استفسار عن محلات تفصيل الشرع والطرابيل لخلفية السيارة

[وكيل النيابة]

سلام عليكم ورحمة الله وبركاته

إخواني الكرام أعضاء مكشات الغالين..

أرجو إفادتي عن أفضل محل لتفصيل الطرابيل والشرع( جمع شراع ) لخلفية السيارة ..


في مدينة الرياض سواء في الغرابي أو غيره ..

علماً أن الجاهز الي عند السنيدي ما صلح لي لأن لي طلبات خاصة!!

مع شكري مقدماً لتفاعلكم ،،،

[وكيل النيابة]

أعتذر !!!

ربما كان محل هذا الموضوع خيمة تجهيزات السيارات!!

آمل من المشرف الغاء او اقفال الموضوع ..

وشكرا ..

[عاشق السيل]

وعليكم السلام ورحمة الله وبركاته ،،

بالعكس موضوعك وطلبك في محله المناسب ،، أنصحك وبقوة تروح لمحل اليوسف بحي الريان شارع الإمام الشافعي ،، فيه البنقالي عبدالحميد قله أبي أسوي تلبيسة للشنطة بالمواصفات هذي وماراح يقصر معك ،،

شغله ممتاز ونفسه طيبة وسعره معقول وخبرته قديمة وكل أنواع الأقمشة عنده ،، لاجزمت عطيتك الوصف !!

وبالتوفيق يالغالي .....

[وكيل النيابة]

سبحان الله أخي عاشق السيل ..

تصدق ان محل اليوسف بجانب بيتي ولم أفكر فيه إطلاقاً !!!!

كان تفكيري رايح للغرابي وبس .!!

عموماً انا شاكر ومقدر مرورك الكريم ومشورتك ..

[1971]

وعليكم السلام ورحمة الله وبركاته ،،

بالعكس موضوعك وطلبك في محله المناسب ،، أنصحك وبقوة تروح لمحل اليوسف بحي الريان شارع الإمام الشافعي ،، فيه البنقالي عبدالحميد قله أبي أسوي تلبيسة للشنطة بالمواصفات هذي وماراح يقصر معك ،،

شغله ممتاز ونفسه طيبة وسعره معقول وخبرته قديمة وكل أنواع الأقمشة عنده ،، لاجزمت عطيتك الوصف !!

وبالتوفيق يالغالي .....




بعد اذن اخي الكريم صاحب الموضوع / وكيل النيابة

اخي الكريم عاشق السيل

اذا تكرمت فضلا لا امرا تعطيني الوصف

لأن لدي يوكن قصير وابي اعمل الشنطة عنده بما انك مدحته

تقديري لصاحب الموضوع / وكيل النيابة ولك اخي الكريم عاشق السيل

[عاشق السيل]

بعد اذن اخي الكريم صاحب الموضوع / وكيل النيابة


اخي الكريم عاشق السيل


اذا تكرمت فضلا لا امرا تعطيني الوصف


لأن لدي يوكن قصير وابي اعمل الشنطة عنده بما انك مدحته



تقديري لصاحب الموضوع / وكيل النيابة ولك اخي الكريم عاشق السيل


تامر أمر أخوي وآسف على تأخر الرد لأني أمس طالع للبر !!

اطلع من مخرج 13 باتجاه الشرق ( طريق خريص ) وعلى طول امسك الخدمة وأول إشارة ( هوندا ) عديها واستمر قدام حتى يجيك أسواق السدحان على يمين قبل إشارة خالد بن الوليد وقبل السدحان فيه شارع يدخل يمين اسمه الإمام الشافعي ،، ادخل معاه يمين يصير وجهك جنوب وبعد 500 متر تقريبا يجيك المحل على اليمين ،، والله يوفقك والجميع .....

[dge]

غريبة انا رحت وتعامل البنقالي كان سيء جداا واخر شي تمشكلت معه لسوء الفاضة وضطريت اجيب الشرطة ،، ولا يبي يفصل على كيفه اقوله انا ابي كذا يقول لا سلامات وين عيشين ...

[saqer-aljazera]

أخوي فيه محل الكشاتة وهو عضو بهذا المنتدى
عندهم خياط يمني سمح بالحيل .. وانا جربته في ترميم بعض أغراضي ....
وتعامل الاخوة هناك مع الزباين كل تقدير واحترام ..
من تجربة عدة مرات ...
وطلبت منهم خياطة خلفية لليوكن قالوا ابشر ... وبالشكل اللي تبيه ...
انصحك تمرعليهم ...
والوصف تجده في توقيع صاحب معرف : محل الكشاتة

[سهم نجد]

اليوسف للخيام أو الكشاته

واليوسف افضل في نوع القماش والسعر وافكارهم حلوه

انا ماخذ من عندهم خلفية للسفاري معدلين عليها الزوايا حقت الرفارف ومضيفين دروج للصابون والدروج اللي على جنب اكبر من حقت السنيدي والحزام اللي يربط فوق قوي وممتاز جدا والسعر اقل

حقت السنيدي غالية وما تنفع برياااااااال

[ndsm]

انا اخذت تلبيسه فورتشنر من برق الحيا ب 260 ريال
والله ماتنفع بريال
ان شاءالله بمر لليوسف اليوم واقولكم وش بيصير معي

[المخضرم]

حقيقه شغل اليوسف مميز
وجدة لديهم جاهز تايلندي ..شغل قوي ونظيف

جيب لاند 2008

[محلات الكشاتة]

ياهلابك
واشكر كل من نصحه
بالذهاب لدينا
والمحل محلكم
والوصف متوفر في توقيعي

[ملك نفسه]

وين محل اليوسف فيه ؟؟؟؟؟

[abu juod]

تفضل أخوي هذا كرت لمحل اليوسف طريق خريص تقاطع ؟؟ نسيته لكن
بشارع اللي موجود فيه مستشفي اليمامة اول ماتدخل الشارع يجيك ع اليمين
بعد محلات كروت الأفراح ،، صراااحه شغله طيب وافضل شئ خذ لك شراع جلد ضد الماء


http://imgur.com/yz7FEXS.jpg

اتمني أفدتك ...

[ملك نفسه]

مشكور وما قصرت أخوي abu juod

[منير البقمي]

غريبة انا رحت وتعامل البنقالي كان سيء جداا واخر شي تمشكلت معه لسوء الفاضة وضطريت اجيب الشرطة ،، ولا يبي يفصل على كيفه اقوله انا ابي كذا يقول لا سلامات وين عيشين ...

والله انك صادق قريت عنه هنا بالمنتدى ورحت له حصلت بنقالي نفسيه معنى الكلمة
مع العلم اني اتكلم معه بكل احترام لكن للاسف لكن يقول المثل (يمدح السوق من ربح فيه)
يمكن انا ماتوفقت معه بس دلوني الشباب على عروق الشمال ببريده عند واحد اسمه عارف تخصص شراع شنطه صراحه يستاهل العنوة