الفزعه لاهنتو

[الذيب المتوحش]

السلام عليكم ورحمة الله وبركاته

اخواني اهل الصقور

طيري مريض وابي فزعتكم بحكم خبرتكم والشفاء من عند رب العلمين
الطير مايرتفع ويتعب من المطير
اذا دعيته من مسافة كيلو يطير على حد الارض ويوقع اربع مرات قبل يوصلني ويلهث بشكل خفيف
الطير شكله من جميع النواحي مايوحي بانه مريض وعلى العلف مافيه كلام واكله طيب اشتريت له حبوب ديدان وفتامين وللحين مالاحظت عليه تحسن العلاج مستخدمه من ثلاث ايام
سألت صقاقير شيبان قالو احتمال يكون مرض طيرك ( النهيته ) وهذا المرض يقولون يذبح الطير وماله علاج الا اذا في علاج مانعرفه الله اعلم

رايكم لاهنتو
وهذا رقمي بعد اذن الاداره لعدم تواجدي المستمر في النت
0500363103من عنده فكره او معلومه يرسلها على الجوال وماله الا الدعوه الطيبه
وشكرآ لكم

اخوكم عبد العزيز

[مغاتير]

ان كان حولك اقرب عياده رحلها والله يشفيه
واحتمال يكون بداية قلاع او الطير ماهو مشنذر وصنيع
لاكن العلم عند الله وان شاء الله يتصلون عليك الصقاقير ماهم مقصرين

[(هزاع)]

اقرب مستشفى متخصص لاتتعبث بالطير ويعمي العازه كثر التطبب
الاحتمالات كلها وارده صنيع زياده او بداية اقلاع او الرئه او او او كثير
لك تحياتي اخوك هزاع

[saqr34]

اخوي هزاع انا كان عندي طير ومثل طيرك مايرتفع وكلمت صاحبه وقالي الطير هو فرخ مايرتفع وشريته وهو ثنو مع ان الطير علفه طيب ويعلف حمامه كامله

والطير شافه واحد من اهل الخبره قالي طيرك من الضعف مايرتفع وقالي ريحه خمس ايام وعطيه سمانه الفجر وسمانه المغرب لمدة خمس ايام وان شاء الله يتحسن وضعه وفعلا الحمد الله الان الطير اقطب له حمامه ماشوفه غير بالدربيل فوق بالنجوم .. ملاحظه يمكن الطير غير مجرود لجل كذا ما يرتفع ويتعب بسرعه

[المرقاب83]

السلام عليكم ورحمة الله وبركاته
اخوي على حسب كلامك اتوقع طيرك فيه حدا امرين
إما ان يكون فيه ضيق تنفس وعلاجه حبوب حق التنفس كورس خمس ايام
واما ان يكون خشم الطير مصكر والشي هذا يضايقه بالطيار والله اعلم

[قرناس شماالي]

مثل ماقالو الربع وده لقرب عياده
وفحص الطير

[شليويح511]

اخوي اذا كان طيرك يفح من دون اي جهد على وكره هذي هي النهيته اما اذا دعيته قام يفح يمكن يكون قلة لياقه فالطير يوجد حبوب للتنفس زينه للطير ويمكن فيه سدد في منخر الطير تأكد منالطير الله يشفي طيرك

[الحمش1]

والله اني ابي اقولك النهيته والله اعلم

[عواد الشمري2]

اخوي هزاع انا كان عندي طير ومثل طيرك مايرتفع وكلمت صاحبه وقالي الطير هو فرخ مايرتفع وشريته وهو ثنو مع ان الطير علفه طيب ويعلف حمامه كامله

والطير شافه واحد من اهل الخبره قالي طيرك من الضعف مايرتفع وقالي ريحه خمس ايام وعطيه سمانه الفجر وسمانه المغرب لمدة خمس ايام وان شاء الله يتحسن وضعه وفعلا الحمد الله الان الطير اقطب له حمامه ماشوفه غير بالدربيل فوق بالنجوم .. ملاحظه يمكن الطير غير مجرود لجل كذا ما يرتفع ويتعب بسرعه


:good2:مازيد على كلام الاخ

[ابن خذمه]

مساك الله بالخير .. النهيته والرداد وانا اخوك واضحه وبينه
تشوف عين الطير ومنخره يتحركون حتى واهو يكفخ .. لاكن طيرك سو له فحص منظار وان شاءالله انه يكون شي بسيط .. وحاول تفحصه فى مكان مضبوط او مستشفي متخصص .. او احتمال يكون جساس وسدد في احد مناخر الطير وخله يريح شوى وادع الطير من قريب الله يهداك .. تشوفه تعبان وتدعيه من كيلو .. واسأل الله ان يشافي لك طيرك

[الصقار الجديد]

ياخوان الطير اذا فيه انهيته ماله علاج الى رب العالمين

الله يعوضك اخير منه

[محراق]

سلام عليكم

كلام الاخوان سليم

لكن النهيته بينه انت شف طيرك يمكن تكووون مدهنته راايحه ويمكن تكوون فيه اوكسيديا هذا مرض مايخلي الطير يرتفع

وعسى الله يشاافيه....

[عواد الشمري2]

ياااارجال الطير مابه اي بلا ااااا بس قل لياقه وللحقه جوع الطير سليم مابه شي بس اشبعه وشكل بلعلف وحرص على الجربوع والجر>ي والعصفير وماعليك

[اقدم صقار]

السلام عليكم
اذا هالشي توه جايه فجأه فهذا قلاع داخلي عطه لمدة خمس ايام حبوب قلاع اول ثلاث ايام حبتين قبل العلف وريح الطير لا يرف جناحه
واذا هالشي من زمان يمكن مثل ما قلت ولاكن دق علي وانشاء الله بوصفك لك علاج
0554433520 ابو منصور
تقبل مروري