قارمن 162

[سيف الرياض]

اخواني هذي اول مشاركه لى معكم وابغى اسأل عن القارمن 162 رايكم فيه زين وسعره بكم

ولكم الشكر

[al3teeq]

هلا فيك سيف الرياض
من ناحية زين فهو زين بس سعره ماادري كم والشباب مارايح يقصرون

[المُوَجِّه]

كل واحد منا تعتبر له من أول المشاركات .



على كل حال

أقول نيابة عن أهل مكشات:

الله يحيي الجميع ، وش رايكم نفتح موضوع جديد في خيمة التعارف؟

[al3teeq]

لاتصدقه ياسيف الرياض تراه يبي يستفرد فينا هناك لاتروح لين يردون عليك فيذا

[سيف الرياض]

وينكم ياجماعة الخير

ما احد عنده خبر يا اهل الخبره شويه من وقتكم

[سيف الرياض]

وينكم ياجماعة الخير

ما احد عنده خبر يا اهل الخبره شويه من وقتكم
نسيت اقولكم
شكرا للجميع

[المُوَجِّه]

كاتب الرسالة الأصلية al3teeq
لاتصدقه ياسيف الرياض تراه يبي يستفرد فينا هناك لاتروح لين يردون عليك فيذا الله يهديك يا العتيق تبي تخوف الرجال ، وهو سيف ما ظنه يخاف ، وترى المفروض انه يخاف منك لأنك انت أكبر منا بكثير وأكبر دليل اسمك تقدر تقول لي وش معنى عتيق ، أحسن لك لا تلف ولا تدور .

وترى الرجال ( سيف الرياض ) ماهوب بزر صغير تلعب على عقله وتحكم فيه على كيفك .

وعلى كل حال كل واحد يتصرف على كيفه وهو حر بنفسه .

[السمح]

اصبروا يالربع على هونكم لا تروحون :D خلوا نهلي بكم ونرحب .. يالله حيهم ألف وبجمعتهم .. ونيابة عن بقية الأعضاء أقول حللتم أهلاً ووطأتم سهلاً ..
عاد الحين جا وقت الجد ،، :(
شف أخوي سيف الرياض جارمن MAP 162 رائع جداً ، ويتميز بحجم الشاشة الكبيرة مع وضوح في الحروف والأرقام ( يمكن اللي بالسيارة اللي تمشي وراك يشوفه :D ) ، ولكن من عيوبه كبر الحجم نوعاً ما ولكن فوق الطبلون مثالي ، وعيب ثاني إنه ما يشتغل إلا على بطارية السيارة :( يعني ما تقدر تنزل به وتشغله ، وآخر العيوب فيه إن الذاكرة فيه 2.5 ميغا فقط .. أما السعر فهو 1700 ريال يزيد قليلاً أو ينقص قليلاً .. وتستطيع التسوق لهذا الجهاز في دار موجه وموزعيه المعتمدون في مجمع الاتصالات ..
ولاجل عيونك هذه صورة للجهاز اللي يجي منه نوعين : الأول بأريل خارجي والثاني بأريل مدمج ..

http://www.garmin.com/graphics/gpsmap162lfbig.jpg

وإن بغيت اللي أحسن منه ونصيحة زينة فكر في MAP 176 الملون فهو يتسع لـ 3000 موقع ويمكن شراء بطاقة ذاكرة بسعات تتراوح بين 8 إلى 128 ميغا ، والسعر بحدود 2500 ريال سعودي .. شف صورته ..

http://www.garmin.com/graphics/gpsmap176176CBig.jpg

أرجو أن تجد الفائدة في هذه المعلومات المتواضعة ..

السلام عليكم

[المُوَجِّه]

كاتب الرسالة الأصلية السمح
اصبروا يالربع على هونكم لا تروحون :D خلوا نهلي بكم ونرحب .. يالله حيهم ألف وبجمعتهم .. ونيابة عن بقية الأعضاء أقول حللتم أهلاً ووطأتم سهلاً ..
أرجو أن تجد الفائدة في هذه المعلومات المتواضعة ..
السلام عليكم
وعليكم السلام والرحمة
المهلي ما يولي ’ ’ مرحباً بك وجعل علومك دايمن زينه تحري بالعلوم الطيبة يا جعلك تسلم . والله أني ما عاد أدري وش أقول تلعثمت وعيا الكلام لا يطلع .

وأقول: يازين جيتك لنا في ذا ( يا جعلك تسلم ) عز الله انك فكيتنا من موقفن ما ندري وش نقول فيه للربع اللي ........... البقية بعدين .

[سيف الرياض]

تسلم اخوي السمح على معلوماتك القيمة وتفاعلك الطيب وللجميع الشكر ايضاً

الحين وين اللي بيطلعنا

[سيف الرياض]

اخوي السمح وباقي الاخوه ابغى اسئلك فيه جارمن افضل من السابقين

سهل الاستخدام ورخيص وعملي شروطي واجد بس الكل يدورها
يعني واحد راح لمنطقة ما يعرف فيها شى كيف يمشي فيها ويدل المواقع الزينه وهل السابقين يوجد فيه خرائط مثل ما سمعت وتختار اي منطقة او تدخل الدسك ما ادري سمعت كذا ادوشتكم

مع الشكر والتقدير

[al3teeq]

ياهلا فيك والله يالسمح ( يا جعلك تسلم )
اخوي سيف الرياض
عندنا مثل يقول : البدوي يمشي وينشد .يعتي لازم قارمن { امزح}.
ــــــــــــــــــــــــــــــــــــــــــــــ
تقدر تقول لي وش معنى عتيق ، أحسن لك لا تلف ولا تدور

اماانت{ياجعلك تسلم} تراي عرفتك بس واللي يرحم والديك تراي ماعرف معناها لاتفضحنا
وبعدين تراي مانيب كبير اناكبر اصغر عيالك.

نجي عاد هالحين لطبايعنا قرب ادنك شوي






بعد شوي

























بعد شوي

























ماتلاحظ ان سيف الرياض شكلة جددددددددددددي مرة

تراي ماني من اهل مكة بس عيت {وشلون اكتبها} الدال تطلع هاه لاتعلق شف كل ماكتبته تطلع كدا>>>>>>

[سيف الرياض]

هلا بكم
تصدق يا العتيق الحين بس عرفت اسمك ما قدرت اقراه حاط لي 3 وشي ذي
بعدين انت تقول البدوي ينشد انت هات احد ننشده ونحرق الاجهزه كلها

وبعدين لا تشره علي حديث عهد بالكتابه
تحياتي لكم

[سيف الرياض]

اخواني دوختكم

ارجع مره ثانية واسأل عن قارمن Gps 2 plus حجمه صغير وحليو
اخوي معه واحد ويمدحة ما ادري وش مميزاته وعيوبه


ولا تقاطعون ترانا نفرح بكم

تحياتي للجميع

[احمد ناصر]

اخي سيف الرياض , انا جيت بعد ما انتهى كل شي وحتى لو جيت مبكر فلن افيدك في الموديلات الجديدة او في الموديلات التي تركب في السيارات لاني اجهل الكثير فيها.

اما بالنسبة لجارمن Garmin 2 Plus فانه من الموديلات القديمة وهو بدون خريطة ولكن تستطيع ان تقتني Garmin 3 Plus مثل حجمة والزيادة فيه خريطة العالم ورخيص سعرة وعملي الا ان ذاكرته اذا اردت ان تضيف اليه دقه اكثر من المناطق التي تذهب اليها فانه يستطيع ان يأخذ 1.4 م ب وهذه كفاية لوضع اكثر من 80 % من خريطة المملكة وما جاورها. عند اضافة المناطقة المطلوبة فانه يبين لك طرقات واودية وقرى وبلدات صغيرة غير موجودة قبل الاضافة. القيمة في حدود 1200 الى 1250 ريال.
عند العزم على شراء جهاز اي كان , ابحث عما تحتاج انته ولا تبحث عما عند الاخرين ثم تشعر بانك ندمت على ما اشتريت. اقتنع بانك تحتاج لهذا فقط ولا عليك من الاخرين , لان كثيرا من الناس يشتري الجهاز الفلاني على شان فلان معه مثله او يقول الواحد , لازم اجيب احسن مما عند فلان ولو لم تكن له حاجة.
بالنسبة الى كيفية معرفة الطريق او الوصول الى المنطقة المطلوبة فهذا يحتاج الى بعض الوقت والجلوس مع من يستخدم الجهاز قبلك ثم البحث عما تريد ان تعرفه وتسجيله على ورق ثم تسأل اهل الخبره.
ثم اني انصحك بشراء نسخة من تعليمات بعض الاجهزة الاخرى اذا لم يكون متوفر ترجمة لتشغيل جهازك وسوف تعرف كيفية الاستفادة مما باي جهاز جارمن اخر ( اقصد المبادي لمعرفة عمل الجهاز خذها من تعليمات اي جهاز اخر).

[سيف الرياض]

تسلم اخوي احمد وبيض الله وجهك

[al3teeq]

اخوي سيف الرياض ولايهونون الريع
الحقيقة انت حديث عهد وانا مثلك
نجي للجد:
انا عندي Garmin162 مركبه في السيارة بس والله مااعرف مميزاته اوعيوبة اخوك دلخ في الانجليزي لانه ماهو عربي ولكن مع دالك مبسوط منه قلي ليش يالله قل
طيب
يوجدكتيب موجود فيه احداثيات اكثر المواقع في المملكة باسمائها المعروفة حط الاحداثيات في الجهاز وتوكل على الله ونسبة الخطأ في الجهاز قليلة مرةلاتتعدى امتار
يقولون التكرار يعلم {الشطار} ماكنت اعرف الشاشات اللي في الجهاز ومع كثر مااخربط فية عرفت اكثر مميزاته ومنها انه ادا حطيته على الخريطة وقربت الخريطة يطلع لك موقعك اللي انت فية والمواقع اللي حولك وبالاسم وتقدر تروح الى اي موقع بواسطة سهم صغير يطلع في الشاشة تحطة على الموقع اللي تبي وتضغط انتر ويطلع لك احداثيات هالموقع ويوجهك اثناء السير له.
الحقيقة فيه شرح وافي للاخ السمح للجهاز Garmin GPS 3 لوترجع له تكون اخدت فكرة عامة عن الجارمن ككل. لان شاشاتها ماتختلف الا شيىء بسيط
شكرا لك سيف الرياض واتمنى انك تلقى الجهاز اللي يعجبك والمعدرة ادا مافدتك بشي.

[سيف الرياض]

تسلم والله ولا يسلم ردي العزايم


اشكر للجميع تفاعلهم والله ما ني قدر وش اقول بس شكراً لكم والف شكر

[السعلو]

أخي الكريم / سيف الرياض جميع الاخوة زوار زاعضاء منتدى مكشات

تحية عطرة ازفها لكم جميعاً واود ان اشارك بخبرتي المتواضعة في هذا المجال وارجو ان تكون المشاركة مفيدة :

اولاً من الصعب ان تقول ان هذا الجهاز هو افضل جهاز فالمقارنة نسبية و كل جهاز له مزايا يتفوق به على غيره ولكن انا ارشح (eTrex Vista) لأنه يتميز بالمميزات التالية :

حجم الذاكرة
24 ميغابايت حتى انه يتفوق على احدث الاجهزة مثل (GPS V) حيث ذاكرته 19 ميغابايت فقط

حجم الجهاز
هو اصغر جهاز حتى الأن

لا يوجد به اريل خارجي و مع ذلك فاستقباله جيد حتى داخل السيارة

يدعم الخرائط بجميع انواعها ( حتى خرائط المدن - المخارج - الاماكن المفضلة - العناوين )

سعره معقول جداً ( 1500 ريال ) وربما تجده اقل وستحصل معه مجاناً على برنامج المابسورس مع كيبل السيارة وكيبل التوصيل بالحاسب الالي

هذا الجهاز يستعمله شريحة كبيرة في اوروبا وامريكا و هناك مجموعات كبيرة على الشبكة تتبادل التجارب و النقاط بواسطة هذا الجهاز لذا فشركة قارمن تقدم دعماً لا محدوداً لأجهزة (eTrex) من حيث التحديث و التحسينات عليه

العيب الوحيد ( صغر الشاشة ) ولكن ان كنت اصغر من 40 سنة فلن تواجه مشكلة بهذا الخصوص

وتقبلوا تحياتي و تقديري

اخوكم

السعلووو