الضب يشرح معاناته بمعروض للامير ......

[بدوية متحضره]

السلام عليكم ورحمه الله وبركاته

:rolleyes: وبعد بحث وتحري

ودورة لشيء جديد لم يتم نشره من قبل

لقيت هالقصيده .... تراها لاول مرة تنشر على الانترنت :D

لاني اعرف الي الفها
وهالقصيده لها مناسبه .. وهي ان الورع الي كتبها كان حاضر مجلس واحد من الامراء معه ابوه وخواله وعمانه الخ
وكان الضب في جيب الورع .... شاف العالم الي تخترش وتقدم معاريض ..
قال وهو في مخباة الورع انت وراك ما تقدم معروض يحطون لك محميه مثل الغزلان
المهم عاد تمخضت قريحه الضب عن هذه القصيده العصماء وكتبها في معروض وقدمها للامير
بس ماراح يعطيه وجه تدرون ليش ؟؟؟

لانه نسى يمدحه في البدايه :D

المهم اترككم مع الابيات المحزنه ومعاناة الضبان لعلكم تحنون عليها شوي الصيفيه القادمه


الضب قدم للوزارة شكيه ** يقول انا مظلوم وسط الصحاري
الحيوانات تعيش عيشه هنيه ** وانا مع الكبسات تحت الكباري
مسكين مالي واسطة خارجية ** الواسطة عند الضباء والحباري
اشتكي من الازمه ظروفي قوية ** خصوص وقت الصيف لا صرت عاري
محمية الغزلان دون الحوية ** وانا مقطع وسط رز البخاري
انا لحالي عيشتي جاهلية ** انصاد لو اني بنك العقاري
في سوق منفوحه يحرج علية ** مكتوب اسمي بالسجل التجاري
احتج وقدم للامه قضيه ** ممنوع صيدي بالسلاح النياري
اعيش انا وياالحبارى سوية ** مافيه فرق بين يس وهواري
اليا طلعت ابتمشى شوية ** اليا ساتن كوم تضرب بواري
الصيد يتمشى جري واهنيه ** محمية الغزلان وام القماري
وانا مسلسل طاش يضحك علية ** وين التقدم والسلوب الحضاري
ليش الورر مرتاح وانا خوية ** والا كمن الضب عنده سباري
هالوصف هو زيي وبالوصف زية ** يلعب معي بالليل عظيم ساري
ان كان مالحقت على المنية ** وان عاش راسي تاكلونه اجباري



:D

[ابو عمر اللاحم]

الحمد لله على السلامه وصح لسانك يا بدوية .

اضني قريت هذه القصيده في منتدى سدير

لاكن مشكوره على اضافتها هنا لأنها قصيدة جميله وفيها معاني هادفه !!

وتقبلي تحياتي اخوك نهار ابو عمر

[بدوية متحضره]

لالالالالالالالالالالالالالالالالالالالالالالاه ؟؟؟


حرااام عليك وانا لي ثلاث شهوووور ابحث وادور

واخرتها يجيبون لي قصيده مسروووقه ؟؟


والله انك طيحت وجهي يانهار


طيب كان سكت

انا ترى كنت مصدقه ان البزر الي جابها لي هو كاتبها


اثره طلع سرووق


مشكوووور على مشااركتك

والله يعطيك القوة تصحح كل الاخطاااء

وانا ابروح القط وجهي :D

واجيكم بعد ثلاثه شهور ثانيه

[المسفهل]

أختي بدوية متحضرة هذه القصيدة نشرت في هذا المنتدى أكثر من مرة :p

فأول من نشرها أخونا عاشق الصحراء بتاريخ 7 - 5 - 2002 ارعصي هنا (http://www.mekshat.com/vb/showthread.php?s=&threadid=2290&highlight=%C7%E1%DF%C8%C7%D1%ED)

ثم نشرها أخونا مخاوي الذيب بتاريخ 17 -5 - 2002 ارعصي هنا (http://www.mekshat.com/vb/showthread.php?s=&threadid=2391&highlight=%C7%E1%DF%C8%C7%D1%ED)

[وضــ الوافىـاح]

تسلمين بدويه الصراحه قصيده مافيها حيله .:good:


وانا اول مره اشوفهها لذالك لا تبغلين علينا بكتاباتك
واختياراتك الطيبه

تحياتى لك تحيه تشبهه اسمك الرائع

[بدوية متحضره]

وشهو عقبه عاد


لا لا خلاص الشرهه على الي يقعد ثلاث شهور يدور له مشاركه زينه


واخرتها تطلع مضروووبه



ايه الشكوى لله



انواع التلقيط الراقي


:D

تسلم اخوي وضاح الوافي
والله ما يجبر الخاطر غير مشاركتك

الله يعطيك العافيه انا منول ضافتن عفشي ابطلع من المنتدى لكن هونت

عشان اتحفكم بمزيد من المشاركات :D

شكرا جزيلا لكل الاخوان الذين شاركونا

[ابو عمر اللاحم]

:D :D :D

تصدقين يوم قريت ردك مت من الضحك .

تحيات لك .

[بدوية متحضره]

:mad:

[ابو عمر اللاحم]

لا لا .... السموحه ترا ما نحب عقدة الحجاج :what:

[بدوية متحضره]

:rolleyes:

مهيب عقده حجاج هذي حقد

[ابو عمر اللاحم]

الله يكافينا الشر .... ايه مره ثانية لا تجيبن مشاركه منشوره مرتين ترى عندك ملاقيف .

مثلي طبعاً .

:D

لاكن اسلوبك بالرد احسن من المشاركه نفسه هاه عاد انبسطي ؟؟

تحياتي ،،،

[المسفهل]

أنا أقد م اعتذاري وكلي ند م وأسف :mad:

حيث قابلت مشاركتها بالغلضة والفضاضة :rolleyes:

وما كنت أتوقع أن ذلك سوف يؤثر على مشاعرها ويغثها:mad:

وحقها على - ذبيحة أو ذبيحتين - :D

[بدوية متحضره]

:D




دااام الدعوى فيها ذبااايح

لاوالله رزينا الخيام بالمنتدى اجل



هااه يالمسفهل لا تبطي علينا ابروح اعزم بقيه الاعضااء

[مقيط]

الله يعطيك الف عافيه اختي البدوية المتحضره والصراحه اول مره اشوف هذي القصيده وترني اسف على نشرها نسختها ونسقتها واطلعت الزملاء عليها وصراحه اعجبو فيها . ( رفع معنويات )

لكن اختي ممكن تبيني لي معني هذا الشطر ( مافيه فرق بين يس وهواري )
وهذا بعد الكلمه هذي ( اليا ساتن )
وهالشطر الله لايهنك ( والا كمن الضب عنده سباري )

ياخيتي ترى ماعندك احد يالله بالتفصيل افهم .
وشكراً مره ثانيه

اخوك مقيط

[بدوية متحضره]

يامال فرقا العين (هذي قلتها خلف الكواليس )





احم احم


:rolleyes:


حياك الله اخوي مقيط ومشكور على رفع المعنويات

والحقيقه انه ارتفع الضغط مهوب المعنويات

المهم

هذي المعاني الي تنشد عنها ياوجه الخير معناها عند اخونا المسفهل يعلمكياها
ان شااء الله لا قلطت على عشاه


:D وين العشا يالمسفهل