأيا لأن السيارة جديدة ..

أعرف ناس بدلولهم المكينة كاملة بسبب خطأ مصنعي ما اكتشفوه ألا من الفحص ..!!

والله يعينك ..


شكرا لك على هالرد

[كبريت]

انا استخدم باث موديل 2003 من سنتين واكثر شوي...وهذي اجوبتي على أسئلتك:
10- الصاجة اللي يركونها تحت عند الكارتير حق الزيت مفيده ؟ ووش فايدتها؟
الصاجه عشان تحمي الكرتير يعني الي يبي يركب صاجة للكرتير يبي يخبز عليها؟؟؟؟؟


عموما السيارة ممتازة جدا واختيار موفق وعساه مركوب العافية..

نسيت اقولك بالنسبة للفرارات مالها داعي اقصد انها ما تفرق كثير ومشاكلها مع الوقت اكثر من فوايدها وخل موترك مثل ماهو ابو عيون اصغار ابخص:D


وسلامتك


1- بالنسبة للصاجة كيف طريقة تركيبها؟؟

2- هل الوكالة تحاسبني عليها؟؟

3- وين الورشة اللي تركبها وكم رقمهم نبي وصف زين؟؟


وحلوه ابو عيون صغار

ههههههههههههههههههه

[كبريت]

وشكرا لكم

وياليت تشورون علي بزووود

[كبريت]

وبالنسبة لفلتر الزيت متى اغيره؟؟؟

[غضنفر]

ابو محمد انت اول مره تشري سيارة ؟؟؟؟؟؟؟؟؟؟؟؟؟؟

[هاوي خلا]

السلام الأخ أبو محمد وكل المشاركين أنا عضو جديد لعنبو هالجديد اللي أدوخ العالم . بالنسبة لموضوعك وبما أنك سمي لي فأنا انصحك بأن تبيعه وتشري لاند كروزر هدد مثلي لأنه يصرف بانزين أكثر من لي المحطة ولك مني خالص التحية والتقدير ((صار خطاب شكر)) مع السلامه

[كبريت]

والله يا بلاك تقدر تقول متخوف من النيسان شوي شوي مو مرة وخايف تخرب علي فهمتني يا بلاك يعني لا تبخل علي باي نصيحة

واما اني اشتري لاند فهذا في الخيال يا هاوي خلا لان الموتر كلام

[القرم]

الاخ ابو محمد ياخي انا استخدم باث فايندر نيساان من اكثر من سنتين ولا لاحظت عليه اي مشاكل بفضل من الله سبحانة..هاوي خلا الي يقول ان الهدد افضل ياخي ما يمكن مقارنة السيارتين ببعض لانها فئات مختلفة.. بالنسبة لبلاك باث اخي العزيز انا انصحك بتغيير الجنوط من 17 الى 16 توفير في سعر الكفرات كبير جدا حتى الكفر مقاس 16 تلقاه في كل مكان وعدة ماركات انواع لكن 17 انواع محدودة وفي مواقع محدودة بعد يعني لازم تكون في مدينة كبيرة عشان تلاقي مقاس 17..والموتر خف عن قبل .. انا اخذت الجنوط من الغرابي صناعة يابانية إن كاني مانيب واهم بحدود 1200 ريال للاربع.

[غضنفر]

عافاك الله يا القرم

[كبريت]

وين مكان الورشة اللي تركب الصاجة هذي حقت الكارتير



واسف على ازعاجكم