المساعد الشخصي الرقمي

مشاهدة النسخة كاملة : شباب سؤال : أيهما أفضل لسيارات الدفع الرباعي هل هي مكائن الديزل أم البنزين؟



مكشاتي 2011
25/10/2011, 02:36 PM
أخواني الأعزاء لدي سؤال بخصوص سيارات الدفع الرباعي والتي أعدت للمهمات البرية سؤاءً صحراوية والجبلية والطينية...

هل أفضل محرك لها هو الديزل أم البنزين ؟؟؟

أعيد وأكرر ليس من ناحية السرعة ،، ولكن من ناحية القوة والعزم...

مكشاتي 2011
25/10/2011, 05:39 PM
لهدرجة سؤالي صعب

volcano
25/10/2011, 05:45 PM
شوف اكثر اللي ياخذون ديزل بخلا قعيطين

من ناحية التحمل افضل
من ناحية الاقتصاد افضل بشي بسيط
من ناحية البيئة سيء جدا
من ناحية الريحة مزعج
من ناحية الازعاج غثيث
من ناحية قطع الغيار مكلف جدا
من ناحية العزم ضعيف يمكن في اول نمرة قوي بعدين يطيح
من ناحيتي مايسوى والبنزين اطلق مليون مرة

بالتوفيق

مجنون نحم
25/10/2011, 06:18 PM
شوف اكثر اللي ياخذون ديزل بخلا قعيطين

من ناحية التحمل افضل
من ناحية الاقتصاد افضل بشي بسيط
من ناحية البيئة سيء جدا
من ناحية الريحة مزعج
من ناحية الازعاج غثيث
من ناحية قطع الغيار مكلف جدا
من ناحية العزم ضعيف يمكن في اول نمرة قوي بعدين يطيح
من ناحيتي مايسوى والبنزين اطلق مليون مرة

بالتوفيق


على شحم بس واحترم نفسك

ما البخيل الا انت مالت عليك

عقب ما رخصت الاجهزة صار حتى الورع عنده جهاز

أَبوابراهيم
25/10/2011, 06:37 PM
شوف اكثر اللي ياخذون ديزل بخلا قعيطين

من ناحية التحمل افضل
من ناحية الاقتصاد افضل بشي بسيط
من ناحية البيئة سيء جدا
من ناحية الريحة مزعج
من ناحية الازعاج غثيث
من ناحية قطع الغيار مكلف جدا
من ناحية العزم ضعيف يمكن في اول نمرة قوي بعدين يطيح
من ناحيتي مايسوى والبنزين اطلق مليون مرة

بالتوفيق
ههههههههههههه
اسعدك الله حرام عليك خخخخ

حبيبي اذا ماتدري انا اعلمك ..
الي ياخذون ديزل ذولي مهوسين بالبران فتلقاه يدخل شعبان واوديه ومياهه علشان الموتر مايطفا عليه لانه ديزل ..
فاذا انت استخدماك مثل استخدامهم يعني بران بنسبة 80% فخذه بدون تردد

واذا استخدامك مدينة والبر بالسنه حوالي خمس مرات فانصحك بالبانزين ثم البانزين لانه افضل استخدام وافضل من ناحية الشراء والبيع لابغيت تبيع

volcano
25/10/2011, 09:02 PM
على شحم بس واحترم نفسك

ما البخيل الا انت مالت عليك

عقب ما رخصت الاجهزة صار حتى الورع عنده جهاز


اقرا يامتخلف انا قلت اكثر مو كل

وهذا رايي وانا حر فيه يالزلابة

لكن واضح انك جاهل باللغة وفوقه قليل ادب واهلك ماربوك وخسارة الرد عليك ياورع اقصد يا متخلف

انتهى

مكشاتي 2011
25/10/2011, 09:36 PM
وش بلاكم تخانقتو؟؟ خلو عندكم رووح رياضيه ههههههه

وبالاخير ياخوان هو كله بنزين ولاديزل ماتستاهل الخناق

volcano
25/10/2011, 09:53 PM
ههههههههههههه
اسعدك الله حرام عليك خخخخ

حبيبي اذا ماتدري انا اعلمك ..
الي ياخذون ديزل ذولي مهوسين بالبران فتلقاه يدخل شعبان واوديه ومياهه علشان الموتر مايطفا عليه لانه ديزل ..
فاذا انت استخدماك مثل استخدامهم يعني بران بنسبة 80% فخذه بدون تردد

واذا استخدامك مدينة والبر بالسنه حوالي خمس مرات فانصحك بالبانزين ثم البانزين لانه افضل استخدام وافضل من ناحية الشراء والبيع لابغيت تبيع

تسلم على ردك يا بو ابراهيم

هذي الردود اللي تنفع :good2:

مجنون نحم
25/10/2011, 11:59 PM
اقرا يامتخلف انا قلت اكثر مو كل

وهذا رايي وانا حر فيه يالزلابة

لكن واضح انك جاهل باللغة وفوقه قليل ادب واهلك ماربوك وخسارة الرد عليك ياورع اقصد يا متخلف

انتهى

والله المتخلف اللي مثلك وشرواك الله يسلمك :)

والزلابة كذلك انت يا بعدي :)

مفروض يصير مكشات 18+ شرط للتسجيل علشان نفتك من بعض العقليات :)

يالله

Magellan
26/10/2011, 12:08 AM
بالعزم اكيد الديزل افضل
لكن والله مايسوى غثاه
ارتفاع تكلفة صيانته وعدم وجود الفطع والورش المتخصصة
وكان له موضة الناس تاخذه في فترة ماضية يوم كان البنزين غالي
لكن الحين الديزل ماينفع إلا على تريلة او وايت

الباثفندر 3.5
26/10/2011, 12:13 AM
يا الربع اذكروا الله و كافي سب و السالفه كلها مكينة سياره

مجنون نحم
26/10/2011, 01:19 AM
يا الربع اذكروا الله و كافي سب و السالفه كلها مكينة سياره

لا اله الا الله محمد رسول الله


اخوي لاحظ من المبتدي و لكن فعلا كلامك صح ما يسوى هالنقاش

غواص وقناص
26/10/2011, 02:25 AM
سبحان الله وبحمده سبحان الله العظيم

يا شباب اذكروا الله

قلايد الخيل
26/10/2011, 08:58 AM
هههههه على فكرهـ ترى سيارة الديزل اغلى من الوكاله يعني طلع الحين مين البخيل> صاحب سيارة البنزين
الي هو انا هههههه
الله يوفق الجمميع لا انا انصح بالبنزين وماظن في مقارنه؟
وياليت اخر مرهـ نشوف ردود زي كذا يااخوان لاني اول مرهـ اشوف رد زي كذا وان شاءالله اخر مرهـ..

Abo gssar
27/10/2011, 01:42 AM
الديزل عادة مكينته وقيره تتحمل الجور والحمل اكثر بس مشكلته العزم بارد مقارنة بالبنزين.
الديزل مايطفي في الماء مثل البنزين.

الذيب 502
27/10/2011, 03:39 AM
أستخدامك يحدد وش تحتاج .. نوع السيارة .. نوع وقود السيارة ..

وأستخدامك يحدد نوع الوقود ..

أنا أعرف تاجر ما يشري مواتر عماله الا ديزل >>

وأعرف واحد على قد حاله شاري ديزل

أما سالفة بخل أو كرم .. كلن يمد لحافة على قد رجلية ولا هو عيب أو حرام

واللي يقول بخل أو ما بخل ما ذاق جور الايام ..

مكشاتي 2011
06/11/2011, 01:36 AM
يعطيكم العافيه وكل عام ونتم بخير

Shqra
06/11/2011, 08:50 AM
بدون مقارنة محركات الديزل والدليل :
اليونيموق شاحنة مرسيدس التي تستخدم في أشد الظروف المناخيه والرملية لاستكشاف الآبآر في الربع الخالي من ارامكو ( فعاله جدا وتتحمل )

الهامر إتش 1 لم تنزل قط بمحرك بنزين . ودائما تأتي بمحرك ديزل

الربع والشاص تيربوديزل v8 مرغوب في أستراليا أكثر من البنزين إن كان هناك بنزين أصلا :D

عطيناكم الأمثلة نجي للأدلة :

أولا : محركات الديزل مايفرق معها وزن المركبة وماتحس بمعنى لو المحرك عزمه بقوة 600 باوند للقدم سيتسارع في مركبة وزنها 5000 رطل في 6 ثواني وفي مركبة وزنها 8000 رطل في 9 ثواني بينما البنزين سيفرق بقوة وفرق الوزن بزيادة 3000 رطل مع نفس القوة للمحرك بدون تغيير قد تجعل تسارع السيارة من 6 ثواني الى 15 ثانية ( تسارع من صفر الى مئة )
وهذا سبب وجود محركات الديزل في شاحنات النقل لأن البنزين لن يتحمل الفرق الكبير بالوزن

ثانيا : قدرة السحب والجر والنتع بدون مشاكل لوجود قيرات تتحمل السحب والجر

ثالثا : لاتستهلك الهواء بقدر البنزين فعشان كذا تحصل البنزين طفى في السيل والديزل يمشي اطول منه مسافه

رابعا : قطع مسافات اطول فمحرك بنزين بقوة 400 يمشيك 500 كيلو فلو استبدلته بمحرك تيربو ديزل 400 حصان بنفس حجم خزان الوقود راح يمشيك مسافة اطول بحدود 650-700 كيلو مع العلم فيه محركات ديزل اقتصاديه تمشيك 55 ميل لكل غالون وهذا الرقم خيالي للبنزين والبنزين يمشيك بالكثير لافضل المحركات اقتصادية لن تتعدى 30 ميل لكل غالون .

خامسا : قلة الأعطال والتحمل

سادسا : مزعجه نوعا ما لكن هناك محركات ديزل هادئة

سابعا : اقل ضرر على البيئة من البنزين لكن الناس لما يشوفون الدخان الاسود يحسبون انه اكثر ضرر من البنزين ومايدرون ان البنزين يطلع من العادم حقه كمية اكبر من الديزل لكنها ماتشاهد وذلك لان الدخان ناتج عن امر بعيد كل البعد عن مبدأ ( نظيف او وسخ )

وبكل تأكيد كل محرك له ميزته وسلبيته
وبالنسبة لي أنا احب الديزل اكثر من البنزين لكن مو أي مكينة !
الود ودي مكينة دوراماكس توين تيربو مبرمجه تعطيك عزم فوق 1100 رطل بالقدم من 1500 دورة و 650 حصان على الكفر عند 4500 دورة :good2:

لكنها ماتنباع بالخليج :(

وباقي محركات الديزل ما ألتفت لها صراحه ولا تبهرني يعني كل هالمميزات اللي ذكرتها عشان الدوراماكس وصراحة مكينة بتحسسك الفرق بين بنزين وديزل :D

وبخصوص البخل والكرم :mad:
ايش هالكلام ياخي الارزاق بيد الله يعني مو معقولة تقول عن الرجال بخيل ولا كريم من نوع السيارة اللي راكبها بدون ماتنظر لظروفه !!

وكل عام وانتم بخير :p

Abusliman
06/11/2011, 02:50 PM
سابعا : اقل ضرر على البيئة من البنزين لكن الناس لما يشوفون الدخان الاسود يحسبون انه اكثر ضرر من البنزين ومايدرون ان البنزين يطلع من العادم حقه كمية اكبر من الديزل لكنها ماتشاهد وذلك لان الدخان ناتج عن امر بعيد كل البعد عن مبدأ ( نظيف او وسخ )




مع ووووين اقل ضرر ياخي وقف جنب سيارة ديزل ووقف جنب بانزين
الديزل يكتمك من قوة ريحته وضررهـ
اما البانزين عاادي ولا تحس ابداً

شيخ بني تميم
06/11/2011, 06:06 PM
الديزل يتحمل اكثر من البنزين

أطلال نجد
06/11/2011, 06:42 PM
السلام عليكم
بما أنك لا تبحث عن السرعة وتريد العزم فمحرك الديزل أفضل بمراحل من محرك البنزين ومزاياه كثيرة ويعمر طويلاً

عيوب محرك الديزل من وجهة نظري

* صوت المحرك عالي نسبياً
* رائحة الديزل تحس فيها حتى وأنت في داخل السيارة !
* دخان العادم خصوصاً إذا أهملت غيار الصفاية

عاصوف نجد
12/11/2011, 06:27 AM
الديزل افضل في التحمل ومن الي يقول ان الديزل مافية عزم العزم يختلف عن السرعة
ناظرو الاستراليين وش يستخدمون ديزل ليس لانه رخيص مكينتة تتحمل الضروف القاسية وكذلك المياة ولا يوجد بها زود حساسات
لكن في السعودية البنزين ارجح وافضل لراعي النفود لسرعة المكينة

عبدالسميع
12/11/2011, 07:37 AM
السلام عليكم ورحمة الله

تعليق اخوي shqra مقنع بعض الشي و واضح بس ياليت بينت لنا اكثر لآني بصراحة مقدم على شراء جيب ديزل تيربو وكلمت الوكالة على طلبية .. بس المشكلة تعذرو عن الطلبية يقولون ما نجيب غير (( سلوقي )) نيسان باترول

ومكينة الدوراماكس هذي على حسب علمي لشركة ايسوزو وتصنع بأمريكا للجموس والفوردات
سؤالي هل يوجد لها تصنيع للنيسان او التويوتا

وبصراحة حاب اجرب مكينة الديزل من باب التغيير مع العلم موتري 2006 فتك
الله يوفق الجميع

عالي الكيف
12/11/2011, 08:11 AM
السلام عليكم ورحمة الله

تعليق اخوي shqra مقنع بعض الشي و واضح بس ياليت بينت لنا اكثر لآني بصراحة مقدم على شراء جيب ديزل تيربو وكلمت الوكالة على طلبية .. بس المشكلة تعذرو عن الطلبية يقولون ما نجيب غير (( سلوقي )) نيسان باترول

ومكينة الدوراماكس هذي على حسب علمي لشركة ايسوزو وتصنع بأمريكا للجموس والفوردات
سؤالي هل يوجد لها تصنيع للنيسان او التويوتا

وبصراحة حاب اجرب مكينة الديزل من باب التغيير مع العلم موتري 2006 فتك
الله يوفق الجميع

الاخ عبد السميع

ما انصحك عقب الفتك تجرب الديزل ( العادي ) وهو ال 4200 لكن المحركات المطوره واعتقد ان رمزها (vvte) مثل الاند كروزر الجديد والدوراماكس فهي جباره بالقوه
وهادئه بالصوت , لكن صيانتها الدوريه مكلفه جدآ حيث ان كل جزئيه فيه بحساس .
اعطيك مثال : ابرة البخاخ في الهايلكس الديزل القديم (الجيل القديم) ب 50 ريال .
بينما نفس القطعه في الجيل الجديد من نفس السياره ب 1300 ريال .

طبعآ الجيل القديم بطئ وصوته مزعج لكن عمر المحرك طويل , بعكس الجيل الجديد هادي وعزم جبار لكن عمره قصير .

ارجوا ان تكون مشاركتي مفيده .

لاندكروزر11
12/11/2011, 11:19 AM
الديييييييييييييييييييييييييييزل بشرط تكون المكينه كبيره

Shqra
03/09/2012, 09:54 PM
مع ووووين اقل ضرر ياخي وقف جنب سيارة ديزل ووقف جنب بانزين
الديزل يكتمك من قوة ريحته وضررهـ
اما البانزين عاادي ولا تحس ابداً

المركبات الكيميائية التي تخرج من محركات البنزين وأكثر وأ خطورة من الديزل
وسواء عينك ناظرت المركبات الكيميائية الخطرة أم لم تناظرها فهذا لايعني اختفائها فهي موجودة وتأتي من عادم الديزل وإسأل المتخصصين الكيميائيين.