الدهناء محمية [الأرشيف]

مشاهدة النسخة كاملة : الدهناء محمية

العرفج

28/10/2011, 04:17 AM

السلام عليكم
ومبارك عليكم العشر من ذو الحجة
قال احد الاقارب انه كشت للدهناء قبل اسبوع بعد دوار العتش ( طريق الصمان ) ووجد
مخيم الحمايه بعد اول برج جوال او عرق من عروق الدهناء وحاول الدخول ومنع
يعني حتى الكشتات ممنوعة وربما يستمر المنع حتى نهاية المربعانية . والله اعلم
اذا كان احد عنده خبر عن حدود المنع ياليت يخبرنا .

الصقر 2000

03/11/2011, 12:39 AM

ياشباب يمدينا بهذي الإجازة نسير على الدهنا

اللي سير على الدهنا يعلمنا هل هي محمية وحدود المنع

ابوالعز4800

05/11/2011, 04:20 AM

السلام عليكم ورحمة الله وبركاته
كل عام وانتم بخير
الله يتقبل منا ومنكم صالح الأعمال
اتمنى احد الأخوان يفيدنا
ناوي اطلع بعد يومين للدهناء من جهة شوية
عادي للكشاتة أو ممنوع
ارجوا منكم المساعدة

سال السيل

05/11/2011, 11:58 PM

الله يعافيك موضوع مهم..
×ياليت اللي عنده علم يفيدنا،،×
هالوقت وقت الدهناء..
وكني التفاعل ضعيف..
غديه مهب صحيح..
ولا ياليت يفتح موضوع خاص..
في مكان أنسب..

× × × ×

فيصل التميمي

06/11/2011, 01:37 AM

ياشاب ان كاشت في الدهنا 7/12/1432 في نقا هشال وداخل الدهنا من جهة تمير ام رجوم ماشفت اي سيارة للحماية

أبوعابد 22

06/11/2011, 02:42 AM

تكفون ياالربع جيبوا العلم لأنا انشاء الله بعد يومن ماشي للدهنا
ومالها داعي اطق مشور على الفاضي

ك ط و 472

06/11/2011, 03:23 AM

السلام عليكم
ايه يا شباب تراها محميه وانا قبل اسبوعين على اخر ذي القعده كنت هناك

رحنا لمخيمهم عند عرق سراوة سالناهم عن الحمايه قالو مشددين حيل عند العروق وتشكرو مننا لاننا سالناهم وقالولنا امشو 40 كيلو بعد عرق السراوة يجيكم عرق مدري شسمه اخر عرق قبل الصمان ادخلو وطفو لمباتكم واقرب نقره المهم نمنا هناك والصبح افطرنا وقعدنا للساعه 11 بعدها اتجهنا لمحطة حفر العتش عبينا بنزين وبعدها رحنا للتنهاة لانها ماهي بمحميه تغدينا وصلينا الظهر والعصر ودخلنا داخل شوي جهة عرق الحمراني تعشينا ونمنا بس الحمد لله ما جانا احد

الخلاصه الدهنا محميه ومشدديين حييييل عالحطب الي له نيه يدخل خل ياخذ حطبه معه عشان ما يبهذلونك

وكل عام وانتو بخير

واوك

06/11/2011, 07:31 PM

ك ط و 472

07/11/2011, 03:08 AM

السلام عليكم و رحمة الله و بركاته

اخوي (( ك ط و 472 ))

من وين دخلتها انت ؟؟
واي الجهات الي مشددين عليها مره ؟؟
هل ردمية الي قيها الابراج ممنوع الدخول وفيه مخيم مجاهدين هناك ؟؟

ارجو من عنده علم يفيدنا ...

لان والله ناوين بعد العيد نكشت فيها ..

تحياتي

وعليكم السلام ورحمة الله وبركاته

انا دخلت اول يوم باليل بعرق والله مايحظرني اسمه
بس انه اخر عرق قبل الصمان بس ترا رملته مهي بزينه (حلاة الرمله تكون حمرا)
الي مشددين عليها العروق الي حول ردمية الكهرب وترا فيه مخيمات مجاهدين حول الردميه
مثل عرق الكناسيه والحمراني وود والسرو هاذي عليها تشديد

بس اذا انت دليله وسواق تقدر تدخل 20 الي 30 كيلو داخل وتزبن بنقره وتكون بمكان ذاري بتسلك امورك وتستانس

المكان الي اعرف انه مهو بمحمي التنهاة وغيره الله اعلم

وعلى العموم اذا بغيت ترتاح نفسيا رح لاحد مخيمات المجاهدين واسالهم وخذ منهم العلوم وتراهم حبيبين واجاود وماهم مقصرين معهم

ونسيت لا اقول تراهم مشددين على الحطب لا يلقون معك ارطى ولا شي ترى عليها حجز

هذا والله اعلم

واوك

07/11/2011, 11:21 AM

شاكرلك اخوي وماتقصر

مادامها محمية

دور مكان غيرها و اكشت فيه حتى لو بعض الكشاته
يقول دور لك مكان صاد وازبن فيه

وشوله اذا فليت عزبتي و طقيت خيمتي وشبيت على غداي او عشاي
وفلة حجاج !! ويجونك ويطلعونك وتخرب الجلسه و الكشته كلها !!

دور مكان غير الدهناء اكشت فيه ووسع صدرك ولحد يضايقك و يطلعك

والدهناء لاحقين عليها اوقات الربيع >>>> (( مجرد وجهه نظر ))

تحياتي للجميع

ك ط و 472

07/11/2011, 01:50 PM

كلامك صحيح با اخوي

بس شنسوي الحب والعشق من يوم انك صغير مشكله

الله يرزقنا بالامطار ويفكون عنها الحمى

انا بكشت بمكان ثاني امري لله