ابي شوركم ونصائحكم لعمل مشب

[vv33vv]

السلام عليكم ورحمة الله وبركاته
ما ابي اطول عليكم انا عندي ملحق 4*3 وقررت اني احط فيه مشب وبدينا العمل على بركة الله لكن وش توجيهاتكم لا عدمناكم وافكاركم للمدخنه والوجار لاني مابي الوجار يضيق علي في الصيف وكذلك المدخنه عشان تكون مضبوطه وما ترجع الدخان ولكم تحياتي
ابو ريان

[سوبر152]

أخي الغالي عيدك مبارك
الوجار مخفي على شكل غرفة تفتيش أعزك الله والمدخنة من تحت البلاط من الوجار وحط سماوه بالسقف مقابل مشب النار وكبر الدريشة ونزلها على حد المراكي

[عناز الحره]

http://www.aboshdg.net/up/uploads/images/aboshdg-3d6e688c20.jpg


اول شى كل عام وانت بخير
وفعلا" كما تفضلت المساااحه عندك صغيره ولو تبى تسوى الوجار والطوب الاحمر والمدخنه من جوااا
يبى ياخذ له مساحه ويضيق المجلس زياده
سووو فتحه بالجدار بمكان تراه مناسب وبعيد عن الباب وخل المدخنه من برااا
واهم شى اللى يبنى عندك لايكون يتعلم عشااان مااايرجع الدخان عليكم ويصير المشب تقل ثاير فيه لغم:D:D:D:director::butt3:
هههههههههههههه


يسويهاااا بشكل مخروطى كل ما ارتفع يضيق المدخنه
واهم شى تكون مستقيمه
عشااان تسوق الدخان كل مااا احترت
الزبده اللى يبنى لازم يكون مسوى مشب قبل كذااا
وزور هالرابط قبل تسوى المشب
http://www.mekshat.com/vb/showthread.php?t=345008 (http://www.mekshat.com/vb/showthread.php?t=345008)
وعاد الفنيات داخل المشب انت وذوقك
http://www.othetheh.com/upload/uploads/images/othetheh39db459db3.jpg


http://www.othetheh.com/upload/uploads/images/othetheh9bfedc0b8e.jpg



http://aqarcity.org/up10/images/jdv1298242297a.jpg


وعساااه انشاااء الله عااامر فيك وبضيوفك
يابوريان
على طاعة الله


فى امان الله

[vv33vv]

سوبر ١٥٢
عناز الحره
الف شكر على النصائح الذهبيه وسرعة التفاعل لا عدمناكم

[vv33vv]

اتذكر اني سبق وقريت مواضيع عن المدخنه وعن الاتجاهات اذا كانت من جهة الشمال ابي روابط ها المواضيع وكذلك توجيهاتكم خصوصا الوجار

[عناز الحره]

اتذكر اني سبق وقريت مواضيع عن المدخنه وعن الاتجاهات اذا كانت من جهة الشمال ابي روابط ها المواضيع وكذلك توجيهاتكم خصوصا الوجار
الوجار لاتخليه ماخذ مساحه بالمجلس



ولايكون مرتفع اللى يجلس بجوار الشبه يذبحه البرد زى هذا
http://www.othetheh.com/upload/uploads/images/othethehffece7eb0a.jpg


ولاكن خله نازل بالحيل بمسواة الارض كهذا المنضر لكى يدفى اللى بجواره
http://www12.0zz0.com/2010/08/05/16/991099377.jpg


لاحض المثلث اللى فوق الافياش بالصوره الاخيره
واللى يمين الافياش المثلث وتحته مربع هذى فتحات يسوونهااا بالجدار الاساسى او بجدار وهمى من الجبس يكون بجوار الجدار الاصلى بمسافه صغيره جدا"
تعطى منضر ومنهااا توضع بهااا تحف قديمه تعطى طابع كمتحف تراثى
واذا الكهربائى عندك فنان يضع بداخل كل تجويف لمبه سبوت لايت خافته


وايضا" لاحض الرف ايسر الافياش فوق من الجبس لنفس الغرض ايضا"
وكأن عليه دراجه اوعربه قديمه





اخيرا" بالنسبه لشمال شرق جنوب مايفرق
انت ماودك تدفن ميت يالغالى:D:D:D
ههههههههههههههههههههه
ترانى احب المزح لاعدمتك


اهم شى بعيد عن الباب وبمنتصف المجلس




فى امااااااااااااااااااااااااااااااااااان الله

[vv33vv]

الميت نيممه يم القبله:D:D:D
انا اقصد يالغالي ان المدخنه في شمال البيت واذا هبت الشمال هل يؤثر ذلك على المدخنه ويمكن ترد الدخان هذا هو سؤالي ومشكور وما قصرت اخوي على تفاعلك الاكثر من رائع

[عناز الحره]

والله انا صرت مقاول بالمنتدى ههههههههههههههههه
اسمع انا اخذ على المتر 40 ريال :D:D:D


سؤالك الاخير ماهو ذات اهميه المدخنه بأى اتجاه الدخان سايق سايق
لأن زى منت شايف بيوت الناس كلهااا مداخن وبجميع الاتجاهات ولايضر
ولعلمك اذاا هب هوااا برااا لابد مايرجع عليك الدخان شوى
لاتدقق

وفى امااان الله يابوريان
والله يارب يسعدك انت وريان واخوانه ببيتكم
ويديم المحبه بينكم

[vv33vv]

الله يجزاك خير ويوفقك قل امين
على ها الدعوة الطيبه

[بن جابي]

السلام عليكم ورحمه الله وبركاته

اخوي الطيب اللي تنشد عن الملحق

سويت برمضان اللي راح ملحق بيتنا اساساً موجود لكن اعدت ترميمة

1- شلت البلاط كامل وبلطته من جديد .
2- حطيت الكمار و الجص على الجوانب .
3- به بويه طينية تيجي معه تبن اعزكم الله . اعتقد اسمه بشكاش
4- سويت وجار مخفي بحيث اني افتحه بالشتاء واقفله بالصيف يكون متواسي مع الارض واغطيه بحديده او خشبه وفوقه الفرشه مقطوعه ومحدده
5- فرشة سدو
6- مساند ابو طير
7- عدة الكمار ( دلال وبرقان ومباخر واشياء تراثيه )
8- سبلت فوق قوه 24000 نوع يوجين ( الكمبرسر امريكي ) وخل عنك الباقيات
9- تلفزيون LG بلازما 42 بوصه
10- ولا تنسى السرج تعلقهن وحده جانبيه والثانيه بالنص تعطي شوي جمال

ودي ارفق لك الصور اذا رجعت البيت ان شاء الله

والسالفة ما كلفت كله كااااااااااااااااملة 14 الف ريال

[vv33vv]

4- سويت وجار مخفي بحيث اني افتحه بالشتاء واقفله بالصيف يكون متواسي مع الارض واغطيه بحديده او خشبه وفوقه الفرشه مقطوعه ومحدده


فكرة ممتازه اخوي بس ياليت تصور الوجار وتشرح طريقته بالتفصيل الممل :good2:

[مناي التسلي]

4- سويت وجار مخفي بحيث اني افتحه بالشتاء واقفله بالصيف يكون متواسي مع الارض واغطيه بحديده او خشبه وفوقه الفرشه مقطوعه ومحدده


فكرة ممتازه اخوي بس ياليت تصور الوجار وتشرح طريقته بالتفصيل الممل :good2:اي والله ياليت تصور الأيجار المخفي ونكون لك من الشاكرين

[بن جابي]

http://www5.0zz0.com/2011/11/11/14/250235659.jpg

هذا الكمار 1.70* 1.70 والطول تقريبا مترين و الفتحه الاخيرة يطلع منه غاز للقز و المغسله و مكان للفناجيل والهيل والقهوه والشاهي والسكر و فتحه خليته مسنده للمحكمه

وبه عدته كامله ولو تشوفون يمين المغسله بريق فواح وملقمه قهوه هذا اللي قدامه الوجار عليه الفرشه

اذا جاء الشتاء قطعت الفرشه تحديد على الوجار ويكون 5 سم على كل جهه علشان ما تاكله الضو و تفصل لك رخامه ارتفاع 2.5 عرض 5سم علشان يغطي حتى الفرشه
ويكون دار مدار على الوجار بحيث اذا جاء الصيف تشيل الحلق ( الرخامه ) وتطبق الوجار بحديدة تفصيل او بلكاشه وتحط فوقه الفرشه ويطلع ما كأن به وجار


** ولو تشوف فوق الكمار به نوووووور هذولي بارك الله بكم نجفات تعطي شكل ولا اروع


http://www5.0zz0.com/2011/11/11/14/258824698.jpg

وهذي صورة للتلفزيون بلازما معلق تعليق علشان يكون مساحة كبيرة وحتى الرسيفر معلق



http://www5.0zz0.com/2011/11/11/14/646429506.jpg

وهذي صورة جانبيه للبويه مع التبن اعزكم الله و الجص و المساند ابو طير و فرشة السدوو


http://www5.0zz0.com/2011/11/11/14/340175379.jpg


وهذي بارك الله بكم المساند تباع المسنده مع القطن ب 70 ريال

رحت وشريت متر ونص من كل لون ( قماش جنينة ) الوحده طلعت ب 10 و تفصيله ب 20 طلعت 30 ريال لكل وحده ووفرت 40 ريال


وان شاء الله اكون افدت الجميع

[بن جابي]

http://www2.0zz0.com/2011/11/11/18/644312113.jpg

الصورة الاولى تبين عدم وجود الوجار






اhttp://www2.0zz0.com/2011/11/11/18/604609575.jpg

الصورة الثانيه تبين مكان الوجار اسفل الفرشه متساوي مع البلاط ويكون عمق الوجار ارتفاع 4 اصابع














http://www2.0zz0.com/2011/11/11/18/114760234.jpg

وهذي الصورة تبين الدائرة البيضا مكان المروحه اليدويه بحيث يكون ماصوره الهواء من اسفل الوجار موصله الى حد الدائرة وارتفاع الماصوره الى حد البلاط وتكون بشكل بيضاوي علشان ما تحك ايد المروحه بالبلاط و تحط عليها قطن او اسفنج وفوقه الفرشه علشان تقدر تمشي عليه بعد ما تحط الفرشه
وبوقت الشتاء تقعط بشكل نصف بيضاوي و تحط المروحه اليدويه و تربطها ومتى ما خلص الشتاء تشيل المروحه و ترجع الفرشه مكانها وتشوفه تقول مابه لا وجار ولا مروحه

[بن جابي]

تنبيه مهم للاخوان لا بد تحط مسافه بين مكان المحكمه و الوجار لابدتكون مساحه كافيه 5 بلاط اقل شي

[أبن مصاول]

لا هنتوا ...ومتابعين

[vv33vv]

يعطيك العافيه شرح وافي وما قصرت :good2:
اللي فهمته انك ما حطيت مدخنه !!:)
ومكتفي بمروحة شفط والاا انا غلطان :)
لا تشره وانا اخوك بس تراي ما فهمت انت حاط مدخنه والا نبر والا وش السالفه والمحكمه وشي:D:D:D:D

[vv33vv]

بس ما شاء الله الكمار والمجلس عاجبني حيل مدلري كم كلفك الكمار ودي اسوي مثله

[اورنس الشمري]

خل حجرة الدلال (مكان الدلال داخل الجدار ) علشان المساحة , وفيه وجار يجي قزاز وشكله حلو ينحط على الأرض عادي , وتقدر تشيله وتغير مكانه متى ما بغيت (هذا إذا ما تبي نار)

ونصيحتي لك لا تكبر الوجار خله متر واحد لان المساحة ضيقة جداً

[بن جابي]

اللي فهمته انك ما حطيت مدخنه !!:)

* ما لك لوااا المدخنه موجوده فوق فوق الوجار على طول *

ومكتفي بمروحة شفط والاا انا غلطان :)

لا تشره وانا اخوك بس تراي ما فهمت انت حاط مدخنه والا نبر والا وش السالفه والمحكمه وشي:D:D:D:D

المدخنه بالسقف فوق متر بنص متر تودي على فوق وحاط بها مروحه كهرب تشفطه اما المروحه الارضيه هذي هندل يدويه علشان تنفخ الضو اللي حاط عليه دائرة

المحكمه هي مكان المقهوي لو تشوفه عند المعاميل نسميه المحكمه

الوجار مع الجص على الجوانب اكل 2000 ريال غويلي شوي لانه كان برمضان وعجل شوي واكثر العمال مسافرين والا بسوق التمر

قلت الشكوى لله زود شوي ولا اوقف احتريهم علشان كم ميه

والله يعافيكم

بس ما شاء الله الكمار والمجلس عاجبني حيل مدلري كم كلفك الكمار ودي اسوي مثله

[عناز الحره]

http://www2.0zz0.com/2011/11/11/18/604609575.jpg


اخوى ياليت توضح لى بكلمة ورد غطاااهااا بدون ماتشتت ذهنى لاعدمتك
انت تقصد الوجار مكان الرسمه


اذا كان جوابك نعم


يكون مشكله وخذ عندك


خطير على الاطفال
انتشار الدخان بالمجلس
سووواد بالسقف
اقرأ السلام على المناضر واللمبات من الدخان والرماد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛





http://www.hayashifans.com/cpanel/files/full/prod120643259375.jpg



ومروحة الشفط غير مجديه لان ينهد حيلهااا :looney::hot:


لانهااا بعيده بالسقف
واللهب اقوى منهاااا

فلابد من مدخنه والمروحه لاحقا" تساااعدهااا

[اديب بن صالح]

نصيحة لا تحط خابية بالمشب تراها مجمع للارضة والحشرات اللي تجي مع الحطب

[بن جابي]

خطير على الاطفال - ياخوي الاطفال لو يبون شبو ضو بغرفتك
انتشار الدخان بالمجلس بالنسبه للدخان يغسل العيون فيه شي اسمه افتح الباب والا الدرايش
سووواد بالسقف البويه اللي قلت عنها بوشكاش لونها طيني وما تسود بالحيل والفكره ان الوجار يكون مخفي وتستفيد من مكانه بالصيف ولو تشوف اللي فوق الشباب اللي مصورين مشبات ثابته مشكلتها مشكله تاخذ متر بنص متر وتضيق عليك
اقرأ السلام على المناضر واللمبات من الدخان والرماد
اما اللمبات والرماد بعض الناس يهوى الوجار الارضي ويهواه وله ناسه اما الدخان تقدر تمدد غاز الى مكان شبة الضو و تخليه مفتوح شوي ولا يطلع لك ولا دخان ولا شي


ومروحة الشفط غير مجديه لان ينهد حيلهااا :looney::hot:


ياخوي المروحه حجم كبير وفوق المشب على طول وتسحب بالهبل او اذا تبي حط كنديشن صحراوي بحيث الفتحه تكون من تحت وانا مجربها 16 سنه
لانهااا بعيده بالسقف
واللهب اقوى منهاااا

فلابد من مدخنه والمروحه لاحقا" تساااعدهااا
اذا بتسوي وجار بالارض لازم تحط مدخنه و داخله مروحه شفط مهب اللي بالصورة اللي انت حاط لا مروحه كبيرة شوي ريش حديد

وزينة الشبه بالدخنه وانا واخوك

[بن جابي]

نعم ياخوي الوجار مكان الرسمه هذا اسفل الفرشه يعني بالشتاء اقص الفرشه على وزنية الوجار ويكون مشب واساساً تحت الفرشه يوجد بلاكات اشيله مع الفرشه يطلع وجار بالصيف ارجع البلاكاش والصق عليه الفرشه يطلع كان الوجار غير موجود للي يبي وساع

[عناز الحره]

خطير على الاطفال - ياخوي الاطفال لو يبون شبو ضو بغرفتك
انتشار الدخان بالمجلس بالنسبه للدخان يغسل العيون فيه شي اسمه افتح الباب والا الدرايش
سووواد بالسقف البويه اللي قلت عنها بوشكاش لونها طيني وما تسود بالحيل والفكره ان الوجار يكون مخفي وتستفيد من مكانه بالصيف ولو تشوف اللي فوق الشباب اللي مصورين مشبات ثابته مشكلتها مشكله تاخذ متر بنص متر وتضيق عليك
اقرأ السلام على المناضر واللمبات من الدخان والرماد
اما اللمبات والرماد بعض الناس يهوى الوجار الارضي ويهواه وله ناسه اما الدخان تقدر تمدد غاز الى مكان شبة الضو و تخليه مفتوح شوي ولا يطلع لك ولا دخان ولا شي


ومروحة الشفط غير مجديه لان ينهد حيلهااا :looney::hot:



ياخوي المروحه حجم كبير وفوق المشب على طول وتسحب بالهبل او اذا تبي حط كنديشن صحراوي بحيث الفتحه تكون من تحت وانا مجربها 16 سنه
لانهااا بعيده بالسقف
واللهب اقوى منهاااا


فلابد من مدخنه والمروحه لاحقا" تساااعدهااا
اذا بتسوي وجار بالارض لازم تحط مدخنه و داخله مروحه شفط مهب اللي بالصورة اللي انت حاط لا مروحه كبيرة شوي ريش حديد



وزينة الشبه بالدخنه وانا واخوك


:good2::good2:وجهة نضر ممكن تخالفنى او اخالفك اخوناااا طلب افكااار انا عطيته وانت عطيته
وله الخيار
تقبلو مرورى فى امااان الله

[vv33vv]

مشكورين يا اخوان على المشوره ولا هنتم

[abu safah]

يازين دفاية الكهرب

[مناي التسلي]

نعم ياخوي الوجار مكان الرسمه هذا اسفل الفرشه يعني بالشتاء اقص الفرشه على وزنية الوجار ويكون مشب واساساً تحت الفرشه يوجد بلاكات اشيله مع الفرشه يطلع وجار بالصيف ارجع البلاكاش والصق عليه الفرشه يطلع كان الوجار غير موجود للي يبي وساع

الله يعطيك العافيه وماقصرت

[LOL-TAYH]

انا اقترح عليك تكنسل المشروع وتنبيه ملحق عادي لان الجو عندنا ماياهل !

[قصيميّه..]

صرااحه شيء غريب عجيب o.O
اول مره ادري ان بوه وجار مخفي ..!

[أبو مسفر]

والله انا انصحك بالمدخنة الطاردة للدخان اللي تسحب فوق الوجار
وأيضاً يمكن أن تفك الوجار لوحده في الصيف إذا أردت أن تتوسع في المجلس بينما المدخنة في الخلف ثابتة في الجدار
مثل هذه :
وهذا الكمار والوجار - وجار الدوادمي المميز بمدخنته اللي تطرد الدخان كلياً من المجلس -

http://www.mekshat.com/pix/upload03/images128/mk9305_04102009010_450x600.jpg

وهذه من زاوية اخرى

http://www.mekshat.com/pix/upload03/images128/mk9305_04102009009_800x600.jpg


للإستزادة عن هذا الموضوع راجع هذا الرابط
http://www.mekshat.com/vb/showthread.php?t=236681 (http://www.mekshat.com/vb/showthread.php?t=236681)