يستاهل والا؟

[عااشق نجد]

السلام عليكم ورحمه الله وبركاته


اول شي كل عام وانتم بخير وصحه وسلامه واعده الله علينا وعليكم اعوام واعوام



نبدا بالموضوع


قبل يومين حصلت جيب باترول سلقه صالون مديل91 وقفته مايحتاج ومحركاته شرط وبديه مالمسه الشاكوش الموتر جاز لي مرره


وحتى ممشاه حلو مرره 270وكسور بسيطه وراعيه يقول كان مع عمه رجال كبير وهو الي فاكه وكاله


توفاء قبل فتره الله يغفر له وكان من ضمن التركه <الورث> وهو شراه من عيال عمه


وقال انه مسيوم منه ب34الف يستاهل السعر هذا يعني افرق سومته واخذه


والا سعره مبالغ فيه لن بيني وبينكم القديم مهوب سواء من ناحيه السعر وماخاب من استشار
اتمنا احصل افاده بش هذا
والسلام عليكم

[رسلان الوايلي]

اشوف انه غالي وموفق خير

[التعـ King ـديل]

سعره غالي لان حده على نظافته 25 بالكثير للمستخدم و20 للبياع

[الطرس ممدوح]

سعره غالي لان حده على نظافته 25 بالكثير للمستخدم و20 للبياع



اشوف انه غالي وموفق خير
وكلام اخوي صحيح 25

[عاشق السيل]

لا والله غالي بالحيل !!!!

[الكلاسك]

91 وماشي 270.000 كلم !! ما عاد فيه عراش وحنا الان 2012
وبالتوفيق

[ابوراكان تبوك]

ياطويل العمر سعره غالي بالحيل

97 سلقة نظيف تشوف بطنه تحلف انه مامشى لونه اخضر ما مر علي سيارة بنظفة بصراحة يا دوب جاب 46000

مووووووووووفق

[الجني العبد]

غريبه ، واحد من الجماعة بايع سلقة 92 مرشوش كامل ، بس محركاات نظييفة جدا بـ 30 ألف !!!

[جلمود الحره]

غـــــــــــــالي وانت الله يهديك ماجيت تشري الابالموســــــــــم شفه بالصيف مايجيب الاعشرين ويادوب