المساعد الشخصي الرقمي

مشاهدة النسخة كاملة : مشكلة آثار الرمال على زجاج السيارة


أبو عادل
16/02/2006, 05:41 PM
سمعت أن هناك محلات تقوم بتلميع الزجاج التي تتأثر من الرمال ( التثليج ) في الخطوط الطويلة مثل شمعات السيارة والزجاج الأمامي

فأين أجد هذه المحلات في منطقة القصيم أو الرياض ؟ أرجو المساعدة
الأخضر
16/02/2006, 10:45 PM
أخوي أبوعادل
تحية طيبة ..
ذكر لي احد الأخوة قبل فترة بأنهم موجودين بالنسبة للرياض في الغرابي . وأسأل حقين السيارات ويدلونك إن شاء الله .
تحياتي .
الرسام-8808
16/02/2006, 11:22 PM
السلام عليكم في شارع المدينه الرياض السويدي قبل محلات الاتصالات وانت جاي من الغرب الي الشرق (محل تلميع بس ماعرف اسمه اتمني انك تحصله تحياتي
ناصح
16/02/2006, 11:46 PM
أنا شاهدت الناس يصلحون الزجاج في الغرابي في الرياض
][عزام][
17/02/2006, 02:49 AM
السلام عليكم

اخوي عادل تصدق نا وي اسأل نفس السؤال انا سيارتي من عجاج بدايت الاجازه انعدم القزاز الامامي والانوار الاماميه والصدام انعدم

زينت الانوار عند محل تلميع عادي ما يكلف ولا 20 ريال ورجعت جديده اما القزاز ما قدرت فأذا واحد عنده حل او يعرف محل يقولنا بالتفصيل

بالنسبه لموقع المحل والتكلفه لأني متأذي منه وجزاكم الله خير
منتصر
17/02/2006, 03:04 AM
السلام عليكم

اخوي عادل تصدق نا وي اسأل نفس السؤال انا سيارتي من عجاج انعدم القزاز الامامي والانوار الاماميه والصدام انعدم

فأذا واحد عنده حل او يعرف محل يقولنا بالتفصيل

بالنسبه لموقع المحل والتكلفه لأني متأذي منه وجزاكم الله خير
بلص ثري
17/02/2006, 06:18 AM
سلام....... بلنسبه للقزاز انسسسسسووووو مافي امل معليش انا جربت كثير ما فيه فايده واللي يقول انا اقدر اشيل اللي على القزاز ماعنده سالفه فيه طريقه بس مووقتته بالنسبه للقزاز عند محلات السمكره القويه يحطون طبقه من ماده والله نسيت اسمها بس تصير القزازه لنج لفتره ووجيزه ان صرت راعي خطوط ....... ملاحظه الاثار ما تروح لاكن الماده اللي قلت عليها اعلاه تغطيها . اما البلاستيك بلنسبه للانوارفي اي محل تلمعها وتيصر اخت الجديده.
طلحة
17/02/2006, 02:49 PM
فيه مجموعة محلات في الرياض متخصصة بمشاكل الزجاج سبق وأن صلحت الزجاج عندهم من أثر كسر من حصاة ضربت الرجاج الأمامي قبل 3 سنوات والحمدلله إلى الآن ما تغيرت علماً بأن هناك أثر بسيط لمن يدقق في الزجاج.
وأذكر أنهم عندهم طريقة لتلميع زجاج الأنوار الأمامية التي بهت لونها من أثر الاصطدام بالرمال لكن ما أدري عن سعرهم وعن جودة عملهم، لكن تقدر تشرط عليهم إنها ترجع مثل الجديدة قبل ما يبدون الشغل.
مكانهم طول الله عمرك في الصناعية القديمة وأنت متجه جنوباً على طريق الخرج بعد تجاوز الكبري اللي على طريق الأمير سلمان تجيك إشارة لف يسار وشوف المحلات اللي على يمينك قبل المسجد كلها محلات إصلاح زجاج بالكمبيوتر
ترى أنا خبري بهم قبل 3 سنوات الحين ما أدري وش وضعهم
الادغش
19/10/2015, 04:28 PM
يعني شلووووون مافيه حل‼️‼️‼️
المضلي
24/10/2015, 03:46 AM
يعني شلووووون مافيه حل‼‼‼

شلون مافيه حل يالادغش
الحل موجووود
غير الزجاج
ف ف
24/10/2015, 08:50 AM
الحل الوحيد وضع طبقه عازل شفاف ع الزجاج الامامي من الخارج قيمتها بين ظ£ظ×ظ×/ظ¤ظ×ظ× ريال
تحمي الزجاج من الترميل وكذلك من الحصى الصغير ماينكسر الزجاج مايسبب شعر للزجاج
ويتم تغييرها ع حسب السفر ان كنت راعي خطوط كل يت شهور واحيانا تجلس معك سنتين لا تتاثر

اما الترميل للزجاج فلا اعتقد هناك حل لازالته ...
امير المشاعر
25/10/2015, 02:11 AM
الحل الوحيد وضع طبقه عازل شفاف ع الزجاج الامامي من الخارج قيمتها بين ظ£ظ×ظ×/ظ¤ظ×ظ× ريال
تحمي الزجاج من الترميل وكذلك من الحصى الصغير ماينكسر الزجاج مايسبب شعر للزجاج
ويتم تغييرها ع حسب السفر ان كنت راعي خطوط كل يت شهور واحيانا تجلس معك سنتين لا تتاثر

اما الترميل للزجاج فلا اعتقد هناك حل لازالته ...

فعلاً كلام اخوي هو الحل غير القزاز وغيمها وبأذن الله تزبط معك الامور