استفسار عن تفصيل شراع خلفية السيارة ..

[وكيل النيابة]

سلام عليكم ورحمة الله وبركاته

إخواني الكرام أعضاء مكشات الأعزاء

أرجو إفادتي عن أفضل محل لتفصيل الطرابيل والشرع( جمع شراع ) لخلفية السيارة ..


في مدينة الرياض سواء في الغرابي أو غيره ..

علماً أن الجاهز الي عند السنيدي ما صلح لي لأن لي طلب خاص وهو تفصيل شراع لخلفية السيارة مع بقاء المرتبة الثالثة ..

اذا فيه احد سبق له تجربة ذلك فسأكون له من الشاكرين على توضيح تجربته وهل نجحت وما السلبيات فيها ؟؟

مع شكري مقدماً لتفاعلكم ،،،

[مواطن]

السلام عليكم

بالنسبة لي جربت كم محل وافضلهم اليوسف الي بحي الريان شارع الشافعي

[وكيل النيابة]

والله يا أخ مواطن .. وقعت على الجرح !!

اليوسف جنبنا !! ولا عندي نية أمرهم تفكيري منصب على الغرابي فقط ..

شاكر لتنبيهك ومرورك اخي الكريم..

[ابوكريم9834]

اليوسف للخيام قماشه كويس وسعره مناسب جدا

[ابو شلش]

اليوسف وبس انا مجربه للاف جي تلبيسه للشنطه والقير واسعاره مناسبه نفس اسعار السنيدي علما ان شغله تفصيل ويامن اشياء جديده موب مثل تلابيس الاف جي اللي ما حصلت الا اسود حصلت عندهم تنزاني

[بدر سليمان]

السلام عليكم
إذا اليوسف نفسه اللي بخط المية بالروابي "وانت بإتجاه الدائري يجي على اليمين " فانا جربته وابذكر الميزة والعيوب.
الميزة هي سعرة مقبول وقماشه جيد رغم أن القماش اللي جربته صيني "ولايوجد عنده الا صيني وقت تفصيلي".. اما العيب فهو جودة الخياطة مهيب ذيك الممتازة.. يعني شفت كم سيارة مفصلين بمحلات غير مشهورة بالغرابي احس انه افضل مع العلم ان السيارات اللي شفتهن برادو وانا جربته على باثفندر..وحاليا غيرت سيارتي وجالس ابحث بالنت عن ناس مجربين ولقيت هالموضوع وقلت ارد..لكن الشهادة لله تعامله جيد ومواعيده جيدة على ما اذكر..

ومشكلة الجاهز مايكون مثل مايناسب الشخص فانا أفضل التفصيل حتى لو مهوب ذاك الزود على الجيد الجاهز.. بس يازينه لو يجتمعن تفصيل وزين.. اسف للإطالة بس من لي ساعتين وانا ادور بالنت ادور كم شغله منهن التفصيل والله يوفقك.

[XTERRA -2010]

أخي عندك الكشاته ممتازين

وبالنسبة للي أنا مفصل عندهم للفورتشنر والمرتبه الثالثه فوق التلبيسه