ماطور الهواء ؟؟ وسوالفه

[محطم عنيد]

السلام عليكم ورحمة الله وبركاته

يسعدلي صباحكم ومسائكم بالخيرات

الحقيقة من زمان ودي بماطور قوي وأسمع عن أبو جمل وغيره لكن مافكرت أشري

واللي هاللحين خلاني أدور

حجة بحاجة زي مايقولون

الجيب عندي منبشر كفرين هواء فقط ليس فقع

ف إذا أنت جربت ماطور هواء كويس وقوي ويصبر ع الكرف ولايسحب كثير من البطارية اتمنى تذكره لي وطريقة عمله

بأسرع وقت ياشباب لان الموتر عندي موقف

لاهنتم

[محمدالزهران]

والله اغلب الشباب يمدحون ابو جمل اللي يجي 2 سلندر وانا لقيته باسعار متفاوته من 120 ريال الى 370 ريال لكن وين الاصلي منها يمكن البعض يقول الاصلي ابو 370 لكن انا من اللي شفته كلها سوى واحس انه جشع تجار واستغلال طيبه الزبون وقله خبرته
لكن المشكله وين تلاقي الاصلي
فيا ليت من اهل الخبره يدلونا على الاصلي ووين ينباع وكيف شكله لاننا لقينا انواع كثيره باسم ابوجمل
وياليت لو يكون في مدينه جده او الرياض

[«نجم الخير»]

عند السنيدي مطور راسين قوي وعليه ضمان سنه



هذا موضوع للاخ السوبر :D

تقرير مصور و موجز عن مواطير الهواء مرفق معها نتائج تعبئة الكفر (سوبر VTC) (http://www.mekshat.com/vb/showthread.php?t=317008)

http://www.mekshat.com/pix/upload04/images174/mk53291_qnbgch18.jpg

[كاشت المدن]

السلام عليكم
بالتسبه لابو جمل الاصلي عند الشراع وكيله في الرياض الغرابي ووصفه
وانت داخل الغرابي وجتك الاشاره (اللي نزول بس قدامك )ادخل يسار بعد ثالث لفه يجيك علي اليمين
وبالنسبة لابو جمل مجربه من سنين ماعليه كلام
اتمني أني افدتك وشكرا

[حسن الشمالي]

من خلال تجربتي والتي امتدت الى 99 سنة...
انصح بالاتي...
ضف لك اي ماطور بشرط سعره مايتجاوز 120.. ريال سعودي..
يقوم مقام ابوجمل اللي 270...
..
كان عندي قبل 4 سنين ماطور شارية بـ150 تقريبا.. ماله لااصل ولا فصل ولا قد شفت مثله في السوق...
دورت ودورت ومالقيت مثله.. لكنه صيني..
كرفتة ليييييييييين قال بس... كنت انطله في الصندوق مع الحطب والجراكل ويجية ماء وغبار ..

وامشي بر وردميات واطامر ولاوصلت المحل لقيتة تحت الحطب والجراكل... ولا قال لا...
وفجأة بعد العمل الشاق خرب...ولا ادري وش السبب...

الزبدة.... خذ لك اطرف ماطور وارفق عليه ... وبيعيش معك...

تحياتي...

[محطم عنيد]

يعطيكم ألف عافية للكل ولاهنتم وبيض الله وجهيكم يوم تسود وجوه

ولي عودة بالقريب العاجل

نظرا لنزول الغداء ع السفرة

[أبا مجاهد]

أخي الكريم انا املك ماطور ابو جمل راس واحد..وانطباعي عنه احس انه بطيء في النفخ ومايصلح

فأنصحك بماطور ابو جمل راسين او اي ماركه غير شرط يكون راسين لسرعة التعبئه.

[هآوي الصيد]

هلا بك اخوي ..

انا مجرب أبو جمل اللي هو ذا اللي بالصوررره نفسه ..




http://www.mekshat.com/pix/upload04/images185/mk168010_pb020588.jpg







http://www.mekshat.com/pix/upload04/images185/mk168010_pb020595.jpg


معي ولا عليه خلاف ، حليو مهوب الجبار اللي من اول ماتشغله تحصل الكفره هواها 50 ههههههه هذا مافيه حتى بالأحلام .. ولا حتى الطرمبات الكبار حقت البناشر.
هذا حليو معي له حول سنتين اهم شي انك تحافظ عليه .. من الماء والغبار وإلـخ ..
دايم اعبي به كفر الددسن - جمس جنط 16 . اي شي يعبيه ..
لكن يبي له شوية وقت يعبي ..
واذا بغيت تاخذ انصحك اخذ اللي يشبك عن طريق البطاريه مهوب عن طريق الشاحن لأنه لاقدر الله يمكن يخرب حق الشاحن ولا يصير فيه شي .
او تروح على سياره مافيها شاحن وكذا ..
ولازم وقت تشغيله يكون الموتر شغال . مهوب تطفي الموتر وتشغله لأنه يمكن يعدم البطاريه او يخرب عليك ..
وسعرره شاريه من السنيدي اللي بالرياض بـ 280 او 260 . بين هالرقمين ...
وبالتوفيق لك ...
وان بغيت تشتري لاتردد توكل على الله ،

[قائد السريه]

جربت ابو جمل والسنيدي

السنيدي اسرع من ابو جمل

[قرم العيال]

تصدق عاد الى الحين ما لقيت الماطور الي يقال عنه كفو

[_TOYOTA_]

الجمل الاصلي راس واحد فيه نوع سعره 270 والكبير يجي فيه حدايد بسعر 370-390
واهم شي انه يصبر معاك فيه نوعيات تعبي الكفر اسرع لكن عمرها قصير

[محطم عنيد]

يعطيكم العافية للجميع

لقيت لكم ماطور ولا أروع

بـ 4 دقايق الكفر من الجنط إلين ضغط 32

اللي هو ماطور السنيدي

كما واضح بالصورة اللي برد الأخو أبوعبدالله اللي أشكره من اعماق قلبي ولايهون الباقين

[SNIPER07]

ما طور الهواء اللي استعمله
نفس اللي بالصور لرد الاخ هاوي صيد

له معاي حوال 5سنوات ما قال شي و لله الحمد بس وصلة لفيوز ذابت و بدلتها

و سعره حوال 250 تقريبا اذا ما ضيعت

تحياتي

[ابوراكان تبوك]

افضل ماطور استخدمته ماطور ساكا سريع جداً وصوته خفيف ( مشكلته انه يحمى بس يعبي اربع كفرات بسرعة ) سعره 150

[سيف الظفير]

انصح بماطور من الرماية عليه ضمان سنة او سته اشهر


قوووووووووووووووي جداً سعره بـ 345 ريال


راس واحد ولكنه كبير وقوووووووووووي

[gx-low]

ابو جمل راس واحد له معي سنتين ما قال شيء

نفخه سريع من 10 - 35 في دقيقتين ونص

وقد نفخت موتري مع واحد معه ابو راسين وخلصت قبله

[ربيع مكشات]

عندي ماطور ابوحصان راسين اشتريته 120قبل 6سنوات لون اروس اسود وكارفه كرف واوقات اخلي كفرات السياره الهواء فيها 10واقوم بتعبيتها بسرعه واصناعه صيني

[برهوش]

ماطور سوبر سفاري شاريه من الشراع قبل 6 سنوات الي يومك شغال زي الحلاوه غيرت اللي الأصفر بسبب انه صار ينسم من الشمس وسعره 165 تقريبا×

[هويدي]

على كثر المواطير اللي جربتهن اغلب اللي بالسوق خصوصاً الغرابي "خوسته"
فاشله تنفخ ثلاث كفرات وتحتمي وتطفا

افضل شي جربته زي حق اخونا هاوي صيد له سنتين على الموتر ولله الحمد
يجي نوعين سلك طويل ولي قصير والعكس وكلن وهواه بس يقال ابوسلك طويل اسرع
ابوجمل وكيله الشراع

http://www.mekshat.com/pix/upload04/images185/mk168010_pb020588.jpg

[مسفر الاكلبي]

ابو جمل زين بس ما عاد وجدناه الي يخبره يدلنا

[gammash]

نصيحتي لك بماطور ARB من الرماية (1100 ريال قبل سنة) وفككك من الصيني بشكل عام.
انا مجربة وبدون رحمة ويتميز بالسرعة والوزن وجودة التصنيع ويستخدم ايضا مع الدفلوك الهوائي لسيارات الدفع الرباعي ويعمل ويفصل عند وصلة بالكفر.
خسرت الكثير في مواطير عديدة من شلة أبو جمل .
لدي اصدقاء لديهم أبو جمل ومواطير السنيدي ولكن صدقني لو أستخدموها مثل استخدامي لهذا الماطور لما عاشت معهم شهر واحد.


http://www.arb.com.au/media/products/compressors/CKMP12_310x310.jpg

[أبوهشام2]

اليوم مريت برق الحيا
ولقيت عندهم ماطور هوا أبوجمل
وعلى فكره مواطير أبوجمل اللي عندهم متنوعه
يعني فيه اللي 450 ريال وقوته 200 PSI وهو أقوى واحد فيهم
وفيه اللي أقل
طبعا عليه ضمان سنه
بالتوفيق

[قناص خلاوي]

ابو جمل نزل منه ماطور جديد
جامع كبر بستم وصغر حجم ولي أفضل من اللي الاصفر
وضمان سنة
وسعره معقول 450
وهو افضل مانزل من اصدارات ابو جمل
وان شاء الله بنزل عنه تقرير قريب اذا يسر الله

[ابونبيل]

ابوجمل بستم واحد لان ابو بستمين تجاري

وترا الاصلي غالي شوي بس قيمته فيه ومايتعطل باذن الله وسريع بالنفخ