المساعد الشخصي الرقمي

مشاهدة النسخة كاملة : استفسار عن مكاتب تقدير الحوادث!!



Cannavaro
28/10/2011, 01:54 AM
السلام عليكم

صارلي حادث بسيط مساء اليوم في الرياض والحمدلله على كل حال
الشاهد ان الخطأ على الشخص الاخر 100% واعطاني نجم ورقة وقال راجع مكتب التقديرات المرورية ولكن الان كم مكتب اراجع للتقديرات المرورية مكتب واحد او اكثر وسمعت انه لازم 3 مكاتب وكم رسومهم ولازم اراجع شيخ المعارض او لا؟ الصراحه للاسف الامور مبهمة كثير لاني خايف اروح مكتب اي مكتب تقديرات وبعدين اروح للمرور ويقول لا هذا غير معترف فيه وخايف كذلك اروح مكتب تقديرات ويبخصني حقي في التقدير فارجو منكم افادتي عن كيفية اختيار مكتب تقديرات الحوادث المعترف فيه وكذلك الحقاني الذي لا يبخصني حقي وللمعلومية شركة التأمين للطرف الاخر هي المتحده للتأمين وياخوفي من المرمطة بس!!

شاكرلكم مقدماً

سيف وقلم
28/10/2011, 02:14 AM
الحمد لله على السلامة والله يعينك...
لكن هذا منتدى مختص في التأمين لعلك تجد فيه ضالتك.
مع المنتدى شبه ميت من ناحية التفاعل.
تأمين كوم (http://tammeen.com/vb/forumdisplay.php?f=8)

HAS5SAN
28/10/2011, 02:38 AM
ياشيخ حسبنى الله ونعم الوكيل
يازين النظام القديم

ملك الفكتوريا
28/10/2011, 02:42 AM
يالله حيه



يالغالي أنا صار لي حادث قبل كم شهر والخطأ عالطرف الثاني



بالاول تروح للمرور ويعطيك اوراق لمكتب التقديرات الخاص بالمرور وبالرياض يوجد حسب علمي في النسيم وصناعية ام الحمام والصناعية القديمة


وتدفع 30 ريال رسوم وبعدين يقدرون ثلاث ورش



انا قالوا السيارة مكلفه وحولوني على شيخ المعارض


تروح لشيخ المعارض ويشوف كم كانت تسوى السيارة قبل الحادث وبعد الحادث

والفارق تاخذه سواء كفى او زاد

يعني السيارة تكلف 10000 تصليح وشيخ المعارض طلع الفارق 5000 تأخذ 5000 ريال بس


والله يعينك



وحاب أنصحك تخش بالعيون وتثق بنفسك والا بتتعب

Cannavaro
28/10/2011, 01:19 PM
الف شكر لكل من مر من هاهنا:)

الاخ العزيز ملك الفتكوريا

متاكد اني لازم اروح اول شي للمرور او يكفي الورقة اللي اعطاني اياها حق شركة نجم؟
ورش تقدير الحوادث اللي فهمته منك انها موزعه بين المدن الصناعية بحيث اني لازم الفلف في الرياض عشان امر 3 ورش منها؟
ال30 ريال ادفعها لكل ورشة ام لجميع الورش وهل هي مسترده من شركة التأمين ام لا؟


وحاب أنصحك تخش بالعيون وتثق بنفسك والا بتتعب

هذه مافهمتها ممكن توضحها اكثر كيف اخش بالعيون؟:D

الف الف شكر لك يالغالي

m3ax
28/10/2011, 01:45 PM
السلام عليكم

صارلي حادث بسيط مساء اليوم في الرياض والحمدلله على كل حال
الشاهد ان الخطأ على الشخص الاخر 100% واعطاني نجم ورقة وقال راجع مكتب التقديرات المرورية ولكن الان كم مكتب اراجع للتقديرات المرورية مكتب واحد او اكثر وسمعت انه لازم 3 مكاتب وكم رسومهم ولازم اراجع شيخ المعارض او لا؟ الصراحه للاسف الامور مبهمة كثير لاني خايف اروح مكتب اي مكتب تقديرات وبعدين اروح للمرور ويقول لا هذا غير معترف فيه وخايف كذلك اروح مكتب تقديرات ويبخصني حقي في التقدير فارجو منكم افادتي عن كيفية اختيار مكتب تقديرات الحوادث المعترف فيه وكذلك الحقاني الذي لا يبخصني حقي وللمعلومية شركة التأمين للطرف الاخر هي المتحده للتأمين وياخوفي من المرمطة بس!!

شاكرلكم مقدماً

يا عزيزي

انت روح سوي ثلاث تسعيرات بعدين ودها للمرور ولما تعتمد لك المرور تسعيره خذ اوراقك وروح لشركة التأمين حقتك وقول لهم انا صار لي حادث وجبنا التسعيرات وهذي التسعيره المعتمدة من المرور بياخذون اوراقك ويعطونك شيك بقيمة التصليح وهما بعدها بيروحون يطاردون ورى شركة التأمين الثانية مع العلم إن شركة المتحدة من أسوء الشركات في المملكة

Cannavaro
28/10/2011, 01:52 PM
يا عزيزي

انت روح سوي ثلاث تسعيرات بعدين ودها للمرور ولما تعتمد لك المرور تسعيره خذ اوراقك وروح لشركة التأمين حقتك وقول لهم انا صار لي حادث وجبنا التسعيرات وهذي التسعيره المعتمدة من المرور بياخذون اوراقك ويعطونك شيك بقيمة التصليح وهما بعدها بيروحون يطاردون ورى شركة التأمين الثانية مع العلم إن شركة المتحدة من أسوء الشركات في المملكة

شكرالك على ردك حبيبي

بالنسبة للتسعيرات هل الرسوم مسترده ام لا؟(يعني يدخلها ضمن التسعيره)
وفي الصناعية الوحده ابحصل اكثر من ورشة رسمية؟(لاني خايف اطيح في شي مو رسمي ورايح جاي عالمرور)
خوفتني من المتحدة للتأمين وكانك تقول (غني ياليل مااطولك) صحيح؟:(

ملك الفكتوريا
28/10/2011, 02:03 PM
الف شكر لكل من مر من هاهنا:)

الاخ العزيز ملك الفتكوريا

متاكد اني لازم اروح اول شي للمرور او يكفي الورقة اللي اعطاني اياها حق شركة نجم؟
ورش تقدير الحوادث اللي فهمته منك انها موزعه بين المدن الصناعية بحيث اني لازم الفلف في الرياض عشان امر 3 ورش منها؟
ال30 ريال ادفعها لكل ورشة ام لجميع الورش وهل هي مسترده من شركة التأمين ام لا؟



30 ريال لمكتب التقديرات فقط


وأنا عطيتك مواقعها وواحد منها يكفي


وأنا رحت بالورقة اللي عطاني اياها المرور لان خصمي شركة مقاولات مو شخص وتأميني ضد الغير فقط


بس ما أتوقع تفيد ورقة التأمين بشئ



وسياراتي مكلفه وحولني مكتب التقديرات لشيخ المعارض بدل ثلاث ورش

هذه مافهمتها ممكن توضحها اكثر كيف اخش بالعيون؟:D

الف الف شكر لك يالغالي

يعني اللي تشوفه يبي يأخرك او ما وديه يساعدك من المرور والتأمين خاصه واي مؤسسه حكوميه لك شئ فيها خلك شديد معهم ونشبه وغثيث بس بحسب الانظمة ويمشونك


خذها مني


من مرور الشمال لمكتب التقديرات لشيخ المعارض وبعدها للمرور وبعدين لمرور الناصرية وبعدين لمكتب التنسيق والمتابعه بالامانه وبعدين مرور الناصرية وبعدين الشركة الخصم


اوراق وقلق وشيل وحط


وبشهر والشيك بجيبي وموظف بالشركة يقول احمد ربك غيرك ما يأخذها بإقل من ثلاث شهور وأرد عليه وأقول مو برضاكم غصب عليكم


ويوم طلعت السيارة وشفت حالتها دقيت عليهم وسفلت فيهم تسفيل على كيف كيفك وسب لشخصه


ويبي يخوفني يقول برفع عليك قضية


قلت ارفعه وبرفع قضية تعويض نفسي وجسدي غير السيارة وما تقل عن 100 ألف ريال والى يومك ما سوى شئ





وتخيل اول ما رحت للشركة قبل المرور


يقولون ما فيه شئ يثبت تخيل

واقوم من الكرسي واضرب الطاولة واقول كيف ما فيه شئ يثبت

تقرير المرور والتأمين ضدكم

وفيه اربعه شهود محامي ودكتور وعسكري وموظف حكومي

وصور الحادث


يا تعطوني حقي والا اعرف وين اروح

وأظنك تعرف وش يسوي الديوان الملكي



وقالي خلاص خلص امورك وتعال






صدقني اذا بتتعب وتقول مشاوير بتصعب شوي لكن خلك شمالي وتوقع اي شئ




والله يسرها

ملك الفكتوريا
28/10/2011, 02:06 PM
بالنسبة للتسعيره مو مسترده هذا المرور ياخذ ما يعطي


وبعدين لا تخاف اهم شئ قيمة تصليح السيارة و30 ريال بسيطه

m3ax
28/10/2011, 04:13 PM
شكرالك على ردك حبيبي

بالنسبة للتسعيرات هل الرسوم مسترده ام لا؟(يعني يدخلها ضمن التسعيره)
وفي الصناعية الوحده ابحصل اكثر من ورشة رسمية؟(لاني خايف اطيح في شي مو رسمي ورايح جاي عالمرور)
خوفتني من المتحدة للتأمين وكانك تقول (غني ياليل مااطولك) صحيح؟:(

كل تسعيره بتدفع عليها 30 ريال وبتاخذ عليها ايصال وبترفقها مع اوراق التسعيرات وبتستلم حقها كامل وحتى اجرة السطحة لو خذيت سيارتك على سطحة يعوضونك عنها في حال ان سيارتك ما تمشي بعد الحادث ..

أنت مالك دخل في شركة المتحدة انت كلامك مع شركة التأمين الخاصة فيك تروح تعطيهم الاوراق بعد ما تعتمد المرور تسعيرتك وشركة التأمين حقتك تعوضك وهي تروح تتفاهم مع المتحدة وهذا اللي اكثر الناس ما يعرفه ويقعد يطارد ورى فلوسه وهو في غنى عن المطارده لأنهم شركات يقدرون يصبرون شهر وشهرين على فلوسهم وما يتضررون اما انت فتأخير اسبوع يضرك ..

وكل صناعية بتلاقي فيها اكثر من ورشة معتمدة والورش انفسهم بيدلونك على الورش المعتمدة يعني لا تخاف من هالناحية

Cannavaro
28/10/2011, 05:51 PM
الله يعطيكم العافيه وماقصرتو والله


أنت مالك دخل في شركة المتحدة انت كلامك مع شركة التأمين الخاصة فيك تروح تعطيهم الاوراق بعد ما تعتمد المرور تسعيرتك وشركة التأمين حقتك تعوضك وهي تروح تتفاهم مع المتحدة وهذا اللي اكثر الناس ما يعرفه ويقعد يطارد ورى فلوسه وهو في غنى عن المطارده لأنهم شركات يقدرون يصبرون شهر وشهرين على فلوسهم وما يتضررون اما انت فتأخير اسبوع يضرك ..
للأسف انا ماعندي تأمين فايش الاجراء الان؟مع العلم ان الغلط عليه 100% وهو معه تأمين المتحدة؟
وقالولي ان انا اللي لازم اراجع المتحدة للتأمين وفيها هجولة مو طبيعيه!!