يارياجيل لقيت طلبي بس اباخذ رايكم وشرايكم في اكسبلورر 2010

[ولد روووق]

يعني اباها للبر وهعل هي تماتيك لان الحمد لله قسطها حلو بدون دفعة اولى ولااخرى تسيف الجيب للبر وشكرا

[paper]

زين بس بالبر مهب زين
رفيقي معه واحد 2008 توه موضب قيره (فيه مشكله بالقير ) كذا واحد موضبه!!!!!
لكن بالديرة والسفر حلو
الله يختار لك الخيرة.

[نمرمكشات]

اقول انا لو تاخذ يوكن يكون افضل لاكن مابي اغير رايك كلن على ما يشتهي
اعرف واحد من اخوياي كان معه اكس بلورا وباعه واخذ يوكن..

[ولد روووق]

طيب اليوكن وشرايكم فيه بالبر والنفود وكم قسطة وهل فيه دفع اولى وزاخيرة

[بدر20]

الله يوفقك

[ولد روووق]

امين يابدر جزاك الله خار

[بن مانع التميمي]

والله ياولد روووق مالي خبره


وان شاء الله يجي الفاهم ويعطيك العلم الوكااااااااد


تحياتي لك

[عبدالله جسار]

2010 ممتاز من جميع النواحي.... نسم الكفر ولايردك شي... وكثير احيان مايحتاج تشغل الدبل..


ولكن اذا طلعاتك كثير ماينفعك خذ لك سيارة ماتتفكك. ومرتفعه اكثر.

[شمساوي]

والله لو يجيني هديه والله مأخذه بالله عليك تبي اكسبلورر يصلح للبر هذا سؤال

الجيوب التايوتا يالله تتحمل تبي الخايس الامريكي يتحمل

اكثر خراب قير هو اكسبلورر

نصيحه دور لك موتر تايوتا وابعد عن الامريكي

[k1881]

طيب ياجماعه وش الافضل اليوكن والا الاكسبدشن اليوكن2008 الان سعره 145000 ريال

والاكسبدشن وكاله 128000 ريال

وش رايكم

[ديرتي نجد 999]

فكسار --- فتك --- جكسار

وريح راسك

[ابو تركي 2012]

البر مايبي لة الا الجيب لاندكرور وبس

[kifal7al]

تباها للبر اشتر شاص :D

[محمد56]

الله يرزقنا ويرزقك من واسع فضله

ونفك جيوب جديده يا ول روووق

[ولد روووق]

مشكورين وجزاكم الله خار

[ابونبيل]

لا تبعد عن التايوتا بس

شيك بجيبك ويرفع راسك بالبر

[مزن من المنشا]

الله يوفقك ياولد روق
اول شي الناس اعداء ما جهلوا والاكسبدشن يعتبر مجهول عندنا واللي تباه للبر ماهو الاكسبدشن البر يبى له موترن قوي هذا والله يوفقك للي فيه خير وخيرة