المساعد الشخصي الرقمي

مشاهدة النسخة كاملة : يا شباب ما هو افضل دباب ذو أربع كفرات


رجل من أقصى المدينة
28/10/2011, 07:20 PM
اخواني...
السلام عليكم ورحمة الله وبركاته.

وعساكم بخير.

كوننا مقبلين على اجواء جميلة تستدعي التردد على البر برفقة الأبناء على مراراً وتكراراً سواء خلال هذا الشتاء او الربيع...
أود سؤالكم عن افضل ما يمكن امتلاكه في حدود 3-4 الاف ريال من الدبابات ذات الربع كفرات التي يمكن استخدامها للتسلية والترفيه.
ابحث عن افضل الأماكن في مكة او جده. وما هي أفضل ماركة وافضل موديل من خلال تجاربكم. وكم السعر تقريباً. ويا ليت صورة اذا أمكن.

شاكراً لكم اهتمامكم.



http://www.globalsuzuki.com/motorcycle/history/atv25th/imgs/25th-img.jpg

كشف 111
28/10/2011, 07:40 PM
وعليكم السلام ورحمة الله

والله مالي خبره فيها

لكن اهم شي اذا الله رزقك بدباب لا تسمح لعيالك يركبون والا وهم لابسين خوذة ولو كانت الخوذة تغطي جوانب الوجه فهو افضل
اخوي طاح على شوية حصى في منطقة رملية قبل اربع سنوات (كان يدرس في ثالث متوسط) وانجرح في خده وقطع صغير حاجبه وجاته رضوض
كان مايعرف ياكل الا خفيف جداً والشرب بالمصاص ونص اللي يشفطه يطيح
والحمد لله على اللي صار

والله يكتب لنا ولكم السلامة


http://www.wickedweekends.co.uk/images/gallery/Chamonix-Quad-bike-ride.jpg

غمارتين ونص
28/10/2011, 07:54 PM
سوزوكي في المرتبه الاولى ..

sameer_1798
28/10/2011, 08:27 PM
أفضل دباب غالي عليك ماهو حول ميزانيتك لكن اللي حول قروشك وجديد التايواني وهي لاباس بها متوفره قطع غيارها وصبوره .
واللي شفت منها ثلاثة انواع : رام و سويد و الثالث نسيته اسمه مع انه هو اللي عندنا :(

ابو سمر
28/10/2011, 09:53 PM
موفق إن شاء الله ..

الأفضل بلا شك هو السوزوكي والياماها ..

لكن الأهم أخي الكريم الحرص على لبس الخوذات واللبس الخاص بالدبابات..

والله يستر على الجميع..

برج الخير
28/10/2011, 10:05 PM
سوزوكي ياباني بس غالي
رام او سويد تايوان مناسب للصغار و سعره مناسب

رجل من أقصى المدينة
28/10/2011, 10:24 PM
والله مالي خبره فيها
لكن اهم شي اذا الله رزقك بدباب لا تسمح لعيالك يركبون والا وهم لابسين خوذة ولو كانت الخوذة تغطي جوانب الوجه فهو افضل



شكراً أخي كشف وجزاك الله خير على النصيحة.


سوزوكي في المرتبه الاولى ..

شكراً أخي راعي الغمارتين...
صحيح، بس كم اسعارها؟


أفضل دباب غالي عليك ماهو حول ميزانيتك (

شكراً أخي سمير...
بس أنا أسأل عن افضل شيء في حدود الميزانية. وترى الميزانية قابلة للزيادة اذا وجدت الماركة اللي تستاهل.


موفق إن شاء الله ..

الأفضل بلا شك هو السوزوكي والياماها ..


شكراً أخي ابو سمر...



سوزوكي ياباني بس غالي
رام او سويد تايوان مناسب للصغار و سعره مناسب

شكراً أخي البرج...
ولكن التايواني، اذكر سبق واخذ أخوي واحد، مستعمل شبه جديد - بعض قراطيسه عليه - بس كان عزمه ماش، ووكانت كفراته تحكّ مما يعيق حركته.

أنتظر المزيد من ردودكم أملاً أن تشتمل على اسماء المحلات الطيبة التي تبيع هذه النوعية.

وجزاكم الله خيراً.

ناصر العمير
28/10/2011, 10:34 PM
موفق إن شاء الله .. ان شاء الله الربع يفيدونك

اصيل نجد
29/10/2011, 07:43 AM
السلام عليكم واصبح عليك وعلى الاخوان ودي اشارك وبوجه النظر بالنسبه للدباب افضل ماركه سزوكي طبعا يمكن فيه افضل بس انا اعطيك من تجربه لاانه عندي واحد سزوكي مقاس 80 اذا الشباب طال عمرك اعمارهم بحدود 14 سنه يزيد شوي ينقص شوي مافيه مشكله فالدباب هو المطلوب ليش سزوكي لن قطع غيار متوفر وياباني ياباني وبالنسبه للسعر والله ماعندي فكره احتمال زايد سعره مر على اي موزع سزوكي واسئله بس لاتنسي مستلزمات السلامه من خوذه وقفزات ( ربي يحفظهم ويخليهم لك )

رجل من أقصى المدينة
01/11/2011, 01:08 PM
جزاك الله خير أخي اصيل نجد وبارك فيك.

صحيح السوزوكي ماركة... بس هل اسعاره ضمن النطاق المحدد؟ هذا هو المهم لأن الدباب رح يستخدم لفترات محدودة خلال السنة.

هل وكيل السوزوكي هو باريان أم بامعروف وهل فيه أحد يعرف رقمهم.

الهواوي_1
01/11/2011, 06:04 PM
السلام عليكم ......... وكيل السوزوكي باريان والاسعار عالية ماراح تلقى بميزانيتك دباب....بعدين لازم تحدد المقاس اللي تبغى .... اذكر فيه اعلان ل ع العمرو بيع دباب سوزوكي وحاده ب 5000
موفق

بو اليازية
01/11/2011, 09:02 PM
وعليكم السلام ورحمة الله وبركاته

نصيحة اخوي اذا حاب تشتري دراجة للعيال اولا تأكد من مدى السلامه و الامان في الدراجة


يعني الصنقل (الجنزير) مكشوف ولا مخفي
المكشوف خطير ممكن يبتر الاصابع لاسمح الله

http://www.mekshat.com/pix/upload05/images233/mk88837_atv141-110falcongreen2.jpg

http://www.mekshat.com/pix/upload05/images233/mk88837_atv141-110falcongreen.jpg



المكينة مغطاية (عزل حرارة)

http://www.mekshat.com/pix/upload05/images233/mk88837_quadsport80.jpg



عدم وجود اطراف حادة

http://www.mekshat.com/pix/upload05/images233/mk88837_atv-38-400_wm.jpg



افضل دراجه هي الصورة الثانيه السوزوكي 80
تحمل مواصفات الامان
وبالتوفيق

RISAN -1
01/11/2011, 10:17 PM
سوزوكي 90سي سي
السعر بحدود 8000 ريال
بالتوفيق أن شاء الله

ابو العطاء
01/11/2011, 11:02 PM
يا رجال وش الله حادك تشتري دباب ، وكم مره تطلع للبر ؟ وانت فاضي تودي صيانه ومشاكل دبابات

انصحك تستأجر كل ما طلعت مره سوزكي مره ياماها مره شماها مره شنقر بنقه
واذا خلصت انطله في وجه راعيه وخله ينشب به ( ينشب بوه )

أطلال نجد
01/11/2011, 11:10 PM
بو اليازية ما قصر كفى ووفى

ومن وجهة نظري لا تتعدى هالمبروك أخي الغالي

http://www.mekshat.com/pix/upload05/images233/mk88837_quadsport80.jpg

سوزوكي

كذلك عندك هوندا درجات ممتازة ويابانية لكن قطعها وصيانتها غالية شوي .

موفق للخير ،،،

عبد الله 99
02/11/2011, 12:10 PM
انا قبل اسبوعين شاري دباب سزوكي مقاس 80 للعيال شريته مستعمل من حراج بن قاسم في الرياض
خذته ب 2000 ( ألفين ريال ) و والله الدباب حليل و احسن ما به انه يشتغل بسلف يعني زر موب هندل
الهندل بعد فتره في الاستخدام يضر كتفك
و انصحك بقوه كانك تبي دباب خذ سزوكي العام شريت للعيال رام ما جلس معنا ست شهور الا وهو مخبط و السزوكي معروف ياباني و قطعه موجوده عند وكيله باريان و قطعه اسعارها متوسطه مثل السلف ب 250 و الكفرات الواحد على 95 و الفرامل طقم كامل ب 150 يعني اسعاره اقل من رام و الصيني
و كانك تبي رقم الي خذت منه الدباب ارسلته لك
و نصيحه لا تفكر تشتري جديد لانه فرق واجد و المستعمل تلقى نظيف و رخيص
و اخبر يوم اخذ منه ذا كان عنده نفس المقاس و النظافه بس هندلحده علي ب 1900 ألف و تسع ميه
و يا شباب لا تستغربون من الأسعار الي بيشتري يشتري من الحين لأنه حسب ما سمعت انها بترتفع واجد بسبب الشتا
و ان بغيت اي شي انا في الخدمه

مجدي 30
02/11/2011, 01:07 PM
تحيه طيبه للجميع

سمعت من واحد ذو خبرة فى الدبابات

افضل شئ سوزوكي بس غالي

خذ رام يمدحه الرجل بالتوفيق لنا ولكم

عاشق الجنوب
02/11/2011, 01:10 PM
انا عندي دباب اربع كفرات بصندوق جديد لم يفك حجمه 250cc للبيع ماركة شاين راي الصينيه افضل انواع الدبابات تحملا وكرفا يباع بالسعوديه بحدود 8000 الاف ريال انا حاده بي 6500 ريال اذا لاحد خاطر فيه يراسلني.

سليمان 10
02/11/2011, 01:21 PM
عز الله الخيل فخر واعتزاز وقوه وهيبه وافضل من الدباب الذي فيه ازعاج للمتنزهين وملوث للجو وكلاهما فيهما خطر هذه وجهة نظري000

حربي الحرة1
23/10/2012, 05:01 AM
كم تبي فية

حربي الحرة1
23/10/2012, 05:03 AM
انااقولك ياباني

حربي الحرة1
23/10/2012, 05:05 AM
كم تبي فيه

رجل من أقصى المدينة
23/10/2012, 11:00 AM
عز الله الخيل فخر واعتزاز وقوه وهيبه وافضل من الدباب الذي فيه ازعاج للمتنزهين وملوث للجو وكلاهما فيهما خطر هذه وجهة نظري000

كلامك صحيح أخي وعلى متمه.

ولكن بعض الخيول صايرة أغلى من السيارات اضافة الى ارتفاع تكلفة رعايتها واقتنائها.

والدبابات اكثر من يستخدمها عيالنا الصغار ويمكنهم السيطرة عليه، بينما الخيول على العكس من ذلك.


وليتك شفت استمارة تسجيل الخيول لدى البلدية ... الحصول على استمارة سيارة أسهل بكثير.

ساربط لكم الصورة لاحقاً

ss_209
01/02/2013, 08:32 AM
هلا اخوي
الدبابات اللي مقاسها 100التايواني ماركة نيتال سعره 5000 الاف بدون ريوس
واللي بريوس زود 200 ريال. لكن اهل التجربه ماينصحون باللي فيه ريوس يقولون ثقيل.
الياباني شركة سوزوكي نفس المقاس سعره 6000 الاف ريال

نقطة نظام
01/02/2013, 08:38 PM
السلام عليكم

ماعندي وانا خوك خلفيه عن الموضوع ولكن حبيت انصح ان جازتلك خذه وان ماجزتلك ماعدك قريت

كنا في عمر المراهقه احد ابناء العمومه كان على الدباب اربع كفرات وقدر الله وقلب الطيحه ماكانت بذيك القوه لكن المفاجائه رجله من المفصل انطحنت واصياخ وعمليات وحتى الان يحمل الصيخ في رجله وكل شتاء تقلب مواجع عليه لان الحديد يبرد داخل الرجل ولا زال يعرج

كلنا ودنا عيالنا ينبسطون ولكن بحدود كشتهم بالبر وطيارات شراعيه ورقيه بيستلنسون بالبر بدون دباب :)
من باب النصيحه وانا خوك فقط