المساعد الشخصي الرقمي

مشاهدة النسخة كاملة : طريقه جديده وسهله ومجديه ومجربه ووووو إلخ في الخروج من الغراز


غيّام
13/02/2006, 05:04 PM
بسم الله الرحمن الرحيم



الحمد لله رب العالمين والصلاة والسلام على اشرف الانياء والمرسلين وبعد


حياكم الله ياشباب وش الاخبار ان شاء الله تسر



هذي طريقه سواها واحد من الربع والحقيقه اني تعجبت وشلون جت على باله وشلون انا ما فكرنا فيها 0

احيانا يكون الموتر بقي بينه وبين العزاز شئ بسيط او يكون على ارتفاع خفيف لو تدفه متر واحد انتهت المشكله ولكن افلقني تدفه اذا مامعك موتر ثاني الطريقه باختصار شديد

(طف السياره وحط الموتر في الاول وشغل السياره بدون ماتظغط على الكلتش بتنتع وبتمشي على السلف لين تطلع لكن مهوب تخذها حلى لين تحرق السلف لا في الحالات الظروريه ) عساكم فهمتوا

انا عارف ان شرحي مدري وش يبي لكن اذا اشكل عليكم شئ من عيني اليمين قبل اذني الشمال

والسلام عليكم ورحمة الله وبركاته

غيّام
الجيب الربع
13/02/2006, 05:07 PM
هلا والله بغيام

الطريقة واضحه وجميله بس يبيلها تجربه

مشكور
قناص تميم
13/02/2006, 05:11 PM
فكره حلوه بس مو كل مره تضبط أخوك: صقار نجد ؟
غيّام
13/02/2006, 05:11 PM
ابو عبدالله ماشاء الله عليك شكلك مرهم كمبيوترك امداك ترد بيض الله وجهك هذا والله من طيبك وانا اخوك

الطريقه جربتها والحقيقه شئ فوق الخيال

صقر نجد سويت تعديل على الرد عشان ارد عليك ماشاء الله عليكم يالقروم صدقت كلامك صحيح لكن فيه حالات تفيدك فايده اذا سوتها بترجدني من الدعاء
مسافر1
13/02/2006, 05:12 PM
مشكور أخوي غيام ...
الطعس الذهبي
13/02/2006, 05:32 PM
لاكن إذا صار توماتيك
ابوعا مر
13/02/2006, 06:06 PM
صادق ياخوي غيام

فيه واحد من ربعي راح لربع الخالي مع واحد من اهل شروره ويقول كان معنا هايلوكس دفرنس واحد وكان يسوي الطريقه الي تقول وناجحه مررره وتعجب منه
ناجز
13/02/2006, 07:12 PM
فعلً فكرتك حلوه الله يجزيك خير
ابومحمد
GXR_2005
14/02/2006, 02:39 PM
جزاك الله خير وبارك فيك

طيب والتماتك ؟؟؟

وانا اقترح تبرّح للسيارة وتنسم الكفرات وتريح السيارة احسن ما يخترب عليك سلف ولا شي. :)

والمعذرة ان كان كدرنا خلقك. :)
أبومناحي
14/02/2006, 04:12 PM
لا أخ غيام طريقتك واضحه

وبيض الله وجهك
عاشق VXR
14/02/2006, 04:31 PM
السلام عليكم ورحمة الله و بركاته .
صراحه موضوع تستاهل الشكر عليه . ( وما يكفيك الشكر بس )
بس والله خويك ذكي .
ما شاء الله .
غيّام
14/02/2006, 06:24 PM
اشكر الجميع وجزاكم الله خيرا

كما ذكرت الطريقه ليست مطلقه الاستخدام ولكن في حالات ماينفع معك الا تستخدمها او تقعد تشر للي رايح واللي جاي

ومن ناحية التماتيك فالله يعينهم مهوب في الغراز بس حتى لو خلصت البطاريه هم في ورطه مالهم الا الصبر ومن بغى الدح ماقال اح:d
خيال الغلبا
14/02/2006, 06:40 PM
اخوي غيام
الأسماء اللي في توقيعك
كانو ثلاثة فاصبحوا اربعة
ماالحكاية
القصيم-الرس
14/02/2006, 06:47 PM
سلمت لكن ماتوقع تمشي دايم لأنها تمشي السياره ونفس الشيء إذ متلت الموتر بنفسك
ويمكن تغرز السياره زياده بعد


ومشكله أخرى إذا كان الموتر تماتيك

ماأفتيك لكن يبغالها تجربه
بعيد الهقاوي!
14/02/2006, 09:08 PM
طريقة حلوة بس مو كل مرة
راعي اللند
15/02/2006, 03:13 AM
مشكور أخوي غيام ...
وانشألله انا مانحتاج هالطريقة ...نسم هالكفرات ودور وين ماتبي.
*الـزيـن*
15/02/2006, 03:26 AM
هههههههههههههههههه

خوش طريقه الله يعطيك العافيه

خلاص اجل بروح اغرز غصب واجرب الطريقه هع
أبو عزوز
15/02/2006, 03:31 AM
حلوه طريقتك بس لو كانت الكفرات اللي ورى ماتدور
راح تكسر عليك عكوس الدفرنس

أفضل طريقة مجربه هي فصل أحد أسلاك البواجي
nahham
15/02/2006, 09:37 AM
ماشاء الله عليك اخوي غيام

فكرة ممتازه

شكرا لك
العزوم
15/02/2006, 07:35 PM
شكرا لك اخي /غيام

فكره جديده وهناك طريقه اخرى في حالة لو كانت التغريزه في رباضه ونسمت الكفرات وصارالموتر يمشي للامام والخلف (يقص) دون مايفتح له طريق وتبغاه يشيل عزمه على الارض ماعليك الا انك تلف الطاره (المقود) الى احد الاتجاهات ويفضل الى المنطقه المنخفضه او الاسهل وانت واقف ثم تنتله بدون مايحفر كثير (انا مجربها في ونيت جمس دفرنسين في عرق ابا العكوس شمال رماح)

تحياتي
سواق الوايت
16/02/2006, 01:44 AM
والللللللللللله فكرة حلوه


الله يعطيك العافية
غيّام
18/02/2006, 02:56 PM
اشكر الجميع

العزوم فكرة ممتازه جدا وجزاك الله خير

مره اخرى اشكر جميع من شارك
المشراق
18/02/2006, 03:06 PM
الف شكر اخوي غيام والطريقة واضحة 0
عاشق الخلاء
06/03/2006, 08:40 AM
اما اهل التماتيك ..... احسن شيء يطلع فراشه وينام جنبه ...

على فكره انا مااحب السيارات التماتيك التماييك تصلح في البلد .. وسامحونا
الطير المهاجر
06/03/2006, 10:38 AM
السلام عليكم
انا عندي شيروكي وادري انه خوان
لكني جربت وطلع كلامي صحيح الشيروكي خواااااااااااان
ماينفع معاه الا الدوس واذا غرزت الله يعز القلص والبليزر من وراه يجره جر
انا اقول مو مع كل سيارة تضبط
يعني مثلا الكروزر اتوقع مستحيل لان السيارة مثل مايقولون وجها صبة ماتطلع الا بتسحيبة
تحياتي للجميع
أبونورة
14/03/2006, 12:24 AM
وفيه طريقة جربتها وكانت ممتااااااااااازة حصوصاًَ في الرمل أفرش تحت السيارة فرشه ومش السياره عليها حتى تطلع من التغريز

واذكر ان واحد على الهاف مون في الشرقيه قد ساعتين وهو يحاول يطلع سيارته والمشكله من وراء ماتمشي ومن قدام كان مويه البحر

قريبه ولا فاد تنسيم الكفرات معه عطيته فرشه بلاستيك وحطها تحت الكفرات ومشى كنه على الزفلت ومن ذاك الوقت والفرشه صارت شي

أساسي في طلعتي للبر