@@@ نظام تشغيل السيارة عن بعد ...@@@ [الأرشيف]

مشاهدة النسخة كاملة : @@@ نظام تشغيل السيارة عن بعد ...@@@

ديزب

28/10/2011, 10:12 PM

الأخوة الأفاضل .. أسعد الله جميع أوقاتكم بكل خير .

وصلتني دعاية لجهاز (ريموت كنترول ) لتشغيل السيارة عن بعد وقيمته حوالي 400 ريال بدون

تركيب والسؤال : هل هذا الجهاز عملي ؟ علما بأن السيارة فورد ماركيز 2008

وهل أحد جربه أو سمع من جربه فلا يبخل علينا بالمشورة لأنه في المثل يقول ( نص عقلك مع

صاحبك ) ومثل ما تعرفون اقبل الشتاء وتسخين السيارة ضروري .. ويقول راعي الدعاية ينفع حتى

في الصيف (لتبريد السيارة قبل ركوبها ).. وكذلك هل من محل مشهور للتركيب في الرياض او القصيم ........
شاكرا حسن الردود وعدم الصدود ..

ماجد الشمال 1

28/10/2011, 10:33 PM

هلا بك اخوي
الجهاز هذا مرة ركبته على سيارتي قبل25سنة نوع بيوك1982
لاكن وجهت مشكلتين منه
المشكلة الاولى:خراب السلف بكثره
المشكلة الثانيه: كثرة خراب الحذاف
انصحك أنحش عنه

ديزب

28/10/2011, 11:04 PM

جلمود الحره

28/10/2011, 11:18 PM

هلا بك اخوي
الجهاز هذا مرة ركبته على سيارتي قبل25سنة نوع بيوك1982
لاكن وجهت مشكلتين منه
المشكلة الاولى:خراب السلف بكثره
المشكلة الثانيه: كثرة خراب الحذاف
انصحك أنحش عنه

http://www.me.ford.com/servlet/BlobServer/biDirectionalRemoteStart,17.jpg?blobtable=DFYImage&blobcol=urlpicture&blobheader=image%2Fjpeg&blobwhere=1248906588997&blobkey=id&blobheadername1=Cache-Control&blobheadervalue1=max-age=1000
أنظمة التشغيل عن بعد 2 ثنائية الاتجاه

الاخ ماجد
الاجهزه قبل 25 سنه !!غير الاجهزه في وقتنا الحاضر مع الاختلاف في الشكل وبقاء المضمون مع ان الجهاز طرأت عليه بعض التحديثات ليتواكب مع السيارات الحديثه حسب علمي
.....وزبدة الموضوع ان الجهاز اذا كان صناعته ممتازه والسياره حديثه
فلا يوجد هناك مشكله........ ابن عمي مركبه على فورد 2003 قبل تقريبا4سنوات وماشاء الله عليه مريحه حتى فالصيف والله يحفظك

أبوراشد

28/10/2011, 11:22 PM

مفيد جدا هذا الوقت ننتظر الافاده من أهل الخبرة وهل يمكن تركيبه على الاف جي 11

P O W E R

28/10/2011, 11:26 PM

ماقصرت جلمود كفيت ووفيت

ماجد الشمال 1

29/10/2011, 01:13 AM

هلا بك اخوي ماجد الشمال 1
أولا شكرا على ردك وعدم صدك .
ثانيا : أشوف بعض السيارات الحديثة يجي فيها من الوكالة تشغيل عن بعد وما اشتكى منها أحد ..
ثالثا : ما ترى انها فترة طويلة 25 سنة يعني أكيد صار فيه تقدم وتطور للتقنية .
رابعا :اكرر لك الشكر والتحية ..
والله ياخوك انا اشوف ان الفتره الى قبل25 سنة أفضل بكثير من وقتنا هذا
حيث ان ذاك الوقت لايوجد شيئ اسمه تجاري او مقلد علمآ
ان الجهاز الذي ركبة في ذاك الوقت أمريكي

مكشآتي للآخر

29/10/2011, 01:19 AM

يووة إخبر مركبين هالجهاز قبل وييييين يمكن 10 سنين على فورد بالتسعينات
بس كان يعيب الجهاز الي مركبينة

انذآرة تقل صوت دورية واي واحد يلمس السيارة يشتغل الانذآر
العيب الثاني: اذا شغلتها عن بعد وجيت ركبتها تقدر تعشق وتمشي بدون لاتركب المفتآح<<

عاشق الvx

29/10/2011, 01:22 AM

هلا بك اخوي
الجهاز هذا مرة ركبته على سيارتي قبل25سنة نوع بيوك1982
لاكن وجهت مشكلتين منه
المشكلة الاولى:خراب السلف بكثره
المشكلة الثانيه: كثرة خراب الحذاف
انصحك أنحش عنه

هالكلام نفس الشي صار مع الوالد قبل تقريبا 20 سنه
كان معه ماركيز موديله 89 اول مارجعت الفرود بعد المقاطعه
وركبله هالريموت الي يشغل وخرب عليه السلف اكثر من مره
والمشكله ان الريموت يشغل ويعلق السلف يعني مايفصل السلف اذا اشتغل الموتر ...
وحاليا معي لاندكروزر وموجود للبيت يوكون اكس ال وكلها فيها تشغيل عن بعد شد بلد
بس الا الحين امورها زينه ومابينت مشاكلها ..

راعي حثروبه

29/10/2011, 01:26 AM

انا ركبت نوع اسمه كوبر ممتاز جدا
وركبته على هايلوكس 97
وكنت اشغلها عن بعد
وميزته اذا شغلتها يشتغل الاصطب معه وتجاس تقريبا 6دقائق وتطفي
واذا ركبت وماحطيت المفتاح في السوتش وفكيت البريك تطفى السيارة
هذا حتى مايجي احد ويسرقها
وتحياتي لك

ماجد الشمال 1

29/10/2011, 01:38 AM

هلا بك اخوي ماجد الشمال 1
أولا شكرا على ردك وعدم صدك .
ثانيا : أشوف بعض السيارات الحديثة يجي فيها من الوكالة تشغيل عن بعد وما اشتكى منها أحد ..
ثالثا : ما ترى انها فترة طويلة 25 سنة يعني أكيد صار فيه تقدم وتطور للتقنية .
رابعا :اكرر لك الشكر والتحية ..

http://www.me.ford.com/servlet/BlobServer/biDirectionalRemoteStart,17.jpg?blobtable=DFYImage&blobcol=urlpicture&blobheader=image%2Fjpeg&blobwhere=1248906588997&blobkey=id&blobheadername1=Cache-Control&blobheadervalue1=max-age=1000
أنظمة التشغيل عن بعد 2 ثنائية الاتجاه

الاخ ماجد
الاجهزه قبل 25 سنه !!غير الاجهزه في وقتنا الحاضر مع الاختلاف في الشكل وبقاء المضمون مع ان الجهاز طرأت عليه بعض التحديثات ليتواكب مع السيارات الحديثه حسب علمي
.....وزبدة الموضوع ان الجهاز اذا كان صناعته ممتازه والسياره حديثه

فلا يوجد هناك مشكله........ ابن عمي مركبه على فورد 2003 قبل تقريبا4سنوات وماشاء الله عليه مريحه حتى فالصيف والله يحفظك

تناقشت انا واحد من زملائي معه فورد 2005 مركبة
ماقتنع من كلامي قلت طيب تعال عند السياره فتحت الكبوت
وفصلت الفيش حق حساس الكرنك
وشغل السيارة بريموت عارف ايش الي حصل
بقيت السياره دق سلف ماتفصل حتى تشتغل
السلف ودقمة نار حاميه
اذآ لوشغلت عن بعد ونت جالس عند الدفاية والحليب
والسيارة عند الباب ومشتغلت لأي سبب وحمية دقمة السلف
وذابت الاسلاك كيف تعلام
وخاصتآ بشتاء تكون هوناك في بعض السياراة
صعوبة بتشغيل
هناك حلول افضل رخيصة ولاتكلف
كرتون على الشبك تغيير بلف الحراره

ماجد الشمال 1

29/10/2011, 01:50 AM

هالكلام نفس الشي صار مع الوالد قبل تقريبا 20 سنه
كان معه ماركيز موديله 89 اول مارجعت الفرود بعد المقاطعه
وركبله هالريموت الي يشغل وخرب عليه السلف اكثر من مره
والمشكله ان الريموت يشغل ويعلق السلف يعني مايفصل السلف اذا اشتغل الموتر ...
وحاليا معي لاندكروزر وموجود للبيت يوكون اكس ال وكلها فيها تشغيل عن بعد شد بلد
بس الا الحين امورها زينه ومابينت مشاكلها ..
انصحك وانا اخوك اذا استعملتة خلك قريب من السياره
لأنه بعض احيان يبقى معلق السلف والسياره شغاله
وهذا اعدام الحذاف والسلف

جلمود الحره

29/10/2011, 02:38 AM

ياأخوان اي جهاز اذا استخدمته بطريقه خاطئه راح يكون له أضرار لاقدر الله ,
وخاصه لما يكون في السياره !
ومثل هذه الاجهزه تحتاج الى جهاز بيكون اصلي وسياره صاحيه وفني شاطر (وياليت يكون فلبيني
وعند التشغيل تكون السياره قريبه وفي محل امن ومايمنع النظر اثناء وبعد التشغيل
وبرضه كل فتره شيك على الجهاز وملحقاته والله يحفظنا وأياكم

ديزب

29/10/2011, 05:55 AM

شكرا للجميع على تفاعلهم وردودهم .. ولكن الى الآن لم يحصل المقصود ... او بمعنى آخر لم أجد ردا شافيا كافيا وافيا ..

m3ax

29/10/2011, 10:50 AM

جهاز كوبرا مركبينه على سياراتنا لسنوات ما شكينا منه أبد ..

بعدين فيه اجهزة فعلاً تعلق لين تشتغل السيارة ولكن جهاز كوبرا يدق سلف بشكل متقطع ثلاث محاولات ثم يوقف الجهاز من نفسه اذا ما اشتغلت السيارة ..

فيه أجهزة ممتازة وأجهزة ثانية رديئة وانا واحد عندي الحين تشغيل عن بعد في سيارتي الاكسبلورر شد بلد ووالله ما استغني عنه لأي ظرف كفايه اني أصحى من النوم وأشغل السيارة بالريموت واروح آخذ دش والبس هدومي على راحتي واجي والاقي السيارة دافية

رحال السراة

29/10/2011, 02:23 PM

m3ax

29/10/2011, 05:38 PM

اخوي معي وانيت يصلح له علماً أننا الأن نعاني من البررررد القاااااارس والجاف في الصباح بالجنوب ...
وكم سعره وبكم تركيبه شاااكر لك اخوي ..

والله ياخوك مبطي من آخر مره سعرته لكن أذكره كان على 350 أو 400 ريال جهاز انذار مع تشغيل عن بعد

برهان1

29/10/2011, 09:48 PM

ديزب

29/10/2011, 11:48 PM

بالنسبه للي ذكروه الشباب من خطورة تشغيل السيارة عن بعد وانت منت حولها فيه نوع من السلف لبعض السيارات شبه اكتروني يعني دقه وفك يدك ويكمل الباقي هو اتوقع ذا ما عندك مشكله والله اعلم لان حتى لو بيدك علقت على سلفه اول ما يشتغل يفك على طول هذا اظن يركب عليه بدون اي مشاكل اما السلف العادي فاتوقع بيسوي لك مشاكل
=================
فعلا كلامك صحيح 100% اليوكن الجديد له نفس الخاصية لكن السؤال لو ما اشتغلت السيارة لسبب من الأسباب (نفاد الوقود - خلل كهربائي - خلل ميكانيكي ) هل يستمر السلف في العمل والى متى ؟

ماجد الشمال 1

29/10/2011, 11:58 PM

=================
فعلا كلامك صحيح 100% اليوكن الجديد له نفس الخاصية لكن السؤال لو ما اشتغلت السيارة لسبب من الأسباب (نفاد الوقود - خلل كهربائي - خلل ميكانيكي ) هل يستمر السلف في العمل والى متى ؟
يبقى يدق حتى تفضى البطاريه اوتحمى اسلاك السلف من الدق
ثم يحدث الدمار:f

ديزب

30/10/2011, 12:03 AM

يبقى يدق حتى تفضى البطاريه اوتحمى اسلاك السلف من الدق
ثم يحدث الدمار:f
يا أخ ماجد هل تقصد السلف حق السيارات القديمة اللي لازم تمسك المفتاح على طول وقت التشغيل او السلف حق السيارات الجديدة اللي انت تبدأ وهو يكمل ؟؟ لأنه على كلام أخونا هناك فيه فرق ...

برهان1

30/10/2011, 01:15 AM

اخوي الاكتروني يدق اذا فكيته يدق اقل من 10ثواني ويوقف بعدين انت تعيد الكره يعني ما يبتل يدق لو مافيه بطاريه او فاضي البنزين

ماون ماركز

30/10/2011, 06:58 AM

الأخوة الأفاضل .. أسعد الله جميع أوقاتكم بكل خير .

ومثل ما تعرفون اقبل الشتاء وتسخين السيارة ضروري .. ويقول راعي الدعاية ينفع حتى

في الصيف (لتبريد السيارة قبل ركوبها ).. وكذلك هل من محل مشهور للتركيب في الرياض او القصيم ........
شاكرا حسن الردود وعدم الصدود ..

تسخين السيارة في البرد وتشغليها فترة طويلة في الحر وهي واقفة
غلط ومضر للسيارة
يقع فيه الكثرين خصوصا اللي ما يقراؤن كتيب المستخدم للسيارة
وبالأخير يشتكون .. السيارة خربت .. السيارة تهرب زيت . السيارة تصرف بنزين . ألخ

مكتوب بكتيب مستخدم السيارة ..

http://www.mekshat.com/pix/upload05/images232/mk212274_ford.jpg

كتيب مصنع .. الميركوري واللينكولن بجميع الفئات فكتوريا وماركيز ايدج اكسبلورر تورس فيوجننا فيجاتور ميلان .. الخ.....

الترجمة
"احماء السيارة في الصباحات الباردة غير مطلوب .. ألخ "

---

اسير الوجه

30/10/2011, 07:11 AM

طيبيا اخوان ماوصلنا للمطلووووب وين يباع الجهاز وكم قيمته مع التركيب

ماجد الشمال 1

30/10/2011, 01:14 PM

يا أخ ماجد هل تقصد السلف حق السيارات القديمة اللي لازم تمسك المفتاح على طول وقت التشغيل او السلف حق السيارات الجديدة اللي انت تبدأ وهو يكمل ؟؟ لأنه على كلام أخونا هناك فيه فرق ...
حياك الله اخوي ديزب
السلف العادي و اللي انت تبدأ وهو يكمل لكن أخي هناك سيارات 2011 سلفها عادي
وفيه سيارات مرة علي
الجديدة اللي انت تبدأ وهو يكمل مثل ماقلت
ولكن وجدة انه في بعض السيارات متعطل لو شلت يدك عن المفتاح
يوقف السلف وهو من النوع الي ذكرة
سألت واحد من كبار الكهربائية عندنا بشمال فلبيني أصلي مهو
فلبيني من أخوان الشغالات:D:D
قال لى اذا ماكن ركب فيها من وكالتها يعني من مصنعها
فية خطورة جدآ على كهرب السياره لان كل كهربائي له طريقة بتوصيل الأسلاك
والسلف الى تبداء انت وهو يكمل يقولى له كتاوت وموصول بدقمة السوتش ويمر
بكتاوت ثاني يمر منه سلك الى السف لتوصيل وفصل دقمة السف عند التشغيل
يقولي المشكلة أنه يجي صاحب السيارة ومعه الجهاز وين يروح
عند اقرب كهربائي من كهربائية خوان الشغالات :D:D
صديق ركب اوكي يركبة أخوالشغالة:D
لكن يوصل الجهاز كيف؟؟ ممكن يسحب له سلك كهرب من أحد الكتاوتات الى ذكرتها
وهي من مصنع السيارة مصممه لجهد ومقاومة محدده
فيضيف أخو الشغالة :D سلك كهرب للكتاوت أويسحب سلك منه فهذا
يؤثر على خط الفيوزات أوالكتاوتات على جهدها ومقاومتها لأنها
صممت من مصنعها بجهد معين ومقاومة معينه
يعني أذا ماكن من مصنع السيارة جاي معها أنحش

ديزب

30/10/2011, 06:38 PM

حياك الله اخوي ديزب
السلف العادي و اللي انت تبدأ وهو يكمل لكن أخي هناك سيارات 2011 سلفها عادي
وفيه سيارات مرة علي
الجديدة اللي انت تبدأ وهو يكمل مثل ماقلت
ولكن وجدة انه في بعض السيارات متعطل لو شلت يدك عن المفتاح
يوقف السلف وهو من النوع الي ذكرة
سألت واحد من كبار الكهربائية عندنا بشمال فلبيني أصلي مهو
فلبيني من أخوان الشغالات:D:D
قال لى اذا ماكن ركب فيها من وكالتها يعني من مصنعها
فية خطورة جدآ على كهرب السياره لان كل كهربائي له طريقة بتوصيل الأسلاك
والسلف الى تبداء انت وهو يكمل يقولى له كتاوت وموصول بدقمة السوتش ويمر
بكتاوت ثاني يمر منه سلك الى السف لتوصيل وفصل دقمة السف عند التشغيل
يقولي المشكلة أنه يجي صاحب السيارة ومعه الجهاز وين يروح
عند اقرب كهربائي من كهربائية خوان الشغالات :D:D
صديق ركب اوكي يركبة أخوالشغالة:D
لكن يوصل الجهاز كيف؟؟ ممكن يسحب له سلك كهرب من أحد الكتاوتات الى ذكرتها
وهي من مصنع السيارة مصممه لجهد ومقاومة محدده
فيضيف أخو الشغالة :D سلك كهرب للكتاوت أويسحب سلك منه فهذا
يؤثر على خط الفيوزات أوالكتاوتات على جهدها ومقاومتها لأنها
صممت من مصنعها بجهد معين ومقاومة معينه
يعني أذا ماكن من مصنع السيارة جاي معها أنحش
==================
شكرا أخي الكريم على تجاوبك ووالله إن الواحد يحتار في ها الزمان اللي كل يلعب علينا
أنا متأكد لو جيت الوكالة ما عندهم حل أصلا هم ليتهم يقومون بالخدمة الأصلية والضمانات المطلوبة فما بالك بالخدمات الأضافية .
والشيء بالشيء يذكر قبل اسبوع رحت لمواد السباكة والكهرباء بعد ما خرب سخان الماء المنزلي فقلت بدل ما اغير كل سنة خل أشوف واحد مضمون على الأقل ثلاث سنوات ... تصدق ما حصلت
اي واحد يقدم ضمان حقيقي ولو لسنة واحدة وحاطين أرقام المصانع على كرتون السخان .. تتصل يرد آليا يقول أدخل رقم التحويلة المطلوبة او صفر للمساعدة فقط تضرب صفر يقول غير موجود ولو هو موجود أصلا ما عنده حل ..فالله المستعان وبه الثقة وعليه التكلان ..

كاشت وحداني

30/10/2011, 10:07 PM

تسخين السيارة في البرد وتشغليها فترة طويلة في الحر وهي واقفة

غلط ومضر للسيارة
يقع فيه الكثرين خصوصا اللي ما يقراؤن كتيب المستخدم للسيارة
وبالأخير يشتكون .. السيارة خربت .. السيارة تهرب زيت . السيارة تصرف بنزين . ألخ

مكتوب بكتيب مستخدم السيارة ..

http://www.mekshat.com/pix/upload05/images232/mk212274_ford.jpg

كتيب مصنع .. الميركوري واللينكولن بجميع الفئات فكتوريا وماركيز ايدج اكسبلورر تورس فيوجننا فيجاتور ميلان .. الخ.....

الترجمة
"احماء السيارة في الصباحات الباردة غير مطلوب .. ألخ "

---

عزيزي
طبعا لا انتقد ردك
لكن اذا كان الاطاله في تسخين الموتر مضر .
طيب اللطعه في طريق خريص بالنص ساعه او ثلث ساعه واقفين والسياره معشقه بالنسبة للقير التماتيك . كيف ضررها عالسياره . او طرق تفادي الاضرار الناتجه عن وقوف السياره في وضع التشغيل لفتره طويله .

الهاجر 7002

01/11/2011, 01:16 AM

حـلو ..

وآحد معه مـآركيز آمريكي 2008 .. مركبه ولآ ششكى منه..

يششـتغل ويبقى مده ويطفي ..

بس آلموتر مقفل يعني من تفتحه يطفي آلموتر .. ولآ آذآ سخن طفى ..

آحــرص على آلآصصـلي بسس ..

ماون ماركز

26/11/2011, 08:59 AM

عزيزي
طبعا لا انتقد ردك
لكن اذا كان الاطاله في تسخين الموتر مضر .
طيب اللطعه في طريق خريص بالنص ساعه او ثلث ساعه واقفين والسياره معشقه بالنسبة للقير التماتيك . كيف ضررها عالسياره . او طرق تفادي الاضرار الناتجه عن وقوف السياره في وضع التشغيل لفتره طويله .

يمكن أنك قرأت هذه وفهمتني خطاء
وتشغليها فترة طويلة في الحر وهي واقفة

أقصد وتشغليها فترة طويلة للتسخين وهي واقفة

يا بعدي .. مكتوب بالكتالوج .. الصباحيات الباردة

يقصد لما تشغلها الصباح ما تسخنها .. تمشي بشويش حتى ما تسخن

يعني لا ترتفع حرارتها من البارد إلى الوضع الطبيعي للحرارة وهي واقفة

واذا سخنت .. لو توقفها يوم كامل شغالة ما يضرها ..

بطريق خريص السيارة جاية حارة من المشي .. ماهي باردة وأنت شغلتها وجلست ملطوع نصف ساعة بالطريق .

مشاري FJ

27/11/2011, 11:34 PM

انا كنت مركبة على سيارتي من زمان كانت لانسر قير عادي
ومرة كنت اتميلح قدام ولد خالتي ونسيت ان السيارة معشقة واشغلها واسمع التفحيط وقبع بالجدار ككككككككككك
قسم بالله كل مافتكر ذاك اليوم اضحك والوالد حقد يقول انت مريض كك

amsmtkh

20/01/2012, 10:33 PM

يالربع الله لا يهينكم وبيض الله وجيهكم
عطونا الزبدة

وين انركب جهاز الكوبرا الاصلي
الي يشغلها ويطفيها اذا اسخنت او انفتح الباب

طبعا في الشرقية والرياض لاهل الرياض

دمتم بصحة وعافية