مشكلة جديدة في الفتك ارجوا منكم التفاعل

[وليد46]

السلام عليكم ورحمة الله وبركاته

اخواني مشرفين واعضاء المنتدى القدير

اليوم واحد من اخوياي معه فتك الفين وسته وقالي عن مشكلة في جيبه

قلت مالنا الا الله ثم مكشات قبل الورشات

المشكلة هي ان الجيب لاصار واقف يصير فيه ترتره قويه من شدة الترتره الابنص حق ضغط الهوى يوصل الا الصفر او قبل الصفر بشوي

ويطلع مع الشكمان دخان اسود. ولا ندري وين المشكلة بالظبط مع العلم ان خويي يقول

ماعبي الا بنزين احمر ولا يوصل الامبير تحت الربع. ويقول مغير بواجي قبل خمسين الف ممشى ومع العلم اذا صار الموتر ماشي مافيه شي والترتره هذي ماهب دايم تجي احيان وحيان

تكفون الي حصلت معه المشكلة لايبخل علينا تكفوون الفزعة يالغالين

[قرم العيال]

يبي له تنظيف لهات .. ويتاكد من شاكوش الديلكو هو زين او لا ..

سبق وصارت معي بددسن .. وهي والفتك واحد
علما

اني نظفت اللهات وغيرت شاكوش ديلكو لقيته محترق .. وبواجي جديده مع اني مغيرهن من فتره قريبه لكن الكربون اعوذ بالله .. طامسهن طمس

[دانكن]

خله ينظف حساس الهوا والثروتل ..

والحساس لاينضفه هو علشان مايخربه .. يروح لواحد مختص ..

وهذا رقم ابو ابراهيم الثنيان ورشته في الرياض في صناعية الدائري ..

0554889337

[وليد46]

يبي له تنظيف لهات .. ويتاكد من شاكوش الديلكو هو زين او لا ..

سبق وصارت معي بددسن .. وهي والفتك واحد
علما

اني نظفت اللهات وغيرت شاكوش ديلكو لقيته محترق .. وبواجي جديده مع اني مغيرهن من فتره قريبه لكن الكربون اعوذ بالله .. طامسهن طمس


تسلم يالغالي ماقصرت

[وليد46]

خله ينظف حساس الهوا والثروتل ..

والحساس لاينضفه هو علشان مايخربه .. يروح لواحد مختص ..

وهذا رقم ابو ابراهيم الثنيان ورشته في الرياض في صناعية الدائري ..

0554889337

الله يجزاك خير

بس حساس الهوا الي اعرفه انه مايطلع دخان مع الشكمان يعني بس تقطيع وكتمه اذا دعس وخويي يقول لا صار واقف بس يقطع

[يريور عيمان]

دخان اسود معناه ان البترول زايد او ما يحترق بكفائة في السلندر

[سراي-01]

انا عندي نفس المشكله دخان اسود اذا دعست له وهو واقف ولا عرفت وش الحل ؟؟ هل هو تنظيف بخاخات؟؟ مدري,,,,, الموتر باترول 2001سوبر سفاري.. تقبلوا تحياتي

[ابوسند9]

اخوي خله يتاكد من فلتر الهواء لا يكون قديم ومتسخ لانه اذا كان متسخ تكون نسبة البانزين اكثر من نسبة الهواء