وش الحل بالهواء اللي يدخل للسيارة ( تراي تعبت من السؤال)

[الرهدن]

السلام عليكم/

عندي هواء يدخل بالأبواب ورحت للنويصر والحربي وحطيت ليات ولانفع
والسياره gxr موديل 99 ومافيها صدمات والحمد لله
غفر الله لي ولكم وشو الحل؟؟

[بيبسي تلقيمه]

لسلام عليكم ورحمه الله وبركاته

اقول هو مجرد اقتراح غير ربلات الابواب وشف راي الشباب بعد

[حر اليدين]

ياخوي حتى ولو كان موترك ماجاه صدوم لاجزع لانه كل الموتر يخشها الهوا

لكن الله يدلك على اللي فيه صالح
اخوك حر اليدين

[Abuanas05]

أخي العزيز
انا كانت لدي نفس المشكله..!!
والحل ببساطه شف اقرب محل زينة سيارات وتلقى عندهم ربله سوداء لاصقه توضع على الابواب وان شاء الله تنحل المشكله
وتكلفتها تقريبا 10 ريالات لكل باب!!

[الشقردي]

ارجع للي صلحولك الليات اذا كنت شارط عليهم لا تخلي دراهمك تضيع هدر

والربل اللي يقول ابو انس جيد جدا

[anas]

يا اخي انا عندي كامري 2003 ازعجني الهواء اللي يدخل السيارة ويطلع صوت ـــ ما ادري هل تقصد هذا ام لا ــ عموماً روح لمحلات ساسكو تجد عندهم ربلات من الإسفنج بأطوال مختلفة وعرضها يختلف كذلك وأصلية افضل من اللي في الغرابي ، انا عن نفسي ركبت منها وسافرت من جدة الى الرياض على سرعة 140 ــ 180 وما طلع الصوت الأسبوع الماضي .. ولله الحمد والشكر .

[بواسامه]

وانا اخوك الهواء لازم مع اي موتر الا المواتر اللي مايحتاج
قبلك واحد بهالمنتدى فكس ار 2005 ويشكي من الهواء
لا يضيق صدرك
واظن حلول الشباب راح تخفف عنك الهواء
واذا ماتبي هواء احرص على السيارات الفخمه لكزس وبنز وانت جاي
عموما
موفق وانا اخوك

[قناص تميم]

أنا قبل مثلك كانت الربلا ت متقطعه ورايحه فيها ويوم غيرة الربلات الحمدلله معد أدري عن الهواء أخوك : صقار نجد ؟

[راعي اللند]

السلام عليكم ورحمة الله وبركاتة
أخي الرهدن...عادتن يكون صوت الهواء من ربلة النوافذ..لاننا بفترة الصيف نرف النافذة الى الاخير وبكذا تكون لازقة بالربل.
علشان كذا تلقى الوكالة مرات يحطون السبب من هالشغلة.ومحتمل من الربلة اللي بين الباب والبدي..وهذي تلقاة عند محلات الزينة تلصق من حهة وحدة فقط.

ونسمع ونسلم.

[بدون مقدمات]

رح لساكو وان شاء الله تلقا الحل
واي خدمه حنا تحت امرك

[ابو خطاب]

http://www.mekshat.com/vb/showthread.php?t=40304

[شعوان السعدي]

لازم تسويلها ميزانية عن الوكالة

[ابو ليان]

ياخوي ريح نفسك وخذلك باترول 0000 لان كل التايوتا فيها نفس المشكلة 00 الا الكز والله اعلم

[ابو خطاب]

الرغاوي الصابونية لوقف الاصوات الهوائية (http://www.mekshat.com/vb/showthread.php?t=40304)

[الرهدن]

السلام عليكم ورحمة الله وبركاته / آسف على التأخير00والمنتدى كان مغلق
جزى الله خير كل من شارك وأبدى رأيه وغفرالله لكم 00والله يزوجكم ذات دين وخلق وجمال :good: ومعه مليونين:p
قولوا آمين ولاتخافون(خاص بالمتزوجين) وخلكم مثلي مايخاف :j
وأخص 00 بيبسي تلقيمة (حلوة)
تمام عليك مع الجماعة 00 وسويت اللي قلته للأسف ولانفع
حر اليدين
صحيح كلامك ولك بمثل
أبوأنس
مانفع معي ربلات الغرابي
الشقردي
رجعت للورشة أكثر من 3مرات إلى أن دبلت أسبدهم ولانفع
أنس
جربت إسفنجات الغرابي ولانفع ولم أجرب حق ساسكو لكن أظن لافرق
يقولون تلين ربلات الأبواب زود
أبوأسامة
آآآآآآآآآآآآه يالدراهم 000 كان ماتغربلت
صقار نجد
غيرت الربلات ب2000 ريال مع التركيب والله مانفع
راعي اللند
كلامك صحيح
عضو بقراطيسه
قده وقدود00 وين يجيك الردى وأنت عضو بها المنتدى
أبوخطاب
رجعت لرابطك 00لكن هل هو عملي
شعوان السعدي
الوكالات شر من وطي الحصى
أبوليان
كان معي أكثر من موديل للباترول00ولاأظن آخذ باترول بعدماجربت اللاند
الخلاصة /
لاتتعب نفسك الهواء داخل داخل وهذ ماأكده لي بن مرضاح لكن لم أعيره إهتمام وخسرت 2000 ريال

أكرر جزاكم الله كل خير وحشركم مع أفضل الخلق محمد صلى الله عليه وسلم

[برادو]

السلام عليكم
الحل بسيط جدا وعلى ضمان الموتر وهي كالتالي
1. رح للوكاله وانشب لهم زي ما سويت انا بموتر الوالد ولا تخاطب مهندس الإستقبال لأنه كالعاده دبشه أطلب مدير قسم السمكره.
2. قله الباب يفتح مع الهواء امش اطلع معي وجرب الموتر.
3. خله يدعس أو انت ادعس الين ما يشبع من سماع الصوت.
4. رجعه للوكاله وخلله يفك الجلد ويدبل تحتها ربلات صغار هم يعرفونها وتراها تباع بساكو.
5. خله يفك الحديده اللي تجي بالبدي من داخل ويأخرها ورا شوي علشان تسحب الباب لداخل.
6. خله يزيت البيبان وتوكل على الله.

واذا احتجت اي شي لا يردك الا السؤال

[الرهدن]

السلام عليكم /
الأخ برادو جزاك الله خيرآ
الظاهر انه مايصلح بها الزمان إلا سواتك00 لكن00 الموتر ماهوب جديد
غفر الله لك ولوالديك..

[عاشق البران99]

أخوي الرهدن :
دامك تقول جربت كل الحلول الي قالوا الشباب فالمشكلة عندك والله العالم من الدرايش لا ربلات ولا بيبان .. مجرد توقع ...



أخوك : عاشق البران 99 ،،،

[b2005]

انا اذكر واحد من اقاربي يشتكي من نفس الحركة وقال انه فيه ناس نصحوه انه يغير الربلات اللي من عبداللطيف جميل ويحط ربلات من البازعي واعتقد انه خفت عنده المشكله بس ما انتهت تماما
لذلك حط في بالك إن الصوت ماراح يختفي نهائيا لكن يمكن يخف واغلب المواتر فيها هالمشكله الا السيارات الغالية مثل المرسيدس الجديد وال Bmw والاشكال هذي (حلوه الاشكال هذي ) وانا عندي باترول جديد وفيه نفس المشكلة

[الرهدن]

السلام عليكم ورحمة الله وبركاته...

الأخ / عاشق البران 99 وإن شاء الله تحقيق لاتعليق عاشق الجنان رقم واحد00
لاأستبعد بأن المشكلة من الدرايش00وعلى افتراض ذلك00 مع ان الدرايش كلها يدخلها هواء وكما أخبرت الأخوان
والله دفعت 2000 ريال 00
أقول إذا أفترضنا00 وش أغير أو أصلح00

الأخ / b2005 غفر الله لك
الله أعلم إن مشكلة اللي تقول خفت لأنه ركب ربلات جدد ونفعت جزئيآ معه00

ياجماعة الخير00 الله أعلم إن قطع الغيار يختلف جذريآ عن شد البلد لذلك لم تنفع معي الربلات الجدد00
والسبب ودهم نستهلك 00لكن وين يروحون من الله00

غفر الله للجميع وأصلح الله لكم النية والذرية 00 آمين

[برادو]

السلام عليكم
الأخ الرهدن الضمان اللي اقصده هو ضمان الإصلاح تويوتا يعطونك ضمان على اي اصلاح لمدة 6 اشهر أو 10000 كيلو

[الرهدن]

السلام عليكم 00 الأخ برادو00
جزاك الله خيرآ على المتابعة00
والآن الصورة واضحة جدآ ومفهوم كلامك00
لكن ضمانهم 00هل له مصداقية00 لأن لي ولغيري تجارب مريرة معهم 00



أخوك الرهدن

[ابو ســــاره]

الزجاجة الامامية للسيارة على اطرافها من اليمين واليسار تجويفات تمتد من الاسفل الي اعلى التنده تقوم بسحب ماء المساحات الفائض وتصدر صوت عند اصتدام الهواء بها .
اذكر ان احد الاعضاء كتب عن هذا الموضوع ووضع صور لها .

[عريس في باريس]

ركب جلد مدبلة تلاقيها في الصناعية

[الرهدن]

السلام عليكم 00
الإخوان أبو سارة وعريس في باريس(لك رسالة خاصة)
جزيتم خيرآ على مروركم 00

ياليت مزيد إيضاح أو رابط00



أخوكم الرهدن

[تــــوني]

ياعم الرهدن لا لقيت الحل لا تبخل علينا ورحم الله والديك عن النار

[برادو]

السلام عليكم

اخي الرهدن انت انشب لهم ولا تضيع حقك ولا تضيع فلوسك عند الورش بدون ما تلقى حل. الوكاله ملزومه بس انت سو اللي قلت لك ووفر قريشاتك وانا أخوك انا مجرب ما اتكلم من عبث وابشرك مهوب بس مع تويوتا مع هيونداي بعد

[هاوي خلا]

أخوي الرهدن سبق أن عانيت من نفس المشكلة ولا غيرت ربلات ولقيت واحد من البيبان ما وزن مضبوط وقدرت ولله الحمد أن أوزنه وراحت الأصوات فأنت عندك عدة طرق أولاً شيك على الربلات ، ثانياً أوزن البيبان وهذا مهم جداً ، وثالثاً تأكد من الدرايش القزاز يمكن ما يطبقن على الربل بالشكل المطلوب ، واذا ما نفع شغل المسجل أو الرادو وارفع صوته والله يعينه على الدوخه .
أخوك / هاوي خلا .

[الرهدن]

المنتدى يعلق وثقيل مما جعل المشاركات تتكرر 00



أخوكم الرهدن00

[الرهدن]

السلام عليكم00 الأخ / توني
إن شاء الله إذا وجدت حل لأبلغكم00



الأخ / برادو
وش رايك أمر عليك ونروح نكسر روسهم 00


الأخ / هاوي خلا
هذي والله اللي ماطار طيره00
وبس مير00
وإن كان المسجل كربان00





غفر الله للجميع00




أخوكم الرهدن00

[برادو]

أخي الرهدن انت طلبت الشور منا وحنا عطيناك اياه ولا ذكرت في اي رد من ردودي طاري تكسير الروس. انا علمتك انا وش سويت والحمدلله اخذت حقي وصلحت سيارتي ولا خسرت فلوس بالصناعيات وعند محلات الزينه وبغيت لك الفايده. الإستهزاء ماأعتقد انه يدل على احترام هنا وان كان ماعندك استعداد تحترم الناس لاتطلب رايهم وانا خوك.

[الرهدن]

الأخ / برادو00


غفر الله لك00 والله ماقصدت ماترمي إليه00
والله لقد شطحت بعيد00 بعيد00 بعيد
والله أعرف انك ناصح00
والله لن أدع للشيطان علينا باب00


غفر الله لك00 ولوالديك وأصلح الله قلوبنا وذرياتنا00 وكل من له حق علينا00

آمين00





أخوك / الرهدن00

[ماجلان]

بيض الله وجهك أخي الكريم الرهدن

مثل هذا الموقف هو ما يجعلني أفتخر بكوني عضوا في مكشات
أخي الكريم برادو أنت ما قصرت في ردك ومتابعتك وإن دل ذلك على شيء فيدل على حبك للمساعده وحرصك على إفادة إخوانك ولنقدم حسن الظن ببعضنا البعض فذلك يذكي روح الموده بين الإخوان
حفظ الله الجميع

[الرهدن]

السلام عليكم 00 الأخ / مشعل ( برادو )


جزاك الله خير على قبول اعتذاري وغفر الله لك00
وماحصل إلا كل خير00 يكفي إني تعرفت على هااللحية الغانمة00
وهذا بفضل الله ثم بوجود هذا المنتدى الرائع بأعضائة ومشرفيه ومنهم أبوطلال ( ماجلان ) الذي أخجلنا بأريحيته وتوجيهه00
أسأل الله العظيم أن يصلح قلوبنا ويهدينا لأحسن الأقوال والأفعال00



أخوك / الرهدن

[بدون مقدمات]

لقيت الحل وجربته
شف وانا اخوك
الحل انت تجيب لي مكيف صحراوي ومشرط وتشق الربله بشكل عمودي
وبعدين حط اللي في زيت ودخله داخل الربله حقت الباب
وان شا الله تدعي لي

[الرهدن]

السلام عليكم 00 أخي / عضوبقراطيسة00
غفر الله لك00 ذكرت ذلك سابقآ الله يعظم أجرك 00


أظن إن هذا اللي أعدم الربلات عندي00 وضع مثل هذا اللي
أولآ تسكيرة الباب صعب 00 و
الربلات تلين مع مرور الوقت00


ممكن يصلح هذا مع الباب أو الشنطة الخلفية00 لأن استخدامه قليل00


أخوك / أبومحمد

[الرهدن]

السلام عليكم / اخواني00
غفر الله لي ولكم ولكل مسلم ولكل من شارك00 وهم

بيبسي تلقيمة00
حراليدين00
أبوأنس(05)
الشقردي00
أنس00
أبوأسامة00
صقار نجد00
راعي اللند00
عضو بقراطيسة(شارك مرتين)00
أبوخطاب(شارك مرتين)00
شعوان السعدي00
أبوليان00
برادو(4مرات)00
عاشق البران 99
b2005
أبوسارة00
عريس في باريس00
توني00
هاوي خلا00
وأتحفنا مشرفنا الفاضل (أبوطلال)00ماجلان00 بتوجيهاته00

ومن لايشكر الناس لايشكر الله سبحانه00

أقول00
وجدت المشكلة ولله الحمد00وحليتها أيضآ00

وأخص بالشكر : هاوي خلا00
<TABLE class=tborder cellSpacing=1 cellPadding=6 width="100%" align=center border=0><TBODY><TR title="المشاركة 431863" vAlign=top><TD class=alt1 align=middle width=125>هاوي خلا</TD><TD class=alt2>أخوي الرهدن سبق أن عانيت من نفس المشكلة ولا غيرت ربلات ولقيت واحد من البيبان ما وزن مضبوط وقدرت ولله الحمد أن أوزنه وراحت الأصوات فأنت عندك عدة طرق أولاً شيك على الربلات ، ثانياً أوزن البيبان وهذا مهم جداً ، وثالثاً تأكد من الدرايش القزاز يمكن ما يطبقن على الربل بالشكل المطلوب ، واذا ما نفع شغل المسجل أو الرادو وارفع صوته والله يعينه على الدوخه .







أخوك / هاوي خلا .






</TD></TR></TBODY></TABLE>
يقول جزاه الله خير00

وثالثاً تأكد من الدرايش القزاز يمكن ما يطبقن على الربل بالشكل المطلوب 00

فعلآ هذي المشكلة00
والحل00
مطابقة الربلات مع الزجاج 00
فمع مرور الوقت يحصل ارتخاء وميلان للربلات ولاتنطبق تمامآ عند غلق الزجاج مما يجعل الهواء يدخل00



وصلى الله على نبينا محمد وعلى آله وصحبه00
وآخر دعوانا أن الحمد لله رب العالمين00

.

[راعي البير]

السلام عليكم

اولا.لاتصك الابواب والدرايش مقفله نسم لها شوي
ثانيا.نصيحه افتح الباب واعفطه من فوق بيديك على جوى وبلانويصر بلاهم ولا يهون وسلامتكم

[الرهدن]

السلام عليكم / أخي راعي البير00

كلامك في محله00 لكن الله يعظم أجرك أجزم بأنك لم تقرأ ردي الأخير00
غفر الله لك أخي وعفا عني وعنك وعن كل مسلم00


.

[Alhzzen]

في شركات عالمية انا سمعت عنها بس مادري شسمها ووين
تحط لك عازل زي المادة السودة وبعدين تطلع زي الربل
بس تدري شغل عالمي

اكييييييييييد بيلع مضبوط



شكرا

[الرهدن]

السلام عليكم / أخي الحزين00

مافهمت شئ وأنا أخوك00

.

[Alhzzen]

مو في شركة عالمية حق التضليل مثل في كول
في شركات عالميه متخصصه حق العزل عزل الصوت حق الهواء صوت المكينه
انا مادري وين موقعهم ومكانه واسعارهم انا سمعت فيهم

هاذاا الي اقدر افيدك فيه

شكرا

[الرهدن]

السلام عليكم / أخي الحزين00
جزيت خير على نصحك وبارك الله فيك00
الآن فهمت ماترمي إليه00
ومايمنع من يعرفهم يدلنا عليهم لتعم الفائدة00



الشاهد00
إنتهت مشكلتي والحمد لله ولي أكثر من سنة وليس للهواء علي سبيل إلا بفتح النافذة00

المشكلة :
نافذة الزجاج ما تطبق على الربل بالشكل المطلوب 00
والحل00
مطابقة الربلات مع الزجاج 00
فمع مرور الوقت يحصل ارتخاء وميلان للربلات ولاتنطبق تمامآ عند غلق الزجاج مما يجعل الهواء يدخل00


.

[شامخ ألهيلا]

لايوجد حل لهذي المشكله الا انك تغير كل شي ربلات جيب لكزس وتزود خسايرك خساير

بس وانا اخوك اصوت الي مع الابواب بسيطه المشكله الي مع الدرايش الي هو الصفير مايروح ابد لان فيه فتحات بين القزازه الجانبيه وبين الربله وهذا هو العله
انا غامرت مره عندي يمني راعي فزاز وحطللي سيلكون بين القزازه والربله صراحه اسبوع كامل وانا ماعندي صوت
بس السيلكون مبين على القزاز وشكله يسد النفس
ورحت لم فلبيني حق التلميع ونظفلي السيلكون من اربلات 100 ريال يعني خساير x خساير
يعني ريح بالك وخلك على مشكلتك والخساير الي خسرتها يمديك بعت موترك وشريت موديل احدث

[الرهدن]

أخ محيميد2005

تقول00

بس وانا اخوك اصوت الي مع الابواب بسيطه المشكله الي مع الدرايش الي هو الصفير مايروح ابد لان فيه فتحات بين القزازه الجانبيه وبين الربله وهذا هو العله


جزيت خير على المرور لكن00

ياليت وأنا أخوك قريت الرد الأخير وبتمعن00 لأن مشكلتي صارت مع الدرايش ووجدت ولله الحمد الحل.

والحل00

مطابقة الربلات مع الزجاج 00

فمع مرور الوقت يحصل ارتخاء وميلان للربلات ولاتنطبق تمامآ عند غلق الزجاج مما يجعل الهواء يدخل.

.

[عرهب]

الأخ الرهدن : كيف عملية مطابقة الربلات مع الزجاج هل هو عند مختص أم أنك أصلحتها بنفسك وشكراً

[مـدحـدر]

سيارات تويوتا كلها يدخلها هواء

غير السياره وارتاح او اصبر

[الرهدن]

الأخ الرهدن : كيف عملية مطابقة الربلات مع الزجاج هل هو عند مختص أم أنك أصلحتها بنفسك وشكراً





في ورشة سمكرة



.