المساعد الشخصي الرقمي

مشاهدة النسخة كاملة : عجاج ياراعي الباث


s3ed
14/02/2006, 08:53 AM
اخوي عجاج

من قبل كم يوم رحت محل 4*4 لبيع لوازم السيارات الدفع الرباعي


قلت اسأل عن المساعدات لاخوي عجاج

جبت لك اسعارها بس هذة من دون التركيب

نوع المساعدات oldman استرالية

نفس هذة


انا جربتها على النيسان الربع وكانت جيدة

نفس هذة
http://www.pangaea-expeditions.com/products/brand/omeprodindex.html

http://www.mekshat.com/pix/upload/images14/mk11661_sas.jpg
s3ed
14/02/2006, 11:38 AM
????????

وينك ياعجاج
نمر بن حثلين
14/02/2006, 03:10 PM
مشكور يا اخ سعيد

وبالنسبه لاخوك عجاج صرف نظر عن المساعدات وركب كعكات سفاري على الياي ب40 ريال
ويمدحها بالحيل يقول ان الموتر ما عاد ينزل مع التحميل

عاد مادري المدح هذا فعلا لان الكعكات ممتازات او ان الرجال جايز له الرخص
sultan8861
14/02/2006, 11:57 PM
اذا فيه احد مركب مساعدات استراليه على الباث نبغاه يفيدنا عنها لااني محتار اركبها والا لا
s3ed
15/02/2006, 06:42 AM
نمر بن حثلين

هلا وسهلا
مشكور على الافادة بس
حبيت اوضح كلامك بهل البيتين للشاعر الامير خالد الفيصل



يامدور الهين ترا الكايد احلى **** واسال مغني كايدات الطروقي
الزين غالي لاكن الأزين أغلى**** والكل شراي بضاعه وسوقي


sultan8861


ياطويل العمر ماعرف حد مركب بس اذا شفت حد بٍسألة وبرد عليك الجواب ان شاءالله
تحت الظل
15/02/2006, 09:18 AM
بالنسبة للي في السعودية , رحت وسألت عن أولد مان ( للباث ) في ( الرماية ) وطلع سعر المساعدات الخلفية بـ 480 ريال

والامامية بـ 1200 ... اذا ما كنت غلطان ان شاء الله
..............

أبي أتأكد وأرد لكم خبر
.
.
ابوقاسم
16/02/2006, 12:24 PM
وراكم على الاسترالي ....................انحش يخوك تراي ركبته ولا جازن لي قاسيات ومطبهن يكسر الظهر
رحت وركبت ماركة مونرو ارخص منهن ومطبهن هادي ويحليله وهن معي لهن اكثر من سنة ونص ولا اشتكن من شي والطقم كامل طلع على ب900ريال
PATH 2005
16/02/2006, 05:11 PM
..

يا أخوان نبي واحد يفيدنا بالمساعدات الممتازة ..
وخصوصا للنفود ..

لأن مساعدة الوكالة .. دايم ينزل الوجه مع أي نزلة ..!!!!

<- تراي أتكلم عن "الباث" بس ..!!

..

..
ناجز
16/02/2006, 07:24 PM
المشكلة ياشباب اني يبيلي اربع مساعدات لان القدامية متفقعة والي ورا يقولون انها حقت سيكل
ساعدوني باأهل الباث
s3ed
17/02/2006, 01:24 PM
بما ان الباث فايندر سيارة جديدة وكثر استخدامها حاليا

ليش ياشباب

مانسوي موضوع خاص عن الباث وشو مشاكلة واحسن الطرق لحلها لتعم الفايدة للجميع

والله الموفق




ملاحظة انا عندي vxr:D
sultan8861
17/02/2006, 05:38 PM
وانا اضم صوتي لصوت سعيد
s3ed
18/02/2006, 07:22 AM
يالله شدو حيلكم ياراعين الباث
بعيد الهقاوي!
18/02/2006, 05:08 PM
:j يا راعي الباث............ أول ما شريت الجيب تعبت مع المساعدات واليايات( وين الزين وش أركب) وبعد كثرة الأسئلة
ركبت يايات أسترالية أمام وخلف بـ1050 من الرماية ومساعدات خلفية مونرو بـ200فقط. أتمنى إني وصلت المطلوب :)
ابوقاهر
18/02/2006, 05:44 PM
السلام عليكم

وشوانتو عليه

انا قالي واحد ركب مساعدات جبرين

وشرايكم فيه هو زين والا شين

وسلامتكم
عجاج
18/02/2006, 09:03 PM
السلام عليكم ورحمة الله وبركاته

الله يعطيك العافية اخوي سعيد وماقصرت واااسف على تأخر الرد لاني كنت كاشت

انا بصراحة كنت ابحث عن أفضل( مساعدات أو يايات أوبالونات ) لاني اذا حملت الموتر مع وجود تانكي الماء ينزل الموتر جدا من ورى واحس ان المساعدات تقل منفقعة مع المطبات وكنت ناوي اذهب لمحل 4*4 ابركب بالونات ولكن مثل ماقال اخوي نمر بن حثلين ركبت (كعكات باترول للباثفندر) بخمسين ريال قلت اجربهن كان نفعن ولا رميتهن ولكن الحمد لله الان لي تقريبا 20 يوم بعد ماركبتهن احمل الموتر واكشت بالفياض والشعبان ولا ينزل من ورى موتري الا شي بسيط ولا فيهن اي مشاكل والله يجزى خير من شار علي بالكعكات ( والمثل يقول ماخس من تجربة )والحمدلله تجربة ناجحة.. وجزاك الله خير اخوي سعيد وجميع الاخوان
salehhd
19/02/2006, 12:25 AM
السلام عليكم

مشكور على الافادة والمعلومات وشكلي بركب كعكات وبجرب بس هل تركيبها سهل ومين يركبها
وهذا سعر 1 ولا الطقم واشريها من وكيل نيسان ولا من وين
s3ed
19/02/2006, 09:13 AM
اول شي الحمدلله على السلامة ياعجاج


ممكن اتحط لنا صور الكعكات
عجاج
19/02/2006, 01:26 PM
عليكم السلام اخوي salehhd والله يسلمك اخوي سعيد

الحقيقة ماعندي كمرة اصور الكعكات ولكن هي عبارة عن قطعتين المنيوم على شكل طاسة مفتوحة من الوسط ارتفاع الوحدة 3سم يوضعن تحت اليايات بالخلف ( يلقفن اليايات) وذلك يؤدي الى ارتفاع الياي 3سم ... والسعر 50 ريال للثنتين والتركيب لايتجاوز 50 ريال خلال نصف ساعة ومكان البيع عند محلات قطع الغيار واذا ماحصلت تجدها عند المخرطة لان محلات قطع الغيار يأخذونها من المخارط .. ارجو ان المعلومة وصلت
salehhd
19/02/2006, 05:38 PM
السلام عليكم
ان شاء الله بروح الصناعية هذا الاسبوع ودور عليها

بس ما تطلع صوت احتكاك حديد مع الياي
غضنفر
19/02/2006, 05:43 PM
عجاج
طيب على كذا الموتر بيرتفع من ورى فقط
هل تركب الكعكات من قدام
عجاج
19/02/2006, 08:28 PM
السلام عليكم
فعلا الموتر بيرتفع من ورى واتصلت على الورشة الي ركبت عندها الكعكات استفسر عن امكانية تركيبها من قدام وقالي الفني ممكن ولكن نصيحتي لك انك تركبها من ورى فقط تجربها واذا حسيت ان سيارتك تحتاج تركيب كعكات للياي الامامي فأنت لك الخيار .
والجواب على هي لها صوت احتكاك او لا... الصحيح ان مالها اي صوت ومشيت فيها بشعبان التيسية ولله الحمد مافي اي صوت
ابوقاهر
02/03/2006, 03:57 AM
السلام عليكم
اما بالنسبه لي شخصيا ركبت مساعدات اسمها جبريال امريكي ولها
ثلاث مستويات
شديد وسط وخفيف
وقيمتها الثنتين الخلفيات 150 ريال فقط والله الحين استخدمها وماشيه مع المطبات وفي البر زينه

وسلامتكم
ندمان
10/03/2006, 01:10 AM
انا معي باث 2004ومركبله يايات ومساعدات استراليه خلفية ومن ابدع مايكون
عاشق باثفندر
11/03/2006, 12:11 AM
مشكووووووووووورين على الموضوع


سي يو
ابو؟؟؟
12/03/2006, 11:02 AM
السلام عليكم

انا مركب ياي استرالي ومساعدات جبريل ورا

وكعكات ورا وقدام والحمدالله كل شي تمام ولا يتزل الا شوي مع التحميل

ومركب كفرات بالون 900علي الباثفندر

وشكرا
][عزام][
12/03/2006, 12:52 PM
اخوي عجاج ممكن اسم الورشه اللي مركبه لك الكعكات لا هنت؟

سؤال اخوي عجاج هل نزل وجه الموتر يوم رفعته؟

وسؤال للجميع وش احسن مساعدات مونورو ولاجبريال؟
سحاب1111
12/03/2006, 01:29 PM
والله الشباب ماء قصرو
يعطيكم العافية
ندمان
12/03/2006, 10:47 PM
ياخوي ياراعي البالون ممكن تورينا صورة البالون على السيارة؟
ابو؟؟؟
13/03/2006, 10:47 AM
السلام عليكم

عجزت ابغي انزل الصور بس ما هي راضية تنزل
علموني الطريقة وابشرو بعزكم

وشكرا
ابو؟؟؟
13/03/2006, 11:23 AM
السلام عليكم هذي صور موتري بالبوالين

بس اذكرو الله http://mekshat.com/vb/images/smilies/smile.gif


http://www.mekshat.com/pix/upload/images15/mk19055_07012006179-small.jpg


http://www.mekshat.com/pix/upload/images15/mk19055_29122005161-small.jpg


لا اله الا الله


شرايكم بالموتر؟؟
ندمان
13/03/2006, 03:01 PM
لو سمحت يابو البوالين ما تحك في الرفارف قدام وورا؟؟
ابو؟؟؟
13/03/2006, 04:09 PM
السلام عليكم

لا مايحك لا من ورا ولا قدام بس انا رافع الموتر من ورا وقدام وركب
بس يحك اذا اسرعت لازم تقص من داخل الرفرف شوي ولا يحتاج اصلا لان اذا حك ثلاث او اربع مرات خلاص بيضبط
ندمان
14/03/2006, 12:17 AM
طيب يابو ليش ماركبت مقاس 825 احسن !؟
أبوناصر
19/03/2006, 01:26 AM
معكم يبيلنا أهل الباث موضوع خاص لأننا واجد

بالنسبة للنزول ركب يايات استراليه ممتازة أنا مجربها ومطبها سهل جدا ما تفرقع أبد

اليايات الأصلية ما بعدها ولا قبلها لكن المونورو ممدوحه ولا جربتها