المساعد الشخصي الرقمي

مشاهدة النسخة كاملة : طيب لو طلبت أهل القصيم,,,, يردون؟


نص الليل
19/02/2006, 01:31 PM
معانا رحلة للقصيم لمدة 6أيام وودي منكم تعريفي بالمناطق المهمة
واللي تصلح للمكاشيت مع وضع الإحداثيات إذا أمكن

ولكم من الشكر أجزله
فنجال
19/02/2006, 02:54 PM
هلابك يانص الليل

بقولك عن الشئ اللي رحتله وشفته
منطقة الاسياح وقبه كلها ربيع وخير وشعبان وفياض وغدران وهي فعلا منطقه ;) ونيسه وهي من افضل الاماكن . والربيع وانا اخوك مايبغله احداثات وماجلان خط رجلك مع الارض والربيع . والامر لك
تحياتي
اخوك فنجال
عنـاد
19/02/2006, 04:22 PM
متى رحلتكم لاني مشغول الان شوي وابجي في الليل ان شاء الله اوثق لك اللي تبيه مع اني منيب من اهل القصيم
بس توي جاي من مكاشيتهم
أبو خاالد
19/02/2006, 04:55 PM
هلابك والله يا أخوي نص اليل00

نصيحه لاتتعدا الحصبيات00
عنـاد
20/02/2006, 02:21 AM
شف يا حبيب قلبي

اطلع لم قبه همن خذ يمين مع الطريق العام وامسك المزفلت لين ينقطع همن تبي تجيك مطينه امش معها لين تطيح في ديرة اسمها طراق
همن بار النفود خل النفود يمينك وباره وامش بوجهك وتجيك الفياض الزينه وانت ماشي بوجهك تبي تجيك فيضه فيها وايت واقف خربان
وفيها مزرعه ومحطه قديمه خلها يسارك وبار النفود بوجهك اللين يجيك خط مطين على يدك اليمين امسك واطلع معه لين ينقطع همن امش مع الدبايات كلها تروح لمكان واحد شمال شرق وتبي تطيح في خد كله خزامى ما عندك باحسن منه قبل سامودة شوي
و كان تبي الاحداثيات عطني خبر
نص الليل
06/03/2006, 11:49 PM
الأخوان فنجال,عناد,أبوحالد مشكورين على ردودكم وآسف لعدم الرد في حينه لتعطل الموقع
لكن رحت القصيم وتمشيت وللأسف لم أوثق الرحلة بالصور لأن معنا ناس يادافع البلا معقدين من التصوير ماعلينا والله المنطقه حلوه خاصة طريق حايل يازينها والمزارع في عنيزه والبكيريه وعموم المنطقه ممتازه واللي كسبته أني شريت مايسر الخاطر
مرة أخرى لكم جزيل الشكر.