المساعد الشخصي الرقمي

مشاهدة النسخة كاملة : سؤال للطباخين المهره


مغرم مقناص
14/02/2006, 05:39 AM
السلام عليكم ورحمة الله وبركاته

ياشباب اسعد الله اوقاتكم بكل خير

عندي سؤال للعارفين طبعا

وهو كيفية الطبخ في الكاتم سواء كان لحم او غيره

وياليت يكون مع الشرح المفصـــــــل

لكم مني اجمل التحايا
سحاب1111
14/02/2006, 01:47 PM
السلام عليكم ورحمة الله وبركاتة
والله الطبخ ياخوي يعتمد على عدة امور
1/حجم الكاتم لابد ان يكون كافى لعدد الاشخاص.
2/نوعيت الرز هل يحتاج تنقيع اولا.
3/نوع الحمة. (حاشي - غنم - سمك ) ومن الممكن ان الحم يكون شوي على الفحم او قسدير اوغير ذلك .
1/بعد ان تحدد نوع القدر فمثلن الخمسة لتر يكفي خمسة اشخاص الى ستة .
2/نجى ونضع الكشنة (بصل+طماط+ثوم+حبحر امقطع+زيت) طبعاً الكشنة حسب الرغبة كل واحد والاصناف الى يحب .
3/بعدين يجى دور طبخ الحمة هل تحب تطبخة مع الرز او بدون .
4/اذكان مع الرز راح نحط الحمة فوق الكشنة بعد ماتكون الكشنة خلصت
5/مدة طبخ الحمة 20 دقيقة - والدجاجة 15 دقيقة .(طبعاً يكون الكاتم يصفر)
6/بعد مرور الوقت المحدد قم بوضع الرز على الحمة .وثم قم بوضع البهارات والملح وماتحب من التوابل . ولابد انك تعرف مقاس الماء الى راح تحطة وهاذا يعتمد على نوعية الرز .
7/الوقت المحدد لرز هو 10 دقائق على الاكثر
8/ لابد انك تتئكد من وضع القدر بشكل سليم اى لايكون مائل . ولابد ان تكون النار هادئه .
بعدين اعلم ان الطبخ لن يكون 100/100 فى اول مرتين اوثلاث ولاكن بعد كذا راح تكون افضل طباخ
والله يوفك وييسر امرك
zaid992
14/02/2006, 01:49 PM
--------------------------------------------------------------------------------

الأخ مغرم مقناص
السلام عليكم ورحمة الله وبركاته

بقولك الطريقة وهي سهله
1- تقطع بصلتين وتحمسهم في قليل من الزيت في القدر الكاتم لين يصير لونهم اشقر غامق
2- تحط طماطتين مقطعات وتحط اللحم دجاج والا غنم والا حاشي
3- تحط قرنين فلفل وفص ثوم كامل بدون ماتقرشه خله على شكله
4- تبدا تقلبهم لين يذوب الطماط
5- تحط المويه الحاره ولا تهتم بكمية الماء ماعليه صب ثلث القدر لان وزنة المويه راح اذكرها لك الا صبيت الرز
6- تبداء تقلبهم وتحط صلصه لين يصير الماء احمر وتحط الملح والبهارات


7- اكتم القدر زين واذا بداء ينسم قوه احسب الوقت زي ماقولك
لحم الحاشي 25 دقيقه
لحم الغنم 20-25دقيقة
لحم الدجاج 10 دقايق
8- اذا انتهى الوقت افتح القدر وحط الرز وتقدر تقدر الكميه بنص كاس للنفر واهم شي أغسل الرز زين ونقعه قبل ماتحطه في القدر
اللحين بقولك كيف تضبط المويه على شان يصير زرك مزبوط :good:
اذا نضفت الرز وشطفت مويته افتح القدر بعد ماطبخ اللحم وصب عليه الرز وقلبه بالملعقه لين يختلط مع اللحم وشف المويه تصير مغطيه الرز واللحم وزايد عليهم بنص سانتي يعني المويه فوق الرز بشي بسيط :good2:

9- طبق غطاء القدر وشغل عليه على نار هادئة واحسب بالظبط 15 دقيقه
وبالهناء والشفاء :D
المراتب
14/02/2006, 02:08 PM
1\ قطع بصل وحطه بالقدر
2\ صب شوي زيت عليه وحركه لين يصير لونه قريب للصفار
3\ ثم حط شوي ملح +بزار +قرفه+ليمون أسود وحرك شوي .
4\ حط طماط مقطع وحرك شوي
5\ حط شوي هيل
6\ حط اللحمه أو الدجاجه .
7\صب شوي ماء إلى تقريبا ربع القدر
8\ حط الرز مقدار الاشخاص
9\زود الماء إلين يغطي شوي الرز
10\ حرك بالملعقة شوي
11\ ثيت الملعقة بالوسط (( إن سقطت فالماء واجد قلله )) وإن ثبتت فالماء ممتاز
12\ أغلق القدر بإحكام وضعه على النار
13\ إذا بدأ يصفر إحسب 20 دقيقة للحم من 10-15 دقيقه للدجاج .
14\ ثم أرفع صمام البخار إلى خروجه نهائيا (( إذا كنت مستعجل حط القدر تحت الماء ويطلع بسرعة )) .
15\ أنتسبه على الصحن (( على قوله أهل القصيم )) .

وبالعاااااااااااااااااااااااااااااااافية حبيبي .
طشي وامطري
14/02/2006, 03:07 PM
ما ودي أزيد على ما قالوه الربع لكن أهم شيء في الطبخ "النَفَسَ"
مغرم مقناص
15/02/2006, 02:42 AM
ساردار





zaid992



المراتب



طشي وامطري





اخواني الكرام سعدت جدا بسرعة ردودكم وسلمت ايديكم على هذه الوصفات او الطرق التي افدتوني بها



لكم مني جزيل الشكر والتقدير
سحاب1111
15/02/2006, 08:05 AM
وعليكم السلام ورحمة الله وبركاتة
الله يحيك
والله ماسوينا الا الواجب
ولدينا المزيد
نحن هنا اخوان وزملأ