المساعد الشخصي الرقمي

مشاهدة النسخة كاملة : استفسارات عن الفتك التماتيك ارجو من اصحاب التماتيك المشاركه



سلمانـ
28/10/2011, 04:42 AM
السلام عليكم
صباحكم سعيد يااخوان

حبيت استفسر من عدة نقاط وابي اجاباتكم حسب تجاربكم يااصحاب الفتك خاصه

1 لما تكون بالبر مع الطعات الليي تحتاج مجهود نوعا ما وش يكون القير عليه الـD مثلا ولا تستخدمه نمره ثقيله وايش هي النمره المفضله اللي ينصح فيها بالبر

2هل السحب يؤثر على القير التماتيك لأن مساعدة الأخرين واجب فماادري هل من ضرر

3 هل في احد يستخدم البنزين الأخضر للفتك وهل من ضرر من استخدامه على المدى القريب او البعيد

4هل غطاء الأستبنه (السبير )موجود عن الزينات لأن اللي عندي ضاعت وماقدرت احصلها


5عندي صوت طربقه قدام مااعرف وش مصدرها


موديل سيارتي سفاري فتك 2005 الشكل القديم وليس الجديد يعني اللي اسطبه صغير وهو خليجي

ارجوكم لاتنسون الردود اجابتكم فيها الفائده لي ولغيري وايضا لمن له استفسار يفضل ان يطرح استفساره ومن لديه الجواب لايحرمنا ماعنده وبارك الله فيكم

طال الانتظار
28/10/2011, 04:55 AM
السلام عليكم
اخوي اولاً انا عندي فتك واذا جيت اطعس غالباً اخليه بالدي علشان ياخذ راحته
2 - بالنسبه لسحب سيارات صغار انشاء الله ما يضر
3- افضل بنزين احمر حسب كلام الاخوان
4 - غطاء الاستبنه موجود عند الغرابي اذا انت بالرياض
5 - يمكن من اليايات جلبها خربانه اذا جلبها خربانه افضلك تحط لي قوي يسمونه اليمنيه بيب
6 - اذن عندنا الفجر بروح اصلي هههه
تقبل مروري

سلمانـ
28/10/2011, 05:20 AM
الله يسعدك حبيبي ماقصرت اما موقعي انا بالقصيم وبالنسبه لـD هل يمشي الحال لو الموتر ملياان اتوقع بتكون صعبه علي المشيه وهو ثقيل ومع الطلعات خبركم البر طلعه ونزله يبي يجهد الموتر

ALBDRANE
28/10/2011, 10:37 AM
بجاوب على أهم نقطة البنزين للفتك اوكتين 91 الاخضر حسب الكتلوج والي يقول أحمر أقوله مثل ماقال المثل( الشيوخ أبخص)

قرم العيال
28/10/2011, 11:17 AM
اهم نقطه السحب انتبه تسحب احد وفيه موتر قير عادي موجود..

مشلخ الذيب
28/10/2011, 12:55 PM
والله انا بتكلم عن القير الأفضل تحطه بالوضع العادي عشان مايتعب القير معطي نمره رادن نمره مره ثانيه

ازين شي العادي بالطعوس والجبال عشان تتحكم فيه انت

برايدوي عنيد
28/10/2011, 01:07 PM
هلابك اخوي

بالنسبه للبر لما اكون بارض عزاز والموتر يقدر يمشي بدون دبل اخليه بـ D لكن عند مااكون بارض رقيات ونزلات الافضل يكون بالعادي وتحطه بنمره قويه يـ 3 او 2 على النمره المناسبه اللي تراه .

مشكله D لما تكون بارض قشرا شوي اول مايستعز عزم الموتر يغير نمره وهمن يبي يموت عزم الموتر

اما بالنسبه للسحب اي موتر يضره السحب لكن انت اذا بغيت تسحب خله بالثقيل ولاتمتل ابد الا بالضروره واذا كنت تبي تسحب سياره بهيار الافضل انك تنسم موترك.

بالنسبه للبنزين كثير من الناس يعبي اخضر ولامن ضرر , بعض المرات بالصيف تسمع لقلقه بالمكينه والسبب البنزين يغير الى الاحمر وتروح اللقلقه

غطاء الاستبنه بالزينات تبي تلقى تجاري ويختلف عن الوكاله

الموديل 2005 وشكل القديم 2002-2004 اول مره اسمع به

الطقه اللي قدام ياليت تمر ابو سليمان الهبيش بخضيراء او ابوعبدالله الصمعاني بالتشليح


هذا مالدي وتقبل مروري...

عبدالله //
28/10/2011, 02:02 PM
الشباب ماقصروا بس حبيت ااكد على السحب لاتسحب الا بالثقيل اي موتر تماتيك اياً كان نوعه :)

سلمانـ
28/10/2011, 02:50 PM
الله يوفقكم افادني تجاربكم وبالنسبه لك يابريداوي موتري 2005 بالأسماره موديله 2005 خليجي الشكل القديم عاد وشلون تجي هاذي انا مادري بس اهم شي بالأستماره 2005

سلمانـ
28/10/2011, 02:51 PM
بعد اذنكم رايح للمانعيه لما ارجع اكيد برجع لردودكم الجميله في امان الله

سلمانـ
28/10/2011, 09:11 PM
السلام عليكم رجعنا لكم نرجع لموضوع البنزين بصراحه انا اكلني الفتك بالبنزين وودي اعبي اخضر بس مادري وابي منكم اللي يعبي اخضر للفتك يقولي ابي اشوف الأغلبيه ومن متى يستخدم الأخضر وهل لاحظ فروقات على السياره بالعزم وغيره وهاذي هديه صوره للمانعيه اليوم العصر http://im7.njm5.com/cb13198253071.jpg (http://im7.njm5.com/cb13198253071.jpg)

ابوعبدالله 2005
28/10/2011, 09:43 PM
حياك اخوي ما عمري عبيت الا 91 مثل ما هو في مواصفات السياره و اعتقد ان اللي صنع السياره ابخص بنوع البنزين اللي يناسبها

سلمانـ
28/10/2011, 10:16 PM
هلا بالغالي ابو عبدالله والله للأسف ماناظرت الكاتلوج لاكن رايكم وهداية الله من اليوم ماراح اعبي الا اخضر الله يوفقكم ارائكم كلها فوائد

سلمانـ
29/10/2011, 12:42 AM
قبل كم يوم كنت عند ورشة ابو خالد الخضير ووزن لي الديلكو لأن كان فيه كتمه اذا انطلق الموتر وراحت بنسبة 90 بالميه وغيرت الفلتر والصفايه وراحت واليوم للأسف رجعت الكتمه قويه وش رايكم وش اسوي

طال الانتظار
29/10/2011, 07:27 AM
خل بنزين 91 ينفعك هههههههههه
امزح اخوي لا تزعل

سلمانـ
29/10/2011, 01:25 PM
ياخي ندور التوفير الراتب الف ريال مادري اصرفه على البيت ولا ع البنزين وصرفيته

بــــــــدر
29/10/2011, 05:10 PM
فارس احلامي عندي لك غطاء اسبير راجع الخاص ودق علي

بالتوفيق