أفزعولي بحل ,, كرهت الجيب بسبب الأحراجات

[مفكر عربي]

السلام عليكم

أبغاكم تساعدوني بتصرفيه أو أبيع الجيب بصراحة محتار

ربي انعم علي بسيارتين ولله الحمد و انا حاط الجيب بس للطلعات البر والبحر

ولكن المشكلة في زملائي + أصدقائي + الجماعة + الجيران

كل شوي يطلبوني الموتر

بصراحة قمت أصرف فيهم ليس بخلا ولكن تتعب على الموتر ومن ثم يجي ياخذه ويمكن يخربه عليك

قمت الأحراج لمن يطلبه واحد من أقرابك

مواقف
1- واحد من أعز أخوياي أخذ الجيب و جلس معه أسبوع جابه لي وسخان ومغبر و
والبنزين على الصفر

2- واحد أخذ الموتر ورجعه لي والشنطة ما تفتح أنكسر القفل

3- واحد من الزملاء جاء طلبني الموتر يقول يبي يطلع يطعس مع أخوياه سلامااااات


هل تمرون بنفس الظروف والاحراجات وما هي الحلول المقترحة

وشكرا لكم

علما أن الموتر شروكي ---- غالي علي بالحيل

[ألشاكي]

انا كام معي ربع نيسااان

مثلك بالضبط لكن الاحرااجات اذا جاء يوم الخميس والجمعه انواع الاتصال الزملاء وأبنا العمومه يالله طلعنا البر

طلعنا نكشت كل خميس وجمعه انواع الازعاج حتى اهلي مااقدر امشيهم منهم

وحين بعته وأشتريت فورد ماركيز والله مأأحد أتصل على مرررررررررررررررررره

والله يذكر أيام الجيب بالخير كانو خويااااااي كثااار والوناسه طلعات وشب نار

وأخير أكتشفتها مصلحه ،،، الناس كذا




أخوي مفكر عربي

هل قبل الجيب كان أحد يتصلبك أولاااا

[عناز الحره]

1- واحد من أعز أخوياي أخذ الجيب و جلس معه أسبوع جابه لي وسخان ومغبر و
والبنزين على الصفر


لو يعزك ماجابه كذاااا
ولو انت تعزه ماجلست تقول عنه كذااا
وهذى كما قال واحد من الشباب
فى قصيده فكاهيه
لى صاحب كهكهانى وانا مثله كهكهانى:D
ان احتجته مالقيته وان احتاجنى مالقانى:no2:


واللى يطلبون الجيوب كلهااا خوة ضحك وكهكهه
ولايبيلهم الا وجه ابن فهره
هههههههههههههه
يعنى مثال جا يطلبك الجيب
قول والله بعته وهو وراه:D:D:D:good2:
واللا عطه اياها كاش قول انت ماتستحى روح فلل الجيب وغسله وهاته:D:D:D
عشااان ماتطلع لك يوم وتلقاهم جايبين جيبك زى كذا وماشين عنه
وراسلين رساله مكتوب فيهااا
((جمل الله حالك هههههههههههه))
http://up.graaam.com/p10ic/9395d85350.jpg



الا عاد مع الرجال اللى يقدرون شرواكم
يستاهلون الواحد ياقف معهم

[ولد روووق]

ان قلت ماني معطيكم رخامة وان قلت عطيتهم مشكلة الله يحل ازمتك

[قناص طيبه]

انا معي ربع نيسان ....وما مر علي الموقف هذا.

لكن خويك هذا اللي رجعه لك مغبر وحالته حاله (ما يستحي )المفروض يرجه لك احسن مما اخذه .

لكن اذا احد طلبه منك طقها بوجهه لا تستحي.(الصراحه راحه )

[«نجم الخير»]

تهادوا تحابوا

لو مايستاهل ماعطيته الموتر الصديق بوقت الضيق

[abo mani3]

عادي قل الجيب ابيه عندي حاجة وما اقدر اقدم حوائج الناس على حاجتي صح ولا لا

وشف بيدق عليك يطلبه ولا لا

[قفار]

أخوي أنت أدرى بربعك وجماعتك ..

اللي ما يستحي منك لا تستحي منه أكرشه ,,, والرجال اللي يستاهل وكفو ما يغلى عليه شي..

[محطم عنيد]

الله يرجك عناز الحره هههههههههههههههههههههه

شف وانا أخوك إوما انا ولله الحمد محد أشغلني لي شخصيه من جنبها
يمكن يكرهوني ههههههههههههههههههههههه

[شحبار]

اخوي اخذ كلام واحد مجرب وحاكته الدنيا من هذي النوعيات والله يعينك عليهم هذول مايستحون لاتستحي منهم
اعز اخوياك الي رده مصفر قوله سامحني ماني معطيك الجيب وهذي الاشكال مرتزقه يعيشون على افا العالم
يقول الشافعي رحمه الله ففي الناس ابدال وفي الترك راحه
والثاني ليش ماقلتله ليش القفل خربان خل يستحي اذا عنده حياء
والثالث بكل قلت ادب يبي يطعس سامحني ياخوك بهذا الزمان الطيب يسمونه مغفل
لالالالالالالالالالالالا تبيع الجيب واستانس بحلالك ولا تستحي من هذي الاشكال وقولهم الجيب مابي اعطيكم اياه واذا تبي تساعد صاحبك وهو عنده ظروف صج عطه موترك الثاني او اهله واخوانه يعطونه

[(((.ابوتميم .))))]

للاسف مايستاهل لقب اعز اخوياي
انا خابر اذا الواحد طلب موتر احد لازم يصير حادته الحاجه مررررره يعني خلاك اخر حل مهوب اول حل
واذا خذه المفروض يغير زيته ويفلل بنزيم ويغسله وينضفه
اما ذا بصراحه مايستاهل
اذا الله بلاك بناس ماتستحي تقوم انت وتستحي على كذا انت خسران
انتبه من اخوياء الرخاء وانا خوك وخل موترك معك ولاتبيعه علشان ناس ماتستحي اذا طلبه احد منك قل بروح عليه او خربان صرف اي تصريفه وخله يحس
ملاحظة : الموتر شي خاص مثل الثوب والغتره والي يطلب شي مثل كذا هذا فيه نقص والي يطلب الناس حاجاتهم دايم هذا ماعنده حياء
لاحد يقول خلك كريم انا كريم مع الكريم مهوب ياخذ موتري ويتمشاء عليه ويخربه بعد
من بغاء مني اي شي على راسي لو افداه بالي يبي بس مع الي يستااهل اما واحد نقص من احترامه لي ويستغفلني هذا مايستاهل
تحياتي
تحمست والا ؟

[عناز الحره]

اخوي اخذ كلام واحد مجرب وحاكته الدنيا من هذي النوعيات والله يعينك عليهم هذول مايستحون لاتستحي منهم
اعز اخوياك الي رده مصفر قوله سامحني ماني معطيك الجيب وهذي الاشكال مرتزقه يعيشون على افا العالم
يقول الشافعي رحمه الله ففي الناس ابدال وفي الترك راحه
والثاني ليش ماقلتله ليش القفل خربان خل يستحي اذا عنده حياء
والثالث بكل قلت ادب يبي يطعس سامحني ياخوك بهذا الزمان الطيب يسمونه مغفل
لالالالالالالالالالالالا تبيع الجيب واستانس بحلالك ولا تستحي من هذي الاشكال وقولهم الجيب مابي اعطيكم اياه واذا تبي تساعد صاحبك وهو عنده ظروف صج عطه موترك الثاني او اهله واخوانه يعطونه

انشهد الطيب عند الانذل ضمن لائحة المغفلين

[متعب السليمي]

نفس المشكله
اخذ موتري واحد من زملائي بالعمل والرجال كبير شوي بالسن
خميس وجمعه والمشكله اني مامعي الا الجيب بس انحرجت منها سيارته بالورشه ويقول ابطلع ورعاني للبر
قلت زميل وتستاهل وطلبت واحد كبير بالسن وكان عداد البنزين تحت الربع ومد عليه 50 ريال قلت عب بنزين وعياء .
المهم جاني منه اتصال صباح يوم الست ويقول الله يعطيك العافيه ماقصرت وبشرك سيارتي طلعته وسيارتك عند الورشه والمفتاح في غطاء تانكي البنزين
وروح لسيارتي مستغرب منه الحركه واركب سيارتي والمفاجئه الكبرى ان عداد البنزين على الخط الاخير .

[ابولولو]

اخوي مثل ماتكلموا الاعضاء وافدوئك
الي مايستحي منك لا تسحي منه
ونصيحه والموتر فيه خربات وتصليح خله وشف اي واحد يطلب الموتر وقله الموتر يبيله تصليح خذه وصلحه علي حسابك شف ردت الفعل منه يبي يقول خلاص خله مره ثانيه هههههه
الخلاصه ياء خل الموتر سبيل وتحمل واسكت والا طلع العين الحمره عليهم الي اكثرهم مايستحون
والله اني استحي اطلب اخوي ماهب صديقي

[الموسوي]

حنا ما ذبحنا الا المجاملات والطيبة الزايدة
الي ما يستحي منك لا تستحي منه
انا لا يمكن اعطي الموتر الا لواحد من الخاصة القريبين بالحيل من ربعي فقط والي مجربهم وعارفهم في اللوازم ووقت الحاجه

[مفكر عربي]

الله يعطيك العافية جميعا

بصراحة معاناة وأنا أستفدت من نصائحكم

الله يعطيكم العافية

المشلكة يا شباب لمن يجيك واحد من أعز أخوياك ويعرف ان سياراتك ما فيها شيء

تصرفه ويش تقوله وهو عارف كل ظروفك

لكن من اليوم ورايح معاد فيه مجاملات

أبقول لكم شيء : الان الموتر مع واحد من الشباب ههههههه معاناة

[نادر عش]

اصلاً عيب يطلبك الموتر عشان يكشت به او يطعس هذي قلة حيا لاكن اذا طلبك احد قله كفراتة خربانة واذا طلع الراتب بركب له وان كأنة رجل بيقولك الكفرات على حسابي وان كأنة رخمة بيسكت ولاتجامل وانا اخوك غير إخوانك وأبوك والرجل الي تدري انه كفو عطه بالوجه وقله ماقدر×

[الحبييب]

السلام عليكم

اذ كان الموتر بر البيت سو مثل ما اسوي
حط نص علبه زيت تحت الموتر وقل (خربان )

[باترول 82]

بصراحة قمة الاحراج المشكلة يوم يطلبك واحد من اخوياك الخاصين وبيسافر على موترك وانت تعرف ان سواقته لك عليها ممكن يعدم عليك القير او شي من ذلك خاصة اذا بيسافر عليه للجنوب وتعرفون طلوع العقبات يبيله مهاره وفن والكثير من السائقين لايجديدها وسيارتك جديده وانتم ابخص السيارات الجديده هالحين مافيه اقل من 100 الف ريال ومتكلف فيها دم قلبك واللي مثلي معه جيب قيمته 170 الف ويش يسوي

[تكاشف ابروقها]

نصيحه مني وانا اخوك موترك ولا سلاحك لا تعيرها لحد مهما يكون

[عناز الحره]

السلام عليكم

اذ كان الموتر بر البيت سو مثل ما اسوي
حط نص علبه زيت تحت الموتر وقل (خربان )
هههههههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههههههههه
هههههههههههههههههههههههههههههههههههه

[أَبوابراهيم]

اخوي البلا فيك انت مو فيهم
ولا هالاشكال بكل مكان

ومافي شيء اسمه اعز اخوياي دام هالشيء بيضرك .. وتراك خسران ثم خسران ثم خسران دامك بتعطي لو ناسن من الجماعة


ماتعرف تقول والله محتاج الموتر .. ولا ماقصرت معك ؟

والموضوع مافي اي كذب انت محتاج الموتر لحاجته ماهوب يخرب عليك وتروح حاجته :(

[900]

الصدق مامثله
ولا تجامل ابد على حساب نفسك

الله يرحم جدتي كانت دايم تقول
((اكشح بالوجه ولا تمغص بطنك))
اي قو وجهك ولاتجامل ثم يمغصك بطنك من القهر والغبنه

[الحر503]

افاادوك الاخوان ,,وانا عندي واحد من النوعيه هذي فيه بجاحة قوية ...قلتله الموتر لاجاه شي على حسابك اخذه ورجعه سليم 100% ولا عاد شفت رقعة وجهه مره ثانيه

[أبوعابد 22]

والله ماأعطيه موتر لو يطلع في راسه نخل سلامت يطعس عليه
خير انشاء الله الحين انا راعيه محافظ عليه وانا تجي تدمره
والله وانا واخوك أنت طيب بزود هذا حلاك وانت حر فيه
والعينات الي مثل كذا اكرشه وازبدها في وجها ولاعليك منه
ولين قال ابي موترك قل موتر مزبن فيه سلاح وصناديق رصاص وعليه قضيه
ولين قل وشهي القضيه قل رامي دوريه وذبحة العسكري وزبنة الموتر في البايكه
وبها الطريقه يجفل ولا عد يدق عليك خير شر ولو تقول بعد ان جوالي مراقب احسن
وان دق عليك وقال ابي موترك افلقني

[شحبار]

الله يعطيك العافية جميعا

بصراحة معاناة وأنا أستفدت من نصائحكم

الله يعطيكم العافية

المشلكة يا شباب لمن يجيك واحد من أعز أخوياك ويعرف ان سياراتك ما فيها شيء

تصرفه ويش تقوله وهو عارف كل ظروفك

لكن من اليوم ورايح معاد فيه مجاملات

أبقول لكم شيء : الان الموتر مع واحد من الشباب ههههههه معاناة
سامحني البلا فيك ولا تقول :no2:استفدت من نصايحكم لانك ما اخذت فيها
وانت ماراح تتوب لين يكسرون سيارتك :redcar:ويشوفون غيرك يستغلون طيبته وسكوته ولا تصير مغفل وانا اخوك لاتزعل مني لاني اكبر منك ومحتر عليك
تكفه لاترفع ضغطي لي فات الفوت ماينفع الصوت :director:

[نوخذه البحرين]

الشيروكي دايما غالي علينا كلنا هههههههه

بس دامه شيروكي الرد جاهز وانا اخوك ، قول لهم ان حرارته ترتفع خخخخخخخخ وصرفهم

إلا اللي يستاهل لا ترده !!!

[الحبييب]

هههههههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههههههههه
هههههههههههههههههههههههههههههههههههه
حياك الله اسعدني ابتسامتك :D
ياخوي وش انسوي تعبنا وحنا نصرف :p
اسف يا راعي الموضوع

[سيف الظفير]

الله لا يجيبها لنا ذا الامور

كل الربع ومن حولنا يالله لك الحمد


بمواترهم والبيت اذا فيه 3 الى 5 سيارات والله شوية


يا الغالي خلك قوي شخصية لا تاخذك العرب ولا ياخذون حلالك


انت ماخذها قرامة ومرجلة وهم في نظرهم يعتقدون انهم ذيابة

نصيحة لا جاك منهم احد


قله بصريح العبارة





توكل على الله

[ملجلج 305]

اخوي اذا سويت شي لا تمنه خلها بحمولها تدرج
ولي بيقضي ازمه فيه عطه اما وحد لعاب لا يخسا عنه لا الي بطعس وره كيف يطعس على الزفلت ونا اخوك

[النجم السراي]

يارجال اعطي الموتر اعز اقاربك مهو اعز اصدقائك ترى بعضهم مصلحه

اذا تبي تنفك من اعز اصدقائك بع الجيب

اما انه يطلبني ويقولي ابي اطعس عليه وهذا مايستحي على وجهه وقالها لك

نصيحة من اخوانك انك لاتبيع الموتر ولاتعطيه احد وترى بعضهم ماتضمن تعطيه الموتر

واذا ماتقدر تقولها في وجهه وقفه في المواقف واذا جاء طلبك قله خربان والا صرفه

الي مايستحي منك لاتستحي منه

عسى الله ان يبعد عنا هالاشكال

[zulfi]

أحلى واحد الكهكهاني....

[اورنس الشمري]

يدك لا مدت (وفا) لا تحرى وش تجيب

ساعد المحتاج أما غير المحتاج لا تساعده

[راعي هدد 2007]

والله انا اشوف مالها داعى الكلام كل واحد يقول فضايح اخوياه ياخى ماجاك الاوهو خويك او قريبك مافيه احد بيجيك من الشارع ويقول عطنى سيارتك
ياتعطيه وانت راضى ولا لاتشتكى تحمل مايصير
مجرد راى وكل واحد حر فى حلاله

[الشقردي 205]

اللي ما يستحي منك لا تستحي منه . . .


أجـــطـــلـــهـــا جـــطـــل عليهم وقول ماني معطيكم الـــمـــوتـــر . . .


صـــدقـــنـــي . . .


الـــطـــيـــبـــة مـــا انـــفـــعـــتـــنـــي . . .

[برق الجهمه]

سلامات وش اللي يطعس به
والله ياخوي مشكلتك انك طيب بزياده
والطيّب في هذا الوقت مايعيش ويصبح صيد سهل لهالاشكال
فيه بيت يقول
يدك لامدت وفا لاتحرى وش تجيب
كان جاتك سالمه حب يدك وخشها

الى مع الطيب واللي يستاهل
ولوهو يعزك صدق ماكان جاب لك الموتر مغبر وحالته حاله

[طائي الجبل]

طلع جيب شيروكي
لا وصيك لاتبخل به على أحد حتى اللي يبي يطعس بشرط يرجعه سليم وبه ربع بنزين
ربنا يوفقك أخي

[ال-رايق]

أبشر بالفزعة::::::::::---
عطني وكالة عليه .. وعندي لك مظلة..
أو------------ ابشتريه منك --------- وحط صورة من المبايعة على الباب---------
أو -------- تعذر بساهر ------------ أو----------دبر نفسك بكلبشة سيارات وكلبشه
لو تصنعها من البلاستيك والمنتدى فيه من يعطيك الطريقه---------- رجال ما يطلب سيارة لغرض عائلي ضروري ((ضرس اعلى ياكل ولا يبغى يوكل عليه))..والصديق المخسر عدو مبين..

[أميرالعشاق]

اخي الكريم...إذا كان (أعز أصدقائك) يقول لك:
أعطني سيارتك أروح أطعس!!!
فهذا لا هو صديق..ولا هو عزيز..:)
و لو أنه (أعز أصدقائك)...ليش تشتكي منه..؟؟!!

[ورد طائفي]

خذها مني ، وأدري والله انها ثقيلة !

الطيـب له حدود !

والطيب ما يعطى إلا اللي يستحقونه !

وبعض الطيب ( رخامه ) !

فانتبه لا تصير رخمه ، وتحط حلالك بيدين ناس يمكن انهم من وراك يضحكون عليك !

أنا ما أشكك في ربعك ، لكن الطيب الزايد ما له سنع !

اللي يجيك يقول لك ابي السياره ، قل له بصريح العباره ( والله انك على العين والراس ، لكني تعبت من كثر ما اعطي موتري للناس ، وكل شوي وانا اصلح فيه ، لذلك اعذرني )

قلها بعين قويه ، لاتقولها وانت مستحي ! الحلال حلالك !

والخجل موب للرجال . . لخواتهم !

[الكلاسك]

هذي سالفه من التراث حقيقيه :

واحد كان عنده حمار( الله يكرمكم ) يستخدم في الحمل والحرث وهكذا وتخبرون اول الحمير كنها لكزس :p
يوم من الايام كان الحمار داخل في حوش البيت وصاحبه جالس برا :good2:
جاء واحد من اصدقائه عل قول خوينا ( من أعز اصدقائي :D) قال ابي الحمار اللي عندك ابي اشيل عليه واحرث ووو
قال صاحب الحمار : الحمار بعته ما هو فيه :mad: ماهو فيه:mad:
شوي ولا الحمار يناهق ويطلع صوت :(
قال الصديق ( اعز الاصدقاء :p) هذهو موجود الحمار ليه ما تعطينيه ؟؟;) يقال له كفشه
رد صاحب الحمار: انت لك عذر ؟ ولا حمار ؟ :mad:
قصده : يعني انت مالك عندي شي مالك الا اعتذر منك :good2:
اذا حلالك غالي عليك لا تعيره احد عشان لا تمغص بطنك
انا خسرت سيارتين وحده تشليح والثانيه قرقعه بسب الطيابه والرخامه سمها ما شئت :mad: :mad: :mad: :mad:
تحياتي

[turkiq]

1- لا تعطي موترك لاحد ابد الا اخوك ابن امك وابوك ... هذي حطها في بالك زين


2- لا تحرم نفسك من حلالك بسبب هالنوعية من الناس .... ماركة ابو ديك


3- اذا مرة استحيت ولا قدرت تكرشهم قول لهم اذا جوك "الموتر خربان وذلحين بوديه الورشة"
ولو رمى كلمة ينقدك فيها او حتى عطاك نظرة ... اكرشه وانت قوي مثل الاسد اللي يكرش الضبع

4- لاتسمع لبعض العالم اللي يقولك عيب وتحمل ومن ذا السوالف الفاضية (سوالف مراهقين)
واحد يكسر حلالي واقول عيب !!! وليش ما عرف العيب هو ؟؟ (بس اسأل نفسك هالسؤال دايما)

[الكلاسك]

1- لا تعطي موترك لاحد ابد الا اخوك ابن امك وابوك ... هذي حطها في بالك زين

احيانا يجيك بعضهم العن من غيره :D:p
2- لا تحرم نفسك من حلالك بسبب هالنوعية من الناس .... ماركة ابو ديك

يا سلام عليك :good2: :good2: :good2: :good2:
3- اذا مرة استحيت ولا قدرت تكرشهم قول لهم اذا جوك "الموتر خربان وذلحين بوديه الورشة"
ويكون افضل لو حسسته انه تكذب بعد :p
ولو رمى كلمة ينقدك فيها او حتى عطاك نظرة ... اكرشه وانت قوي مثل الاسد اللي يكرش الضبع
عدد سكان العالم ترى 7 مليار ما يظرك تخسر واحد:p

4- لاتسمع لبعض العالم اللي يقولك عيب وتحمل ومن ذا السوالف الفاضية (سوالف مراهقين)
هذا مثل وحكمه اخترعوها االنصابين :D
واحد يكسر حلالي واقول عيب !!! وليش ما عرف العيب هو ؟؟ (بس اسأل نفسك هالسؤال دايما)
اذا الصداقه او المعزه انا اللي مساهم فيها بنسبه كبيره بلاش منها :good2:

تعجبني يا ذيبان :good2: :good:

[turkiq]

اذا الصداقه او المعزه انا اللي مساهم فيها بنسبه كبيره بلاش منها :good2:

تعجبني يا ذيبان :good2: :good:

^^^^
الاجمل تعليقاتك اخوي ... تسلم :)

[ولد روووق]

هي فضيحة من جميع النواحي

[3اصفار]

السلام عليكم ورحمة الله وبركاته
الى اخي الكريم وجميع من يجامل هذا الرجل يدور حل وسط بحيث انه ما يزعل اقاربه واصحابه ومن يعز عليه
1- انا اقول اذا جاك احد ذكره في مكاتب تاجير السيارات ما خلت على احد قاصر فيها ما يريد جيب شروكي او تويوتا او نيسان او اي سياره في باله ياخذها ويعمل بها ما يشاء لو يبغي همر موجود يكشت يطعس يسافر يوقفه عند البيت كشخه .
2- الدنيا تخوف اليوم يمكن ياخذها لمقاصد اخرى وانت تفهم كلامي .
3- اذا مافيه مفر فيازين التفويض من المرور حتى تسلم من ساهر او اي مصيبه لا قدر الله حتى لو انكر من مصيبته يكون التفويض هو الشاهد والتفويص خله له فتره بعد ترجيع السيارة حتى اذا صار عليك مخالفه والتفويص ساري تكون عليه تسجل وهذا كلام مجرب .
تقبل مروري والله يوفقك

[أبوهشام2]

الشباب أفادوك
لكن بأعطيك نصيحه أي شي يزود عن حده ينقلب ضده
الطيبه زينه لكن إذا زادت عن حدها انقلبت إلى غشامه
وإذا أنت تقول اعز أخوياك هذا يعني إن مابينكم رسميات في الكلام
والحق حق رجع الموتر مثل ما أخذته

والرجال اللي طلب الموتر عشان يطعس فيه ما إستجرأ يطلب هالطلب إلا لما شافك مسبل الموتر وما ترد أحد

ولازم تعرف إن فيه نوعيات كثير تطبق قاعدة حلال مهوب حلالك جررره على الشوك
وأنا شخصيا متلسع كذا مره من هالنوعيات
مره مرجع لي الكفر متصلخ لاحظ من دون ما يعوضك
ومره يآخذ الموتر مفلل ويرجعه ع الصفر
ومره يآخذ الموتر نظيف ويرجعه وصخ
في النهايه صرت أكرش
واللي مايقدرك لا تقدره

وشوله تعور راسك وتقعد تطق هواجيس؟
لو يصير أي شيء أنت المسئول أمام الجهات الحكوميه

[نور آلقمر]

والله ياخوك اكرشهم ،، الي مايقدرك لاتقدره

وخلك ثقيل ،، وكل يوم صرف الين يفهمون انك تحتاج الموتر

ونصيحة لاتفرط في الموتر ،،، ولاحتى تبيعه خله عندك

[ابا الصلابيخ]

اخوي

اللي يجيك ويقولك ابي السيارة هذا مايستحي ولا بوجهه حياء
الا ان كان يبي يروح للمستشفى يعني حاله طارئة

اما ابكشت او ابروح للبر مع العائلة او خابرلي طعس ابكشت فيه

هذولا اهل المصالح طقها بوجهه ولا عليك منه

اصلا الرجال المضبوط مايجيك با الطرق هذي ولا عليك منهم

خلهم يقولون عني نذل ولا يقولون مغفل ولا دلخ

يعني اعطيك السيارة واصير رجال وان ماعطيتك اصير نذل

يالعنبو التفسيرات هذي ماعليك اضربهم بعرض الحايط

هذي عالم جحلط عايشه على الغير وتتونس على حساب غيرهم

[عويل الذيب]

الله يكوون بعونك اخووي

[مهندس مكشات]

وقف موترك بعيد عن البيت

[ال-رايق]

طلع صورة للجيب ونعلمك هو يستاهل
,,
لكن قه في قلب ما يفقه

[أنجليتا]

الله يعينك
السيارة شريتها بمالك والمال ما يجي بسهولة
لا تجامل نهائي
اي شخص يطلب سيارتك قل اسف ما اقدر
هم حريصين على اشياءهم
بس ما يحرصون على اشياء غيرهم
هذه طيبه في غير محلها
لا تجعل الناس تستغلك وتستغفلك
المؤمن كيس فطن
حافظ على سيارتك وكن حازم حتى مع اقرب الناس لك
والله يوفقك

[مركز الثقل]

بعه بكلب سرق اهلة

[mjjjed]

افادوك الاخوان الله يحفظهم وعندي مداخله تعديل بسيط على البيتين اللي اوردها اخوي عناز الحره في بداية الموضوع بعد اذنكم
لي صحيبآ كهكهاني وانا مثله كهكهيت****ان طلبته ماعطاني وان طلبني ماعطيت
والله ىقويكم جميع

[دلهميز]

ما عندي جيب الحين ... بعته قبل فترة

لكن ايام كان عندي ( والحين لو شريت ) لو يطلبه اي رفيق لي او زميل عطيته وشكرته على انه تعشم بي

وان امدان عبيت بنزين فل وحطيت له العزبة ان وافق

مرة عطيت واحد من الاخوان ورجع السيارة مغسولة ومعباة بنزين وشرهت عليه وعاتبته

وطلب مرة اثنين من الشباب جيبي يحجون عليه وكان كل واحد منهم عنده جيب وعطيتهم اياه وانا والله مبسوط وشاكر لهم حسن ظنهم

ومرة عطيت مصري جار لي سيارة سبير عندي واستخدمها حوالي شهرين وطلبتها منه ورجعها ونفسه شينه ( الله يغفر له ) ولو طلبها مرة ثانية عطيته

اقول هالكلام ماهوب مهايط او استعراض ( ما احد يعرف اسم دلهميز من هو ) لكن ضيق صدري يا اخواني اندثار المكارم والمراجل والسخاء واحتساب الاجر في عالم الناس اليوم وحسبنا الله ونعم الوكيل

[E Teacher]

ياطويل العمر والسامعين
والله اذا طلبني الجيب في حاجه تستاهل يبشر ومن عيوني مثلا سيارته بالورشه ومحتاج سيارة له وللعائله من عيوني ولا تغلا عليه والرسول عليه الصلاة والسلام قال كان الله في عون العبد مادام العبد في عون اخيه .
اما اذا كان يبغا يكشت ويستانس مع ربعه الله لا يهينه يشتري له موتر ويكشت على كيسه ويترك الدنفسه وقطة الوجه . واتركك من اللي يقول عطه عطه وراك انت بخيل لا بالله لا تسمع كلامهم الناس صارت ماتستحي ولا في وجوههم حياء الا من رحم ربي وسلامتك وسلامة الحاضرين والدنافيس لا

[ابوفهيدان]

واحد من الشباب موتره 2010 فكس ار
ماصار له اسبوعين
جاه واحد وقاله ابي اطلع انا والاهل بموترك اذا مافيها كلافه
نبي نتمشي مع المدااام بالبر ونكشخ كم يوم

يقوول صاحبي بغيت انفجر وصرفته بادب

[مهاجر البحار]

اخي العزيز
سوى مفتاح امان خاص لك
يعني مايشتغل الجيب الا واحد يعرف خطوه معينه فقط
عند كهربائي وياليت الكهربائي مو من نفس المدينه الى انت فيها :f

[قلب الرحلة]

اسمع يالطيب الحل عندي وبكل بساطه لانك ان كرشتهم فشيله وانا اعطيتهم غميضه !!

الحل والفهيم يفهم كل ما جوا يبون الموتر قل لهم ابي اطلع اهلي اليوم او اخوي طالبه مني ومن هالكلام

وبيفهمون القصد والوجهه من الوجه ابيض !

[حلم البحر]

السلام عليكم

أبغاكم تساعدوني بتصرفيه أو أبيع الجيب بصراحة محتار

ربي انعم علي بسيارتين ولله الحمد و انا حاط الجيب بس للطلعات البر والبحر

ولكن المشكلة في زملائي + أصدقائي + الجماعة + الجيران

كل شوي يطلبوني الموتر

بصراحة قمت أصرف فيهم ليس بخلا ولكن تتعب على الموتر ومن ثم يجي ياخذه ويمكن يخربه عليك

قمت الأحراج لمن يطلبه واحد من أقرابك

مواقف
1- واحد من أعز أخوياي أخذ الجيب و جلس معه أسبوع جابه لي وسخان ومغبر و
والبنزين على الصفر

2- واحد أخذ الموتر ورجعه لي والشنطة ما تفتح أنكسر القفل

3- واحد من الزملاء جاء طلبني الموتر يقول يبي يطلع يطعس مع أخوياه سلامااااات


هل تمرون بنفس الظروف والاحراجات وما هي الحلول المقترحة

وشكرا لكم

علما أن الموتر شروكي ---- غالي علي بالحيل

الله يعينك تبيهم يخفون عنك أذا جاءيوم الثلاثاء اطلب منهم دراهم قل انك محتاج الجيب ابصلحه
شف الرد وش يكون الله يهدينا وياهم ويمكن انت حبيب وطيب ومن باب الميانة يطلبونه منك

[أبوغمارة]

ودنا بالطيب بس الدهر جحاد طيب @@@ كل ماتخلص مع الناس كنك تغشها

[راس الخير]

مال الرفيق الي رفيقة الي اعتاز
اما نفع ولا بلاش الرفاقة
احدالنا في مكسر الساق معكاز
وحنا لة المعكاز في كسر ساقة
بعض العرب اسكب علي صحبتةغاز
وحرق غلاة ولا يهمك فراقة

[ناصح]

أخي الفاضل

هذا في الغالب تصير لمن عنده سيارتين

وحده للمشاوير
والثانية خاصة للعائلة والرحلات والكشتات ..

لكن الآن السيارات باهظة الثمن والصيانة وقطع الغيار لها تكاليفها ...اليس كذلك ..؟؟


السؤال هل هو الآن يريد أن يستعير السيارة عنده ضرورة ملحة طبعا لا..؟؟

لأن طلعة البر وتمشية العيال أو التطعيس كلها أمور ليست ضرورة ...!!

فلا أنصحك بالمجاملة معهم

أما الضرورة القصوى فلها أحكامها ..

الحل بارك الله فيك

أنك تعتذر أنك محتاج السيارة ( طبعا أكيد أنك محتاجها على طول وإلا لما اشتريتها بهذا المبلغ )

ثم بلباقة تحرجه فتقول أنت عزيز وغالي وش رأيك استاجر أي سيارة جيب وأنا أدفع لك ... ( طبعا لا أتوقع أنه وسيع وجه لها الدرجة ويجيب لك الفواتير )..!!:D

وبهذا عرضت عليه خدماتك وأنت لم تخسر سيارتك ..

[خالداللهيبي (ابو احمد)]

موضوع واقعي
وحقيقي واعجبني ومشكورين على الطرح


ولكن انا اقول راع الجيب بلشان بلشان خلوا هالموضوع بعيد


فيه باب ثاني للاااحراجات اللي يواجهها راعي الجيب
وهي
المتعطلين والمغرزين
والموضوع له جوانب كثيره الواحد مايشتكي من الفزعه فهي واجبه ومن الشيمه انك تقف للمتعطل
واللي مغرز لكن


احيانا تجد كارثه سياره مغرزه وعطلانه ومافيه واير
احيانا تكون في لزوم ضروري وتلقي اللي ينخاك وتقوله ابشر
احيانا تلقي اللي فضاويه وجهيل طارحين الموتر بمكان ماله داعي وكنهم مستهترين
والكارثه
مااحد يعذرك واليا نخوك الناس وين تروح واذا ماطلعت السياره اللي يعينك
توديه هذا واذا ماهو من الديره صعيه بتعزمه
ماتقدر تتركه


راعي الجيب وضعه يحزن

قبل كم يوم جانا راعي باص كبير مغرز يقول اسحبوني بالجيب
والله ماصارت وفيه ضرر على الموتر
راح وهو زعلان
هههههه


واحد والله بعد ماطلعناه من الرمله بعد جهد جهيد اتضح
انه كاسر العصا حق القير
ومخرب الجير بوكس
قريب المغرب
وش السواه

اههههههههه


والله تمر مواقف صعبه جداااااااااااا

[شايب السبيت]

اسمع يا صحاب الموضوع
هذولي لا يطلق عليهم اسم اصدقاء
هولآ اسمهم طفيليات ............ عايشه على طيبتك
لعلمك الصديق الصديق الي تلقاه وقت الضيق لا يزيدون عن اثنين ثلاثة بالكثير
البقية مجرد برستيج وحشو وكــــلام فاضي :)


يمكن اعطيه سيارتي العادية اذا هو ثقة واعرفه معرفه تامة
واعرف انه لو صار شي على السياره بيكون جمل ويشيل الحمل


اما الجيب حبيب قلبي الي دافع فيه شوي وشويات :D
فوالله ان يبطي عظم :good2:

وده انه عزيز ويبقى عزيز لا يطلبني الجيب ;)

[العاذر]

حبيب قلبي ..
طيبتك نادرة في هالوقت واحيي فيك ذلك
لكن من واقع تجربه لابد تعود لسانك كلمة ( لا ) في الوقت الذي تحتاجها فيه ..
والناس ما يعطون وجه للأسف ..
لكن ان يكون على حساب راحتك ودراهمك فلا يمكن أن تقبل ذلك ..
فيه ناس تستاهل يرجع الموتر مغسل وفل بنزين ولا تلقى أي عطل اطلاقا هؤلاء قله ..
إذا طلب الموتر مرة ثانية ما اسلمه الا وانا مشيك عليه لانه كفو ويستاهل ويقدر اللي يقدره

باختصار اللي ما يقدرك ولا يحشم موترك لا تستحي منه واعتذر منه ان رضا فهذا رجل وان زعل فقد بانت اخلاقه لانه ليس على المحسنين من سبيل ..
ولا تحاول ترضي كل الناس والله ثم والله ان تتعب ..
وريح بالك ولا يؤنبك ضميرك ابدا ان اعتذرت وستجد نفسك اعتادت وارتحت والسلاااااام

[ابو بدر العتيبي]

مثل ماقالو الشباب الي ما يستحي لا تستحي منه

[مستكن]

الله يبارك لك .
نفس الكلام ينطبق لو يكون معاك عدة تصوير اشتريتها من عرق جبينك ويستعيرها شخص ويستعملها غيرها ويردها لك فيها شئ وبكل برودة وجه (معليش)… لكن وجهة نظري
أقوله تضمنها لو صار لها شئ، والوجه من الوجه أبيض.
×