المساعد الشخصي الرقمي

مشاهدة النسخة كاملة : ## أم المصران ##


فتى الدهناء
11/02/2006, 11:31 PM
السلام عليكم ورحمة الله وبركاته ..

باختصار ياإخوة ..

مجموعة من الشباب ناوين يطلعون لأم المصران .. قلت لهم ( مافيها الا الضعوي يعوي ) :D

قالوا.... حنّا ناوينها ... قلت بكيفكم <<<<<< لا يكثر عطنا الموضوع وش تبي بالزبط:p

أيه عاد أنا أبي أستفسر منكم ....

هل هي زينة ..؟
أو هل أحد مرها قريب .. ويعطينا علمها ؟
وهل هناك فياض تنصحون بها على ذلك الطريق من شويه الى الصمان الشرقي ؟
هل فيه مكان أفضل منها وأقرب غير الحاصبيات وخريم والتنهاة ..؟

أرجوا انكم تفزعون .. بارك الله فيكم

أنتظركم ..
البيـــــراوي
12/02/2006, 12:00 AM
علمي علمك

احس تبي تقول وش ذا السخيف يرد ولا عندة علم بعد
لكن حنا بعد ودنا نستفيد
واسفين على اللقافة
وشكرا....
قرص جمر
12/02/2006, 07:53 AM
علمي علمك

احس تبي تقول وش ذا السخيف يرد ولا عندة علم بعد
لكن حنا بعد ودنا نستفيد
واسفين على اللقافة
وشكرا....

نفس فكرتك يالبدراني الدوسري (نعرفنا يالبيراوي);)
فتى الدهناء
12/02/2006, 01:24 PM
أشكركم ...

ننتظر من يملك الجواب الشافي ..
ابو ساره 999
12/02/2006, 01:43 PM
لايوجد فيها شي مميز إذا كنت رايح رايح فالحصبيات احسن لك ورديفة أم صحن

واي خدمات حاضر
أبوجبل
12/02/2006, 02:44 PM
والله ياخيي أم المصران أنا رايح لها قبل العيد لابأس فيها لكنها ما تقارن بالحصبيات وأم عشر وساموده

فشوري عليك ان كنتم طالعيين طالعين فانصوا الأزين وخلو الزين


بوركت

أبو جبل
abo-saif
12/02/2006, 04:03 PM
رح لشوية وشمال ولو تبي تمر ام المصران تعيد ذكرياتك فيها ما يمنع بس خلك عجل
عاشق النجوم
12/02/2006, 05:26 PM
بسم الله الرحمن الرحيم السلام عليكم ورحمة الله / ام المصران من حيث الربيع وسط ولكن في نفس الاتجاه وادي مبهل وفياضه طيبات واذا عندكم وقت وتريدون الأزين فعليكم بأم عشر إلى ساموده وكذلك الزعبية وكذلك الحسكي والبسيتينات والمغطية ما ذكر يعنى له ويستاهل العنوة وموفقين ولا تسرعون. واي معلومات اواحداثيات انا مستعد/ والسلام عليكم
درنفيس
12/02/2006, 06:25 PM
قبل اسبوع تقريبا كنت هناك ..

ام المصران الاقل ربيعا بالنسبة للحولها ..

عندك شقران والهجيريات وكل ما تتجه شمال يزين الربيع ..
فتى الدهناء
12/02/2006, 10:57 PM
أبو أريج

أبو جبل

abo-saif

عاشق النجوم

درنفيس


( بيّض الله وجيهكم يوم تسود وجوه ... والله انكم ماقصرتوا ...)
المستفيد999
13/02/2006, 06:20 PM
بسم الله الرحمن الرحيم السلام عليكم ورحمة الله / وكذلك الزعبية انا مستعد/ والسلام عليكم

الزعبية ما أنصح بالذهاب لها كنت هناك قريبا وكانت مليئة بمياه الأمطار
راع الديرة
17/02/2006, 11:10 PM
ماتحمل من يروح لها اسأل راع الديرة الله يرحم المسلمين
فتى الدهناء
18/02/2006, 11:08 PM
أشكركم .... على التجاوب .......

عدنا والعود أحمد ....من فيضة أم حجول ... وكانت ممتازة ... وربيعها زين ... هي و( الهجيريّة )
وقريبا بإذن الله سأضع بعض الصور لها ......