طالب مشورتكم ياعيال الاجواد

[خفوق الشقا]

ياشباب حصلت جيب fj موديل 2007 لون ازرق بدون دبل استعمال امريكي ب77 الف

ابي رايكم ياشباب بارك الله فيكم من ناحيه السعر ومن ناحيه اللون وبالنسبه لهذا النوع ( بدون دبل ) هل تنصحوني فيه وكيف عزمه ؟ وهل في التغاريز ينفع ولا لا ؟ قسم بالله محتار لان الجيب جدا نظيف وانظف جيب لقيته في حراج جده بس متخوف من موضوع الدبل هذا ؟؟؟

[عارف العبدلي]

حبيبي اذا بتاخذ جيب بدون دبل اشوف انه يعني مدري وش اقولك روح خذلك
جمس احسن والله مدام مافيه دبل وقريب من سعرك موديل 2009 حوض
حق بر وحق سفلت وحق تحميل وحق فله ووناسه اما سعر ال fj بدون
دبل والله انه غالي جدا مشوره فقط وليس امر


احترامي

[برهان1]

ترى سعره ما بينه وبين اللي بدبل فرق وبعدين معاد جيب ذاللي بدون دبل لو يعرض علي ب65ما خذته لأنه بينشب بحلقي بعدين نصيحه ما ينفع ابد يقول من شاورك دخل بذمتك وانا صدقتك القول

[دل البحار]

من غير دبل وألمديل 2007م
من رأيي أتشوف مديل أحدث ويكون دبل لأن السعر غالي ع المديل فما بالك من غير دبل وأسعارها بجده 2009 بدبل ولون ومشي قليل أسعار معقوله
لكن الاف جي من غير دبل مررررررررره ماله حلاه
ولا تستعجل
يافيه جيوب شفتها شف دخلة الدبابات حراج الدبابات السوزوكي يمكن الدخله الثانيه عنده ولا 3 اف جي 2009 وسعرها رخيص ومشي قليل

[رشيد22]

من غير دبل ماهو جيب وش تبي به

[ArMaDa1398]

بيني وبينك وانا اخوك الجيب بدون دبل مثل الاكل بدون ملح
غير كذا امريكي وبيبهذلك في البيعه وبنكسر سعره
اذا بتوصل 77 الف وشايف انها ما تجيب لك جيب اف جي انصحك تاخذ جمس ساييرا قطع 10 دبل بتحصل
بالمبلغ هذا موديل من 2007 او 2008 نظيف
والنوع هذا يمسك سعره اذا الله فكه من السمكره
هذا رايي ويمكن بعض الاخوان يوافقني الراي

[كيفي سعودي..؟]

اذا كانك بتاخذ جيب بدون دبل 77 الف منتن مستفيد منه
واللون ازرق مايجي على الجيب
اشتر لك لاند كروزر ازينلك
تقبل مروري

[خفوق الشقا]

بيض الله وجيهكم وماقصرتم ياشباب وانا بتركه وبشوف غيره وبدبل بس وش الافضل الاوتماتيك ولا القير العادي ؟ وبكم الاقي 2009 مشيه معقوله ونظيف ؟؟؟

وصبحكم الله بالرضا والعافيه

[كــايــدهــم]

اكيد اتركه
بدون دبل وش تبي فيه

[راعي الأجفل]

لا تاخذه ..

بدووون دبل خذلك كامري
77 تجيب لك فور شنر 2007 فل كامل 6 سلندر دبل

[قناص بني عبس]

اذا انت تطلع بر كثير لا تاخذ اللي بدون دبل

وبعدين اذا تبي جيب كويس للبر خذلك ربع او بترول او فورشنر ترا خفيف بالصحرا اذا غرز يطلع على طول وجيب كويس من كل النواحي يصلح للعوائل والبر وخفيف مره اسال مجرب

[ولد روووق]

لاتشتريه حسب ماقالولك

[بو شوق]

لاتاخذه بدون دبل ماهو جيب

[المنيعي1]

لا تاخذه ..

بدووون دبل خذلك كامري
77 تجيب لك فور شنر 2007 فل كامل 6 سلندر دبل
تجيب 2008
خذاه واحد من الشباب ونظيف بـ 74