المساعد الشخصي الرقمي

مشاهدة النسخة كاملة : للاهمية ارجوا الدخول ؟؟؟



ابوعبدالل
26/10/2011, 06:10 AM
ياجماعة الخير انتهبوا من ورشة فحص اسمها كارتك جنب معارض النسيم في الرياض قبل اربع شهور شريت جيب لكزس من المعارض وسالت حق المعرض وين في مكان فحص كويس ودلني على ورشة كارتك ماعندي خبره لاني ماني من الرياض
يوم فحصتها واخذوا مني 1000 ريال على الفحص الكامل عطوني التقرير وقالوا ان الموتر مافيه شي وعلى ضمنتنا وشريت الموتر المهم بعد ما استخدمته الفترة اللي راحت جيت ابي ابيعه ورحت المعارض وجاني واحد وقالي ابشتريه واتفقنا يوم اخذ الموتر وراح يفحص في كارتك ويطلع التقرير ان السياره مرشوشه كامل الوكاد ماصدقت وقالت ياخي الموتر محد يسوقه غيري وانا فحصت عندكم قبل لااشتريه ولا قالتوا انه فيه شي ياجماعه خافوا ربكم المهم الرجال اللي معي هون عن الموتر وقالي اذا بتنزل السعر شريته منك ويجيني مسوول الورشه واقوله الموضوع وانه التقرير الاول عندي قالي مالك شي عندنا بكل وقاحه
يالربع انتبهوا وانتظر التعليق على الموضوع والي يبي ارسله التقرير ارسله اخوكم ابوعبدالله.

عاشق السيل
26/10/2011, 06:51 AM
لاحول ولاقوة إلا بالله ،، نفس الورشة والتقرير مختلف ؟؟ والله هذي البجاحة وهذا الغش وهذا اللعب على الناس ،،

ودوووووور من يحميك ،، من أمن العقوبة أساء الأدب !!!!!

مكشآتي للآخر
26/10/2011, 07:21 AM
إحتمآآآليـن
يآإنه صآحب المعرض يعرف هالورشة ومكلمة
إوشي إخر
بعدين ليه ماتفحص من محل ثاني يمكن ذآ خرطي

ابوياسر1971
26/10/2011, 07:45 AM
وصلت الرساله بس يجوز ان اللي معك يبغى يشتري السيارة شريطي وغالبا الورشات اللي بجنب المعارض يعرفون الشريطيه وحبو يكسرون موترك وهذا ما يمنع انك تدور واحد له خبره بالسيارات ويشوفلك اذا السياره فعلا مرشوشه وملعوب عليك من البدايه ولا اتفقيه بينهم وبين الشريطيه لغبن خلق الله , وحسبي الله ونعم الوكيل .

.أبوعبدالرحمن
26/10/2011, 08:02 AM
أخي الكريم :

يجب التثبت بأن هذا الكلام صحيح أو لا ؟

هل فحصت في مكان آخر وظهر لك التقرير بأن السيارة صحيحة ؟

كلام أخوي مكشاتي للآخر وأخوي أبو ياسر 1971 صحيح

وأنت لا تستعجل في التشهير وبدون ما تتثبت

SaMi83
26/10/2011, 08:49 AM
الفتره الاخيره كثرة مثل هذي المواضيع البعض يتعاطف والبعض يقول قطع ارزاق الخ

وبالاخير نقرأ كلمات كتبها شخص لانعرف مدى صحة الكلام ولا حتى اي فاتوره او ورقه تثبت هالكلام

ونعلم أن البعض يريد تحذير الاخوان وبصادق النيه لكن بدون اثبات ماينفع

ابوعبدالل
26/10/2011, 11:51 PM
ا/ ابوعبدالرحمن التقارير توجد لدي ومثبته بالختم والاسباب اللي جعلتني اكتب الموضوع يعلم الله بقصد الحذر والانتباه لكي لايقع احد في نفس المشكله واتمنى للجميع الخير اخوكم ابوعبدالله.

.أبوعبدالرحمن
27/10/2011, 12:28 AM
حياك الله أخوي أبوعبدالله

لكن التقارير إللي عندك من كارتك وغيره أو من كارتك فقط ؟

You Like Me
27/10/2011, 03:09 AM
إناَ لله وإناَ إليه راجعون
حسبي الله ونعم الوكيل


ابو عبدالله
مدام التقارير معاك والاول يقول السيارة سليمة 100%
والثاني يقول مرشوش يخوي رح للشرطة وتآخذ حقك غصب علية
ولاتخلي ولاجريدة في المملكة ما تكتب فيها وتنشر التقارير

عاشق السيل
27/10/2011, 08:45 AM
حياك الله أخوي أبوعبدالله




لكن التقارير إللي عندك من كارتك وغيره أو من كارتك فقط ؟


أخوي أبوعبدالرحمن اسمح لي أتلقف شوي !!

الرجال يقول إنه راح لنفس الورشة وبنفس السيارة مرتين ،، مرة قالوا سليمة ( يوم كان بيشتري ) ومرة قالوا مرشوشة ( يوم بغى يبيع ) هذي والله الغبنة :mad:!!!!!!

ابوو زيد
27/10/2011, 09:36 AM
نفس الورشه مره جينا نبيع فورد ماركيز 2009 حقت ابو واحد من الشباب اتفقنا مع رجال ويوم طلعنا لنفس الورشه قال القير فيه فضاوه ولزم توظيب و ودينها لورشه ثاني اتوقع الحوت قال القير سليم الرجال دخله الشك ثم هون

ومن بكره شراها واحد ثاني وودها للغروب وقالو كل شي سليم بالسياره

طير شلوى نجد
27/10/2011, 01:53 PM
حسبنا الله ونعم الوكيل