"""""""""""( السوم الجاد واخطاء السوم )"""""""""""

[(هزاع)]

السلام عليكم إخواني ورحمة الله وبركاته
تحية إكبار وإجلال لكل إخواني القراء اينما كنتم
الموضوع ليس جديد ولكنه يهم الجميع البايع والمشتري
يعرض (فلان )سلعته للبيع صقر أو جهاز تتبع أوعلف طيور
ويكون كاتب بالموضوع العرض صاحب السلعه أن موقعي (بالرياض )
هل يوجد توصيل ؟ / لا
ويبدأ السوم ويصل مثلا (500)ريال
ويأتي (علان) ويسوم (600)ريال شرط التوصيل الف وثلاثمائة كيلو
طيب ، فلان كاتب أن موقعه( بالرياض) وكاتب (لا)يوجد توصيل
طيب تسوم (600 )والموصل يريد مبلغ (وش طلع به صاحب السلعه) بصفر
والسوم وقف على (علان )اللي رفع السوم ووقفت السومات لاراعي السلعة كان يبي يوصل ولا( علان) حسب قيمة التوصيل وأضافه على السوم يعني كان لازم يسوم 600قيمة السلعه +300 قيمة التوصيل = 900
غير لاصار المشتري خارج حدود الدولة المعروض بها السلعه ويلزم إجرائات وإذا هو طير يلزمه فحص من مستشفى متخصص وجواز مرور وهذي لها قيمة مراجعة وقيمة فحص
وشخص موصل هذي ماتبي مصاريف ومن عليه وصاحب السلعه ذاكر (لا يوجد توصيل)
ليه يا (علان ) ماتقرا اللسته وتخرب على أخوك المسلم
1: سوم لو بـ ريال بس لاتشرط توصيل .
2: لاتبخس سلعة اخوك المسلم .
3: ناظر عدد الصفحات كم وصل آخر سوم حتى لاتقع بالحرج الصفحه الثانيه السوم 300 وتزود أنت إلى 350 وبالصفحه الثالثه مثلا واصل السوم 500 .
4: إذا حصل وغلطت عدل وإذا مامداك على التعديل إعتذر من أخوك صاحب السلعه وزد السوم ولا إنسحب .

أنا طولت الشرح آرجو المعذره وأنتم أفهم مني وأخير
والمعذره عن الغلطات الإملائيه .
وشكرا ..
( أخوكم هزاع )

[قرناس شماالي]

وعليكم وسلام ورحمة الله وبركاتة
ياهلا وياغلا
والله يالغالي مثل ماقلت ماهي اول مره تصير لاكن مافيه مانع من التذكير
الاخوان الي مالهم خبره بلمنتدى ماخذين السالفه مزح
وصاحب الموضوع جاد انا مره عرضت طير
يدق واحد ويستعبط وباخر شئ يقول مابي الطير
ليه تكلم وليه تكلف على عمرك وتسال ونت مالك بطيور اصلن
ادخل الموضوع وشف الطيور ودعله بتوفيق لصاحب السلعه وطلع
وارجو من الجميع ياخذون الامور بجديه انا ماتعب روحي اصور وصغر وسوي وباخر شئ
يجي واحد يستهبل او ماله بطيور ويسوم بقيمه وطير موصل اعلى من الي سام
وانا الاحذ ان بعض الاخوان يحط موضوع وفيه سوال هل الطير مسيوم يكتب 10الاف
يجي الواحد يسوم تحت القيمه المسومه ليه كسر حق السلعه
وانا ارجو من الاداره متابعة الاخوان الي جاهلين بلامور هذي
وعذرني يالغالي على الاطاله لاكن موضوعك جاء بوقته
واتوقع انت اكثر واحد تتعرض بلاساليب هذي
وان شاءالله بتنحل هلمشكله
وتقبل تحياتي ابوجهاد

[أنا داري]

موضوع مهم جداً
والله يبعد الخلاف بين اجميع انشالله

[العاتق]

كلام مهم جدا وخصوصا للأعضاء والزوار اللي يقرا وهو مغمض وما يشوف اللسته ولا يشوف الردود ويجيك يفتح اخر صفحه ويرد... حلال الناس مو لعبه وما يجوز لا شرعا ولا خلقا ولا عرفا انتقاص حلال المسلم او استفزازه بكلمه... اشكرك اخوي هزاع على طرحك والشكر للأعضاء اللي سبقوني بردودهم وجميع القراء

[(هزاع)]

كلام مهم جدا وخصوصا للأعضاء والزوار اللي يقرا وهو مغمض وما يشوف اللسته ولا يشوف الردود ويجيك يفتح اخر صفحه ويرد... حلال الناس مو لعبه وما يجوز لا شرعا ولا خلقا ولا عرفا انتقاص حلال المسلم او استفزازه بكلمه... اشكرك اخوي هزاع على طرحك والشكر للأعضاء اللي سبقوني بردودهم وجميع القراء
الله يهدي المسلمين لما يحب ويرضى

[اقدم صقار]

السلام عليكم
كلام سليم 100% وبيض الله وجهك على طرحك الايجابي وماهو غريب عليك اخوي هزاع وفيه مشكله بعد وهي الزود من البعض الله يهديه ويطير السلعه ويخليك يا الصامل تتركها من زود الثمن اللي سيمت به
واذا اتصل راعيها على السوام يبي يبيعه يلقاه ماهوب صامل ويلقا العذر اخبث من الفعل
ما اقول الا الله يهدي الجميع للصواب ومشكور اخوي هزاع على طرح البناء واسف على الاطاله
تقبل مروري

[اقدم صقار]

اخوي هزاع شدني موضوعك ونسيت الاهم
انت قلت تحية إكبار واجلال من باب التناصح انا اقول الاكبار والاجلال لله سبحانه وادري انك منت قاصد ولاكن المسلمون اخوه والدين النصيحه
وهذي حبت خشم يا الامير ان حصل قصور او خلاف
اخوك ابو منصور

[(هزاع)]

صدقت يا بو منصور
شخص يذهب للطاعات يبي يزيد حسناته
وشخص يكسر بسلع الناس يبي يزيد سيئاته
هذا الاخير ناقص سيئات تهقاه يادافع البلا
بعض المسلمين يتحرى الثلث الاخير من الليل يزود بحسناته

[السومر]

الله يعطيك العافيه يا هزاع موضوع جميل وكنت افكر فيه

لكن من رأي نضيف على اللسته ملاحظه :(( السوم من دون توصيل ))

لأن التوصيل يعتبر اتفاق بين الشاري والبائع بعد البيعه

[غيث 6]

شكرا اخوي هزاع والله انك صادق الله يهدي بعض الشباب يحب اللعب

[(هزاع)]

شكرا اخوي هزاع والله انك صادق الله يهدي بعض الشباب يحب اللعب



شف ياغيث ونا اخوك الشباب الصغار يجهلهم بعض الشي ومعذورين ينصحون ويتعدلون ويتعلمون من الاخوه الاعضاء اللي عليهم الكلام شرواكم مابها شي ونفرح بهم في عالم تراث الاجداد (الصقاره) وذا المسلم مانصح اخوه المسلم وين حنى من الامر بالمعروف والدين النصيحه
ومشكور على مداخلتك اللي تشرف جعل الله الطيب فالك

[بركات ت ت]

بيض الله وجهك على الموضوع الذي كثير مانراه

يتكرر وياليت الاداره والمشرفين لهم دور في هذا

يعني اذا احد سام بأقل من السومه الي قبل تعدل مشاركة أو تحذف

واشكرك مره اخرى على الموضوع الجميل . تقبل مروري

[(هزاع)]

لاشكر على واجب كلنا ونا اخوك مسلمين نخاف الله ونتقيه
واللي مايخاف الله ويتقيه بصره

[سرهاب]

لاهنت ع الموضوع الطيب والنصيحه الجزله وهالشي يوعي
البعض اللي يجهلون بهالامور ،،
والطيب دايم يجي من الطيب

[عيون الاشقر]

الله يعطيك العافيه

[AL_HAWAWI]

شكراً هزاع 1 على مثل هالتذكير والنصح وفقك الله....

[حرالجير]

صح لسانك وماهي غريبة عليك