أفضل كفرات لتاهوz71 خط + بر

[مقناص10]

السلام عليكم ورحمة الله وبركاته
اسعد الله اوقاتكم واوقاتنا بالفرح والمسرات

بعد تقلبات بصفحات الانترنت والمواضيع المتعلقة بالكفرات وكل ينتقد الاخرى
وبعد اخذ لف بمحلات الكفرات ومعرفة بعض الاسعار ....

احببت ان استفيد من اعضاء هذا المنتدى وكلي عشم في أن يفيدوني بمالديهم من خبرات

اريد احسن كفرات من ناحية
الهدوء بالخط والرساوة وتكون ممتازه لأن الواحد يسافر مع اهله فيبغى الراحه
الصبر واالتحمل ..تعيش
ليونتها
وتأدي غرضها بالبر والمناطق الحجرية الواحد ممكن يروحلها لكن المشي حيكون بهداوه

المقاس طبعا 265/70/17 وابغاها لتاهو موديل 2006

طبعا تحيرة بين بعض الاصناف وهي
1/ برجستون وجدت سعره حول 730
2/دنلوب 600 وشوي
3/ كوبر الامريكي 620 وفي واحد يقول ب10 طبقات ب720.. والظاهر الله اعلم ان هالامريكي يجي عرض يعني اعرض من مقاسه الحقيقي بكم بوصه...
4/ الميشلان ب 1000 وهذا استبعدته..

فاتمنى منكم المساعدة والفايدة لي ولغيري ممن يمر على الموضوع
لأن والله الاسعااار نااار الله يستر ويحمينا
ومايبغى الواحد يحط هالقمية وبعدين ينقهر من الكفر واصواته

والبعض قلي اركب العريض يعني 275/70/17 لأنه يفرش زين بالبر
لكن ما ادري تجي زينه على السيارة وكوويسه بالخط لا رجه ولا شئ ولا كيف


بالنسبة لأختيار مقاايس الكفر ماعليكم عندي من حرارة وتحمل و...

بس ابغى الكفر المناسب من المجرب وما ودي اغير المقاس لأجل ما ادخل فمتاهات بعدين ........

وإذا تعرف احد من جيرانك اصحابك راعي طلعات مع نفس السيارة اسأله ولا تبخل علينا
وبإذن الله بركبها بعد اسبوع لأسبوعين يعني في فرصة نفيد بعض ان شاءالله

====
وإذا يحتاج إضافات من اجل البر مساعدات يايات ...وش تنصحوني فيه ولأني ابغى احفف الحمل على الدفرنس الخلفي..

عاد لا اوصيكم ما نبغى فرجه نشوف مشاهدات كثيرة ولا ردود ردو بارك الله فيكم لكن لاتحيرونا وعن خبره ياليت

لأن الواحد ممكن يمر على الموضوع بعد 5 سنوات ويستفيد مثل مانمر حنا على مواضيع قديمة ونستفيد

طولت عليكم
الله يوفقنا وياكم

[شبل الطنايا]

بدون تفكير او مشاورة

الدنلووووب واحرص عليه من موكيل معتمد

[mody s9]

اخوي انا عندي نفس موترك بس موديل 2005 وقبل سنه ركبت طقم هانكوك (2050) ريال المهم وانا اخوك انها مريحه بالسفر بس بالبر انا طلعاتي قليله جدا بس انتبه انت لازم كل 6 شهور تسوي مقص للكفر عشان المسحيه تكون وحده والله يوفقك ان شاء الله

[مقناص10]

بارك الله فيكم يا اخوان وسهل الله عليكم كل عسير
بس لابد يا اخوي شبل من المشاورة والدنلوب اعتقد وكيله بن زقر...وما ادري إن في عدة دعسات في دنلوب وايهما افضل لأن اللي احصلت الظاهر اي تي 20

BFGoodrich موجوده عندنا وش وكيله وين احصلها بالغربية؟
مثل هذا الكفر
http://www.pneusfacil.com.br/pneu_perfil.php?tire_id=1776&marca=BFGoodrich&modelo=All%20Terrain%20T/A&medida=265/70R17
والله العالم انه لكل التضاريس...
وتقريبا نقشة الكوبر اللي شفته قريبه منه وكليهما امريكي

وانت صادق اخوي او كل 10 ل15الف كيلو وهذا افضل ويعمر بالكفر بعد الله سبحانه ..

ننتظر المزيد من الفائدة من بقية الاخوان المجربين وممن يمرو بالموضوع نتمنى منهم العودة المرة الثانية بفائدة وشئ يخدم الجميع وخاصة صاحب الموضوعع :) احم احم .....بس والله اتمنى الشور الزين واللي مايخيب بإذن الله بالكفر اللي يخدم بالخط والبر ..
وفق الله الجميع لكل مايحبه ويرضاه

[زيد الزميلي]

حسبنا الله ونعم الوكيل جشع تجار والوزاراة دارية حرام والله مانقدر نشتري اعزكم الله كفارات ياالله تاخذ قرظ من البنك أويدرجون مع قائمة القروض قرض كفرات زي قرض الزواج؟؟؟؟؟؟؟؟؟؟؟؟؟؟وين المسؤول عن ارتفاع الكفرات اصبحن كاالمواشي االاضاحي حرام يصير هذا الغلا والله حرام

[مقناص10]

حياك اخوي زيد هذي وانا اخوك يبغالها جلسه وفتح موضوع لوحده ونوصل صوتنا للمسؤلين على قولتهم إذا ماعندهم علم نعلمهم
الله سترك الاضاحي قول بسبب الشعير اللي رفعو سعره حتى اصبح كاهل على اهل تربيتها ..يدفع فلوسه كله يوكل هالبهايم واهله يدوب يلحقهم شئ
لكن كفرات وش معليها مثل الزيوت وغيرها بس نزل الملك قرار نسبة المعيشة ..جاتك الاسعار دبل وفووق فووووق فووووووق مررررره ماتنلحق
اول تطقم كفرات 1200 قول 1600 الان 3000 وفوق وكل شئ غاااالي يعني ما اقدر اعدد لك
وهذي والله اني ناوي انزل موضوع عنها بس إذا سبقنا احد كان خير وبركه

وما نبغى نخرج عن موضوعنا
ولو كانت الاسعار مثل اول كنا طقمنا كفرات للبر وكفرات للخط بس وش نقول غير حسبنا الله ونعم الوكيل
وتاخذ قرض يأكلك البنك 5 سنين كل ماقالولك اهلك جيب شئ قلت ماعندي شئ وبعدها تطق كمان قرض بسبب الحاله
الله يبعد الجميع عنه ويفرجها عن الجميع ويكسبنا المال الحلال .......

المهم لاتنسون الموضوع بالاول اي نوع افضل ويالله ييسر مالها ويتدبر ويعوضنا خير

[قازان]

إنحش عن الدنلوب

يدوم معاك ثمانية شهور تقريباً بدون صوت

بعدها ودك تبيع الموتر بسبب صوتهن المزعج

والله يا عندي اكسبديشن كان فيه دنلوب كنك راكب عراوي موب جيب لين رميتهم في الزبالة وافتكيت

[فهم العدواني]

اول مره اعترف باليوكهاما اثره كفرماهو بسيط ليونه عجيبه قوة تحمل وكل اللي شرت عليهم وركبو يدعون لي واعتقد المقاس اللي عندك ماتلقاه منقطع اقصد اليوكهاما

[مقناص10]

مشكور قازان انا اعرف ناس مركبه دنلوب بس تستخدمه خط والان حولو من الدنلوب لقودير لكن وش السبب ما استفسرت ...

حياك اخوي فهد يوكهاما يمدحوها بس ما ادري تدي الغرض ولا لا ...
وانا مودي اكثر اختياراتي إلا بالافضل وانتظر المزيد وكل من بيمر على هالموضوع بيحصل فايدة ان شاءالله
ابغى ناس استخدمو الكفر سنتين وحولها ويعطونا وجهة نظرهم بحق

وعيدكم مبارك

[tomas73]

السلام يا الطيب ......شوف وحدد الي تبي ..http://www.tirerack.com/tires/TireSearchResults.jsp?customSizeSearch=&width=265%2F&ratio=70&diameter=17 ..وسلامتك.

[baaz]

مع احترامي لجميع الآراء


افضل الكفرات ومجربه : هي كفرات جوديير الكندية

خذها وانت مرتاح ..

قسم بالله ما شفت اريح منها ..

جربوها وراح تدعون لي

تحيااااااااااااااااااااااااااتي للجميع

[مقناص10]

مازلنا بالانتظار
افى مكشات كلها ماعندهم خبره
بس نبغى الرأي وهل موجوده الكفرات اللي محددها وكذلك اليوكوهما

[مقناص10]

للرفع......