ما خاب من أستشار ( F250)

[عاشق الاوتار]

السلام عليكم ورحمة الله وبركاتة

أخواني حبيت اخذ مشورتكم في موتر انعرض علي من قبل صديق لي
وهو وانيت فورد F250 موديل 2000

للامانه انا كنت رغبان في الجمس حوض لكن أسعارها مبالغ فيها جداً كلها فوق الأربعين ألف وما عندي هذا المبلغ


لكن هذا الفرد سعره أقدر أدبره وفي متناول يدي بأذن الله
الموتر بشكل عام نظيف كا محركات والحمدلله , قير عادي دبل فرار 8 سندل
ماشي فوق 300 ألف تقريباً اما البدي جيد جداً مافيه سمكره والأستمارة والفحص جديد

الرجال طالب في الموتر 23 ألف وعرضه في موقع ولا جاب غير 20 ألف بس وهو يقول أشتراه ب26 ألف

اخواني هل الموتر يستاهل هذا السعر ؟

أنا عندي خبره في الجمس بما اني معي يوكن من 7 سنوات تقريباً
يعني عارف أسعار قطع الغيار وكيف تحمل الموتر وقوة المكينه

لكن الفورد ما اعرف عنه شيء كبير للأسف ولا أعرف كيف قوته في البر
انا أحتج الموتر في الديره بس وطلعات البر بشكل بسيط يعني ما أبيه لسفر أو مشاوير طويلة



شاكر لكم اخواني وفي انتظار ردودكم ومشورتكم

[التعـ King ـديل]

http://static.cargurus.com/images/site/2011/04/03/15/01/2000_ford_f-250_super_duty-pic-6880052033191792798-tmb.jpeg

موتر طيب ومثل الجمس ويمكن اطيب بعد قوه وراحه كمثيله من الامريكيات

[عاشق الاوتار]

http://static.cargurus.com/images/site/2011/04/03/15/01/2000_ford_f-250_super_duty-pic-6880052033191792798-tmb.jpeg

موتر طيب ومثل الجمس ويمكن اطيب بعد قوه وراحه كمثيله من الامريكيات




الصراحة الصورة الي طرحتها تحمس أني أشتري المتور هههههههههههـ :D
طيب كيف تشوف سعره وأنا اخوك ؟؟ بنسبه لممشاه و موديله

شاكر لك اخوي كنج هذا الرد :good2:

[gx-low]

من ناحية قطع الغيار الفرد ارخص من الجمس

والتحمل الموتر صبور وممتاز

لكن الموتر اللي انت حاط عينك عليه ماشي واجد

لو تشوف لك موتر مشي 100 - 150 ازين

وبالنسبة للسعر تراه مناسب موديل 96 يباع ب 20

[عاشق الاوتار]

من ناحية قطع الغيار الفرد ارخص من الجمس

والتحمل الموتر صبور وممتاز

لكن الموتر اللي انت حاط عينك عليه ماشي واجد

لو تشوف لك موتر مشي 100 - 150 ازين

وبالنسبة للسعر تراه مناسب موديل 96 يباع ب 20


يسعد ماساك اخوي جي أكس
كلامك جميل جداً عن الموتر
واذا 96 على كلامك يباع بعشرين أذاً سعر هذا زين ومناسب
أخوي بنسه للمسافه المقطوعه أشوفها معقولة واذا لقيت نفس المسافة الي انت كتبتها بيكون السعر اعلى من كذا
وصراحة انا شفت مواتر كثيره جداً موديلها 2005 و 2006 ماشيه فوق 300 ومافيها شيء وانا موتري كامري 2000 ماشي قريب النص مليون مشاء الله
وأذكر قبل كم سنه مسوين مقابله مع أمريكي موتره ماشي فوق المليون وكان وانيت فورد بس ما اذكر وش نوعه بضبط
والي اعرفه ان مكاين المواتر الأمريكيه صبورة جداً
ومافي خوف من المسافة المقطوعه ان شاء الله أذا كانت الصناعه ممتازة مثل الأمريكي

ألف شكر لك اخوي وأتمنى ماتحرمني من تواجدك ومشاركتك بالموضوع

[التعـ King ـديل]

السعر مناسب والممشى مايضر اهم شي المحافظه عليه واحد من العيال عنده هدد 2008 مغير قيره من المطامر بالبران والموتر توه مامشى 200 الف وكان عندي باترول 92 يوم ابيعه ماشي فوق 700 الف على مكينه بلاده

[عاشق الاوتار]

السعر مناسب والممشى مايضر اهم شي المحافظه عليه واحد من العيال عنده هدد 2008 مغير قيره من المطامر بالبران والموتر توه مامشى 200 الف وكان عندي باترول 92 يوم ابيعه ماشي فوق 700 الف على مكينه بلاده





هذا الكلام الكبير :good2:
للمره الثانيه ألف شكر لك اخوي كنج على مرورك الكريم :D
كلامك وكلام أخوي جي أكس يشجع للأمانه اني أشتري الموتر

لكن نقول ننتطر باقي الأخوان :p

الحين بدايت الشتاء وهذا وقت الدبل صراحة :heart::heart::redcar:

[عاشق الاوتار]

شباب أذا نويت على شراء الموتر
فيه نصائح عندكم في فحص الموتر قبل أشتريه ؟؟

[التعـ King ـديل]

شباب أذا نويت على شراء الموتر
فيه نصائح عندكم في فحص الموتر قبل أشتريه ؟؟




افحص عند مركز متخصص :good2:

[عاشق الاوتار]

افحص عند مركز متخصص :good2:




الموتر حق خوياً لي والموتر قديم عام 2000
وهو قال لي المكينه والقير والدبل والدفرنش كلهم مافيهم أي شيء والحمدلله

مدري يستاهل اودي الموتر محل يفحصه ؟؟؟

صراحة ماكنت ناوي أفحصه في محل متخصص
قلت بجرب تعشيقه وبجرب الدبل وبشوف المكينه فيها صوت أو حنه وبسمع أذا الدفرنش فيه صوت أو لا واذا الموتر فيه بلا ملحوض
وبس بشتريه :D

[التعـ King ـديل]

الموتر حق خوياً لي والموتر قديم عام 2000
وهو قال لي المكينه والقير والدبل والدفرنش كلهم مافيهم أي شيء والحمدلله

مدري يستاهل اودي الموتر محل يفحصه ؟؟؟

صراحة ماكنت ناوي أفحصه في محل متخصص
قلت بجرب تعشيقه وبجرب الدبل وبشوف المكينه فيها صوت أو حنه وبسمع أذا الدفرنش فيه صوت أو لا واذا الموتر فيه بلا ملحوض
وبس بشتريه :D




افحص في محل متخصص ابراء للذمه لك وله .. لاسمح الله طلع فيه مشكله وخويك مايدري عنه وتزعل منه او شي :D

[FAPioO]

حلو بس ثقيل الحقيقه
وثقيل طينه ولا من ناحية الاستعمال ماعليه خلاف

[مخاوي جهام]

اخي الكريم انا عندي فوردf250 4X4 2005 اكثر من سنتين وهو أفضل من الجمس والشفروليه
من حيث القوة في النفود وأرخص قطع غيار ومحركاته أضخم وتصميم الدفرس الأمامي بالتحاضير وليس مثل الجمس عكوس مما يعطيه قوة أكبر في الدفع والسحب وسابقا كنت أستخدم الجموس ولا مجال للمقارنه .. إفحص يا أخي وتوكل على الله

[عاشق الاوتار]

حلو بس ثقيل الحقيقه
وثقيل طينه ولا من ناحية الاستعمال ماعليه خلاف


أنا شفت مقاطع تطعيس كثيرة للموتر ولاحظت أنه ثقيل
لكن قوة المكينه مخليه الموتر ممتاز بالتطعيس والعزم والقوه
وصراحة أشوف قوة وعزم المكينه مغطيه عيب ثقل الموتر




اخي الكريم انا عندي فوردf250 4X4 2005 اكثر من سنتين وهو أفضل من الجمس والشفروليه
من حيث القوة في النفود وأرخص قطع غيار ومحركاته أضخم وتصميم الدفرس الأمامي بالتحاضير وليس مثل الجمس عكوس مما يعطيه قوة أكبر في الدفع والسحب وسابقا كنت أستخدم الجموس ولا مجال للمقارنه .. إفحص يا أخي وتوكل على الله


مشاء الله تبارك الله
الله يهنيك ويبارك لك في موترك يارب
صراحة من خلال بحثي عن الموتر لاحظت أنه مظلوم كثير ومهظوم حقه بشكل كبير

أشكركم اخواني على مشورتكم والله يجزيكم الجنه يارب
وأن شاء الله اتفق مع صاحبه وأفحصه والله يكتب الي فيه الخير يارب

[عاشق الاوتار]

افحص في محل متخصص ابراء للذمه لك وله .. لاسمح الله طلع فيه مشكله وخويك مايدري عنه وتزعل منه او شي :D




كلامك عين العقل والله
وبأذن الله أذا اتفقت مع صاحبه بفحصه ان شاء الله

[عاشق الاوتار]

مدري وش سالفة الدبل في وانيت الفورد بشكل عام الكل يذمه ويقولون يخرب بشكل غير طبيعي

مشكلته دبل فرار وهذا أكبر عيب في الفورد
القير والمكينه والدفرنش كلها تمام والحمدلله ما عدا الدبل يقول توه مصلحه وكان خربان

الله يكتب الي فيه الخير والصالح يارب

[fahd1401]

اخوي عاشق الاوتار (http://mekshat.com/vb/member.php?u=216611)


خذها من مجرب f250 موديل 2003


من اسواء المواتر الي اخذتها


قطع غياره في الوكاله فقط واذا مو متوفر ياخذ الطلب شهر وميزتهم مايخذون عليك رسوم طلب القطع من المصنع مثل الجميح وعيسى ( ماراح تلاقي قطعه برى الوكاله )


مافيه لاعزم ولا نشيط


طبلونه 160


الدبل فرار اذا طعست فيه وتبي تفك الدبل مايفك الى اذا صرت على زفلت تمشي شوي ويفك من نفسه


مشاكله واجده ولا احد يعرف يصلحها


بنسبه الاسعار


انا قبل اربع سنوات شاريه من الدمام بـ 28000 وممشاه اقل 200 الف موديله 2003م غمارتين وسألت كذا واحد يقولون مشتراه غالي وبعته بطقاق نشب بحلقي حول 20000 من غير خساير الورش حول 7000


وكانت اسعار 97 غمارتين دبل يحدونها على 17000 بس الحين مافيه


فيه موديلات الجديده موجوده في الدمام انا شايفها قبل اسبوعين رح وشوف اسعارهم تباع رخيصه


نصيحتي لك خذ جمس وغيره لاتدور

[عاشق الاوتار]

اخوي عاشق الاوتار (http://mekshat.com/vb/member.php?u=216611)

خذها من مجرب f250 موديل 2003

من اسواء المواتر الي اخذتها



أخوي فهد يا غالي والله مافيني حيل جمس سعره فوق الثلاثين الف هذا مديل 2000
وانا ماعندي هذا المبلغ للأسف ((( الحمدلله على كل حال )))

الكل يمدح في وانيت الفورد وشخصين فقط ذموه وأنت واحد منهم

طيب انا أقصى مبلغ اقدر ادبره 20 ألف فقط قيمة هذا الوانيت
عطيني موتر ثاني بنفس السعر فيه دبل وقير عادي ويكون زين ؟؟؟؟؟
مافيه طبعاً

ممكن يكون الموتر الي أخذته تعبان من شريته ما أعتقد شركة كبيره مثل فورد تكون بهذا السوء الي انت قلته

صراحة أحترت كثير

انا سمت الموتر 21 ألف أذا رضى بشتريه وماني دافع أكثر من كذا
أعتقد هذا أفضل حل
والله يكتب الي فيه الخير والصالح يارب

[عاشق الاوتار]

شباب الموتر كان فيه الدبل عطلان وصلحة
وفيه مشكلة بالقير مايعشق بالثالث
يقول أذا مريح الموتر يعشق عادي لكن أذا دايس عليه يدقر بالتعشيق
والمكينه والقير تمام والحمدلله

والرجال حد على الموتر بـ 22 الف ريال

وش رايكم شباب ؟؟؟

[gx-low]

طيب شف وش مشكلة القير يمكن تكون نقص زيت او شيء بسيط

وممكن تكون تحتاج فك قير وتغيير نحاسات وشف كم تكلف واحسبها صح

وبصراحة صعب اقولك اشتر الموتر او لا تشتريه لان الموتر مب قدامي

لكن سعره مناسب

والله يكتب لك اللي فيه الخير

[suk]

نصيحتي لك افحص لو كان صديقك هذا بيع وشراء

[عاشق الاوتار]

طيب شف وش مشكلة القير يمكن تكون نقص زيت او شيء بسيط
وممكن تكون تحتاج فك قير وتغيير نحاسات وشف كم تكلف واحسبها صح
وبصراحة صعب اقولك اشتر الموتر او لا تشتريه لان الموتر مب قدامي
لكن سعره مناسب
والله يكتب لك اللي فيه الخير


اللهم امين وبارك الله فيك أخوي جي أكس على دعائك
الله يكتب الي فيه الخير والصالح يارب
شكراً لكم على مرورك



نصيحتي لك افحص لو كان صديقك هذا بيع وشراء


كلامك صح والله يكتب الي فيه الخير والصالح ان شاء الله
شاكر لك مرورك الكريم اخوي

[Magellan]

الفورد ممتاز كقيادة لكن مايعيب الونيتات الموجودةبالسوق إن قطع غيارها طلبية من الوكالة وتاخذ وقت
عندنا 98 اخذ اكثر من اسبوعين في الورشة بسبب تغيير المروحة الأمامية
طبعا كقيادة ممتع لكنه وطب (ما أدري اذا فهمت معنى وطب او لا:D)

[عاشق الاوتار]

الفورد ممتاز كقيادة لكن مايعيب الونيتات الموجودةبالسوق إن قطع غيارها طلبية من الوكالة وتاخذ وقت
عندنا 98 اخذ اكثر من اسبوعين في الورشة بسبب تغيير المروحة الأمامية
طبعا كقيادة ممتع لكنه وطب (ما أدري اذا فهمت معنى وطب او لا:D)



ههههههههـ اليوم خويي قال نفس الكلمه لي (( وطب )) :D
كلمة معروفه اكيد :p
لاحظت ان الموتر بليه مشاء الله يعني كبير مره :good2:
مشكلة البعض قال القطع متوفرة والبعض قل لا
يعطيك العافية اخوي على مرورك والله يكتب الي فيه الخير والصالح يارب

[عاشق الاوتار]

للأسف الموتر ما صلح لي ...
بعض الأصدقاء قالوا لي أصرف النظر عنه وأبحث عن أفضل منه
لأن فيه خربات وأعطال كثيره والرجال ما باعه الا لأنه تعب منه

مع العلم ان الرجال باعه قبل كم يوم على شخص غيري والحمدلله

شاكر لكم أخواني على ردودكم ومشاركاتكم
الله يجزيكم الجنه جميعاً

وان شاء الله ربي يكتب لي نصيب في موتر أفضل منه ان شاء الله