ايهما تفضل الرحلة بسيارتك والا بسيارت غيرك

[أبُو عبدالله]

اخواني حياكم الله
ايهما تفضل الرحلة او الكشته بسيارتك والاراكب مع احد بسيارته
واذكر السبب؟
مع الشكر والتقدير سلفا لكل مشارك او قاريء

[أنس الحزيمي]

سيارتي
لاني أثق بها وأعرف أتعامل معها ومجهزة بكل التجيهزات المكشاتيه

[أبُو عبدالله]

انا بالنسبة احب اكشت بسيارتي لاني مسوي فيها طبق من تصميمي تكون تحته الاغراض وبنفس الوقت يكون الطبق على شكل سرير بعد صفط المراتب ومرتاح له كثير مبعد عن الازعاج وخشاش الارض وانظف

[الفنطاس]

سيارتي لاني اعرفها وجميع اغراض الرحلة متوفرة بها

[عبدالله...]

والله ياخوي بسيارتي عشان اروح واجي و اتصرف بالموتر على كيفي

[محطم عنيد]

سيارررررررررررررررررررررررررررررررررتي

حلالي وأقدر اتصرف فيه كيف ما أريد

[أبوعابد 22]

سيارتي لأني أعرف وش فيه وش مافيها وبعد مجهزه بأغراض البر

[النجم السراي]

سيارتي اكيد لانها حلالي واعرف تصرف بها

[volcano]

بسيارتي بس حلاتها لما تخليه هو اللي يدفع البترول;) وانت تدعس وهو يحترق:D

[جبل راف]

بسيارتي اكيد

[تناهيت]

لا باللة بسيارتي خاصة رحلات البر والسفريات الطويله

[ألشاكي]

سياره غيري عشان لو تتطعل ولأ انفقع الكفر ماعندي مشكله سيارته وهو الخسراان وأنا اقوله فداء الدعوه بسيطه وأناارجع للبيت سيارتي عند بيتي وفلوسي بجيبي

[شحبار]

سيارتي اكيد آخذ راحتي بالموتر على كيفي لكن اذا صاحبي لزم بموتره اروح معاه ولا اضايقه

[الاشهب -]

والله يالحبيب ..
موتري ميزته اني اعرف وش انا عليه وانا اللي اديره واتحكم فيه، واستمتع بالسواقة فيه..
وموتر غيري ميزته الراحة من السواقة وقلة الصرفية..

وعن رايي بايهن احسن:
موتري بالطلعات الخفيفة
وموتر غيري بالطلعات الطويلة والسفرات..

[شمال الجدي]

اذا كان لدي سيارة مجهزة باغراض وامور البر والكشته

فالافضل سيارتي وان كانت سيارتي مجرد سيارة فارغة فافضل الركوب مع من سيارته مجهزة وهذا الافضل

[abu safah]

سياره غيري عشان لو تتطعل ولأ انفقع الكفر ماعندي مشكله سيارته وهو الخسراان وأنا اقوله فداء الدعوه بسيطه وأناارجع للبيت سيارتي عند بيتي وفلوسي بجيبي
بعدي يالذيب شوري من شورك
ودنا نطلع للبر دورلنا احد نطلع معه
ونفلهاااااااااااااااا

[أبوفهد الشمري]

بعدي يالذيب شوري من شورك
ودنا نطلع للبر دورلنا احد نطلع معه
ونفلهاااااااااااااااا

عفيه والله على الرجال .. تدورون الهين ووتحطونها براس الخوي ...

افا بس افا ..

راحت سلوم العرب ..

[abu safah]

عفيه والله على الرجال .. تدورون الهين ووتحطونها براس الخوي ...

افا بس افا ..

راحت سلوم العرب ..
دور سلوم العرب بالفقحة والفزعة وعتق الرقبه اما تطلعه مع اخويا كلنا شي واحد

[أبوفهد الشمري]

بالفقحة

صحيفتك املئها بماشئت ....

[abu fares]

أفضل سيارتي بالطبع زي ما قالوا الرجاجيل حلالي وأتصرف فيه بكيفي

وبالنسبة للي بيطلع مع خويه فلو قدر الله عليهم وتعطل الموتر والاتضرر فالواجب والخوة تقول ان الخسارة يتحملها الجميع

[المداوي2]

سياره غيري عشان لو تتطعل ولأ انفقع الكفر ماعندي مشكله سيارته وهو الخسراان وأنا اقوله فداء الدعوه بسيطه وأناارجع للبيت سيارتي عند بيتي وفلوسي بجيبي


والله النفس الرديه والبخل الزايد وان دل دل على اخلاقك وتربيتك وبيئتك السيئه

[ابو باسل]

سياره غيري عشان لو تتطعل ولأ انفقع الكفر ماعندي مشكله سيارته وهو الخسراان وأنا اقوله فداء الدعوه بسيطه وأناارجع للبيت سيارتي عند بيتي وفلوسي بجيبي


والله رداء ولا هي من علوم الرجال
اتمنى انك تمزح وإن شاء الله ماتكون هاذي علومك

[قناص خلاوي]

المهم بالموضوع الخوي وش هو من لحية
سواء ركب معي او ركبت معه
المواتر حديد والعزب متوفرة وامرها سهل
المشكلة بالخوي هو اللي يزين المقناص والطلعات ويخربها
وموتري الحمدلله مجهز من إلى ماينقصه الا النشمي اللي يوسع صدرك بالروحة والجية

[العرندس909]

ماقنيت الموتر الا عشان أعز نفسي وأعز خوياي

مجهز موتري من الألف الى الياء عشان هالشيء

متعتي تكتمل بالذهاب على سيارتي

ولو قُدر أني رحت راكب فالخسارة مشتركة قلّت أو كثرت

[كثير السؤال]

اكيد بسيارتي افضل
لاكن اذا صرت رديف له طعم
وبوقت الربيع احب اركب رديف علشان اتفرج على المناظر واستمتع

[ابوريان القحطاني]

المهم بالموضوع الخوي وش هو من لحية
سواء ركب معي او ركبت معه
المواتر حديد والعزب متوفرة وامرها سهل
المشكلة بالخوي هو اللي يزين المقناص والطلعات ويخربها
وموتري الحمدلله مجهز من إلى ماينقصه الا النشمي اللي يوسع صدرك بالروحة والجية


لا فض فوكا هذي الزبده

[ألشاكي]

والله النفس الرديه والبخل الزايد وان دل دل على اخلاقك وتربيتك وبيئتك السيئه


أأأمزززززززح وابي اشووف رددت فعلكم

اهم شي الخووي خل السيارات
والسيارات اشوف الطلعه على الافضل والاحسن سواء سيارتي او سيارته هذي مايبلها كلااااام

[أبوفهد الشمري]

بعدي يالذيب شوري من شورك
ودنا نطلع للبر دورلنا احد نطلع معه
ونفلهاااااااااااااااا

عدل ردك ... كلامك مردود عليك

[أبُو عبدالله]

بعدي والله كل واحد قال اروح على سيارتي هذي حلاته الواحد يروح بحلالة

[ال-رايق]

حي الموضوع وحي راعيه,,,, لكن ما حطيته الا تبغى الصراحة::
والصراحة مرة..لكن تفضل:::
سيارتي حتى لو السيارات كثيرة وكل سيارة مافيها الا راعيها حتى لو ساعة او ليلة.او اكثر
اما اذا الرحلة فيها مخاطرة على سبيل المثال مقناص في مكان ما.وفكرة واحد ما هو متأكد. والله احاول اصرف واذا لابد افا على غيرك نروح على سيارتي ورب البيت كريم والحمدلله الامور طيبة وفيه بيت اعجبني عساي اضبطه:
فنجال اشربه على كيف روحي========خير من دلة وراها الف منة

[عويل الذيب]

السلام عليكم
والله وناخووك الروحة بسيارتك اريح ولا فيها احراجات وتكووون حر

[الكلاسك]

سياره غيري عشان لو تتطعل ولأ انفقع الكفر ماعندي مشكله سيارته وهو الخسراان وأنا اقوله فداء الدعوه بسيطه وأناارجع للبيت سيارتي عند بيتي وفلوسي بجيبي

:mad: جعلك منت خويي
وجعلي ما اعرفك ولا اعرف جنسك :mad:

[الكلاسك]

بعدي يالذيب شوري من شورك
ودنا نطلع للبر دورلنا احد نطلع معه
ونفلهاااااااااااااااا


اعوذ بالله
بئس اللأخوه معك وبئس من تأيده !!
جعلي ما اعرفكم ولا اعرف اجناسكم :mad:

فعلا تربية حضائر

[Messerschmitt]

انا رايي من راي الرجال

ودي اطلع بموتري لاني اعرف اغراضي عشان سبحان الله لا احتجت شي

والحمدلله مجهز نفسي حتى للامور الطارئه ومشتري بعض الاغراض مثل

شنطة اسعافات أولية - مشارط - مضادات حيوية بعد التوكل على الله.

safety first = السلامة أولاً .

وبالنسبة يا جماعه لاخونا الشاكي تراه ان شاء الله يمزح , وهذا كلامه بالصفحة الثانية


أأأمزززززززح وابي اشووف رددت فعلكم

اهم شي الخووي خل السيارات
والسيارات اشوف الطلعه على الافضل والاحسن سواء سيارتي او سيارته هذي مايبلها كلااااام

بارك لله فيكم

[لجلك تعنيت]

والله بسيارتي عشان اروح واجي و اتصرف بالموتر على كيفي

[مافيه]

عن نفسي بسيارتي لاسباب كثيره واولها امتع وتحس بطعم الطلعه وتعرف وش الي تقدر عليه واقدر افزع للمحتاج

بس للأسف الخوي رايه من رايي وفي الغالب الكشتات القريبه انا و الخوي بس على موتري و البعيده على موتر الخوي لانه اريح من موتري وفي بعض الطلعات بالموترين (اذا زاد العدد اكثر من 4)

[قرة عينى]

والله بسيارتي احسن واريح للنفسيه

[LOL-TAYH]

على حسب مزآجيي !

[محمد آل مغيرة]

دور سلوم العرب بالفقحة والفزعة وعتق الرقبه اما تطلعه مع اخويا كلنا شي واحد



يا عزتي لخويك منكم
ردي وبذيء لسان بعد
أما الرد على الموضوع لا والله موتري تحت رجلي وخدمة للخوي
والواحد يعرف موتره زيييييين ومجهزها من الى