وش رايكم بدودج راام

[gx-low]

السلام عليكم

كل عام وانت بخير وصحة وسلامة :D

ومبروك هالامطار :l الله يجعلها عطا برضا

هاليومين اجازة وقاعد احوس في النت على مواتر في حراج وغيره

لاحظت رخص ونيتات الدودج رام

لقيت ونيت رام 150 دبل نظيف هيمي:good2: موديل 2004 محدود بـ 40 الف

و 2007 نفس المواصفات مسيوم 50 الف ويقول قريب


مقارنة بالفورد والجمس ارخص بكثير

لكن هالموتر مهب منتشر عندنا وش السبب .. وهل ينشد بهن الظهر

هل تنصحوني بالدودج ... وهل فيه موديلات ومقاسات تنصحوني فيها:good2:

شاكر لكم

[gx-low]

بانتظار اصحاب الخبرة في الامريكي

[بيك اب 4X4]

انحشششششش
قطع غيار غير متوفر حتى عند الوكيل ههههه والله مهزله
كثير من القطع بالطلبيه يجيبها
يبهذلك في البرد عند التشغيل في الصباح
التجربه من خلال سيارات الشركه عندنا
والله في الصباح ايام البرد تحصل السيارات في الساحه كل واحد فاك الكبوت يبي الشمس تطق
المكينه شوي ربه يشتغل
الكلام على موديل 2000 و التجربه كانت عام 2004 لان بعد كذا تم استبدال السيارات جميعها بالجمس
و كرف لمدة 5 سنيين ما قال شي الجمس

[التعـ King ـديل]

السيارات قويه وجباره وحقت بر .. كان عندي 96 الكبير 10 سلندر دفرنس واحد وقيره اوتماتيك كنت اقطع به اي مكان ببالك مايقول لا ومااذكر اني نسمت كفراته اقل من 25 مهما كانت الظروف

لكن عيبه ان وكيله ماينشد به الظهر وقطع غياره غير متوفره بسهوله .. ولكن بقولك شي انت تتكلم عن 2004 و2007 اذا نظيفه ماراح تحتاج قـطع بعد الله سبحانه الا بعد ثلاث سنين على الاقل

واحرص على الثمانيه سلندر هيمي :D دبل وقير عادي واطرب عمرك صدقني راح تمشي بالبر وتضحك على الجيوب والشاصات :good2: هذا اذا ماغبرت عليهم ولا قلصتهم مغرزين بس الله الله بالمحافظه

[ابوضيف الله]

انحش وانا اخوك ولوبريال انا طلع الشيب براسي قطع غالية ولا فيه
موتر عزم وقوي بس ان فتح كبوتة ماصكة الا هو ساحب كل اللي بمخباك
ويبي لك لستة ارقام السطحات تخليها معك

[gx-low]

بيك اب بصراحة روعتني ما تشتغل الصبح وبفتحون الكبوت يخوي حتى الددسن مودسل 2000 ما يسوي سواته

وقطع الغيار غاليه ما قلنا شيء لكن غير متوفرة !!

الاخ كنق ما قصرت وتجربتك على الموديلات القديمة ممتازة لان القديم ما فيه تعقيد وكهرب زي الجديد

حتى شكل الموتر قريب جدا من الفورد

ويمكن فيه قطع تتراكب

اتمنى مزيد تفصيل عن الموتر يعني من خلال استخدام الاخوان وش الخرابات وش المشاكل اللي واجها

[gx-low]

ابو ضيف وش هالكلام لا يخوي عاد من كثر هاللي في المخبى هههه

طيب وش موديل موترك وهل استعماله نظيف؟

[ابوضيف الله]

موتري ياطويل العمر 2001 غمارة ونص فيه سلبيات وفيه ايجابيات
الايجابيات موتر نشيط مايخيب ضنك راحة عزم والامريكي عمموما غني عن التعريف
وسع من الداخل يعني كل راكب يركب مرتاح الحوض كبير ووسيع يعني يشيل عزبك واغراضك واغراض اخوياك اللي معك بالراحة
شكلة غريب وملفت للانتباه موتر يطربك من كل النواحي
السلبيات عدم رغبة في السوق عند البيع( وكل من مر جمبك يقول دوج تقول له ايه يقول لك الدوج دجوا هلة بااسبوع .....)
قطع غيار غاليه ولاله امريكي كبديل عن الاصلي وفوق الغلا قليله في السوق اما الاشياء الاستهلاكية متوفرة واسعارها معقولة فرامل بواجي صفيات وووو
يعيبه حجمة داخل البلد شرب بنزين (يكحن كحن)
عيب الدوج الاساسي الكهرباء اذا لعبت فيها على الدنيا السلام
وطبيعي السيارة كل ماقدم موديلها مع استخدامنا وطبيعه ارضنا والجو بيتعبك اي سيارة
ونصيحة من مجرب الدوج لاتاخذه الا جديد و5 سنين بالكثير وبيع اذا الله معطيك ومنعم عليك
اتمنى اني افدتك عن تجربتي للدوج الرام ويفيدونك باقي الاخوان مايقصرون

[gx-low]

موتري ياطويل العمر 2001 غمارة ونص فيه سلبيات وفيه ايجابيات
الايجابيات موتر نشيط مايخيب ضنك راحة عزم والامريكي عمموما غني عن التعريف
وسع من الداخل يعني كل راكب يركب مرتاح الحوض كبير ووسيع يعني يشيل عزبك واغراضك واغراض اخوياك اللي معك بالراحة
شكلة غريب وملفت للانتباه موتر يطربك من كل النواحي
السلبيات عدم رغبة في السوق عند البيع( وكل من مر جمبك يقول دوج تقول له ايه يقول لك الدوج دجوا هلة بااسبوع .....)
قطع غيار غاليه ولاله امريكي كبديل عن الاصلي وفوق الغلا قليله في السوق اما الاشياء الاستهلاكية متوفرة واسعارها معقولة فرامل بواجي صفيات وووو
يعيبه حجمة داخل البلد شرب بنزين (يكحن كحن)
عيب الدوج الاساسي الكهرباء اذا لعبت فيها على الدنيا السلام
وطبيعي السيارة كل ماقدم موديلها مع استخدامنا وطبيعه ارضنا والجو بيتعبك اي سيارة
ونصيحة من مجرب الدوج لاتاخذه الا جديد و5 سنين بالكثير وبيع اذا الله معطيك ومنعم عليك
اتمنى اني افدتك عن تجربتي للدوج الرام ويفيدونك باقي الاخوان مايقصرون

يعطيك العافية ابو ضيف على هالمعلومات القيمة

هو الدودج موتر من ناحية القوة والراحة لكن من حيث العملية اسمع من الناس تذمه

مع ان مواتر الناس قبل 30 سنة هي الدودج سواء السيدان او الونيتات كان الدودك رقم واحد

لكن الحين يبدو ان الموتر دخله تعقيدات الكهرباء الزايدة اللي ما يحتاجها راعي المكاشيت

غير ان الوكيل داج ولا ادري ليش ؟ هو ما يبي الموتر يمشي في السوق

قطع الغيار تعتبر من اهم المرغبات بالموتر

لكن الشكوى على الله

[gx-low]

ما فيه احد يمدح الرام !!

[رام1500]

انا معي رام 2004 دبل غمارة و زي الفل ذي الرابطة شف الرد حقي و شف الصور الي فيه


انا خويك و الي يبي نسوي رابطة انا معي 1500 رام 2004 دبل غماره صندوق قصر و هذي الصور قبل أسبوع


http://a7.sphotos.ak.fbcdn.net/hphotos-ak-snc7/s720x720/315792_2501692703894_1300231886_32961429_184047285 8_n.jpg

http://a6.sphotos.ak.fbcdn.net/hphotos-ak-snc7/s720x720/308216_2501711824372_1300231886_32961450_234355555 _n.jpg

http://a8.sphotos.ak.fbcdn.net/hphotos-ak-ash4/s720x720/291741_2501714184431_1300231886_32961453_220944861 _n.jpg

http://a2.sphotos.ak.fbcdn.net/hphotos-ak-snc7/s720x720/312072_2501690423837_1300231886_32961427_177826405 5_n.jpg
للتواصل

elmagnifico1995@gmail.com








أولا للأمانه
منسم 25 psi
دبل خفيف
قير تماتيك
الوايت برحوا له الأخوان و حطوا خشب و سجاد
بالكمرا الميلان مب باين لاكن الأرض كانت منحدرة مما سهل الأمر و الوايت منسم قدام بس ورا ما نسم و سألت الرجال الوايت كان فاضي مع ذلك يعتبر إنجاز


الفديو كان فيه صوت واحد يزعق و عجزت أكتم الصوت ف رحت و حطيت ناس يسولفون بالإنقليزي ما عليكم منهم إستمتعوا




nhSjj47IVcs

[gx-low]

انا معي رام 2004 دبل غمارة و زي الفل ذي الرابطة شف الرد حقي و شف الصور الي فيه

ما شاء الله .. الله يعطيك من خيره ويكفيك شره

ما واجهتك مشاكل او خرابات؟؟

[التعـ King ـديل]

رام 1500 الله يطعمك من خيره ويكفيك شره

ماشاء الله تبارك الله

[و لد ملهم]

أشوف كثير من الي اعرفهم يمدحون الدوج و النصيحه انك تسأل الي جربه بنفسه و تروح للصناعيه و تسال عن قطع الغيار بنفسك عندك باجحزر و الرمال و المتحده و الكثير من المحلات .

أخوي رام 1500 مشاء الله الله يعطيك خيره و يكفيك شره .

[بو ضاحي]

انا عندي رام 2004 350..والحمدلله الموتر قوي وماواجهتني مشاكل بالكهربا ولا بغيره..الوكيل تحسن بشكل كبير والقطع الاستهلاكية متوفره..اما الامور الغير استهلاكية هذي اغلبها طلبية ويجيبها الوكيل باقل من اسبوعين..استخير وتوكل على الله

[لاندكروزر11]

والله الموتر ماعليه كلام لاكن لا يخرب وتبلش تحياااااااااااتي

[Bader-M]

افضل السيارات البيك اب
1- الفورد
2- الدوج رام
3- الشفرلية سليفرادو

عيب الدوج انها لسيت سيارة شعبية
وبنسبة لي اعتبارة ميزة
لانك تستطيع ان تجد موديل 2008 م 2009 م اقل من 60 الف
وصدقني بهذا السعر لن تحصل على هيلكس موديل 2008 م غمار وبدون دبل
على فكرة اسعار قطع الدوج مقبوله و لسيت غالية كما يسوقها الناس

كل عام وانت بخير

[gx-low]

شاكر لكم على الإفادة